稻香 (已結業)

係天寒地凍之下,我o地一行十人係食小菜唔打邊爐,d呀姐就當我o地係"羊古", "禁"得就"禁".係十分鐘內, 不少於十個呀姐不停ci-check-咁轉, 每個都係sell 燒鵝孖寶$168同埋$688海鮮餐. 仲有人sell 東星,煩到爆!我o地又係唔十個人叫三碟食送, 呢d咁o既服務, 只係趕客!BLACK LIST!!

(9/11/06)"迎喜"又多一間喇,夾埋稻香,裝過修真係好靚,尤其右手邊area,高高的吊燈、大椅子,完全唔似茶樓格局。看過單張發現,一至四有個套餐唔錯,如下:乳豬拌海蛪,男友勁讚乳豬燒得好靚,豬又唔太肥,我較欣賞海蜇,夠爽。御品大海蝦,甜酸汁好好味,蝦又大又新鮮。翠瓜花蚌珊瑚蚌,兩樣蚌都好靚啊!脆奶杏片花枝丸,即炸蜜瓜奶條&墨丸,墨丸細粒stick得太多杏片了,蓋晒墨魚丸味。竹笙海皇珍珠翅,好多獻羹,麻麻。鮑汁玉掌扣螺頭,鴨掌黏到,很有骨膠原的感覺,螺頭唔韌,仲好似鮑魚味添!東星斑雖然唔係好大條,但質素一D都唔差。醬油香脆皮雞,好香蒜味呀!皮還是脆脆的。臘味糯米飯,又正!我把臘味夾晒出黎,糯米仍好夠味。壽包,中size,皮鬆軟滑得緊要,尤其蓮蓉柔軟,肯定是新鮮的壽包呀!甜品寫著,"香滑甜又蜜",應唔係固定款。今晚係悶悶的紫米紅豆沙,頗稀&甜。另一類似既餐,星期五要$1,999喇!所以呢個好抵食啊。

中秋夜,是家人相聚之日子,家母有命,一定要入來荃灣Landmark的稻香,說其龍蝦餐$288,抵食到極.如果唔係家母意思,老早入深井吃燒鵝.一早講過,對稻香集團帶點偏見,月內兩度光顧,自打咀巴也打得變臘腸咀.連埋家弟三個人,一個龍蝦餐包個炒鮑片,燒味拼盤,竹笙扒豆腐,鮑魚一品煲.剛好夠分.大時大節,吃得"豪"一點,無可厚非.竹笙扒豆腐沒有什麼味,竹笙本身沒有味,今次點都逼不出食味來.燒味拼盤例牌有乳豬,叉燒等等,並非熱辣辣即燒貨色,不過也不俗,起碼乳豬皮即使不是入口即化,也很脆口.龍蝦用上湯焗,底下照例有伊麵,龍蝦肉質鮮甜且爽口,照推斷應該係澳州龍,本地龍價高,無可能賣到$288嘛.索晒味的伊麵,更是精華所在.跟餐的炒鮑片,新鮮鮑切片,用翠玉瓜,雲耳去炒,非常有鑊氣,整個菜式也很爽口.鮑魚一品煲,用料聽落好名貴,鮑魚仔四隻,花膠,鵝掌,花菇各四.以$188這個好意頭的價錢,也很超值.咁大個人,未試過在稻香吃得那麼貴,埋單$720,一樣笑住比.最緊要家母吃得開心.人越大,越來越注重同家人相聚之日子.大時大節,能夠同一家人吃一頓飯,係好幸福的一回事.Love is All - The Ra

琴日同男朋友黎飲下午茶,大部分點心都熱辣辣且好新鮮!首選有大大粒燒賣、春卷同蟹粉小籠包~春卷就算凍左都仍然好脆,蟹粉小籠包就勁多蟹粉,好味!至於呢度既service都幾好,事緣我叫左個XO醬炒蘿蔔糕,不過咬入去竟然係凍冰冰!所以我叫左阿姐去換,佢都好樂意仲之後拎碟好熱既俾我~

狗舅父英倫回歸招待晚宴, 擺兩圍套餐, 每圍12 人. 呢間稻香可能係全港至差一間, 殘舊裝修, 再加上成個大堂擺好迫好密. 玩耍盲雞帶你入, 除眼罩, 你仲以為係乜地茶樓咁差. 廁所衛生程度更惡劣. 唯一優點就係地利. 假日服務嚴重不足. 叫人困難. 菜式取巧, 果碟大蝦扒沙律, 留下陰影到到而家. 如對套餐菜式跟得無咁緊, 分分鐘錯到七彩, 蝦米當龍蝦, 魚翅當粉絲都有份. 當晚就因為佢上錯菜, 主持人狗媽跟漏, 大家就此食錯, 原來最初係佢某一道菜因材料缺貨, 擅自更改, 毫無事先通知下比代替品我食. 經追問爭拗好耐, 至知真相, 佢至認錯補送甜品, 咁垃圾服務態度, 怎可原諒? 當晚表現, 留下兩圍24 個人極差印象, 商譽靠口碑話, 呢晚24 把口傳出去, 一傳十十傳百, 試會唔會對整個品牌有打擊. 菜點好味? 不值一提.

若果o吾係姑媽牛一，荃灣稻香絕對o吾會係我o既食神秘笈裡面出現。若果o吾係老豆諗住貴野一定好，我地會去第二道。全晚坐無虛席，但係大部份人都係食火鍋，晚飯飯局人多？只屬假像。是晚有芝士焗小兒麻痺龍蝦（伊麵底），清蒸鞋sap sap大青班，特色無味冬菇，full of 豆粉魚肚羹，有色無味鹵水拼盤&貴妃冰鮮雞。我有理由相信，Ｄ識煮野食o既師傳一定就走哂，淨番Do吾識煮、只需要準備材料o既師傅仔係到死燦，夠膽死俾D出哂味o既冬菇客人食？我好少會去得咁盡，就係呢味無味冬菇令人火都黎埋！一句講哂，負分！p.s. 特別加許全場最落力大獎：個個就係好等錢洗o既、猛咁sell年糕o既PR姐姐！

話說我狗家族為慶祝狗大壽, 就就地腳揀呢間荃灣稻香, book張大, 一家大細三代同堂叫狗食, 當係一餐生日晚飯.咁大棚狗叫個'合家歡套餐' 再散叫幾碟小菜同湯呀咁, 食物其實都ok, 只係個乳豬拼盤實在太少, 分勻一狗都唔夠食兩round. 你知狗孫仔狗孫女幾咁鐘意食脆卜卜乳豬啦...但至弊就係伙計全晚係咁hard sell 飯後甜品, 喂, 大佬呀, 菜都未到齊就sell 定, 大班狗食餐途中又sell, 仲要係超級車輪轉, 一個伙計sell 完又來一個後排攻擊, 攪到狗爺爺發火想爆粗咁滯. 點解呢間好驚甜品賣唔去咩?

真係一次都不要來都不知為什麼咁多人仲要貼錢買難受> <首先我們要求轉枱,因為近出燒味位4邊坐得3邊而且你知佢地枱與枱之間很迫那位知客呀姐勁俾面色我地又用極不好態度語氣在我們堅決換下換左張細枱我地...問題係佢仲d table未full晒..落單位小姐又係不停叫我們叫些貴價菜...話點抵點抵但那些貴價菜根本不合我們胃口我地都說不要,佢仲可以講...煩叫左:龍蝦...不好食,又不足(稱)---$520石斑...蒸得ok---$380生炒骨...差~清炒豆苖...ok

一次過o黎晒d野, 好似要你一坐低即刻走咁!!! 又唔抵wor~

等位真係等死! 火鍋料好正好新鮮,推薦食桂花蚌

星期三o個日朝早難得清閒，所以被迫去飲早茶! 稻香集團真係好鬼旺，遲o左真係等位都等死!~首先梗係要試『春回大地』精選，皆因過o左春天就無得食! 推介:「芙蓉駌鴦餃」($14.8) 味道清新，餃皮夠口感!「芝麻海鮮茼」($14.8) 入口有一種強烈芝麻香，海鮮料夠鮮甜，個皮夠晒脆!~大大碟實飽肚推介:「香煎蝦米腸」(大點) 由細到大都未食過咁大碟煎腸粉，一定要加埋甜/ 麻/ 辣醬一齊食至正宗!「炒米粉」就無咩特別，好似平時街邊個!~飲早茶梗係要食粥，呢度o的粥加埋腐竹一齊煲，夠晒棉同火路!~另類推介:「足料碗仔翅」(下午茶$4.8) 都真係幾足料，粉絲當魚翅就理所當然!「雞蛋豬腳薑」阿媽話女人唔補好易老喎!不過我真係頂唔順果陣味!總結來講，價錢夠抵，點心味美，服務唔差，食得過!