稻香 (已結業)

前日放工約媽媽到稻香打邊爐，預祝母親節。晚上九點半到達，爆滿，幸好有客埋了單，都係等了五分鐘。入坐，已有侍應問我們飲不飲汽水定酸梅湯，我心諗有無咁好，再問下原來要收錢既，差些俾侍應呃到。九點後特價時段，點了十一二碟，有肥牛、羊肉片、唐高菜、四寶丸、豬腰、魚片……段碟計，埋單280.元食到抱住肚走，樣樣都乾淨

今日本來諗住去中環逛下~去soho 同埋去下附近d 老店, 但最後都決定等遲下先唔出去就留番嚮荃灣, 諗住去飲下茶~依家飲茶好似貴左好多! 可能我太耐無飲茶...岩岩開果陣客家好棧有特色, 服務好又唔貴~ 無lu~岩岩開果陣稻香好平, 又有紫米露~ 依家無lu~最奇怪係唔知幾時開始小肥羊都有茶飲~ haha不過講係咁講, 茶都係要飲~ 想平唯有等平日啦~見客家好棧又多人又貴, 所以揀左去稻香~睇番食乜先...1. XO醬炒蘿蔔糕2. "木見" "介" 鯪魚球3. 紅油炒手4. 叉燒腸粉5. 蘿蔔金錢肚6. 黃金釀茄子7. "鴛鴦潮X" 定"鴛鴦X潮"8. 蝦餃9. 鳳尾蝦玉子豆腐10. 鳳爪排骨11. 生炒糯米飯12. 蝦皇燒賣total 12 樣點心平日一定叫番碟蘿蔔糕, 不過今日轉下~ 又幾好食碟XO醬炒蘿蔔糕切同炒ge 手勢都幾好, 係落唔夠XO醬"木見" "介" 鯪魚球好魚蛋feel平日怕腥一定唔叫, 不過今次似魚蛋多d...好定唔好見人見志喇~蘿蔔金錢肚~ 幾香口又一碟自己唔會ge 野~ 因為唔食內臟紅油炒手普昔通通友人話類似炒雲吞, 不過我都仲係唔知咩黎.

呢個星期咁凍，打邊爐係一個好選擇，所以一家人去呢度，對上一次來食飯已經係三件年前，而家已經裝修過靚左，但係佢個開放式廚房設計真係唔識所賞，成個廚房冇一塊玻璃同外面隔住。 點解咁講，因為我今次打邊爐原本坐係廚房隔離,吸晒d油煙味，個位又細，個gas爐又唔生性，未食野個人已經火火地，兄長同部長理論，終於有得轉位。 講番食物先，今次叫左個孖寶，朱骨煲加桶蠔$138，再叫肥牛、桂花蚌、四寶丸、雲吞、炸魚皮、魚皮餃、西洋菜同"糖好"。個朱骨煲夠料好味，家兄食左3大件骨已經飽一半，肥牛有牛味，$48一碟唔錯，其他野都ok，不過要我再去就難D，因為個環境咁樣，我唔想去酒樓食飯，得到大排檔既環境。

去飲下午茶，因為係特價，所以埋單唔駛100蚊，特價要自己去埋單，去到柜面見到佢哋有八達通就諗住"嘟"卡啦，点知唔夠錢，跟住個收銀居然話可以幫我增值八達通，咁都得？真係犀利！需然啲食物無乜特別好味，但係印像分即刻加晒。

** 此食肆的第十一個笑**二哥一家三口話尋晚(30-11-2007 Fri)晚返o黎食飯,爸就為o左公平起見,話出街打邊爐喎,經過上次o係青衣城稻香愉快o既一餐後,今次又揀稻香,不過係荃灣呢間.穩陣起見,我29/11book定7:00pm枱,接聽電話o個個話o黎到要等一陣同人齊至可入座,啊.除o左二哥外,我o地一行五人約7:20pm先到o黎.但又冇問我o地人齊未就畀我o地入座.經過上次o既大食’教訓’後,今次多數叫雙拼,且冇叫o個個咩日日鮮.二嫂揀o左豬骨鍋,個鍋好快到o黎.二哥o係7:30pm左右都到o左.今次我都叫o左綠色一籃子,我聽到侍應好緊張問人我o地張枱o既綠色一籃子有冇入電腦,可能呢樣o野好易漏單o掛.今次有豬夏青(幾滑),珊瑚蚌拼桂花蚌,花枝片(夠爽口),鴕鳥肉,肥牛(算鮮),魚腐(口感一般),炸腐皮卷(幾豐滿),脆鯇魚片(好脆),韭菜餃(好香韭菜味),重有多款餃子,墨魚丸等.而綠色一籃子有生菜,西洋菜,波菜,大木耳,一撮唔知咩菌,娃娃菜,粟米.都幾多o野亦幾新鮮.竹蔗水亦唔太甜.豬骨鍋料好足,有紅,白蘿蔔,粟米,豬骨食極都有,食到我爸都唔食要掉.調味架依然有8種調味料

在火炭靜了段時間,得知呀媽會同親戚在荃灣飲茶,有見及此,便與她們會合。親戚問去邊間,因不熟荃灣酒樓,還是交給她們決定。因她們不想行多些路,便到就近的這裡。平日一樣多人等位,但算是快有位。平日的點心也不見便宜,故點的食物不算多。上圖的米粉:記不起其名。第一次食茄汁底的米粉,茄汁茄味足,米粉有點腍身,雞肉不太入味,茄汁與米粉的味道不夾,但親戚幾欣賞。皮蛋瘦肉粥:粥底算綿,皮蛋份量少,瘦肉則一般,下了味精。蝦腸:見是大點才叫。腸粉滑,米香不重,蝦較腍身不算爽口,感覺不夠新鮮粉果:冇食鮑魚菇鴨掌:比較好的一樣,鮑魚菇、鴨掌皆入味山竹牛肉:一向鍾意山竹多過牛肉球,嫌山竹硬身了些,牛肉球可以。雞粥:雞帶點雪味,幸不嚴重,粥底與皮蛋瘦肉粥差不多,但今次味精似乎重手了。紫米露:一向不愛食酒樓的糖水。但今次的紫米份量多,加入了透明無味的正方粒粒,惜整體偏甜。整體麻麻,連親戚都無再來的意欲,說下次還是去南豐那邊的酒樓好了。

聽講稻香打邊爐水準唔錯，尋日係我舊曆生日，就同屋企人夜晚o黎o左呢度打邊爐媽媽事前去訂位，想訂7:00pm，但唔知點解佢話7:00pm唔得，要訂6:30pm...好有趣，可能佢想早o的散哂d客俾下一輪卦一坐低，侍應就推介個火鍋孖寶，一款海鮮搭一個湯底咁，我o地要o左桶蠔+醉雞湯底，都只係$138！醉雞湯底另上半隻雞，勁多，食極都仲有，而且啖啖肉，抵到爆！桶蠔唔係普通貨色，隻隻都超級大隻，爸爸媽媽妹妹食完不斷讚好食好鮮甜火鍋配料點o左肥牛、羊肉、粟米墨魚丸、鮮蝦丸、牛頸脊、鴕鳥肉，仲有一個活魚拼盤，呢個活魚拼盤好抵，幾乎每檯都叫，$38切好哂連魚頭上，好新鮮，o的魚肉仲係鮮粉紅色！仲有不得不讚佢o的肥牛同羊肉，好新鮮，有時o係外面食打邊爐羊肉，會雪硬哂而且變哂色，但呢度o的羊肉係好新鮮，兼且羊味十足！肥羊都好鮮好有牛肉味！至於牛頸脊，我o地都係第一次食，之前睇電視話牛頸脊會有o的韌，原來真係...如果烚得太耐仲會咬好耐都咬唔完，不過都幾好味另外我o地仲點o左一隻大閘蟹，因為$45一隻仲送多碗蟹粉羹，兩樣都唔錯！其實都覺得幾貴，肥牛$48一碟，其他肉類、丸類要$38(丸類可以雙拼)，菜同麵

唔知媽因咩事突然咁好興致話今晚(20-7-2007 Sat)要出街食龍蝦伊麵同乳豬,地點係荃灣,佢就係都要去明星,但我對呢間印象麻麻,於是同大嫂相量,最終決定係稻香.好,穩陣啲,book張5人枱先.6:30pm到o黎,見receptionist同帶位都幾混亂吓,於是o係未等齊人o既情況下攞o左張枱先.去到一間房係專食小菜o既,侍應畀張最角落o既枱,好啊.不久,人齊了,由於要滿足媽媽o既要求,於是叫o左$298.00o既’好食孖寶’餐,揀o左芝士龍蝦及燒味拼盤,另加$68.00半隻金沙脆皮燒雞,$48.00鹹魚雞粒炒飯及$50.00花膠絲海味什菜煲.好快,第一味上o既係金沙脆皮燒雞賣相同SMASHING PUMPKINS6月19日食評o既相一樣,咁到底呢個係貴妃穗香雞定金沙脆皮燒雞?不過皮係夠脆,面上o既蒜蓉已經冇咩味,雞肉唔乾,OK o既.2.燒味拼盤有乳豬,海蜇,油雞髀,燒鵝髀,燒肉同叉燒.乳豬皮夠脆口.油雞肉好滑,亦唔鹹.叉燒同燒肉鹹o左啲.海蜇有啲辣3.芝士龍蝦好大窩,好有芝士香,而原來係有伊麵底,龍蝦肉尚算均勻,爸媽大讚幾鮮,我o地都覺得OK o既.4.花膠絲海味什菜煲面上有好

又是在千萬個不願情況之下,再次來到稻香做節,鬼叫老媽子喜歡,恕難從命.大時大節前夕,這間在荃灣"地標"內的稻香,例牌爆到滿瀉,而且要一周前訂位,實在是離奇.既然做節,也要吃得豐盛少少,必然要隻炸子雞,今次沒有上次般要去到最後才上,皮脆,肉不嫩,雞味也沒有什麼.三個人分的海皇魚翅羹,索價二百多銀一窩.吃著的似是普通的冬茸羹.龍躉兩味,反而出奇地好,炒球的班球,同配菜的翠玉瓜爽口,炆頭腩的入味,吃著魚鱗部位,質感有如吃著牛筋,膠質豐富.只此一味,別無其他.埋單看見銀碼,即刻對媽子說下次不如去第二間啦,我真係食到怕...)

今(7-7-2007)早同媽媽落荃灣整o野,未夠10點到來等位,可能早o既關係,唔算太多人,好快到我o地.我o地食o左:1.紫菜花枝餅$11.80微燶,有栗米粒o係入面好甜,不過紫菜都唔夠一平方厘米.=.="2.紅油抄手$11.80因為唔知咩o黎,所以試吓.原來係8粒細細粒o既豬肉雲吞,同張相唔同o既?辣辣地.3.鳳爪排骨飯$6.80(小點)見佢係小點,所以要試.個盎好大,不過原來得一半,有啲偏鹹,我諗下次可以唔駛落豉油.忍唔住叫兩樣辣o野:4.黑椒牛仔粒$12.80(大點)都幾辣,牛肉粒好鬆好淋,冇牙都可以食,有牛肉味,不過感覺似係以廉價牛肉做咁.5.XO醬炒蘿蔔糕$14.80幾大碟,雖然有炸米粉墊底,但都幾多蘿蔔磚.可能食o左牛肉粒,覺得呢碟都好辣,不過唔似係XO醬味,反而只有辣椒味,都炒得幾香口o既,食得微辣o既人應該OK.我食o左兩件,不過食唔晒,於是又係打包,都放到一個飯盒,返到屋企成個幾鐘依然幾香.對我o黎講係辣o既,但又幾開胃停唔到口,真矛盾.6.鼎湖上素腸$12.80(大點)可能太多辣O既O野喇,覺得呢個唔錯.環境:雖然係搭枱,但好闊落,因為四個人坐六人枱,而且唔會椅背

"下?又稻香?"約媽子開飯,她是稻香迷,沒有辦法.每一間稻香,無論九龍灣德福,甚至將軍澳厚德,在晚飯,甚至特價火窩時段,一定大排長龍,食物水準只屬平穩,消費不比其他地方平,地方亦不見得舒適,見到如此賓虛場面,實在令人費解?來到稻香一向不存厚望,但求不難吃便算,這一夜做節,叫得豐富一點,芝士龍蝦加風沙穗香雞,鮑參翅肚,鮮蝦荷葉飯,再要個西蘭花帶子.鮮蝦荷葉飯先上,有點違反自然定律,不過稻香周不時上菜不分前後,已見怪不怪.味道也不俗.米飯粒粒分明,味道濃郁,不過吃不出有荷香味.芝士龍蝦加穗香雞,這個package成$2xx.龍蝦斤多重,沒有甚麼肉吃.芝士汁夠杰,但很咸.穗香雞只屬例牌份量,皮脆肉嫩,雞味就不夠.鮑參翅肚$18x一窩,三個人分到兩碗多,百多銀一窩,不能奢求什麼.西蘭花帶子則不過不失.典型連鎖味道,消費不算平,吃齊以上菜式,要成七百多銀,真心痛.

5月3日和大班朋友到荃灣廣場的稻香食晚飯，要了$1388連酒水加一茶芥全包宴，竟然有大東星斑，其仔餸菜也很大體，水準中上，真值得一試。本人想在下星期四與母親提早慶祝母親節，但餐廳部長話由4號開始個價錢已經開始調整，暫時未知詳情，但提及會加至超過$2000蚊一個全包宴，還會再推出更多的母親節套餐差唔多成$3000蚊。我真係諗都諗唔到淡季同旺季既茶價可以相差咁遠，咁淡季既酒樓點樣去維皮呢??精打細算既食客，不如等過左母親節後先慶祝啦，咁樣慳返D錢比媽咪,媽咪一定更加開心啦。

原本打算去美心飲茶點知荃灣個間裝修中去左稻香飲茶叫左:1.鳳爪排骨飯-- 普普通通~ 不過都幾抵食$4.82.流沙奶皇包-- umum~ 好正呀! d包好軟一咬落去個陣奶皇熱親我個咀呀!! 流哂出黎3.牛仔骨-- 無食過~因為唔太鍾意食4.蒜容蒸鮮由-- 次次都必食! 因為蒜容好入味!5.蝦餃-- 好細隻既.. 可能我依籠唔靚啦.. 不過都好淡.. 失望失望6.蒸腸粉-- 好滑好滑! 食完唔夠~再叫多碟個點心嬸嬸仲好細心咁問d匙油駛唔駛倒唔倒係碗度? 7.五星燒賣--有鮑魚燒賣,帶子燒賣,大蝦燒賣,普通燒賣,冬姑燒賣~~~第1次食, 都唔錯8.xo醬炒蘿蔔糕--好香口~ 不過蘿蔔糕似1舊粉多d9.煎地爪餅--出奇地好食~~ 甜甜地咁! 不過出面好脆入面係蕃薯容~好平咋! 160蚊食飽5個人~!

豬年第一post,先祝各位朋友新年快樂,身體健康.團年飯再次作客荃灣,地點都係媽子最愛的"稻香".事前沒有訂位,要早差不多一小時來拿飛,等六點半"執死雞".眼見訂位差不多全爆,七點未夠已經坐滿人.還是點媽子最愛的龍蝦套餐,$688四人前,三個人分.菜式有清蒸老虎班,脆皮吊燒雞,XO醬爆雙蚌,竹笙海皇翅,上湯龍蝦伊麵底.全場爆滿,人手不足,上菜上到秩序大亂,由海皇翅打頭陣,燒雞竟然所有菜式到齊也未見蹤影.侍應說燒味部得三位師傅斬料,可能斬唔切,真係唔好意思.)眼見的而且確,只見燒味部得三位師傅.可以體諒.尤其隻吊燒雞,燒得皮脆,肉嫩,阿Q去想也值得一等的.)此店的龍蝦,XO醬爆雙蚌之前已吃過,今次來,似乎縮晒水.無論份量,品質,也比之前的遜色.龍蝦似乎並不新鮮.爆雙蚌亦只有平時的三份二份量.圖中的蒸老虎班,肉質還嫩,大酒家蒸條魚,都幾難會蒸得差.一家人,團年最緊要整整齊齊,吃什麼也沒有所謂.只是下年再計劃外出團年,真係要一早決定.兼要訂定位.小生怕怕.皆因我阿支阿左.

整個牆壁和天花都好多玫瑰花的圖案。菜式都係一般大路野，幾好味，偏油。我鍾意其湯丸紅豆沙，好足料