究極堂 (蜆殼街)

營業中

休息中

重陽節幾天長假期，少不了和家人四出找好東西吃，只想不到同日午餐、晚餐，家人都不約而同建議到同一間日式餐廳《究極堂》吃。我想，why not ，橫豎餐廳是新開張的，還沒有試完它的各種菜式。午餐和丈夫兩口子去撐枱腳，丈夫點了慢煮豬軟骨蛋包飯，我想吃得清淡一點，叫了一個季節海鮮沙律，連麵豉湯及甜品，只是$88。海鮮沙律用料絕不馬虎，有四片黑松露帆立貝、一片似花枝卷的三文魚、蟹肉及三文魚籽。醋及醬油的醬汁調配適中，不會太酸。甜品是焦糖玉子，充分表現餐廳的fusion特色。就是那最不起眼的麵豉湯，也沒有死鹹及麵豉的渣滓，清清的滑豆腐及海帶，深得我心。丈夫的慢煮豬軟骨蛋包飯，蛋皮是半生熟滑蛋，竟也可以完整地覆蓋飯團，頗考師傅功力。腍滑的豬軟骨及粟米湯醬料賣相，令我好奇是怎樣的一個味道，忍不住偷吃了兩口，真要給他一個讚，這個$78連麵豉湯的套餐，大力推薦為必吃之選。晚餐和家人四人同行，重點試試各種壽司。點了炙燒右口魚壽司（不是左口魚），灑上三色芝麻，入口溶化，還有點點芝麻的餘香，家人追加了兩次。醬燒三文魚炸蝦卷、七味姜燒帆立貝壽司、牛油果軟殼蟹卷等，都有水準。不能不提明太子芝士玉子燒，我對明太子一向

究極堂開張以來已經拜訪左好多好多次，每一次去都食到樂而忘返。今年慶祝生日，理所當然地選擇左去究極堂慶祝，預留左VIP房打算同屋企人大快朵頤一番。阿哥鍾意食刺身同壽司，所以刺身點左三文魚，三文魚腩，帆立貝，壽司就點左右口魚邊，海膽，槍烏賊，中拖羅。每一款都好新鮮，屋企人食完都話下次一定要帶朋友過黎試下。另外今次（又）試左幾款招牌菜：避風塘炒枝豆，烟熏蒜香火炙吞拿魚，蟹膏豆腐鱈魚乾，麻婆豆腐炸鷄蛋包飯，明太子玉子燒其實每一次點熟食都好有驚喜，D招牌菜真係各有千秋。總括而言，我好快又會再次光臨究極堂 XD

今次是第二次來幫襯，上次是開業第二天與家人來吃晚餐，上次的壽司好新鮮，最驚喜是家人預先訂了秋刀魚及活粒貝刺身，秋刀魚刺身鮮味沒有碎骨，粒貝爽口鮮甜;其他熟食都好有驚喜，包括櫻花海鮮薄餅，薄餅脆口用料夠;滑蛋吉列黑脆飯，吉列黑豚入口鬆化不肥膩;炸串試了紫蘇梅醬軟骨雞肉串，梅醬感覺清新，與炸雞肉味道好夾;可惜當晚没有影底食物，今天來試午市套餐。新張關係，店舖午市暫時只提供套餐，我同先生2人點了究極丼及壽司定食配烏冬｡兩個餐都有三文魚子同海膽，感覺新鮮好味。究極丼內提供秘制漬醃蛋黄醬，用來撈飯好味。整體上魚生新鮮冇腥味，下次再想來吃晚市，可以散叫試多D唔同的食物。

前兩日中午經開呢間新開日本居酒屋叫咗個山芋泥碎拖羅丼飯，食完之後好驚喜。朋友約開食飯，提議佢地不如一齊去呢間嘢試下。 果然無令我失望，晚餐小食都好出色，最緊要係佢一啲都唔貴。一行四人，開咗支清酒，同埋一人一杯啤酒，人均消費都只係四佰幾，已經有刺身、壽司、串燒、丼飯、烏冬同埋係出面未食過嘅特色小食，最推介係呢個”蟹膏豆腐鱈魚乾”，估唔到呢幾樣野加埋原來咁夾，超好味！仲有個”咖喱蕃茄烏冬”居然令從來唔多喜好食烏冬嘅我想再去食多次，烏冬好入味，一啲都唔似平時我食過嘅烏冬果種只得粉團嘅感覺！剌身、壽司果啲都好新鮮！ 環境亦都好舒適，服務唔錯，一定會再幫襯！

炮台山新開張嘅“究極堂”，店如其名，果真有其究極之處。裝修大氣有特色，大廳午市夠開揚熱鬧，晚市又適合小酌一杯，促膝長談。壽司吧可以同近距離師傅交流，仲有機會觀賞出品嘅製作過程。今次午膳六個人食左千幾蚊（午市套餐加單點），但其實午市套餐價錢只係$68 - $128之間，特色丼飯同刺身定食都只係$168 - $188，性價比十分究極。總括來講，食物出品的確係高質素，當然新開張嘅舖頭係需要時間去完善服務流程，但因爲餐廳整個團隊都好親切好有心，所以非常期待生意及服務流程穩定後，可以擦出更多火花，令“究極堂”再加究極。順帶一提，“究極堂”可以品嘗到嘅大師手筆除左食物之外，仲有餐廳大廳嗰一幅由Kristopher Ho創作嘅巨型壁畫，鍾意藝術或者打卡嘅朋友記得去“究極堂“鑒賞鑒賞，一舉兩得！

啱啱十月二號新開張，門面裝修好日本風，唔知餐廳質素如何，過嚟試下新嘢先！店內空間感大而且光猛，以木做主調，入面有一幅漫畫風壁畫，相當有日本特色。侍應安排我哋坐窗邊位，對住馬路景，店外經過嘅人唔多，可以安心食飯。午市套餐有好多款選擇，有各種海鮮丼、定食、蛋包飯等等。我哋今次就揀咗壽司定食配烏冬 & 網燒頂級肉眼。❤️壽司定食配烏冬 $148雖然價錢略貴，但魚生好新鮮。一共有九款壽司，有配wasabi同薑片，師傅會預先將wasabi放喺飯和魚生片之間。三文魚子軍艦粒粒飽滿，充滿鹹香，顏色鮮豔；油甘魚肥美，油光靚；赤蝦好鮮甜，新鮮爽口；反而貝類唔算特別鮮甜。最推介最右上角嘅火炙壽司，火炙之後，逼出油香，入油即化，油脂感甚為豐富。壽司飯唔會鬆散唔硬，飯量啱啱好，一啖食哂。烏冬中規中矩，正常發揮。好食度：⭐️⭐️⭐️⭐️(4/5)✅魚生新鮮⚠️跟沙律，無麵豉湯❤️ 網燒頂級肉眼 $128有配薯條、白飯同麵豉湯。叫咗七成熟，牛扒薄身肉質唔韌，牛味濃；牛扒醬汁好日式，黑椒味重；薯條脆口，略嫌薯條份量唔太多。好食度：⭐️⭐️⭐️✨(3.5/5)餐廳推薦度：⭐️⭐️⭐️✨(3.5/5)餐廳有加一，午市雖然價錢偏貴，但食材新鮮，環

早兩日行過蜆殼街以前Mori個位見到有新日本餐廳開，今日就即刻過去試下。打開Menu, 好多唔同選擇，刺身、壽司、卷物、鐵板、Pizza乜都有，仲要唔係平時日本餐廳食到好悶嗰d菜式。我地先叫幾款推介嘅壽司：赤身、蝦味噌熟蝦、蟹膏豆腐蟹肉、七味姜燒帆立貝、醬燒三文魚炸蝦卷。赤身壽司蝦味噌熟蝦蟹膏豆腐蟹肉七味姜燒帆立貝醬燒三文魚炸蝦卷幾樣都好味都幾特別，尤其係赤身壽司，同平時食到嘅橡膠吞拿魚好唔同，必食！之後見到有個鐵板麻婆豆腐茄子，咁搞笑就決定叫黎試下伏，仲叫左幾樣串炸：海苔墨魚他他、西京豚肉韮菜、天使蝦。同埋推介嘅蟹膏豆腐鱈魚乾，麻婆豆腐茄子海苔墨魚他他+西京豚肉韮菜天使蝦蟹膏豆腐鱈魚乾估你唔到個麻婆豆腐茄子一d伏都無，有花椒油香味又唔會太辣，上面加左芝士一齊焗味道好夾，配埋送嘅蒜蓉包，一啖接住一啖極速食完，有驚喜！串炸個墨魚滑夠哂彈牙，入面仲有唔少墨魚肉，炸皮唔厚勁香口。西京豚肉韮菜嘅豚肉好嫩滑同Juicy，配埋西京汁好好味。天使蝦大大隻，炸得好酥脆，蝦殼都可以食埋，蝦味濃郁，絕對唔係一般嘅膠蝦。蟹膏豆腐鱈魚乾好濃味，啱哂送酒。見個胃仲有d位，就叫埋推介嘅究極金龍卷同焦糖玉子燒。究極

今晚難得個仔同未來新抱仔肯陪兩老追月，在屋企附近四出找尋特色食肆，行到蜆殼街，發現有一間食肆門口擺滿花籃，原來係一間日式餐廳「究極堂」剛巧今天開幕，在門口睇了Menu，覺得都有幾款吸睛的菜式，價錢又好合理，訂了晚餐table for 4。頭盤點了蟹膏豆腐鱈魚乾，$55有四件，超抵食不在講，這個頭盤冇得輸，鱈魚乾香脆，不單止有蟹膏和豆腐還有蟹肉，非常鮮味。疫情關係，唔敢食魚生，叫了黑松露牛油果軟殼蟹卷，頗有驚喜，先有黑松露香氣撲鼻，壽司配以四色芝麻，食完味蕾仍感到陣陣幽香。蒜香虎蝦，蝦殼香脆，可以連殼食，茄汁是日式的甜，$78有五隻，抵食。兒子叫了麥粒味噌豚肉薄餅，餡料不錯，但是那種日式的茄汁太甜，完全蓋過了豚肉的原味。丈夫本來叫了京燒銀雪魚，落了單後職員才走過來說沒有貨，改了叫牛肉烏冬拼迷你鰻魚飯，不過不失。可能是第一日營業的關係，迷你三色丼也漏了單，侍應明顯對菜式的內容不太清楚，入門口時也忘記替我們量度體溫。期待下一次再去的時候比較上軌道，還有很多未試過的菜式想試呢。