笑笑居樂屋 (已結業)

又與另一個老友慶祝，因為老友唔想過香港區，所以揀了這間。兩間笑笑的都未去過，不過聽聞評語都係一般。與和民的型式真係好相似，但坐得舒服過和民，而且冇和民咁噪，傾偈都好d。每碟份量細細，價錢又唔貴。所以我o地一行四人都食了好多款。石頭炒飯-是全晚最好食的，有不少泡菜，而亦有飯焦，d飯亦不會好諗，算有咬口，有韓國餐館的水準，不過味道比韓菜較淡些。日式牛柳粒-可選日式醋汁或黑椒汁，食日本菜當然要日式醋汁啦，不過味道似燒汁多d，牛柳好嫩口，估唔到又唔錯喎。炸雞軟骨-亦是當晚唔錯的小食，炸得脆脆，味道好似食緊KFC的炸雞。雜綿魚生-唔多新鮮，雖然唔貴，但唔太好食。八爪魚丸-好差，成舊都係粉，得好少好少八爪魚粒，差過街邊檔好多倍。三文魚魚生卷-沙律菜就多多，三文魚得細細粒，淡茂茂，可以話食唔出有味的。炸蝦壽司卷同海膽壽司-可能近來食得壽司多，呢間唔算突出。北海道石狩火鍋-底湯ok，終於不太接受食熟的三文魚。北海道豬骨湯烏冬-竟然係即食烏冬，已經扣晒分啦。最後當然唔少得食番個雪榚啦，每款只係10蚊，我起碼要兩個啦，綠茶同豆腐，豆腐就麻麻，味好淡，我以為自已飲緊淡味維他奶。

我對呢間野既評價係中下叫左個刺身wasabi畀水浸住左刺身並唔覺特別新鮮另外雞pizza唔夠"野"味漢堡扒都ok既係淡d整體黎講呢間野既食物份量太少價錢同份量唔成正比食左少少野之後由於唔好食加唔抵所以明明仲好肚餓都係再叫野食之前仲要等左成差唔多45分鐘位我一定唔會再去

前幾晚去左試選擇少不在話下!食物真係少得可憐,又唔好食.食緊個陣男朋友竟然'彈'左句～謝絕探訪呢餐對我真係好失望，食完都有少少唔開心以後都唔會再去

與幾位好友於旺角區相聚晚飯﹐有朋友提議去寧記﹐但由於有人不吃辣﹐所以選了寧記上面的“笑笑居樂屋”。笑笑跟和民的路線明顯相同﹐屬於直接競爭對手﹐所以無論環境及感覺都相類似。食物方面﹐其實跟和民都係大同小異﹐一般的刺身壽司炸物沙律薄餅麵飯等都有。你只要有食開和民﹐就算你唔睇Menu隨口講都實會中幾樣。除了今次﹐較早前亦已幫趁過﹐以下係我兩次飯局當中所食過的食物。吞拿魚腩飯- 的確係用魚腩肉做的﹐所以味道算唔錯﹐但可惜魚肉只係薄薄的一層平均鋪在飯上面﹐勉強去形容的話我可以話係似用魚腩肉替白飯做Mask......整體上份量亦少。炸雞軟骨/炸薯條- 一般貨色﹐不過無所謂啦﹐叫呢類小食都已經預計左係咩味﹐所以味道方面並無特別失望。但係份量就絕對不多﹐如果4人分享﹐肯定送幾啖啤酒就無晒。海鮮薄餅- 只有少量細小得可憐的魷魚圈﹑帶點乾的蝦仁﹐醬汁亦不算多﹐有少少偷工減料的感覺﹐反而覺得最好食係餅底。燒雞薄餅- 同海鮮薄餅一樣係餅底做得唔錯﹐Toppings亦比較“齊料”﹐芝士雖然不多但處於半溶狀態﹐醬汁亦較多﹐整體上做得好過海鮮薄餅。鐵板牛柳粒- 可選日式燒汁或黑椒汁﹐今次選了黑椒汁。牛柳粒算新鮮﹐

本來想去朗豪坊食飯點知老媽子話熱,唔願行見佢未食過笑笑(我都係食左一次,就扮代表)飲品梅酒-唔錯,無勁落冰食物:炸雞軟骨-好油,無CWB咁好味炸魚骨-OK燒雞翼串-OK,但老媽子話乾石頭飯-幾多泡菜,而泡菜較酸,我喜歡甜品芝麻雪糕-雪到超硬,好用力才”畢”到幾香芝麻味,但更似食緊cookies ice cream服務水準高過CWB要人落單即刻有人勤快地斟茶,換碟,收碟臨走仲幫客按埋lift

星期日去咗笑笑居酒屋食lunch!佢個menu都冇寫明星期日或假期無午餐定食，當我哋叫ge時候，佢先至話無！如果係無ge話，就唔好放張menu出嚟la！誤導客人！最後叫咗:烤豬肉片--其實係煎蛋+少少豬肉片，賣相普通，但煎得好香笑笑旦包飯--用一個鍋仔上，飯中有豬肉粒，鍋底仲有飯焦，都幾好味！三色刺身--帶子、甜蝦、吞拿魚腩，各三件，幾鮮甜！北海道壽司--有8件，魚子、吞拿魚、帶子、甜蝦、三文魚…燒秋刀魚--燒得好香，好味又唔"sang"!由於係居酒屋，食物份量都會偏少。除了Menu 有誤導成份要扣分之外，整體都算OK!

今晚去了一趟吃晚飯:1. 份量實在太細;2. 侍應問都唔問就想拎走枱上還有食物的碗碟;3. 咁少份量...咁o既價錢, 實在唔值。一碗雜錦魚生飯, 個碗只係一個普通白飯碗咁大, 就要成$68, 仲要係D飯好硬. 有無攪錯! 4. 兩個人最初叫了一碗魚生飯+ 一個吞拿魚飯+ 一碟蒜蓉燒帶子, 真係唔夠食. 再叫了一個韓式泡菜豬肉炒飯...好似碟"楊州炒飯"仲好食個佢, 起碼多幾粒蝦仔. 泡菜只係酸酸地o既椰菜, 豬肉就好似隔夜义燒...唉...睇來睇去都唔明點解叫"韓式泡菜豬肉炒飯"5. 唯一可讚的, 便是地方裝修等, 都算坐得舒服, 但冷氣又係"凍感之都".

今日去同朋友慶祝生日，朋友都試過銅鑼灣果間話OK，所以就o黎旺角試下。我o地因為坐吸煙區，所以一去到就有位，唔駛等。食物都好ＯＫ，不過就同menu上o既圖有幾大o既出入，但最緊要都係味道。個照燒雞薄餅幾好味，熱熱地，又脆又多雞肉，值得各位叫o黎試下。但D侍應可能係新人，好似咩都唔識咁，同佢講話個日式燒餅唔要沙律醬，居然最後連燒餅醬都無俾...又唔知點解吸煙區會無人理，舉手好耐都無人見到...D野仲有一大半未食完，侍應問都唔問就想拎走。我o地唔夠食再點菜，佢聽我點完一個就走左去...結果又要嗌番佢番o黎...不過食物真係唔錯。四個人食到飽都只係三百幾，都算幾抵。但就好似比較少菜式揀。

呢間日式餐廳o既裝修好正，而且環境寬敞，傾偈唔怕嘈住人，又唔怕俾人嘈親，邊傾邊食o岩晒。午餐價錢同同區o既「大熊本」差唔多，但食物o既質素同份量都好好多。如果點一d製法講究o既菜色，仲會有專人服侍幫客人料理，例如我上次叫左個炸蝦(忘記菜名)，個侍應會即刻拎個爐出黎，將D脆脆o既炸蝦同蛋汁煮一煮，好香呀！令我再三回味。食完午飯叫番個綠茶雪糕($10)就心滿意足啦！綠茶雪糕會佐以紅豆，好有日式點心風味。聽個侍仔話有個時段會開放一間K房俾客人預約，咁就可以邊食邊講邊唱啦！下次我約齊人去試試先！

午餐大約四五十元，雖然唔係太多選擇，但味道幾好，份量又夠大(相信男士都夠飽)，呢個價錢算抵食。

食物款式少, 揀唔落手, 仲有賣相與食味都唔得....仲講咩日本過江龍....連環境都唔得....試過一次, 完全搵唔到再幫襯的理由, 去返和民罷啦...

食物都不俗.. 價錢又低..個feel又夠日式..我同個fd 2 個去食都係平均每人$ 8x ... 都抵啦d侍應又有禮貌... 我幾鐘意佢果個雞pizza...個pizza底夠脆..正!

本來我和一大班朋友因為有人曾"讚賞"呢間好好食,服侍又好鬼Good, 所以就打電話去book, 仲諗住8:15pm會ok, 點知準時上到去,門口個waitress話要等等, 仲話好快會有, 咁咪等囉, 點知一等就是十五分鐘!!!如果十五分鐘有住都唔係問題, 但係當我再問o個陣時, 佢又話要多十五分鐘, 又話好唔好意思咁話, ok~~我又等, 但係係呢個時候所有4-6人的新登記客人都已陸續咁入晒去....都算了, 反正又過了十五分鐘, 心想都係時候了,再問, 但係結果一様 ... 請再等十五分鐘. 等都已經唔係問題, 但係係呢個時候有個男人走出又不停咁叫晒d人入去坐, 咁我唯有同佢講我book又等半個鐘,幾時先到我, 咁佢話執緊~~好快~~咁咪又信囉, 點知又係無下文o既十五分鐘!!!到呢個時候,乜胃口都無晒啦, 咁我又問佢點解打電話訂位都要等成個鐘,個男人竟然話電話訂位唔係做booking, 只係俾你"優先"入座~~~嘩!!真係"啤"一聲~~~~~~~~~~ 咁我又話乜叫做"優先入座", 又如果真係"優先"點解會係人都入得, 係電話booking唔係得, 佢竟話答"未有!!", 咁點解