稻香 (已結業)

Sat night 同朋友去打邊爐Environment: 空氣唔流通. Food: 湯低好足料. 食物種類都ok, 新鮮, 整體唔錯, 算想食d食物都有: 1)魚皮餃, 好大隻, 料無過份調味2)肥牛:肥瘦均勻, nice3)手打四寶丸, 粒粒都好爽口彈牙,好新鮮4) 駝鳥肉 & 鵝腸: ok5)西洋菜&豆腐: ok6)雲吞, 芋絲, 蘿蔔: ok可能因為天氣的關係, 食小菜比食火鍋的人多好多Service:侍應雖然忙, 但態度都幾好

黎稻香晚飯小菜就食得多, 邊爐就都係第一次好多人都話稻香打邊爐好味所以都同屋企人係mother's day 之前黎食飯由於我遲去,長輩們點左$1 個海底椰湯底..我就覺得麻麻,雖然好足料但加多幾次水就無味醬油都算比足晒你選擇火鍋料唔算話好多但都有d 特別的個人推介:::1. 一定要食花膠...飲花膠湯飲得多,打邊爐第一次咁食,雖然成$30 一籃但都好抵,所以2round 都有order 依個,2 鴕鳥肉質鮮嫩一定要叫!! 3 肥牛無雪味而且切得都有厚度,但落好有口感,不過$48 一碟我會寧願叫多碟鴕鳥肉4. 貢丸夠實夠大粒,但墨魚丸真係比較失色,要好耐先熟之餘無乜味道5 水餃雲吞包得夠實耐左都唔會散開6. 雞柳夠滑而且雞味重又快熟最尾食返個烏冬夠晒飽!不過無糖水送的埋單五人$850, 平均一位$170到依家好多人都鐘意任飲任食個d..但都成$100位d 料又唔係好新鮮,我會prefer 出多少少錢食好多,起碼食得晒又夠晒飽一定會再食多次!

今日與家人(共3人), 本來想去客家好棧飲下午茶, 但因為實在太多人, 最後去咗樓上稻香.之前聽說它的脆皮叉燒包好食, 終於試到啦! 新鮮焗好, 包面是墨西哥包面, 很香及少脆(略嫌太薄), 入口熱辣辣, 大啖啲都會"辣"親, 但真係好好味另外點咗11樣點心, 有煎蝦米腸, 鯪魚球雞粥(雞唔新鮮, 好似是用賣剩隔夜"1蚊雞"來煲)及以下, 共12樣點心, 可能點得太多, 糯米卷馬拉盞雙併及雞扎要打包拎走. 今次都幾滿意, 食物算新鮮, 下次有機會再去.

見身邊的朋友都吃過一蚊雞，好抵好正架，搞到我心郁郁想吃，今晚約了媽媽去，等了十五分鐘就有位，入到去，眼見台台都有碟雞。我點了一蚊雞…唔會係好好味，但又唔係好差，無咩特別，係得個抵字，但我吃完尼次，之後都有排唔吃雞。雞蛋蒸魚腸…尼個一定要試，唔係間間酒樓會有得吃，但尼到魚腸就少了些，我懷疑用哂魚腸，用了肉碎代替，灑些胡椒粉仲好味。涼瓜炒牛肉…牛肉好幼嫩，涼瓜咬落先苦後甘，感覺好好。十蚊三支可樂，又幾抵喎。埋單135元

第三次試的是稻香的貴妃雞和沙爹肥牛煲。一蚊雞︰這次的雞配上薑蓉，味道沒有驚喜，平平庸庸。沙爹肥牛煲︰姍姍來遲的一味，但熱騰騰的，味道十分惹味，這明顯是比一蚊雞有水準了。最後吃完免費的紅豆沙，都已經覺得滿足了。

係一蚊雞既吸引之下就入去試下喇點左一蚊雞雞雖然係一蚊但絕無欺場size真係夠兩個人食質素都唔削食落d肉唔會霉另外仲有節瓜船個節瓜船等左好耐原來漏左單佢地用左花膠,瑤柱同埋蝦米落去整左個獻用左濃湯去煮個節瓜節瓜索哂d湯既味真係無得頂仲有值得介紹既係個魚湯鮮竹卷竹卷好薄食落好脆口配魚湯味道又係一流

一大早同阿媽去嘆茶, 見稻香冇乜人等位, 於是入左去呢間稻香真係好奇怪....明明有位但係要你同人搭枱=.= 一張枱搭成4枱人....隔離個邊係2個大陸人師奶....佢地張D點菜紙呀, 筆呀, 紙巾盒呀, 全部拎晒佢地個邊...仲要用手壓住...唔比其他人用咩??=.=叫左好少野食....因為冇咩岩心水白灼西生菜...好似$11.8...份量少D(因為另一搭枱客都有叫, 有對比)XO醬炒蘿白糕....$14.8...D蘿白糕炒到爛晒....勁辣....粉多過蘿白榣柱節瓜甫...$18.8....呢個極難食....個瓜唔知點解係白色的....個瓜唔係煮得好林..裡面粒榣柱就好林...但冇味....唔知係咪假野=.=一上枱個樣已經好唔吸引....仲要加埋怪味臘腸卷...$9.8.....D臘腸有陣"益益"地味......咬了一口冇食.......好彩我地唔係叫左好多野食....唔係唔知點算.....呢度比人既感覺係好污嘈....走左十世都冇人執枱個種

細佬後日返澳洲,上機前想一家人食餐飯,爸媽都鍾意食象拔蚌,所以決定打邊爐.既然目標已定,開條象拔蚌閒閒地又幾百蚊,不如俾多少少,去間貴dd,諗住起碼條象拔蚌有保證啦!所以打咗去稻香訂位! (家住荃灣,尚有多間價格較相宜的酒家)開爐前:我幾欣賞佢個醬油架,生,熟蒜頭,椒絲樣樣有,唔似有d要逐d樣叫,但問題開始嘞,d碗油油地都算,可以用熱茶洗洗佢,但有2隻d漬洗唔到,前後叫咗3個人都無人攞俾我,ok 算.叫咗個象拔蚌加湯的set,同十多樣邊爐料.公平一點,d嘢食其實唔差,個d蝦丸墨丸仲幾好味添.當大家打到火紅火綠之際,見到細佬無食,原來佢一路都等緊條象拔蚌,咁正路梗喺問啦! D 姐姐由普通級數”見到當見唔到”去到高壇數d嘅見到你舉手佢u turn!最大問題喺有兩個阿姐傾計,指住金魚缸前面兩位”你唔認得佢咩,佢喺呀咩太個女”,一陣間987號枱俾佢……….我唔理你d枱點解唔喺出面櫃檯安排,但可唔可以唔傾計住?終於有個阿姐”唔好彩”咁俾我地擮住,佢check都無check就話”d象拔蚌通常要耐d,我知,但喺我都食咗二十分鍾啦!你check check啦！好，又喺一去無回頭！都算！又食到咁上下，食

之前睇左好多食評或者朋友都話稻香特價火鍋好抵食，於是尋日(星期五)就同屋企人去試試，9點去到，其實都預左要等位，不過都真係等到差唔多10點先有位，反而樓上小肥羊就冇乜人(可能始終貴d)，阿姐帶我地一行3人埋位，俾左張6人檯我地，好大~~跟手睇睇食咩好~~佢d餐牌都幾複雜，因為太多配搭，一時間都唔知邊個先係最抵，睇睇下有個阿姐行過，捧住2碟蝦(一碟12隻左右)問我地要唔要，話平時要$68，依家特價$48，諗左一陣，是但叫佢俾一碟我地，一睇d蝦都真係新鮮腳撐撐咁喎~~跟住睇左好耐都唔知揀咩食，見到有個豐盛組合，有魚有丸有蚌有菜有雲吞水餃，連鍋底(任選)都係$168，費事諗咁多就要左呢個揀左豬骨鍋底，另外有個牛肉組合，應該都唔錯(下次再試，因為其實我地麻麻地like食魚)此外又叫左唐生菜($18)﹕一般水準，其實個豐盛組合已經有好多白菜仔，可以唔要唐生菜炸魚皮($18)﹕﹕呢個好ok，我地食到停唔到口，$18大大碟，勁抵！肥牛片($38)﹕﹕份量太少，得6片左右，但味道ok芝心墨丸($18)﹕好抵，有成12粒，最衰食飽先送黎，搞到要夾硬食...老豆食左4舊豬骨已經嗌飽，數過有成6舊好大o既豬

稻香打邊邊，"星期日九點後九折"；我男朋友係超鐘意打邊邊的，而咁arm我地都係八點打後先收得工之人 (死到去稻香都起碼九點啦)，所以我地上個冬天間唔時都會黎過下打邊邊癮。今次係呢次入秋以來第一次.....隔左成年，其實我唔太記得佢舊年咩價，但.....好似都差唔多，星期日至四，d餸分三個level: $12, $18, $28咁啦，而家再九折，好似再抵d。不過，有d上個冬天有既好荀既餸就冇左。例如我好記得舊年係12蚊一餸海蝦，而家就要廿八蚊；但係，有d其他野抵返，有個$8美國肥牛，同埋$16半隻雞的醉雞湯底....呢個醉雞湯底真係好好！我Highly Recommend. even你唔食佢d雞都好...因為雞係另上的，但湯底本身都有d藥材呀咁，齋計個湯底，已經好抵。加上佢d雞都算係幾滑，我好欣賞。然後叫餸啦：1. 芝心墨魚丸 ($18) - 根據個形狀，d墨魚應該係鮮打出來的，但冇乜鮮味，以前好食d的，差左；個芝心應該只係一小塊片裝芝士，個口又收得唔好，總係會漏出黎..不過係抵lor, 一碟有成12粒架。2. 美國肥牛 ($8) - 一碟約有7-8片度。雖然唔係d超好味的牛肉，但都算

琴晚同我屋企人同女友食o左一個六人o既半席,d水準唔算太好,不過個翅真係幾好食,仲有糖水送,o廿都可以,但分量真係好少,因為我地五個人食,食六人o既分量,要食到糖水先叫做o岩o岩飽,真係好大問題,大佬,比9百大元,仲要剩係得雞,魚,蝦同翅叫做貴d o既野,都真係幾過份!!同埋果度好迫,我地都坐得好唔舒服,如果要試就真係要諗真d啦!

9月23日 8號風球 ~~但下午唔開波就出左門 同豬先生食lunch ... ...出得泥都無過咁早返去 , 好彩大風唔大雨 出左荃灣打機 ( 相信8號風球都無咩好去- -||| )打完機 9點幾落左廣場睇下有咩好食 - -||| 無咩鋪頭開 ... ... 就上左4/F 睇下稻香有咩好食 9 點後有特價幾抵食就入左去 有卡位坐 , 大約有十餘枱客 ( 打風都有人-口- ) 叫了$148一個湯底+一籃菜+6隻蝦/4隻瀨尿蝦 點了芝士墨魚丸 , 栗米墨魚丸 , 頁丸 , 雞肉 ,芝士腸 凍凍的打邊爐一流 哈 !! 叫左豬骨湯底 貪佢有栗米 , 蘿白 , 多料 豬骨有成6舊 , 幾好食 .. ..鹹鹹地D肉 D 蝦好大隻 上枱GA時候仲係生 , 蝦腳 郁郁 嫁 ~ 仲要係有米 好味彈牙 芝士墨魚丸 , 栗米墨魚丸<<<自家野 ,栗米甜 墨魚滑 ,芝士香濃 <<<可以一試呀 D 侍應好有耐性SALE D 特價野 點了個 $13.8 白玉燉翅 OK啦 白玉係冬瓜好林好好味自助醬料架好多野選擇... ...

一家人同埋Uncle & Auntie吃晚飯，由於只是吃家常便飯，不須吃得太豪，近近地又平平地去稻香都是不錯的選擇。為免等我放工等得太夜，他們還是先點菜。當我到埗時，幾味餸已放在桌上，一坐低便可開飯。幾味菜分別是生炒骨、蕃茄牛尾煲和一蚊雞。一分錢一分貨，始終是一蚊的雞，不可要求太高。雞是預料之中的雪雞，還雪了很久的，一點雞味也沒有；蕃茄牛尾煲色水配搭不錯，牛尾炆得幾入味，都夠淋。老媽子極力推介生炒骨，酸甜味適中，肥瘦都均勻，入口鬆化，又不韌，確是幾好，老媽子沒有介紹錯。之後來的有美國桶蠔，因為大家都喜歡吃，叫了兩客。一客是薑蔥整的，另一客是酥炸。兩者隻蠔都是大大隻，入口啖啖肉的，兩者都不錯，但我就較鐘意酥炸的，香口一點。主角仍是加拿大凍蟹，好大隻，賣相不遜於潮州的那種。不過，味道就有好大區別，這種蟹肉還可以算多，不過毫無鮮味，下次都是不要點這味。甜品來一客楊枝甘露，一字酸字形容晒。總的說食物不算差，且價錢十分合理，是吃家常便飯的好地方。

尋晚一行七人(包括兩個細路仔)開開心心去尼間滔香食個開心飯, 已經一早book定枱食小菜唔打邊爐, 咁我地準時去到拎枱, 點知個接待話無枱, 願唔願意坐門口 (但當時酒樓入面好多打邊爐枱係吉既)....嘩...我地四點幾book枱, 都要我地坐門口, 咁我book 黎做乜, 駛鬼響你度食咩, 我地梗係唔肯...佢地就勉勉強強咁比左一張打邊爐枱轉為小菜枱比我地坐, 坐低之後, 執枱個侍應「重申」咁問我地, 係咪唔會打邊爐, 呼～總算商量菜式之後咪點菜囉, 點知另一個侍應話有張剔剔表會抵食d 叫我地考慮, 好啦...咁咪轉囉...又商量好晒勒, 另一個侍應同我地講...尼個剔剔表「肯定」唔夠我地七人食, 建議我地叫一個半席價值$9XX既套餐...大佬！七個人入面有2個小朋友、2個老人家、2 位小姐, 真真正正得一個男人, 食個晚餐姐...駛唔駛$9XX 幾蚊呀~~離晒譜!!! 我地表示唔要, 果位侍應小姐就開始黎了....黑面呀~ 人地食緊既時候就收碟呀~ 上菜就好似打仗咁呀, 仲有係...大家都挑緊牙了...碟魚雲先上~ 唉~~~ 服務態度真係好唔掂!!!!! 唔知係咪佢地打邊爐多賺小菜

對於稻香集團，一向存有好感，因為食物新鮮，服務ok；但荃灣城市廣場呢間，就完全冇好感。首先，地方迫迫的，其次，服務差，店員雞手鴨腳。今次好不幸，公司聚餐選中此店，點解唔去荃灣廣場店呢？包左一個房，共六圍，每圍$2388，一般貨，有乳豬、雞絲翅、雞．鮮、炒飯麵同甜品。味道係唔太差，特別條魚我最喜愛，其他都幾好食。但服務真係差，侍應放餸落嚟好似「劈」落嚟咁，換骨碟又唔係埋你身邊換，明明見你食緊野，又叫你拎個碟比佢，真係唔知咩時候做咩嘢！