笑笑居樂屋 (已結業)

其實之前一直都只是去開某某連鎖式居酒屋, 但經過瓊華商場, 又再看到笑笑的招牌, 既然沒試過, 女朋友又想試.......第一個印象是不用等位, 而且人不多(當時正值吃飯的黃金時間), 坐了一個卡位, 想當舒適!菜式的選擇方面相當的多, 我和女朋友叫了一個煙肉芝士串, 蛋包飯, 芥辣章魚, 一個燒豬頸肉等!!芝士串只限我覺得好吃, 因為女朋友說太膩了, 蛋包飯, 水準一般, 不能和日本地道的蛋包飯相提並論!芥辣墨魚, 我很喜歡, 女朋友也說感覺很新鮮, 另一個燒豬頸肉, 竟要自己動手......我最討厭就是這種居酒屋的自助燒烤!(最主要我覺得難控制), 女朋友倒吃得津津有味!食物整體水準OK!服務不錯, 而且可能顧客不多, 坐多久也沒人「催」是三五知己傾計的好選擇!價錢也是大眾化!如果於吃晚飯黃金時段想去居酒屋又不想等位, 不妨想想笑笑!

我係16號既時候同d同事去左呢間笑笑食Lunch...入到去既感覺都唔錯, 環境係OK的, 而我呢次Lunch既主角就係三文魚刺身蟹籽飯Set...整體上個Set都好似幾Full...有前菜, 味噌湯...但味道一般...價錢就唔樂觀, 佢刺身唔係好多.我覺得佢地d侍應真係好遲鈍的, 明明係冇人架個場...但係我都唔知點解我叫左5次要沙津醬佢第6次先囉到黎...唉...而最攪笑既地方就係佢地d餐茶, 我見佢個MENU寫到咁靚, 咁我就叫左杯凍檸檬紅茶...佢送到杯野飲黎時, 我一入口就覺得d味怪怪既, 都唔係standard凍檸茶味...飲多幾啖..."叮"...原來呢杯係"巢檸"...真係頂佢唔順...佢重要插塊檸檬係面扮曬野...真係呃鬼食豆腐=.=最後賣單找數要$72蚊, 連加一...= =我覺得以晏餐黎講咁既價錢食d咁既質素就真係唔係好抵囉, 呢份餐真係唔值咁既價錢...第2到同等食物級數既餐廳我諗會平佢好多同好佢好多, 我諗下次都唔會再黎lu.

11 September 2006 (Mon) - 晚飯第一次黎，原來格局有啲想做到似和民，入到去感覺非常好，燈光頗暗但有幾有情調，我都OK鍾意！但係我同好朋友喺睇完餐牌後，真係揀黎揀去都搵唔到啱心水既食物，就好似樣樣都唔啱食咁，我覺得佢係好想做到和民咁，但係郤唔夠和民既食物吸引同豐富！我哋好辛苦地叫咗個北海道唔知乜鬼pizza，一個牛油帶子，同一個魚生飯share食，其實原本我兩真係仲想再叫，因為唔夠飽，但係我哋睇咗個menu一陣，都係放棄咗order，因為搵唔到好食既嘢！終於叫咗一個綠茶一個豆腐雪糕，但係真係麻麻，因為好散，一畢就散，雖為kida garden 既ice-cream，但我就覺得唔好食！反而我哋叫既熟食都真係OK，魚生飯只係一般，冇乜特別，但夠飽肚．．．唔會再黎，雖然值得一讚佢既格局同氣氛，但論食物，我只可以比一般佢！

一行四人去笑笑居樂屋吃晚飯。想不到旺角分店的食物水準和服務態度, 竟不遜色於銅鑼灣店呢!很好。<(￣︶￣)>嗯, 先說說那兒的食物吧! 石頭炒飯: 這個是我最欣賞的! 因為它辣辣的, 味道很香,而且飯又不會太乾或太濕!泡菜的份量也不少!簡直是一試難忘啊!(≧▽≦)三文魚刺身: 雖然體積較小, 不過厚度是可以的, 口感不錯, 也很新鮮~* 順帶一提, 這裡的wasabi 很夠味道, 夠辣, 配壽司和sashimi 也很棒!日式燒餅: 燒汁很濃!味道不錯!底部是有類似公仔麵的東西的, 很有趣~* 木魚的份量也挺多的日式芝士年糕:這個軟軟的,口感不錯。夾了一些菜, 是因為不想只有芝士那麼膩吧!炸雞軟骨：侍應端這個來的時候, 還是很熱的, good!味道也很不錯啦!只是油多了些...幸好附吸油紙。牛油帶子：這個我覺得味道是有點淡(是因為我吃慣了濃味食物嗎?_?) 海膽/三文魚子壽司：一句話,很鮮味!總的來說, 我覺得這裡的食物基本上也很棒呢, 我們一家人也很滿意! 感覺上好像比和民的還要好吃呢... 另外服務態度也很不錯啦, 侍者總是在身旁走來走去, 替我們下單或是忙著斟茶,

第一次去成班同學聚會on 29/4,食唔真而且唔飽!第二次on June同老友食又貴又難食~啲人服務又差!但不是黑面嗰隻!係叫極唔來...但又唔忙仲落錯單!WASHABI麻辣章魚賣相不討好但味道唔錯,但要唔怕辣!和民質量好得多(沙田除外服務差!!!)

上個禮拜去o左旺角笑笑食o野、D壽司飯好難食~魚生一D都唔新鮮又細粒、總之就價錢與品質不相符、而我同個friend先後order o左同一杯飲品但就完全唔同味、好心啦!呢間公司o甘大又講到o係日本有幾勁唔係連呢D最基本o既訓練都無o下,呢樣都算La最離譜就係日本出名好禮貌、但我發現呢度D人真係又聾又唖(由其係紅色Tie o個個肥妹)

一排冇幫襯,,上個星期出黎旺角睇戲,,買左飛就上去食LUNCH喇WOW..加晒價LU,,以前的SET好抵食,,而家有D款冇左,,加左好多貴既,, 前菜個三文魚刺身都冇埋..連叫開既燒牛肉SET都冇埋=[豆腐仍然係好滑=] 唔加醬就最好食喇MAIN MENU個DRINK LIST好似少左野,,不過最愛既2杯紫色既仲係度=]我諗我都唔會去LUNCH LU!!貴左好多,,以前真係好抵食! DINNER就會既而家..始終佢坐得舒服,,又企理,,唔會太令人失望

依排都好想食魚生飯,而男朋友曾於數天前與友人開顧過,話d野都ok,所以就去食dinner.一上到去見到有幾名人士等緊,大概係等緊大抬,而我同男朋友2個人就即刻有位入得,俾安排座卡位,但都幾嘈下,經常聽到附近食客既大聲講大聲笑.而且d油煙都幾勁下.叫左個雜錦刺身飯($78) , 日式年糕($3x) .等左一陣個刺身飯就黎,比想像中細好多,d刺身亦好少,好普通.見唔飽肚,就叫多個日式燒餅($38) .而個日式年糕開頭食都ok,但食食下吉爆左個蛋黃之後就超級唔掂,撈埋一齊食個感覺好核突.個日式燒餅太厚啦,一d都唔好食!好彩8點前埋單有8折.埋單$13x一定唔會再黎!!

由笑笑開0左之後一直都想去一次...睇0下佢同和民有咩唔同啦...終於..尋晚有機會去了...同行有2個不孝女(少少同娟娟)...當然仲有我0既貓老公..共4個人大約9點上到去...見到門口都有人等...以為要等好耐..可能我地抽煙啦...所以唔使5分鐘就有了...行入去店舖感覺都唔錯...幾有日本Feel..不過就暗過和民個0的燈光...(可能個地板深色掛..)開始唔係太like...一坐低..雖然自己都食煙...但係都覺得好煙...望0下餐牌...同和民差唔多...就多0的刺身...飯類..drink list都好多choice..經過一輪挑選..終於叫了..1)炸雞軟骨..少到可憐唔至..重要超咸...2)日本大排檔式炒麵飯...都ok..不過個沙律sauce多0左 0的同埋麵搵哂成碟都係得1,2條咋...3)帶子牛油...唔好提....呢個帶子真係...又多蔥啦.. 完全食唔到有味..0的帶子好似用滾水煮熟之後擺落 去咁...好難食...4)雞翼至串...仲以為會好過和民...點知上檯0的雞翼係 黑"蚊蚊"..仲要得2隻!!!有冇攪錯呀...和民都係$20 有3隻..

從太陽報閱得笑笑轉了新餐牌後, 便約了幾名同事於週一下班後一同到笑笑共餐. 是次餐牌給我的印象是沒有新意, 因為我和我姐姐在半年到笑笑前食過的食品, 幾乎沒有改動, 而新加的則以豆腐和海鮮為主, 而有的卻曾經在特式菜餚中品嚐過了. 反而飲品卻新加了新力清啤(都算是加了港人的特色嗎...?). 話雖如此, 我最喜歡的Q版年糕(忘記了名字了...) 和炸豆腐都有加入這個餐牌中, 總算可以回味無窮. 份量雖然少, 但是可以品嚐不同地區的食物風味, 可算是值得的.不過, 侍應的質素就每況愈下, 尤其是負責廳面的侍應. 除了那個經理, 打紅領帶的女侍應和負責傳菜的幾位小弟弟常帶有笑容外, 其他的卻沒精打采, 當中有部份男侍應更帶著耳環, 而服侍我這桌的男侍應的耳環更差點跌下來呢! 至於食物上桌的速度比起我上次來的還要快! 尤其是那個戴著眼鏡的小弟弟, 上次來到都很快把食物送到我們手上, 但一直只是沉默下去, 今次他還把食物一次過送到我們桌中, 而且還說出菜名, 可想然知, 他的中文真的有所進步呢! (後來我朋友從洗手間中得知原來他的英文是那麼好, 真的想與他切磋!) 埋單計數, 雖然吃了幾百元,

食物都ok 既, 但係份量確實就真係少左d 啦. 而價錢比同區的店舖偏貴. 不過坐得舒服, 服務又好, 都算係一個聚腳的好地方啦...

四月頭去左呢間野食，真係未食過咁差既日本菜，好記得係星期六，我地六點半去到，發覺無咩人，初初仲以為時間仲早，所以咁少人。那裡環境幽暗，基本上乾唔乾淨都睇唔到，我同男友叫左刺身、牛肉鍋、芥辣八爪魚等野食，分量少，刺身食完肚痛，牛肉鍋個汁好甜，但我覺得和民好食ｄ，芥辣八爪魚味道還可，但太碎粒，仲有食左烏冬，基本上係唔熱既，亦唔好味，個名仲叫「笑笑」，咁貴既價錢咁既食物質素，食完就真係老闆「笑笑」，食客「喊喊」！

WARAWARA讀哇啦哇哪係日本返黎既有型士肥仔h教既剃度出家既前會計y竟然敢帶食盡東京拉麵既博士生食日本野真係一大挑戰好彩佢今次心情好無大鬧野食唔正宗…每次同肥仔h食飯都好開心因為如果唔介意佢大大聲口沬橫飛就淨係需要食同埋聽佢講野幾個鐘就光陰似箭左喇好好玩特別係今次佢既mission impossible希望佢唔好再自動過戶俾菲律賓型男早日為港爭光喇下一早預左碟頭細細但人多多前前後後叫左16碟先至岩岩好我竟然記得晒喎雞臀肉/雞軟骨/食唔出炸帶子定魷魚三種炸粒粒都唔知有咩大分別是但叫一樣好喇燒牛肉有個細細既爐自己燒牛肉幾香口就算燒耐左都仲幾好食石頭鍋飯/蒜蓉牛肉炒飯/泡菜豬肉炒飯三個加埋就夠飽肚囉無咩特別芝士焗年糕有菜墊底幾特別但覺得和民既芝士香尐五式刺身全部都幾新鮮三款魚帶子同甜蝦都不俗軟殼蟹卷一柱擎天幾好食丫豬肉鍋/三文魚鍋/豬串燒/牛油帶子/土佐豆腐無咩特別一般水準照燒雞披薩好似唔多覺有雞喎…炸薯條傾偈用佐酒小食唔好計較咁多喇整體真係要計又真係好過和民既餐飯只係ok不過內涵就真係豐富呢個世界真係富者越富咁就賺左一百個巴仙???不得不佩服佢既生意頭腦呢餐要多謝馬主h希望佢手下留情要

其實食物質素及款式同和民差唔多.....不過lee度食物既size比和民少...

身在旺角, 想去和民. 又唔想去太子分店. 於是去左笑笑, 以為差不多. 好似7仔同O記咁.上到去看見其另一姊妹餐廳叫白木屋, 在APM, 就知道出事. 因此白木屋係勁難食. 於是ORDER少少, 看看其水準. 點知佢地的效率超慢, 等左好耐, 要催兩次先至來一客三文魚腩壽司. 看見這6條好似手指尾的卷物, 而佢地形狀不一, 有肥有瘦, 高度不一, 立即無晒胃口.另外叫一個照燒雞PIZZA, PIZZA個圓周距離個底碟外圈有成尺遠, 小得可憐.最後個石頭鍋飯一D煙都無.LEE 間日式食肆集團果然一致--- 一致咁差.