端記茶樓

營業中

休息中

川龍村的端記茶樓絕對可以稱得上是真正山水茶寮，每次到訪，除可品嚐山水泡茶之外，其食物也甚具水準，令人回味，因此，每隔一段日子，總要抽時間朝拜。不知道是否心理作用？端記以山水沖泡的茶，總是讓我感到清澈且香甜，所以，每次來到端記，飲茶的份量亦較平常多。此店的點心仍保存古法製作，而且甚具水準，難怪不少名人亦是端記的忠實擁蠆。個人喜愛的點心著實太多，但首選一定非咖哩魷魚及金錢肚莫屬！咖哩魷魚香辣俱備，魷魚入口不韌，但亦不失嚼勁，實在每次都令我無法停口！金錢肚味香且濃，再蘸點辣椒油同吃，十分惹味！臘臘腸水準算是不過不失，始終這種傳統點心在香港已是買少見少，說到底也要支持一下。另一推介是豉椒排骨，排骨肥瘦適中，肉嫩而滑，味道適中，不會過濃或過淡，最重要是不會出現令人難受的肉膻、雪藏味，又不會像坊間食肆般，以大量肉鬆粉、梳打粉醃至毫無性格，難怪成為每桌必見之物！煲仔飯水準不俗，材料豐富又好味，飯粒水份適中，份量頗多；而午市免費奉送的例湯，水準亦不馬虎，加上山水種植的西洋菜，清甜解渴。在端記飽餐一頓之後，不妨順道到附近逛逛，欣賞一下城市難見的田園美景，感受一下農村氣息。歡迎大家到我的個人Blog──《

老豆牛一，專誠和他上川龍飲茶，上來不是要試點心，是感受一下山水舊式茶樓風味　到達到時已十點，點心款式而不多。想多點選擇要早點上來啊！川龍是self service 的, 搵位、沖茶、擺位、拎點心也是自己來.....我這個城市人，望著就周圍人的人各自忙，我在找茶葉和壺時．．十分不知所惜　　鳳爪　放得太久，有點泡．．　雞扎一般貨仔　牛肉腸新鮮出爐，ｏｋ！　粉果粉皮太厚　生菜ｏｋ！早上還有大包，茶果和盅飯　釣勝於魚！和老豆走一趟，談一個早上，走一走溪澗，一樂也！吃什麼也不重要。

第一次去食,要特登搭車入去,都幾唔方便果度冇冷氣...夏天去食真係好熱自助式,樣樣都自己黎茶真係好好飲,飲得出有山泉水既甜味個人認為普洱好飲叫左排骨飯,雞飯,大腸同鳳爪樣樣都幾好食兩個人食埋單52蚊,可以接受*不過真係好熱...最好冬天去

兩點幾揸車上到去至發現營業時間由0600-1400,瀨野><"...咁我地咪問下d伙計仲有無得食囉,佢話可以照坐底,不過只有剩低既食物可以揀喇,一場黎到又未食lunch,梗係坐低啦,成班餓鬼驚死無野食咁,咩都攞晒返黎,點知...可能唔係新鮮出爐既關係,好多野都經老晒或者硬晒,真係麻麻地...希望下次早d黎可以食好野啦~~~

今日想飲茶,之前聽講左川龍有茶飲就去下試一下第一次黎端記,唔係好慣咩都要自己拎,自己沖茶,餐具都係自己拎!攪好曬..就拎野食喇..拎左 排骨,蝦蛟,鳳爪,馬拉榚,燒肉鵝批 試下先...(唔知係唔係我12:303到冇咩選擇!.試味喇!排骨 味道 麻麻蝦蛟 味道 幾好鳳爪 味道 幾好馬拉榚 味道 唔得燒肉, 味道 超咸...........鵝批 味道 算係咁..不過有d乾..整體黎講,係黎食風味...!!有機會試下..早d 揸車黎食過睇下會唔會有分別!!

早起的鳥兒有蟲吃！放假比返工更早起床，為的就是吃。由荃灣兆和街搭小巴，坐到總站，就是今早既目的地。川龍有兩間酒樓，彩龍和端記，總覺得兩者水準差不多，但聽了朋友的忠告，選擇了後者。近乎自助餐的形式，點心、燒味、菜蔬等，悉隨尊便，茶都係一樣。沖好了香片返埋位，開始吃了。茶葉清香，入口順喉，確是好茶。兩條友食，胃納有限，要有策略的吃，先取小量點心。排骨熱騰騰，真好彩，吃落完全沒有雪味，肉質軟滑，肉香十足，調味也不會太濃，味道很自然的，幾有水準。咖喱魷魚，咖喱的香味不算很重，卻又有點辣。土魷爽脆，不會太韌，吸入了咖喱汁的味，也是可以。兩味點心都可以，叉燒飽就不行了。外皮發得唔夠鬆軟，感覺是實實的，餡料的叉燒粒亦韌，蜜味稍嫌不足，早知食腊腸卷好過；入廚房見師傅在拉腸粉，肯定唔會執輸。可惜腸粉皮厚，完全不滑，唯一好處是夠熱辣，僅此而已。這裡的燒味水準一向不賴，來個例牌叉燒吧！半碟是梅頭肉，另一半剛是較瘦和差的。師傅很聰明，把冇咁靚的部份薄切，起碼吃時不會覺得韌，而梅頭肉就切得厚一點，因基本就是鬆軟可口，食過番尋味。川龍的蔬菜是自家種，保証新鮮，下次來要再吃。更多相片可見：http://fabric

22/5 星期六, 由老公揸車向川龍進發, 上次試過彩龍, 今次就幫襯端記9:30到達, 可能落雨關係, 所以唔係太多人, 仲搵到個樓下冷氣位, 爽! 黎到端記, 當然又係自助啦, 由於唔太多人, 又坐樓下, 無論攞點心同沖茶都非常方便, 唔會好似上次彩龍咁同人迫, 又唔使攞住D點心走條窄樓梯, 我地三大一B, , 叫左10樣點心, 埋單都係$150.00, 又唔太貴喎, D野食仲好味過彩龍, 係就無彩龍咁多款揀囉, 仲有呢度勁多蒼蠅, 下次黎要帶定蒼蠅拍灼西洋菜--好正好鮮甜, 無渣, 連某人唔鐘意食菜都讚炒銀針粉--好味, 落左青椒絲去炒, 帶出香味, 百厭仔食左好多雞扎--唔錯, 足料, 有火腿, 魚肚, 仲有而家少用的豬肚咸菜大腸--冶味, 正鳳爪--OK, 但無斬腳指芋角--好正, 好鬆化燒賣--OK春卷--個心炸唔透, 麻麻地蝦餃--個樣比起彩龍大隻, D蝦都夠爽, 但我就覺得個皮麻麻, 老公反而話個皮正喎豆沙角--OK, 係漏左D

有一段時間無o黎, 今朝起身就的起心肝去啦! 鍾意呢度"原始", 鍾意呢度可以自己搵食咩! 大飽 - 相比以前差咗d, 無鵪鶉蛋, 不過餡料都唔少.排骨飯 - 排骨腍, 飯一粒粒軟身, 好味!糯米卷 - 糯米煙韌, 皮薄, 不過淡咗d, 但係都ok.沙爹牛肚 - 牛肚爽而腍身, 但係唔食辣嘅我只係食到二舊咋! 山水豆腐花 - 好滑, 不過唔多豆味, ok 既.燒腩仔 - 皮好脆, 肥瘦適中, 好味.芥蘭 - 新界嘅菜!!! 真係新鮮, 而且無"渣", 清甜鮮嫩.P.S. 如果你想有服務就唔好揀呢度lu, 因為單係叫人抺枱都無人理.

今日(6-12-2009 Sun)見自己同男友都可以早起身,就提議上川龍另一家茶樓－端記飲茶.差唔多10:15am到o黎,已經好多人,但好彩o係外面有張枱但冇人執o野,我企o係o度好耐,至叫到人執,執好後,男友去開茶.佢亦拎o左啲點心,有:1.燒賣size適中,味道同普通茶樓o既差唔多.2.雞紥竟然重有豬肚,魚肚大大件,雞件係雞中翼,呢件雞紥都好抵食喎.味道亦不過不失o既.3.鳳爪入晒味,有少少辣.4.釀豆腐男友冇拎豉油,不過唔緊要,當原汁原味咁食,面上o既鯪魚肉出奇地好滑,大大件o既豆腐唔太滑,不過都好有豆味.第二round到我攞,但得好少o野攞.5.咖哩金錢肚金錢肚夠腍,男友開頭食時話只有鹹味唔辣,我又食吓,唔係太辣,但食到最底就辣喇,因為有好多黑椒,而原來有酸菜做配料.6.豆沙西米糕呢個要趁熱食,唔係就會硬晒,豆沙都幾多又唔太甜,幾好味.7.春卷應該放o左好耐,但仍然好脆亦唔太油,餡料亦足,唔錯.8.奶黃包大大個奶黃包,凍晒,餡唔太多亦唔香,食一個飽晒.我o地本應想食灼菜,但太大碟,所以放棄,男友拎o左:9-10. 鯪魚球同牛柏葉呢兩樣都不過不失啦.而最後衝刺o既係:11. 豆腐

大清早，姊姊，姊夫，媽媽，弟弟，老公和我到端記飲早茶。到達時已是九時許，茶客已經不少‧由於沖茶和要點心都需要自己動手，所以難免人多擠迫，易生口角，我和老公就見到一名中年男士被一名中年女士責罵‧沖茶後，我們要了以下點心： 鳳爪： 普通，大路貨色‧雞球大飽： 味道ok，幾多餡料‧鮮竹捲： 普通‧蝦餃： 蝦肉ok，可惜粉皮太厚，質感與眾不同，唔掂！西洋菜： 味道幾好，新鮮，有菜味‧山竹牛肉： 幾好味‧馬拉糕：有用黃糖來做，味道唔錯，只是唔夠鬆軟‧粉果： 普通‧香茜餃：: 新鮮，幾好味‧燒賣： 有肉味，幾好‧芋頭扣肉飯： 扣肉不夠肥，味道麻麻‧豆腐花： 都幾滑，味道普通，豆味不濃‧ 整體而言，食物質素普通，只是環境和氣氛值得一試而已。

今早06:00出門，同媽媽、女友搭的士上去，06：15到達，已經有人飲茶。幸好天氣唔凍，坐了樓上看景，鳳爪…賣相唔錯，但死實實，好似吃白雲鳳爪咁。叉燒包…包就大，有三個，但餡就少，味道麻麻。排骨飯…舖滿排骨，飯都多，岩岩夠三人三碗。棉花雞…棉花未入味，冬菇仲un，唔見有雞。茶果…無諗住吃，有個呀姐經過，見我拿碼拉糕，呀姐話好吃過碼拉糕，咁我們就試了 個茶 果，好黏，幾甜，好似吃年糕咁，最好盡快吃，凍了外層會變硬。臘腸卷…不過不失。叉燒腸…粉夠滑，好香。其實茶樓點心唔係太得，但勝在環境綠油油，令人舒服，同時四圍的食客好有善，健談。埋單87元，搭的55.5元間中上來索下清新空氣，人都健康。

星期日, 10月18日, 是為食入新界的一個大型event, 呢次, 真真正正的帶人上山下海. 秋天嘛, 有得食, 有得行山. 滿足味蕾, 身心健康, 感受大自然.第一站, 便是馳名的山水茶寮, 川龍村的端記. 是次event人多, 同村的彩龍, 雖比較好食 (食友說), 但說地方大, 端記才容易容納我們一行, 分批到達的60人.為是次event主要搞手, 總要係小巴站留到最後. 早到的鳥兒有蟲吃, 我遲到, 想去攞點心時, 已經被掃一空. 惟有吃檯上半冷半熱的食物. 茶, 雖不是什麼名菜, 山水, 亦應該是普通的水喉水. 但不知是否空氣清新, 係呢度飲茶食點心, 總覺得比係山下既任何一間茶樓, 來得舒服.食物, 牛肉非常新鮮, 落樓下攞點心時, 點心師父不斷的整牛肉球, 腸粉部亦大排長龍. 那碟即叫即拉的腸粉, 甚是有水準. 其他點心呢, 是普通之上, 而且, 早一點, 師父用心點去做, 一遲, 人一多, 便打了少少折扣. 下次都係7、8點上到來, 才能食出呢度既特式同水準.10點, 已經是太晏了.....食飽之後, 我們分成兩隊, 登高去....同遠征甲龍古道.

大帽山川龍兩間茶樓，普遍認為位於下方的「端記」，其食物水準勝於附近馬路的「彩龍」，不過這頭一躺的品茗茶局，倒有另一番看法。樓高兩層，桌椅的數目也多，樓上還有人掛上裝著鳥類的雀籠，在都市化之下，這種風情已屬買少見少。說回食物和其食制，這裡貫徹行山客的傳統，一切沖茶、取點心等都是由茶客親身處理，沒有大量侍應慇勤的服務，如患有少爺病和公主病的，奉勸不要前往。兩間茶樓都標謗用上附近的山澗水沖茶，所以份外清甜，不過曾有人質疑只是噱頭一個，論前日喝的茶，又不覺甚麼特別，怎樣也好，付出長途路費和不少腳力，心理上總希望有一點正面的回報。取了多款點心，主要也是大路的款式，大部份的味道是不差的，特別好吃嗎?! 和彩龍、甚至其他區的老店比較，也只是伯仲之間。較「特別」的是鵪鶉蛋燒賣，引得一眾年青的女食客食指大動，不過在市區，也不難找到這種款式和味道。這裡的鮮灼鮮蔬，也是一道「名物」，最出名的是西洋菜，那天店方以不是時令的關係，沒有供應，只好點了通菜和菜心，所謂夏瓜冬菜，味道上確是鮮甜，尤其是通菜，更添多兩分爽脆；想起上次彩龍那役，那甚有「性格」的朋友，以自封食肉獸為榮，一條菜也沒有吃到，還說吃上菜是會嘔的.

第一輪先點以下食品試試：蝦米腸粉、鳳爪、牛肚、雞球大飽、咖哩魷魚、雞扎茗茶、樽裝水味道：3 - 2- 蝦米腸粉 - 沽清（所有腸粉沽清，可能我們來得晚一點，約十二時）- 鳳爪、牛肚、雞球大飽、咖哩魷魚 - 全部“暖暖地，凍凍地”- 雞扎 - 表面“熱熱地”，裡面“凍冰冰”，雞件“生的、凍冰冰的”- 茗茶 - 山水沖茶，幾好- 樽裝水 - 夠凍環境：3 - 1位於村內，有植物襯托，店外環境尚可。店內則一般。服務：3 - 1 - 1- 自助型式，客人自己點菜、沖茶。用餐完畢才埋單計數。- 各員工沒有笑容、沒有招呼、不熱情、不主動（雖云鄉村小店不太講究，但相比其他類似食店，確實是差一些）。- 埋單時順便通知“阿姐”雞扎“生0既”。阿姐只順口回應一句“生0既”，之後便拿走該碟雞扎。- 數分鐘後有一身穿 “圍裙 - 有收銀袋” 的“阿叔”來收錢。他只說了一句：「46蚊啦」，並無任何“不好意思”的表示（46蚊剛好是減去雞扎後的總數）。我們提醒他樽裝水未收錢，亦只回應一句：「哦，52蚊啦」。令客人感到非常冷漠。衛生：3 一般（沒有使用過洗手間）。抵食：3 -1 - 1- 份量不算多- 味道普通- 沒

中午12點多黎到, 原來都好多人專程入黎飲茶, 座無虛席. 由於已經中午, 晏左黎, 好多點心都冇, 燒賣, 虾餃呢d搶手點心休想見到, 牛肉, 包, 排骨, 豬腸, 鮮竹卷, 蒸飯, 炸物都仲有既.山水沖茶葉---果然係滑d, 杯茶一d都唔澀, 飲多幾杯都幾滿足.牛肉球---好軟下, 夠淋, 唔會覺得一嚿肉硬掘掘咁.排骨---好味, 啖啖肉, 冇乜肥膏, 又唔會好油.馬拉糕---唔夠滑, 可能食慣大榮華個隻, 呢隻傳統既唔係個個人鍾意.灼菜心---好甜, 好香, 又唔會好油.鮮竹卷---凍左d, 細細件, 唔會食到好"濟".炸豆腐---幾好, 夠干身, 唔會油淋淋.鳳爪---唔油, good!整體而言, 由於d點心唔係好油, 所以感覺幾好, 只係晏左黎, 有d點心凍左. 不過當你飲過杯山水茶再加環境舒服, 空氣清新, 夠晒地道, 就算下次早d黎都願.