竹地小館 (已結業)

原本打算買小小宵夜食(大概十點半)，見呢度嘅食評話啲煎餃係即叫即煎，所以行過黎睇吓收咗工未。見仲有兩枱人食緊，又見煎餃同麵都幾好賣相，所以兩樣都試吓，叫了排骨擔擔麵及煎餃。兩樣嘢都係即叫即整，賣相幾好，份量幾多。排骨擔擔麵 - 汁嘅份量，味道，辣，花生醬各樣剛好。麵軟硬適中，夠多蔥，好味。豬扒無嗰啲鬆肉粉/梳打粉嘅異味，香口，好味。煎餃 - 即叫即煎一般都唔會差，佢啲皮夠薄，肉同菜比例好好。整體又係好味。買外賣期間都有其他人黎買嘢食。呢度款式唔多，但其實幾樣好食嘅就夠。下次都會試吓佢其他口味嘅餃同麵。