稻香 (已結業)

服務態度越來越差！有d店員見到有客舉手都扮見唔到 直接行過 攞碗過黎都似係訂落張檯 攞枝筆都等左有10分鐘 自己帶左茶包黎沖 但店員直接俾左壺水叫我地自己沖？而且水都等左好耐先拎黎 明白人多會好忙 但都唔係咁嘅服務態度呀？希望貴集團可以好好培訓下員工！

首先該店員工待客態度十分有問題，火爆至極，乳鴿無切就上，要求碎上要加錢，惠顧雞煲要求加湯沒有只能加滾水，真是聞所未聞，大家樂一人鍋都無既招呼，大集團酒樓竟然如此，荃灣朋友謹入

今日要去荃灣迷你倉執野, 所以去附近搵好野食, 又希望有個地方坐下, 休息下.我行經千色廣場, 見到好多餐廳都要排隊等位, 所以去稻香飲茶, 食小菜我們三個人叫了4個小菜, 包括圖中兩味, 味道不錯, 價錢公道雖然呢間稻香多長者幫襯, 但都叫坐得舒服

稻香最近又再次推出"一蚊雞"，之前推出時，我是很怕去稻香吃晚餐的，除了人太多，排隊太久之外，還怕看到滿枱剩下的雞，因為$1的價錢難免引起人們的貪念，多叫了又吃不下，最後做成浪費。這次的活動終於有點改善了，除了毎兩人只限一隻，還改成燒雞。這樣的安排，我也想試一次。今天我們來到荃灣千色匯的分店晚餐。燒雞採用比較小的雞，因此雞肉很嫩滑。外皮很薄也沒有太多脂肪，口感其實不差。不過吃起來沒有太多的雞味，這可能是雪藏的吧。無論如何，$1的價錢也已經超值了。唯一我覺得得不太好的是燒雞原隻上桌，附一把剪刀給客人自行分解。不是説怕麻煩什麼的，只是店家沒有考慮到假如有小孩同桌，看著大人用剪刀剪雞頭，真的給嚇壞。另點了一分龍躉兩味。上湯炒班球魚肉鮮味，魚湯也很淸淡好喝，魚肉切得大大塊的，可以吃到厚厚的魚肉及魚膠。蒸頭腩個人覺得不好吃，雖然使用了蒜頭，辣椒，還有甜甜酸酸的調味醬，賣相非常吸引，可是吃起來還是很膩。不知道是調味問題還是頭腩的問題了。這個價錢這個水準，這一餐還算是不差。當然不能要求有星級享受了。

今日同男朋友過泥荃灣行下街。星期日既荃灣真係人山人海。四圍都好迫～～囧搵個地方地下野坐下先。見到稻香吾洗排隊，2個人可以即入，就去食！一入到門口發現有新裝修，燈光好光猛，而且換哂一套新既茶具，感覺好新鮮，高檔左！點心紙都係全新既，甘當然應該價錢都貴左少少啦我地叫左以下點心燒賣：呢個吾好食，又吾夠熱，應該係蒸完就甘熱住叉燒腸：換左新既碟，好靚，腸粉算滑同熱素鵝：都算大份，我覺得炸耐左，有點硬口水雞：都有半邊，只係加啲四川辣醬，好普通無特別馬拉卷：呢個熱辣辣！好好食豉汁蒸鳳爪：有5隻，賣相幾好，食落吾係淋pat pat既，夠熱，好食 呢個稻香裝修左環境好左，茶具餐碟都靚左。雖然都吾夠員工，要等好耐先有人應，不過都nice，食物價錢平民化，都好食！

老友吹雞特然想食火鍋，但時間又唔可以太早要就佢放工，醒起稻香有個好抵食嘅所謂宵夜火鍋放題。。但開始時間係20:30都唔算好夜，都可以算晚飯🥣時段架！而且價錢係每位138加一！任飲任食2.5小時架！有得揀食任追加雞煲（不需另加錢！！！）然後加水做湯底！一煲兩食！肉方面應該係火鍋嘅膽。。我本人覺得唔需要加錢食咩安格斯牛都夠選擇了，，普通任食柯打紙上嘅牛肉種類都有三款俾你揀了。仲有其他嘅豬腩肉，羊肉片等等⋯⋯（不過美中不足嘅係。肉類唔係即切上枱，而係一盤盤切好再雪，再由雪櫃原盤上枱，所以啲肉係黐住晒係個盤到好難逐塊拎起）不得不讚嘅係佢地嘅海蝦同廣島蠔都係任食，海蝦好大隻又彈牙，廣島蠔都粒粒大隻好鮮味，我都幾鍾意架！我都要推介下蝦丸同墨魚🦑滑，好味！彈口！水餃足料，脆鯇片幾爽口，花膠仔都有得食！飲品任飲。。比較少見嘅蕃石榴汁。。梗係要試下佢！整體來講係好食同好抵食！但係漏單情況都幾嚴重希望可以改善下！服務人員嘅水平亦有待加強，因為問佢邊種牛肉打邊種牛肉。佢居然答我地隻隻牛都差唔多。。。

今晚約埋朋友去打邊爐，本身諗住過大鴻輝嗰邊，點知稻香出咗個宵夜時段優惠，$138任食。上到去唔算太多人，唔需要點等就可以入座。我哋叫咗個雞煲底，因為個雞煲一啲都唔辣，加上聞到隔離枱嗰個都幾香。跟住點埋其他食物，肥牛、五花腩、蝦、蠔、牛栢葉、油麥菜同加啲唔同嘅餃同丸等等。佢哋啲肥牛真係值得讚下，個賣相唔差唔在講，而且食落都好有咬口。另外蝦方面都好新鮮㗎，每一隻都大大隻。雖則食物方面係唔錯，但服務方面就差啲喇，漏單情況嚴重。稻香宵夜呢個優惠係好抵嘅，雖然服務差啲但勝在食物質素搭救~

今日放假，約咗冇失散過，但係竟然有五年未見過面嘅親細佬同埋冇見過一面嘅弟婦出嚟飲茶，呢種咁親但係又咁撲朔迷離嘅關係係咪好出人意表呢。呢間出曬名係食點心嘅稻香都幾多嘢食，雖然我係飲茶，但係我哋唔係全部叫曬點心，因為我個弟婦原來係唔鍾意食點心喎，真係招積又巴乜閉。叫到成圍枱都係餸，我覺得最好食就係煎薄餐，我就叫呢啲煎薄餐做 Cantonese pizza， 味道鹹鹹甜甜又煙煙韌韌咁真係好好食。另一樣超級好食嘅就係豉汁鳳爪，啲雞腳趾， 蒸得好入味又淋曬，吮下腳趾真係和味。嗰碟油菜就真係唔係咁好睇喇，賣相真係差到一個點，不過就好好食好清甜。大蝦芝士伊麵，又大碟又好睇，食落仲好好味好夠芝士味，啲蝦都有鮮味。飲完餐茶，係好開心，不過唔知大家幾時再會見面， 其實我身體好多病，真係唔知我仲有冇命可以再見到佢哋。

話說老人家想今年打邊爐做團年飯，咁就決定揀稻香食，因為地點方便。我地雖然訂左位但都明白好多人訂位食團年，所以都等左差不多45分鐘先入去到。我地叫左個海鮮火鍋套餐見佢2388 又幾多野食咁就叫左呢個啦。咁我地見佢上面寫每位加十蚊有自助吧，咁就決定加啦。佢黎左個2碟牛頸脊，點睇點食都只係普通肥牛黎，同過職員確認一下佢都好堅決話冇得轉，而且係得每人一塊....感覺有點少。除左肉類之外其他食物都ok嘅。飲品有唔同嘅樽裝涼茶，果汁，沙冰等，甜品有杏仁茶，芝麻胡同紅豆沙，但芝麻胡煲燶左。埋單時佢收我茶錢十二位，但我明明成張檯都得9人，佢就話因爲我食個十二人餐點都收我12人茶錢.....之後我地話咁好似唔多公平佢就幫我地減返3個。之後又見到佢自助吧又係收十二人，佢用同一個原因答我，但明明菜單上寫話每位10蚊，全檯計。咁即係成檯要一齊加，咁都只係加9人姐....後黎又係理論左一陣最後減返3個人頭出黎....個餐成二千幾，連埋加一都二千八啦 感覺十分唔抵。仲要座位十分迫...坐都坐得好辛苦，會同其他食客背貼背....

稻香,已經好耐冇o黎,其實佢o既質素唔係曳,但硬係唔知屋企人點解唔o黎呢間飲茶,o係openrcie睇返上次o黎呢間,已經係10年前o既事(o個個食評: https://www.openrice.com/zh/hongkong/review/%E4%B8%80%E4%B8%8D%E9%9B%A2%E4%BA%8Co%E6%97%A2%E7%81%AB%E9%8D%8B-e1863833),當年,一家人同媽媽o係o度打邊爐.我重好記得坐邊張枱,如今,冇o左媽媽………前晚(10-12-2017 Sun)係家人話做冬,但冇人book枱,我晏晝臨時臨急打o左3間酒樓問,book呢間7:30pm 8人,聽電話o個位答有枱,你o地o黎到如果冇,就會俾你o地優先等位.佢講咩呢?打電話o黎book枱,唔係100% sure有枱至答有o既咩,咁即係打電話o黎做walk in客咋?奇.另一間(唔講名喇)就實牙實遽話有位,之後家人揀o左呢間.二嫂臨時o黎唔到,就變成7個人o黎食,除o左大哥大嫂外,我o地5個人,o係7:00pmo黎到先,知客即刻問職員俾唔俾張14人枱我o地.14人枱咁誇張?我即刻話o衣o家7

dining at Tsuen wan Monday afternoon We waited until 2 pmLed to the Tao Heung restaurant had chosen most special teams Above udon bowl 38$Not bad at all Pork slices enough Tomato soup taste good all these are afternoon prices 9.8$ we finally found a set98$Including half of a soy sauce chicken a dish of fried rice (or noodles 🍝)And a cold starter of Vinegar Wan Yeea fair price for 7 people cheap 45$

有時食開個間酒樓去到邊都會想食番個間，好彩稻香周圍都係分店😁👍🏻今次唔再食宵夜時段火鍋😂試下小菜😊😊同屋企人食一人叫一樣，淨係記得依個雞好抵，閒日$38假日$48，全隻上不斬件比手套同膠剪你自己整開成隻雞撕開食🐔雞皮脆到好似炸子雞咁，肉好滑，其實唔算好大隻但都夠一家人食;上湯龍蝦伊麵；細細隻龍蝦，真係無咩肉，但又係因為特價菜就叫左椒鹽鮮魷；想不到鮮魷咁粗咁大條，更吸引係隻鴨？天鵝？總之就係呃like影相蝦醬豬扒；同樣用可愛既鴨仔～第一次食用蝦醬整既豬扒，非常香蝦醬味，豬扒炸起熱辣辣，好脆肉又嫩，好好食啊！菠蘿咕嚕肉；食中菜我地屋企必叫既😁酸酸甜甜既菠蘿解左咕嚕肉既油，開胃送飯之選👋🏻終於黎2個菜！上湯金銀蛋菜；全家人都岩食，咸蛋皮蛋先係重點，菜湯夠健康粉絲菇菌雜菜湯；又係菜湯2個先夠7個人分，粉絲吸哂上湯既味，金菇一定係最快比人搶哂既😄

知道稻香都做任飲任食，仲要只係$152一位，緊係要黎試下啦，唔係間間分店都有，一定要問清楚，每晚8:30開始，兩個半鐘。每位可以$1 order一隻鮑魚仔，鮑魚好味，青邊殻，唔知係咪青邊鮑，只知好好味，好食過陳皮鮑魚過種好多。蝦，係朋友話必食，佢去第二間食啲蝦仲生架，我食呢間雖然蝦唔係生，但肉質都實實的好好味😋，仲要係無腸架👍🏼白蜆又係新鮮好味。因為得三個人食，食得唔多嘢，好快就飽咗，不過$152有呢個質素都抵食啦！

上次食完無耐，今晚又黎過，原本都諗住食小菜，但男朋友實在太愛打邊爐，所以我地八點左右就攞定飛等。今次都係照舊肥牛無得走，嗌左豬骨湯底，有成三大舊豬骨，個人覺得普通，可能因為無位，我地一早就夾起左，所以無乜味。今次試左蜆，亦都係我寫呢篇食評嘅原因。啲蜆原本黎果時都無乜野，我驚有砂，所以叫男友最後先放。點知，我地食食下，見隻蜆伸左舊肉出黎郁郁下，先知係新鮮蜆😆睇圖就知😝真係無得輸。因為前一個時段打邊爐係逐碟嗌逐碟計錢，所以佢啲食材應該唔會好差。之後任食其實都係同一食材，所以我地覺得抵食好多，又可以叫多幾款。

上次食晚飯見到就推出任食火鍋，今晚就決定試試。之前試過逐碟計咁打邊爐，覺得唔夠多款，因為逐碟計份量多好多，叫幾款已經食唔晒，同埋唔抵食。今晚試左任食，湯底選擇唔多同普通，驚喜位係肥牛同海蝦，仲有限一人一隻$1鮮鮑魚。其他丸類同菜就無乜特別。不過總括黎講，$138加一，我覺得狂食肥牛同蝦都抵返條數。兩個人食左22隻蝦同四碟肥牛，加其他少少菜，都食到好飽。以呢個價錢，我覺得比去英皇樓上打邊爐好好多，英皇果啲排完隊搭𨋢，之後仲要排隊等位，等到餓死都未有野食。呢度起碼閒日唔洗等位，又坐得鬆動，仲唔洗等到9:30先有特價，各位要求唔太高嘅，其實可以一試。全晚淨係影左牛肉，因為啲蝦一黎到就放晒落煲😅難得有無限靚蝦供應，梗要快快脆食完又嗌下轉😁BTW, 試過去一鍋堂，叫得兩轉蝦就話無晒。