笑笑居樂屋 (已結業)

之前已經想去試o下...o尋日下晝去o左吃午餐。大概12:30去到...因為剛開門，店內沒有多少人...和朋友共3個人，坐在近後門的一張卡位...服務生都很殷勤和有禮貌！午飯套餐有12款選擇，配沙律、三文魚刺身、前菜和飲品(7款選擇)。風格和"和民"很像，價格也差不多，不過上菜就快多了。我自己點了和風炒烏冬定食，今天的前菜是凍肉碎薯蓉，沙律是凍豆腐，配了凍咖啡。朋友則分別點了燒牛肉定食和日式三文魚碎炒飯定食，賣相都不錯，燒牛肉定食是有個爐自己燒的...不過呢個定食個盤真係好大...D枱已經比好多食店大張...但都擺o左四份一張四人枱...再加埋前菜、飲品，張枱都好似唔係好夠用...另外仲加o左個香蔥吞拿魚腩壽司(6件)。整體上味道唔錯，份量亦足，不過炒烏冬冇咩特別，下次會試其他款式o既o野...