端記茶樓

營業中

休息中

曾幾何時，自己希望能夠上川龍嘆個早茶，飲飽食醉後就去行山。但偏偏都敵唔過周公，經常選擇繼續睡覺。不過有一日突如其來的興致下，就誤打誤撞上咗川龍嘆菜。開頭都擔心川龍只得早市，怕去到會送上四個大字俾我，關門大吉。但幸福之神的降臨下能夠在唔係早上的時間下品嚐川龍的特色。咁大個人，第一次飲茶係以自助式的情況下自己斟茶，拎餐具，點心等等。基於第一次以呢個方式揀點心，就揀咗好多點心，例如牛肉球，鳳爪，雞扎，蘿蔔糕， 盅頭飯，燒味部叉燒，等等。食食下期間見到另一到有好多人排隊，咁又跟住排啦，原來係新界嘅西洋菜啦。第一次食到咁新鮮嘅西洋菜，鮮甜，又嫩綠。雖則川龍嘅點心唔算太便宜，味道亦非咁好味，但當中嘅過程，令我感受到香港傳統文化。