立鮨 (金馬倫廣場)

營業中

休息中

高質立食壽司🍣，滿足要求「快、靚、正」的顧客，到戲院看電影前要吃個快飯就來一試！全店只有約10個企位，由於我這夜算是吃早飯，6點幾已到達但已經要等位，約10-15分鐘二人人齊入座。首先每人各點一份「特上吞拿魚盛合」($160)，每份有5件不同款式的toro壽司，魚生鮮甜甘香，令人吃得滿足，每件壽司配上醋飯已很夠味，不用再點醬油😋再點了特上海膽壽司、珍寶甜蝦壽司、火炙左口魚邊壽司、深海池魚壽司、油甘魚壽司及北海道帶子壽司。每款壽司都味道不錯，魚生夠鮮👍🏻這餐廳的食物味道屬優質，上菜速度超快，一次過整盤端上，這餐立食了少於45分鐘的晚餐二人共消費$700多，味道是好，不過吃壽司還是應慢慢的享受，如果時間許可的話，我不介意多付點錢選擇一間坐著慢慢歎的壽司店😆

今日同班姊妹去食壽司，起初大家都有小小抗拒要企係到食，但見咁多人都係到排隊等入，應該好好食，所以照排下，雖然人龍成10幾人，但等左15分鐘都入得去食首先食最喜愛既鰻魚壽司，好肥美，好好味，三文魚壽命定食，真係抵食夾大件，食佢個set已經半飽，再飲番麒麟啤酒，真係絕配，後尾加單，師傅都非常快手，同會推介有咩時令當食，好有heart最後臨走都外賣左一大盒壽司俾我男朋友食，都讚不絕口，可惜返到去紫菜已經冧左，因住得遠，下次都係要捉埋佢黎食

今日同女友去慶祝周年紀念日，見飲食雜誌介紹，所以去試下，因為店舖不太，又有人龍，所以都等左我10分鐘先入到去，講番食物先，本身見價錢同元氣差唔多，諗住當普通一餐日本野食下算，點知一試之下，覺得好新鮮同好味，海膽壽司，一d腥既感覺都無，三文魚仔壽司，去到滿瀉既感覺，好滿足，再黎大拖拿手卷，食到要encore, 最後食埋個鰻魚壽司，又厚又juicy又熱辣辣，好鬼正，兩條友埋單$300零，性價比極高，抵最後要彈下既係，倒水出黎個制，襟出黎d水好叉熱，已同師傅反應下，即話會改善同醒左支可樂俾我，真唔好意思女友話下星期要再去食過

返完工好肚餓好想食嘢, 然之後經過呢一間 立食壽司第一次見到有立食所以入咗去試...唔使等位直接可以入去 , 一入到去有4-5個壽司師傅, order 係一張menu上面, 然之後就畀師傅..等大概十分鐘嘅時候, 我哋就用綠茶粉 加熱水 自己 筷子自己抹 碟自己抹....因為我好鍾意食火焰所以第一時間就即刻寫低咗火焰壽司套餐我好鍾意食火焰套餐 ,特別係三文魚腩..非常之出奇嘅就係:::: 連舊壽司飯已經撈咗豉油  壽司飯細細舊, 撈埋豉油, 啱曬呢啲要又想食壽司又想減肥嘅女仔 三文魚腩超大塊....仲好厚身...芝士同埋三文魚喺口腔裏面半融狀態好好食好少壽司舖有松葉蟹....重要即叫即燒...好新鮮好多汁E個係喺壽司師傅後面隨機見到...而家做緊優惠...我男朋友一啖就食曬啦呢個係我男朋友叫得最貴嘅牡丹蝦. 佢叫咗三件每件好貴㗎total$144蚊@3係最貴嘅牡丹蝦...因為真係超大超大超大  要講三次很重要  我男朋友好鍾意食牡丹蝦,,,, 牡丹蝦食落去有少少檸檬汁..好少鋪頭會落檸檬汁...覺得好特別我男朋友覺得巧巧食火焰三文魚好啦到重頭戲啦到咗我最鍾意食嘅海膽 例牌啦都係食海膽手

🏮外賣宵夜到..🏮😊今晚突然肚餓諗起立鮨..🌸平時去開尖沙咀間鋪頭食..🤗老公係附近做完嘢..點可以放過呢個機會呢..🌸即時人肉外賣速遞..👍🏻夜晚輕食要佐10件..🌸哎喲..外賣也不錯哦👍🏻👍🏻💕特別係kama toro真係超正..🎊火炙三文魚同左口魚甘香美味..🌸三文魚籽鮮味又足料..🏮奶奶坐係隔離都忍唔住食佐兩件..🤗好嘢當然要一齊開心分享..😍份量啱啱好..味道始終如一..新鮮好食❤️❤️

餐廳係立食的，但環境舒適。聽講依間係香港唯一一間立食的壽司，食完之後，我覺得立食真係唔錯呀，係性價比好好既餐廳。海膽好鮮甜完全無腥味😋 值得一讚。我地食過唔少海膽都有腥味或者係無味的，而依個就有海膽既鮮甜味，底食👍🏼大拖羅肉厚無根，而且只係$48，比起其他壽司店$8x一件的大拖羅壽司有過之而無不及，性價比高!魚子咬落去好juicy好鮮味，我原本食過既魚子都係淡味或都有d腥味，依個d汁多到爆出黎咁而且仲係好鮮味，配上日本海膽味道好夾! 好足料!底讚!我地仲問左師父好多野，師父好nice，又不厭其煩咁答哂我地。雖然係立食，但咁既價錢有新鮮既壽司食，service又唔錯，下次一定會再黎!

餐廳走立食文化，侍應服務恩勤，細心有禮，笑容十足，壽司師傅態度親和，每件壽司都會作出介紹。刺身好新鮮，價錢相宜，壽司用上坊間少見既赤醋飯，味道調較得宜，不會太濃太酸，也不會蓋過刺身的鮮味，性價比高，等侯時間又比 ”千x” 快得多，完勝。深海池魚厚切帶上魚皮，色澤十分鮮亮，加入柚子皮一拼享用，感覺清新，鮮味無窮。左口魚邊，經過燒炙過，表面帶點焦色，燒得十分香口，油脂甘香，鮮香四溢。赤貝呈橙紅色帶光澤，肉質飽滿厚彈，口感爽脆，帶濃郁海水鮮甜味。最喜歡大拖羅，色澤粉嫩又厚切，非常肥美而且油脂平均分佈，富有入口即溶的感覺，齒頰留香。軍艦上的三文魚子爆滿的視覺效果一流，粒粒飽滿又剔透，醃制過的三文魚子不會太鹹，入口爆發的鹹香鮮味突出，軍艦紫菜新鮮脆口，值得一試。海膽怪當然不敵誘惑，特意點了海膽杯，海膽的饀料份量很慷慨，估計有十多片在內，入口新鮮甘甜，口感軟滑鮮嫩，不帶半點腥味，十分足料好吃。這一餐日本料理十分不俗，用饍質素絕佳，配套小節也做得很好，吃得稱心滿意，值得encore。

日日都坐係度8，9個鐘，尖沙咀開左立鮨後就好想試，今日咁岩唔洗等即刻入去啦仲諗佢有好多套餐揀既，相比晚餐只有單點，價錢就平得多啦。（不過份量就比較少囉）我地兩個女仔叫左3個壽司set share都只係剛好餐咋啲壽司全部師傅即場做既，啲材料就放係面前，都食得放心，壽司本身有調味，佢標榜你唔落豉油同wasabi都可以就咁食，咁佢真係好夠味既，但問題係唔落豉油就會有啲乾囉，我最後都選擇落反少少豉油佢真係每件都好味既，亦新鮮，特別係啲有落蔥既係食得出蔥既脆嫩！麵豉湯係有用蝦頭煲，好有海鮮既甜味，前菜蟹籽沙律都好清新，夏天食剛剛好埋單每人都只係一人一百，間唔中企下食lunch都幾好

今晚約左朋友一行六人去食立鰭，日本的快食餐廳全店都得得12個位左右，我地差唔多要左五成位置，所以一排都排左成個鐘，之後仲要企係度食，都幾累店內有吊花，都幾靚全部位都係圍住壽司師傅的bar位，安排左個L位比我地都幾好每件壽司細細件咁，所以都加order加左兩次，張清單都好長好長，食過第一轉好味既都係之後翻單之選手卷捲法特別，方便食，可惜唔係碟上，遞到黎無手拎相機，係好似圓桶形咁，大細適中易入口，紫菜又晤會因放我耐難咬開其餘既海鮮壽司，海鮮都鮮甜老公都讚過得去呀不過我唔係餓住咁去，都要叫好多先飽，買外賣，無加一坐住食會抵同舒服d

上星期尖沙咀見客，比原定時間早左吾夠一個鐘，諗起這間成日排隊既立食壽司，見一個人，快快食幾件頂肚，但一食，試左期間限定秋刀魚，一個字”鮮”, 之後緊系要朝聖一下他們的三文魚子。滿瀉曬laaaaaaa可能下午茶時間人客不多師父有時間細心解釋後面塊黑板原來「識食一定食期間限定」（師父話）系師父推介下食左磯煮鮑魚👍👍👍👍赤陸👍👍👍👍👍肥美白身魚蟹肉蟹膏👍👍👍👍火炙大吞拿魚腩👍👍👍👍👍👍👍尤魚👍👍👍但顏值高甘岩仲見到鮮魚剛到，師父即席現場劏好正丫這小店一定會再來Ps 推介下午茶時間去

之前友人係旺角食過話幾好食，加上睇到都幾多好評就黎試下。餐廳得好少企位，好彩中午黎到唔洗排隊就直接有位😚。叫左個立鮨壽司拼盤，單點呑拿魚壽司，火炙左口魚邊壽司同蔥碎吞拿魚手卷 。可能係期望過高，同埋要企住黎食，食完都有d失望。海膽帶子味道較腥，食落有d苦苦地，食材都無想像中咁新鮮。反而個手卷較壽司出色，紫菜好脆，唔會好淋🤔。整體黎講都係比較普通，下次應該唔會再黎食，以咁既價錢可以係其他日本餐廳坐住慢慢食🙊。

今晚收工，見冇人排隊，打算試下。點知叫完野食，等左大約15分鐘，野食終於到，買相好正常，好似好好食咁，可惜食落去D飯冇味道又唔分明，一D壽司飯嘅味道都冇，魚生亦不見得十分新鮮！不知為何平時見到這麼多人排隊🤔🤔下次真係去食返元氣好過，只少比咁嘅價錢，都比返差不多的質素，十分失望😞

琴晚食左個小伏既廣島辣沾麵後，想食返餐好少少既，就諗起呢間立食壽司。係佢上年年尾新開，fb係咁宣傳既時候就做左先鋒去試，個陣覺得真係唔錯，價錢同千兩差唔多但魚生係多選擇同新鮮！可惜，事隔十個月，極失望而回，無下次！唔係唔好味，亦都無冰味，不過全部都無味。。。賣相仍然幾好，但食落第一舊既時候心諗，係咪我味覺有問題呢？ 即刻飲啖茶，sun sun鼻涕(in case塞左) 再食多舊，唔係wor真係無味！望望友人既表情已經知道中哂伏！ 連三文魚，甜蝦都無味。 係得鰻魚同三文魚子正正常常。 海膽唔臭不過唔係鮮個隻。其他都係無味。。比完錢覺得$500 唔知食左d乜，唔明點解香港咁多餐廳都係一開頭明明好好，但時間一長就會差左勁多，最後執笠收場。睇返食評仲有唔少人話好正，唔知係我唔好彩 咁岩星期日lunch中左伏定 打手太多。 點都好，下次咁既價錢我寧願食返千兩，或者連元氣都照殺-_-

立食suishi 係日本流行左好耐 經過好奇就行入去食下見到佢傳宣自己係高級立食 滿心期待會好食 話明高級 又要企住食 仲要收加一換來既係一點service 也沒有 suishi太細 比起平時suishi細太多 點了138 套餐 樣貌係 係似高級 見到嚿飯帶點啡色 以為好有醋味 ，雖然不太散 但略厭太硬海膽 海𧎚唔新鮮中tuna 上加了大量配料 是為了覆盍tuna的不足嗎？燒左口魚好食 香三文魚腩好食 但貴 咁細塊要20$加一深海池魚好味 帶子細甜質素是ok算不上高級 加一更加無理

每次經過都好想試呢間立食壽司，但每一次見到條人龍都會放棄。今晚九點幾經過，可能已經過晒食晚飯嘅時段，難得唔洗等位就入咗去食嚕。一望到menu確實比個價錢嚇親，原來比我想像中平。佢杯綠茶更加係我係香港日本餐廳飲過最出色嘅，拍得住日本宇治嘅水準，忍唔住不停自斟自飲。見到好多人推介大滿足海膽特盛，所以平時好少叫飯嘅我地都order咗一客。真係無介紹錯，細細碗仔舖滿海膽，佢嘅飯粒都有調過味，一啖飯再配以一啖海膽夾住黎食，真係無得輸！兩個人share啱啱好，仲有quota可以試其他野。另外要推薦嘅就仲有佢既三文魚腩壽司，啖啖魚香夠晒肥美，什麼膽固醇都唔好諗喇，食完先算啦！其他壽司都唔錯架，鰻魚唔腥燒得幾香，玉子就普通啦，唔算太有驚喜。整體上都算高質，唯一覺得可以再好啲就係紫菜太淋。不過我一定會再encore架，始終咁夜先食飯就唔敢order太多嚕，希望下次再去可以叫多幾款黎試啦！