竹地小館 (已結業)

鍾意食水餃俾我哋又去咗一間新嘅水餃店啦！$35就有10隻水餃！而且有得揀煎定係湯水餃所以我哋一個揀咗湯水餃一個揀咗煎水餃招牌菜肉餃就揀咗湯估唔到個湯底有幾清甜喎！而且舊蘿蔔好甜另外最鍾意佢有芫荽加埋落啲湯到真係好正 水餃嘅皮好薄但係略嫌肉就少咗啲口感上唔夠滿足相比之下覺得煎餃嘅口感比較好我哋揀咗韭菜豬肉餃做煎餃而且咬嘅時候會有肉汁流出黎好滋味！上海雲吞都唔錯架最後我哋仲叫咗一個蔥油麵蔥油味好重！鍾意食嘅朋友唔可以錯過！仲有呢枝烏龍茶$8咋！超抵

平時都鍾意尋找小店，支持一下本地薑，今次真係行過見過都唔好錯過。店舖小小，但雅致。餃子向來我最愛，而蔥油麵就係老公最愛，但menu無依個組合，但老板好好照整俾我地食。韮菜餃餡足，應該煎餃會仲香口，下次可以試吓勤菜餃添。蔥油麵有蔥香，老板很細心俾隻匙我地，再溫馨提示記得加少少湯撈勻啲麵同蔥料，易啲撈又再好味啲。第一次蔥油麵有湯送，仲要係胡椒豬肚湯，飲到暖入心頭。最後加多支豆漿都係$38，真係超值。下次一定會再幫襯。

裝修沒有很花巧，但食物卻是十分不錯，而且價格十分便宜。排骨擔擔麵 ($40)少辣、好香花生味，上海麵彈牙唔會煮得過淋，排骨好腍醃得好入味!粟米煎水餃麵 ($32)湯底比較清淡，適合不喜歡太濃味的顧客，相反煎餃非常惹味，成為一個強烈對比，餃子皮薄略似日式煎餃，十分好味道，係成個面既靈魂所在 ，重心推介粟米煎餃!招牌湯水餃 ($35)貴店之餃子屬皮薄餃子，十分迎合我口味，而份量十足足10隻，而且價錢相當合理 中，十分抵食!

今日出左左旺角行街，行行肚餓就搵下野食，食返個下午茶。行行下見到間有小店，有霎紅光管整成既"餃王"招牌既竹地小館。睇黎呢度出名既係餃子wo, 好啦，就試下呢間。店外門面都幾靚，店細細，入面座位數量有限。有bar 枱，可以見到店員整野食。餃子都有好多款揀，招牌菜肉餃、韭菜豬肉餃、粟米豬肉餃、芹菜牛肉餃、上海菜肉雲吞。仲有好幾款涼菜同好多麪款揀。我地點左排骨擔擔麵、涼拌皮蛋同煎餃麵。湯底好濃郁，唔錯。味道調校適中餃子多粟米所有野都即叫即整，食野期間好多街坊都黎叫外賣。

工作經過油麻地，本來唔係好肚餓，但遠處見到一間轉角位小鋪，總會不自覺“貢”入去望下有咩好野食（可能因為Foodie雷達長期開動緣故哈哈）呢間竹地小館鋪頭細細，主打食雲吞餃子（湯同煎都有），全部自家製比較新鮮。不過無門，只有膠簾所以店內有點熱，大汗人士要注意哦！Menu上款式多元化，連雞扒包都有哈哈！涼拌青瓜（$20）好清甜爽口，加點辣油好開胃。涼拌土豆絲（$20）都係用秘製辣醬調配，面頭蔥花令薯絲食落好香口。涼拌皮蛋（$20）呢個係咁多個涼拌之中我最欣賞的，因為辣油同皮蛋味道最夾。來到重頭戲——水餃，呢碗粟米豬肉同菜肉雲吞雙拼係我貪食後安排的，所以話小店彈性好，人情味濃就係咁既意思。用料好足，都係30幾蚊咋！菜肉雲吞味道清新，皮唔算好厚。店鋪還有煎餃，都係加水煮再煎，以確保餃子水嫩新鮮。經過油麻地絕對值得回頭！

話說今日放早，同女朋友行吓旺角，行行吓見到有一間小型嘅餐廳，有人喺門口等緊外賣，心諗應該幾好食，所以就入去坐低試吓啦。間餐廳叫做竹地小館，佢入邊嘅座位唔算太多，所以多數客人都係買外賣返去食。響我哋坐低食嘢嘅半個鐘頭裏面，已經有好多客人買外賣，係咪真係咁好食呢？馬上為大家揭曉。餐廳主要係食餃子，煮法有兩個，可以放湯亦可以煎熟佢。另外，仲有一啲上海麵可以叫，仲有一啲小食。我哋叫咗招牌菜肉餃子，同埋上海菜肉雲吞，我仲叫咗一個豬扒上海麵，麻辣青瓜同埋皮蛋。豬扒麵首先上菜，佢哋個湯底做得唔錯，令到上海麵更加好味，上海麵非常有口感，唔會太淋。兩個小食都跟住上菜，青瓜同埋皮蛋嘅辣到調校得啱啱好，令到我呢個食唔到太辣嘅人都可以唔停口咁食，真係非常好味。主菜最後先上，因為全部餃子同埋上海麵都係即叫即煮，所以係需要時間，但當你食到佢哋咁好食嘅餃子，你會覺得物有所值，呢份等待係值得嘅。佢哋嘅餃子煎得啱啱好，唔會太濃。入邊啲餡都係熱辣辣嘅，當你一口咬落去，你會食到好豐富嘅餡料，而且係非常之好味。食咗第一隻之後，我已經停唔到口，不停係咁食，除咗真材實料四個字之外，我已經諗唔到其他字去形容，怪不得咁多人買外賣返去

原本打算買小小宵夜食(大概十點半)，見呢度嘅食評話啲煎餃係即叫即煎，所以行過黎睇吓收咗工未。見仲有兩枱人食緊，又見煎餃同麵都幾好賣相，所以兩樣都試吓，叫了排骨擔擔麵及煎餃。兩樣嘢都係即叫即整，賣相幾好，份量幾多。排骨擔擔麵 - 汁嘅份量，味道，辣，花生醬各樣剛好。麵軟硬適中，夠多蔥，好味。豬扒無嗰啲鬆肉粉/梳打粉嘅異味，香口，好味。煎餃 - 即叫即煎一般都唔會差，佢啲皮夠薄，肉同菜比例好好。整體又係好味。買外賣期間都有其他人黎買嘢食。呢度款式唔多，但其實幾樣好食嘅就夠。下次都會試吓佢其他口味嘅餃同麵。

走過油麻地，在某街轉角見到女店員正在包餃子即做即煮，真正的全人手製作，香港製造.價錢、食物也是親民店仔不大，只有2個店員，所有家庭式經營的溫馨.餐牌簡單一張- 只有3種食物：麵粉、餃子、涼菜.粟米豬肉餃（$35/8隻）超大隻好足料！加入了粟米，令餃子有的鮮甜味，中和了豬肉的油膩。而且粟米及紅蘿蔔粒增加了餃子的咬感，不錯。而且每粒都很大隻，食完超飽的！.芹菜牛肉餃（$35/8隻）也很有驚喜！我選了煎餃，同樣是大隻多餡。賣相用一個鐵板放，很日式的感覺。外皮煎得脆脆的，餡有很香的牛肉味，而且多汁，很juicy 呢！.擔擔麵也是很不錯，湯底煮得濃郁，開胃的。選了雞扒及雞翼（3隻），份量也真不少！.涼菜方面，選了「涼拌青瓜」及「麻醬豆腐」，都是$20。意想不到青瓜的份量真的很多。麻醬豆腐也是意外的好食，而且一大磚上，份量是可以當主菜食了。.飲品方面，有可樂、豆漿、烏龍茶、咖啡等等，價錢是$7到$8，比便利店便宜。.店內大約有8至10個位左右，分量多、價錢合理，而且味道不錯，絕對是街坊們的好選擇。

油麻地 竹地小館今天到油麻地探望親戚，親戚說街口新開了一間專食餃子的小餐館，叫我去試一試。原來除了餃子，還有擔擔麵、豬扒麵等等 。而且價錢都非常便宜！ 絕對是做街坊生意的小店！稱得上餃王，我們當然要試試這裏的餃子熱辣辣又新鮮又大隻的餃子，8隻都只是$30……哪裏可以找得到？餃子有四款口味：招牌菜肉餃，韮菜豬肉餃，粟米豬肉餃，和芹菜牛肉飽，可選煎的或湯的，我們都要了煎的個人最喜歡招牌菜肉餃， 每一隻都是餐廳店員新鮮包出來的，招牌菜肉餃入面是椰菜和豬肉，椰菜非常鮮甜，大大隻煎得不乾又多汁！韭菜豬肉餃都有韭菜味味沒有太突出粟米豬肉餃又是我的最愛，粟米非常甜美， 餃子皮薄餡靚芹菜牛肉餃是平常比較少吃到的，芹菜的味道非常突出！有點蓋了牛肉的味道，若是喜歡吃芹菜的朋友必然會喜歡這個芹菜牛肉餃豬扒擔擔麵豬扒擔擔面令我有喜出望外的感覺！擔擔麵的花生醬和辣味配合得非常之好， 豬扒亦煎得非常香口，面底不腍不黏，是十分爽口的上海麵！正！麻醬豆腐， 一點也不吝嗇的麻醬菜肉雲吞，又是正！親戚食完這個之後說他最喜歡就是這個菜肉雲吞！

餐廳：竹地小館 (油麻地)地址：油麻地廣東道838號金冠樓地下喺香港搵嘢食最唔驚就係搵唔到嘢食😂因為周街都有林林總總嘅美食😋除咗平時幫襯大商場同連鎖餐廳，係街上其實隱藏左唔少有良心又好食👍🏾嘅小店經過油麻地見到一間細細地嘅餐廳叫竹地小館，專食餃子🥟同麵🍜，見到非常搶眼嘅香港加油牌🇭🇰而被吸引坐低招牌菜肉餃 $30/8隻講到明係招牌咁緊係唔可以唔試啦😎，用莧菜、西生菜🥬同豬肉🐷整成嘅餃子除左餡料充足大粒之外，外皮亦好薄滑🤤，配埋鮮甜濃湯真係食唔停口豬扒擔擔麵 $40夠地道嘅四川擔擔麵用上花生芝麻醬、麻辣油🌶、豉油、蔥、花生粒🥜、白芝麻等去配製，香得黎唔會太辣，豬扒大塊之餘好稔，麵條勁道十足充滿麵香🍜，彈牙可口

今日去咗油麻地做嘢，順便去附近廣東道一間小店試下，面積唔係話太大，但係啲嘢食就好好味，而且好平，我哋叫咗排骨擔擔麵，雞扒蔥油撈麵，麻醬豆腐，仲有蒜椒皮蛋，全部嘢加埋都係一百蚊多啲，真係超抵食。而且個份量真係好多，個賣相又極吸引。試咗個豆腐同埋皮蛋先，因為前菜。個皮蛋入面有好多塊全部都係流心嘅，個豆腐就好滑，個麻醬味好濃沃，排骨擔擔麵個排骨超大塊，擔擔麵湯底食得出好多花生醬味。蔥油雞扒撈麵個雞扒煎得好香，而且個撈麵唔係話太鹹好啱我口味。提提大家因為小店關係，堂食位置可能唔係太多，有六至八個位左右。但係我就見到有好多人買外賣特別係餃子，因為今次得兩個人去食，所以冇叫太多嘢，下次嚟一定是埋個餃子。

今日去咗油麻地做嘢，順便去附近廣東道一間小店試下，面積唔係話太大，但係啲嘢食就好好味，而且好平，我哋叫咗排骨擔擔麵，雞扒蔥油撈麵，麻醬豆腐，仲有蒜椒皮蛋，全部嘢加埋都係一百蚊多啲，真係超抵食。而且個份量真係好多，個賣相又極吸引。試咗個豆腐同埋皮蛋先，因為前菜。個皮蛋入面有好多塊全部都係流心嘅，個豆腐就好滑，個麻醬味好濃沃，排骨擔擔麵個排骨超大塊，擔擔麵湯底食得出好多花生醬味。蔥油雞扒撈麵個雞扒煎得好香，而且個撈麵唔係話太鹹好啱我口味。

今日去了果欄買完生果返屋，經過這間餃子店，坐低食返碗餃子先返屋企。餃子有湯餃及煎餃，有8隻及10隻之分，女士8隻都好足夠，另外還有葱油麵及擔擔麵，$40樓下有交易。招牌菜肉餃餃子皮厚薄適中，粒粒都很飽滿，以新鮮椰菜及豬肉餡料做成，椰菜爽脆有肉汁。韮菜豬肉餃全部都即叫即煎，餃子外皮煎至金黃香脆，韮菜新鮮，充滿肉汁。排骨擔擔麵有一塊煎過的豬扒，肉質夠腍，擔擔麵充滿花生醬汁，不過完全無辣味，麵質略嫌較腍。飲品都是$8支。

同事突然話想食撈麵，網上見到呢間開張無耐既油麻地小店，專門賣餃子同麵，而薑蔥撈麵都好似好出名，今日就特登黎試下店舖地方比較狹窄，平日中午黎到已經爆左，等左一陣店員幫我地開多張枱呢到提供唔同款式既麵類同餃子雲吞，價錢由20至40蚊，相當平民化招牌菜肉煎餃($35)有10隻，皮薄餡靚，超抵食！我同同事都各自叫左雞扒同豬扒薑蔥撈麵，每碟只係$30，而且份量十足，絕對無偷工減料，雞扒豬扒煎得剛剛好，一點都唔鞋口，以咁既價錢黎講性價比極高，係必點招牌美食！最後店員仲奉送兩碗湯比我地，清清地中和撈麵既油膩感都唔錯

今天和同事放工去油麻地果欄買生果，買完就去找晚餐食，唔知食什麼？就行行下比我們見都有間細細地鋪頭(竹地小館)，只有一張枱，但很多人都是外買，我們就叫左:香茅豬扒麵 $25，豬扒煎得好香，金黃色見到都開心即刻食落口，不嚡口又腍又嫩滑，麵條爽滑$25又抵食又好食。蔥油撈豬扒麵 $30，這個是用佢地特製豉油加葱而成，不太鹹色澤深色，每條麵都均勻地吸入豉油醬汁，嘘嘘聲食~好好味，好快就吃光光。粟米豬肉餃8隻 $30，因皮薄所以呈現到裏面的饀，有很多新鮮粟米粒及紅蘿蔔🥕絲，切碎豬肉，簡簡單單材料就好好味，不須太花巧就已好好食。涼拌皮蛋$20，皮蛋甘香帶有少少辣椒醬汁，凍凍地都幾好味。豆漿 $8 樽好有濃濃豆味，又不太甜，岩晒我地飲！😋😋👍✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨