竹地小館 (已結業)

間野好好食 無論係餃子 擔擔麵 定小食 都超好食 佢既擔擔麵係小辣得黎好濃味 啱晒我地呢啲唔食辣既人 然後餃子又唔會太厚皮 餡料好味 唔太明白點解間咁好食既餐廳會執 同男友讀完書返黎就無左 好可惜

平時好鍾意食餃子，咁啱去開油麻地見到呢間餃子店，仲要係黃店！即刻去咗試佢嘅招牌菜肉餃😛 10隻餃子都係$35，又大隻又抵食！🥰😋仲會幫你分開個湯同啲餃子，亦有酸辣醬同醋提供。我朋友就叫咗一碗牛丸麵（$20）超抵食！😋一定會再返嚟試埋佢其他餃子/ 擔擔麵🤩

所謂開番晚市堂食比大家，事實上只係強加規則迫大家用嗰一套，當然唔係人人想用啦，更何況食肆邊有多餘人手睇住啲食客丫，簡直係擾民。 免得麻煩，今日都係照樣買外賣，係條街到冇位食嘢，所以快快手係附近公園食完就要走。其實企係街到食嘢真係幾辛苦，冇office既人放飯呢一年都唔知係點樣捱過💢 竹地小館價錢超平民，廿零蚊搞得掂一餐。 上海麵全部分湯上，當撈麵又得，湯麵都唔怕淋。雞扒煎得幾香，呢個價錢咁大舊都幾抵。餃子厚身多肉，即煎即食香口又飽肚👍🏻👍🏻醫肚又唔差

小編宅在家好一段時間無岀post，一岀門前當然係揾「黃盟」！•Bookmark咗竹地小館好一陣子，但因為佢唔算有堂食，啲位好少同迫，終於揾到機會路過後即刻返屋企。好可惜，太夜去，無晒招牌餃，又無得相拼，唯有淨係食粟米餃•『粟米豬肉餃。湯』$35（10隻）好多粟米，粟米多纖維，唔似罐頭粟米；少少豬肉，皮厚薄適中，其實唔用醬都好夠味；湯底係用白蘿蔔煲，清清甜甜，好！但一個人食10隻都幾多•『涼拌青瓜』$20清脆爽口，少辣，同淋嘅餃子好夾，一凹一凸，一清一濃•『辣醬+醋』辣醬比較鹹；醋因為唔太夾湯餃，我無用，早知唔拎，浪費咗😫•【後記】➡️小編好麻煩，又要走青，又要走餐具，但店員無嫌棄俾我煩，仲問我青瓜要唔要辣/芝麻，好細心。相信有遇過明明叫咗走青，佢都會一碟走一碟唔走嘅朋友，會好明哩個喜悅！

今日試食左1. 十隻粟米豬肉煎餸 $35專登影埋餃子入便d餡比大家睇，粒粒甜粟米，我要行20分鐘先返到屋企食，但仲係暖暖地，d皮又煙煙韌韌，好味。2. 麻醬豆腐 $20我覺得只係普通買的麻醬，店家倒左好多醬，我自己喜歡呢個餸，所以才叫，但其實沒乜特別。可能下次試下其他小食，先知有沒驚喜。一個人食絕對夠飽。

早餐得有啲急唔太飽，又想食平民嘢，行遠少少🤏🏻嚟咗呢間醫肚～呢間小店主要做外賣，但今次見有啲時間就坐咗喺出面嗰bar枱度慢慢食😬.兩個人食，嗌左一個💛蔥油撈雞扒麵 $30💛蔥油撈豬扒麵 $30💛韭菜豬肉餃8隻 $30.等左7 8分鐘先嚟咗嗰煎餃，急不及待咬咗嚿嚟食🤤哎呀🥴辣親個咀仔添🤭證明佢即叫即整，夠晒熱辣辣喇喂～咬左啖見到入面滿滿韭菜，仲多過肉，韭菜愛好者表示正～👍🏻😋.麵就有啲痴住，好似一餅野咁，但用筷子🥢撈兩撈就會散開返～麵質屬於煙韌，唔會煮到好腍，而蔥油都算係香口，但個人略嫌落多咗啲，嗰口愈食愈油🥴不過件豬扒就真係加分喇💯好腍，咬落去唔會銀，亦好香香茅味～至於嗰雞扒，試咗嚿係滑嘅唔會好鞋，仲有啲肉汁😋仲送多咗碗蘿蔔湯，甜甜地幾好味，但因為食到好飽，飲咗一半就無飲到🙈

韮菜豬肉餃 $35 (10隻)第一次食見到每隻餃子都脹卜卜大大隻咁 確實係幾足料🤣 韮菜既份量多到誇張同時豬肉都係 搞到一食落去就爆哂汁 食落韮菜味比較突出 大一份咁 淨係食十隻餃子已經好飽😂評分: 8/10🌟粟米豬肉餃 $35 (10隻)呢個又係一樣咁大份 入面要粟米🌽係原粒 同埋啲豬肉都整得好結實 一咬落去啲餡料唔會散哂😆 呢個就豬肉味較重 個人鐘意韮菜豬肉餃多啲🤣評分: 7/10🌟雖然佢作為一間黃店 食物質素唔錯又抵食 但個環境就唔算好好(堂食的話) 除非係附近返工/住 可以買外賣拎走 唔係都未必會再想去幫襯喇🤧———————————————————————竹地小館 (油麻地)油麻地廣東道838號金冠樓地下

💛💛💛竹地小館💛💛💛又係一間食左十次都有既餐廳，又平又抵食又好食，無得輸😍😍！仲要係油尖旺，好方便😍😍！店內座位唔多，大約八個位左右，佢主要都係做外賣生意。我相信因為食餃子轉流都非常之快，就算等位都係等一陣就可以啦。信我啦，真係值得等架，我試過等過15分鐘。今次兩個人食，嗌左一個麵，十隻煎餃，十隻湯餃，一個麻醬豆腐，一支津路。蔥油撈麵 $20麵質好煙韌，唔會煮到淋晒。蔥油唔會好鹹，呢個做得非常之好。不過以前食過係更加多蔥油，今次食落好似唔係好夠蔥油。都夠味既，希望下次會多返啲啦😂😂。另外仲跟埋一個蘿蔔湯，蘿蔔好甜，但識落有少少渣，問題不大，唔會過份到要lur出黎。分量方面唔夠一個人食飽，所以大家要額外再食餃子，又或者係食雞扒蔥油撈面$30。湯韭菜豬肉餃 $35每次黎到都會嗌，因為真係好好食。隻韭菜餃裏面係充滿住韭菜嘅，當然豬肉既份量都唔少😂。個湯非常之好飲，我本身以為個湯只不過係用嚟裝住啲湯餃，充滿住粉味，會唔好飲。事實上唔係，個湯係飲得架！唔洗湯餃水！另外，我哋之前多數嗌韭菜煎餃嘅，因為貪韭菜煎出嚟會好香脆，今次神推鬼龍我哋嗌左韭菜湯餃，都唔錯，不過下次可能嗌返煎餃，韭菜味更出更香😛

店舖環境面積較細，只可容納6-7人，主要做外賣單，食野期間會不繼傳有油漆味道，食物方面就即叫即整。💛當日唔太肚餓，所以無試到佢地既粉麵類～店舖環境食物💛招牌菜肉煎餃（10隻）餃子好大隻，餃子皮夠脆，可惜餡料方面菜比肉多，豬肉肉質較鬆散～💛上海菜肉雲吞（8隻）同樣雲吞都係大大隻，最surprise既係佢既湯，飲落去清甜帶菜味👍🏻，餡料同煎餃一樣，菜既比例較多，而且啲豬肉較多筋！成日食食下要lur😂💛麻醬豆腐雖然只係好普通咁淋啲醬同花生粒上去，但麻醬味道意外同花生好夾👍🏻，好味道，令唔食花生既我都食左好多～個人幾推薦～

地方細，店內容納3-4人，店外座位4個。💰非常抵食，$35都已經有10大隻煎/水餃。✨分數70分，秋冬天食會暖笠笠，夏天會滴哂汗。.🔸上海菜肉雲吞($35/10)足足有10隻咁多！平均都係$3.5一隻。好多餡，一咬開見到好多豬肉同埋菜，幾香。有送埋白蘿蔔，超腍，又好清甜。.🔸粟米豬肉水餃米粉($30)5隻餃，好大隻，仲要脹卜卜，好多餡。可惜米粉煮得太碎，搵唔到一條長過手指既。.🔸蔥油撈麵($20)撈麵好香，撈得好均勻，又唔會太鹹，不過份量唔算多。會送埋個湯，有好味白蘿蔔🤤.🔸涼拌薯絲($20)酸酸地，有啲辣，咬落爽爽地，好啱做開胃前菜。

之前見到油麻地有間黃店食餃子，好評率很高，雖然好多食評都推薦蔥油雞扒麵，不過當日不太餓，又想食餃子，所以單叫了蔥油撈麵加煎韭菜餃，結果埋單$50，飽到上心口。餃子包得脹卜卜，外皮底部煎得少許脆身，餡料味道正常，但敗筆在於餃子皮厚，食落有點韌，很一般。蔥油撈麵，也很一般，一般到不知道怎麼形容，食落口帶少許蔥油香，但又未去到很好味的程度。跟撈麵配的蘿蔔湯，也是普通茶記湯一碗。雖然抵食，但又未到會返轉頭再食的程度......普普通通

傍晚6點幾去到油麻地搵野食，經過見到唔少人等外賣，心想應該唔錯~ 走埋去睇下，價錢好抵都係廿幾卅十靚蚊，有麵有餃就食呢度啦！堂食坐位唔係好多，不過等一陣就有~2個人，點了一個膽膽麵，豬扒葱油撈麵，同招牌菜肉煎餃(有8隻同10隻選，我地點了10隻)擔擔麵麻醬好香，好大碗，味道唔會好辣，對我來講啱啱好，最後仲飲埋d湯飽到去後腦！餃子餡多大大隻皮脆有肉汁好好食！豬扒葱油撈麵，葱油好香唔油膩，豬扒夠腍夠入味，兩碗麵質適中，不太硬不太腍。總共95元埋單，大件夾抵食

餐廳位於轉角位，環境唔大，座位有大約10個。雖然座位唔算多，食飯時間好大機會要等位，但非常值得食。因為超級抵食之餘，餡料好足，每隻餃子都係人手包，好有重量。5點半左右，已經有幾個人坐係餐廳食緊。叫左招牌菜肉餃10隻($35)，蔥油撈雞扒麵($30)，涼拌皮蛋($20)，涼拌青瓜($20)。菜肉餃好大隻，而且整叫整煎，熱辣辣外皮脆，咬開d汁爆出黎，所以要小心食。肉同菜既比例剛剛好，而且好脹卜卜，所以好足料，又平又靚正。一個正常食量既男仔，食大約7-8隻已經好飽。可惜冇得雙併。雞扒煎香完外皮焦脆，雞扒大塊，肉嫩。蔥油味唔算好濃烈，已經幫手拌好左個麵，好方便。麵條軟硬程度剛好，食到一半，個麵都唔會變"冧"。同樣大大碗。涼拌小食既青瓜爽口，面頭灑上大量芝麻，更香口，唔算辣。而皮蛋不過不失，有d芫茜，同皮蛋都算夾。整體，好多人買外賣，仲可以買生既餃子，仲抵d添。好人值得支持既小店。

只要細心搵，九龍都有唔少角落有好嘢食，今次呢間連google map都search唔到，行過龍都唔知咩事😂 竹地小館喺碧街同廣東道交界，啲餃子同麵都好抵同好好食！快啲去試！呢個係撈麵，所以配埋一碗湯同一嚿白蘿蔔，碗湯同去茶餐廳飲嘅例湯差唔多，撈麵乾嘅話可以倒少少落去，嚿白蘿蔔好清甜～ 雞扒超厚肉，煎到個面脆脆地，肉質都好鮮嫩～ 撈麵好彈牙，頭兩啖覺得無乜味，原來啲蔥油味喺個底到😛 撈返勻就好食啲，但蔥油味都係再重味啲會好啲😝  餃入面係椰菜同豬肉，好足料！椰菜好爽口，多菜少肉幾健康～ 其實煎餃可能仲好食，不過為咗保持健康嘅身體都係唔好食咁熱氣😚

🉑 ：外賣自取​【💛 黃店 】​⭐評分: 8/10​——————————————————​係油麻地碧街附近嘅角落，有間細細地嘅黃店！仲要所有嘢都係超撚平！​——————————————————​▪️蔥油雞扒麵 ​ ( $30 )​▪️招牌菜肉湯餃 ( $30 ／8粒 )​​​勁大碗蔥油雞扒麵都係30蚊！塊雞扒絕對唔係大家樂嗰啲縮水雞扒，煎得皮脆肉嫩，每一塊都有足夠厚度！撈麵係採用幼白麵，咬落都幾彈牙，但蔥油香味唔算好濃，食落似豉油王撈麵多啲～​​招牌菜肉湯餃全部都脹卜卜，而且係小pin最愛個種白餃皮，較為挺實！皮薄餡多，菜同肉嘅比例係7比3，食落椰菜仲係非常爽口，豬肉唔算肥，成個餃感覺好健康！不過可以調味再重手啲～個湯就係普通麵底嘅湯，但舊蘿蔔有驚喜，清甜無渣～​​見到對面食緊煎餃，煎到金黃色好似大阪王將個啲咁！超吸引！下次一定要試～​​✨ 竹地小館 ✨​📍 油麻地廣東道838號金冠樓地下​⏰ 1130－2115​