竹地小館 (已結業)

📌雞扒擔擔麵（ 💰40）先講煎雞扒🐔皮煎得好香脆 又唔算好肥 (唔會成舊肥肉係到🌚肉方面幾juicy 肉質都幾嫩 但非常嘴刁既我就覺得可以再嫩多少少 但整體都係非常Yummy(˶‾᷄ ⁻̫ ‾᷅˵)湯底調味適中 麻醬味好香(⁎⁍̴̛ᴗ⁍̴̛⁎)又夠稠掛到上麵度湯面鋪滿炒香左既花生 麵質又啱啱好 40蚊真係爆哂CP><-📌韮菜煎餃（10隻）（💰35）35蚊10隻依家都幾抵 煎餃煎脆脆 又唔油 韮菜味非常香 又好大隻好足料 🥺咬落都幾多汁 好食😋

抵食夾大件～竹地小館美食令人難忘。   早幾日經過油麻地，忽然好想食餃子，然後就係黃藍地圖搵到「竹地小館」！呢度連地標Tag都還未有，有少少點隔涉，但絕對係鍾意食餃子嘅人必定要去嘅地方！唔止味道好，仲要性價比爆燈！😍​ 招牌菜肉湯餃　HK$30​    煎+蒸韭菜豬肉餃（各4） HK$30​   竹地小館主打粵菜同一系列水餃，所有菜式都係HK$20-HK$40左右，好似招牌嘅菜肉水餃（可揀湯，蒸或煎口味），都係HK$30咋！而且每隻餃子都有一根手指咁長，十分足料，認真抵到爛！😍👍🏻​ 超薄餃皮，餡多，餃子非常高質。   至於味道，我今次就試咗招牌菜肉餃同埋韭菜餃， 招牌菜肉餃入面係椰菜同豬肉，鮮甜多汁；韭菜餃就香氣更盛，豬肉香同韭菜香濃郁，令人難忘。另外，不得不讚係佢哋嘅餃皮，目測只有2mm厚，正宗皮薄餡多，非常推薦！❤️​因為低估咗佢哋嘅餃子份量...我仲點咗擔擔麵、蔥油撈雞扒麵、麻醬豆腐同手拍青瓜😂​ 濃郁花生味及麻醬湯底，好惹味！   擔擔麵嘅花生味同麻醬湯好濃郁，但湯底完全無一種好膩嘅feel，咸咸甜甜，幾開胃。蔥油撈雞扒麵同餃子湯係一樣，正常鮮甜為主，雞扒煎得香脆，不

之前嚟食過一次湯餃同雞扒撈麵，味道都唔錯，係啲餃肥肉比較多少少，而塊雞扒就幾出色，幾多肉汁💦 今次再嚟試下個擔擔麵😛排骨擔擔麵 $40>賣相不俗>湯底算唔油，但唔夠花生醬味，辣多少少仲好>麵質幾好，有𡁻勁>豬扒炸得出色，不柴不韌有肉汁唔肥兼無鬆肉粉味==================推介指數 🌕🌕🌕🌗🌑味道同價錢都怡人，難怪係食麵期間已有成10人嚟買外賣😛 如要堂食，就要比少少耐性，因全舖大約得10個位㗎咋😎

呢期食餃子食過最出色嘅真係莫過於呢一間，位置上唔算好方便，但每次來都好多人排隊，今次已經係我第三次嚟幫襯。今次叫咗10隻韭菜餃，雞扒撈麵，同埋炒薯仔絲，每一樣野都係即叫即做，保證新鮮，如果你晏晝嚟嘅話仲會見到佢哋包緊餃子。先講咗韭菜餃先，呢度係餃子嘅款式其實都有四五款，做得最出色最啱我口味莫過於韭菜餃，韭菜嘅香味同埋豬肉完美混合，加上煎嘅功力同埋包餃嘅功力都好出色，10分滿分再嚟就講雞扒撈麵，雞扒表面煎得好香脆，同時雞肉依然保持係好嬌嫩嘅狀態，好好食，而個面呢就冇乜特別，但係都好食嘅。最後就講個薯仔絲，呢樣就做得一般左少少，醋味辣味薯仔味麻油味感覺夾唔埋一齊，值得稱讚嘅係薯仔思條條分明，唔會過熟。加埋一支豆漿買單都只不過係70幾蚊，呢個價錢呢個質素去邊度搵

叫左雞扒擔擔麵外賣👍🏽👍🏽👍🏽即叫即整，熱辣辣，超好味！雞扒煮得啱啱好，好多汁。擔擔麵多花生，湯底夠濃，啲麵好彈牙，質感超好。整體超足料，咁嘅價錢真係抵到爛！！

我都幾鍾意食餃子🥟雲呑呢類食物😌 今次去到間喺街邊完全唔起眼嘅黃店😌 佢位唔多，真係得4-5個😣 可能主要做外賣🤧🍜蔥油撈麵 $20$20真係性價比好高😱 佢份量都係正常，唔會過少😌 味道中規中矩，蔥油味都香😚 🥟煎餃麵(5隻) $32 個麵超大碗，勁努力先食得晒🤧 而個湯都幾清淡，食唔出有調過味，但佢枱頭都有seasonings畀你自己加😗 呢個麵啱愛清淡人士👻 而煎餃都正常味道，都係較淡味～🥟上海菜肉雲呑(8隻) $30好多茜☺️ 正 一口雲呑size，好快就清晒😌 比起人人都識嘅黃店，我更想支持小店🙏🏻😣 希望黃店可以撐得住🙇🏻‍♀️🙏🏻

之前食過堂食幾好食，不過今次叫外賣就一般叫左兩款湯餃子，一款係招牌豬肉餃，原來即係椰菜豬肉餃，但椰肉唔夠腍，餃子皮太厚太粉，同d料分開曬，湯底冇咩味另一款叫左韭菜豬肉餃，呢款就好食d，比較入味。餐牌選擇唔多，下次可試下擔擔麵服務生態度十分好

每一個餃子控心入面都有間最愛嘅餃子店。 自從美味餃子店疑似係藍之後，尋尋覓覓一直都未搵到心頭好。 兩個月前睇完果籽報導就bookmark左呢間小店，心心念念左咁耐終於有機會去。夜晚8點，五款餃子雲吞已經得返三款，想試菜肉餃同芹菜餃就要趁早。 上海菜肉雲吞($30)好大粒，好鍾意咬落係厚實嫩滑嘅小棠菜肉餡，味道樸實得來好清新，好有家嘅感覺。韭菜豬肉煎餃($30)完全冇得輸，餃子皮透薄煙韌彈牙，完全感覺到係新鮮即製，最意想不到係每一啖都有汁滴出嚟，有種食緊小籠包嘅錯覺。蔥油撈雞扒麵($30)塊雞扒煎得好香，雞皮夠酥脆。 雖然蔥油香味唔算好濃，感覺似普通醬油撈麵，勝在完全唔油膩，撈少少蒜蓉辣椒醬更加惹味百倍，性價比超高。 豆漿($8)唔會好甜，飲到尾都好滑溜冇渣。雖然店主抱怨鋪頭細細冇地方儲貨，所有嘢都即做即賣完，但其實係呢度最大賣點，每一啖都感覺到新鮮同手工嘅味道，難怪附近街坊嘅外賣單接唔停。全店連廚同店員共三人就企哂係身後嘅開放式廚房，雖然人手唔多，要落單或者有咩要求都即時有求必應，有住家feel，值得專程一試。💛 良心行為：- 於蘋果日報公開表態- 店鋪內張貼文宣

話說今日去開旺角行街，咁就上網check下附近有咩黃店食😋，咁岩就見到有一間係油麻地的小店，出名食餃子🥟，所以就行去食下。咁去到見到舖頭細細，唔多位的，見到大部分人都係等外賣為主，坐得就唔算好舒服，但係一個人食坐20幾分鐘都ok的，因為啲食物都上得快。咁餐廳的水餃都係人手做的，我自己就叫左湯的招牌菜肉餃，個人覺得好味，有家的感覺，以性價比來講係冇得頂咁我仲叫左涼拌皮蛋，對一個人來講就太大份，同埋唔係好辣。

隨了抵食都只可以再說是抵食，同事話碧街有間新開的餃子店不錯，今日口淡淡就去買碗外賣試下，落單比錢結果等左十分鐘，返到公司打開一看，餃子頗大隻，先品嘗一口湯底味道清淡，餃子皮似雲吞，餡料好有住家感覺，$35 一大碗非常抵食。

依間位於油麻地嘅路邊小檔非常熱鬧，首先因為佢係黃店不特止，食物又好味而且價錢實在太實惠啦！一碗好味又大碗嘅蔥油撈雞扒麵都係30蚊，雞扒份量夠哂多而且夠入味夠淋，麵質較黏但充滿蔥油味！簡單叫多一份煎餃同朋友一人一半就可以醫飽肚！一路食一路有好多人等外賣同埋等位，但因為翻桌率好高所以唔洗等太耐。成間店得兩三個員工，帶位落單出聲全部都係一個靚姐搞掂，真係好忙啊！好可惜佢哋9點半就收，如果唔係真係會想成日去食宵夜！

十二月份疫症還未肆虐之時，星期六晚要喺旺角搵地方食晚飯，絕非易事。嗰晚我做完嘢好肚餓，一路行一路行，結果要行到呢個偏僻嘅位置，先至搵到呢間即時有位唔使等。叫咗佢個招牌菜肉餃，三十五蚊有十隻，好抵食。呢度係開放式廚房，坐喺吧櫈上面，可以透過大玻璃窗觀望老闆製作食物嘅過程，倍感衛生又安心。食物上枱，餃子雖然未算好大粒好飽滿，但係賣相都唔錯。味道方面，菜同肉都調味得宜，較為特別嘅係入面嘅菜切得幾大粒，頗有咬口。至於個湯底就正正常常，簡簡單單，據老闆喺某篇報道入面講，由於舖頭太細，只能夠準備一鍋湯底，就係用豬骨，豬皮，黃豆，薑同剩餘蔬菜熬製嘅豬骨湯，雖然簡單，但心機十足。小店舊年七月尾開張，正值反修例運動如火如荼，嚴重影響生意，90 後老闆甚至諗過執笠，不過佢認為 “真正對我們造成損失是警察”，反而對示威者非常諒解，呢啲咁有良知嘅小店，一定要多多支持呀💪！

落公司樓下買外賣，由於個外賣電話長期都無人接聽，所以要walk in 落order等左一陣拎到就行返公司，坐低一打開啲湯落曬個膠袋，冇expect 外賣會咁==膠袋軟身，啲湯一野到晒出嚟😑湯餃啲味道ok嘅，不過次次食都係浸到到爛晒咁，明明得幾分鐘路程...可以改善下

今日夜晚喺旺角附近做嘢, 做完嘢周圍行下， 就發現咗呢一間小店，座位並唔多，一路食嘅時候都好多人叫外賣，證明呢間小店好受大家歡迎。而我因為唔係好餓嘅關係，就叫左8隻招牌菜肉餃，可以揀煎餃或水餃，而我就揀咗水餃，坐喺到睇到店員即包水飽，就知啲餃好新鮮啦等左大概10分鐘就有得食，隻隻餃都大大隻，皮薄， 入面嘅生菜唔係切到好碎，有爽口嘅感覺 呢間小店價錢唔貴，餃子好味，我諗我下次會再黎試下其他餃同麵食，推介大家黎食下！💛

這店細細的，沒有環境，卻經常有街坊光顧，都讓我感到好奇。這晚考試後，就跟朋友來試一下這裡的食物究竟如何。餐牌上所供應的食物很簡單，主要都是做煎或湯餃，另外也有些麵食和小食等。我點了10隻韮菜豬肉餃($35)，要煎的。每一隻都很大隻，裡面的餡料都把煎餃擠得漲漲的，樣子很飽滿。這麼大隻餃，較皮卻很薄，容易咬開。底部煎得很香，有點脆但絕不硬，也是很容易就咬開。裡面的韮菜塞得滿滿的，韮菜完全令我把豬肉忽略了。何出此言？一般韮菜餃裡的韮菜和豬肉比例差不多，例如是5:5，整體整隻餃都是偏細，皮厚餡少，食得不暢快。這裡的煎餃不但大隻、皮薄，裡面的餡料也毫不吝嗇；特別是韮菜的份量，跟豬肉比較起碼有7:3比例。口裡有很濃烈的韮菜味，豬肉只擔當著口感的角色，韮菜味重得我感覺我要成為一個「韮菜人」了！哈哈哈喜歡食韮菜、韮菜餃或者重口味的朋友不能放過！相比起韮菜豬肉餃，招牌菜肉餃的味道較輕不濃味。裡面有椰菜和豬肉，食材調味不重，味道也不錯。喜歡食淡味一點或者椰菜的朋友可以選這個。別以為粟米豬肉餃是小朋友才吃，這款餃無論是大人還是小朋友都會喜歡！除了粟米和豬肉，裡面還有蘿蔔，每一粒粟米和蘿蔔的感覺都很爽很清新，