稻香 (已結業)

同屋企人食晚飯，今次揀左間比較就腳既槄香。一入門口大堂全部都係火鍋食客，反而食小菜既人並唔多。片皮乳豬有別於填鴨係今次換做乳豬，有好多婚宴首道菜都會有咁既食法。口感一般，乳豬幾脆，不過肉質一般。菠蘿咕嚕肉好少見到菠蘿會分開上，雖然賣相好睇左，但醬汁完全落唔到菠蘿上。蟹蓋粉絲煲蟹肉不多，最多既當然係粉絲，整體一般。炸蝦球蝦球份量都幾多，而蝦膠打得夠彈牙，食落OK。什菜呢碟最正常，不過不失。近幾年酒樓食小菜既人少左，反而任食火煱就愈黎愈多，難怪個個都打邊爐啦。

下午茶時間2點半入，叫咗6樣點心。但冇一樣真心好味，金錢肚得6件，鹹肉糭散的唔實，紅棗火腿雞湯冇味冇火腿，龍蝦湯鮮竹卷變咗蕃茄湯鮮竹卷仲話係對的，正常味道的叉燒包及鴛鴦雙潮！一次比一次差 對這店灰了，應該不會再來

星期六晚來到呢間稻香打邊爐，不過七點九到達都要八點半先有位，行左個圈上到黎都要等到八點十先有位，太多人等了。宵夜火鍋大概160蚊位，呢間質素還可以，起碼都有蜆，蝦同蠔既海鮮食下。蜆就有沙，食左幾粒都係有沙。蝦就唔錯，唔散唔林所以覺得幾好。蠔都幾生鮮，食落口都沒有腥味，口感可以的。其他食物有叫雞片雞件，兩樣味道都唔錯，算有肉感。蟹棒響鈴等就沒有特別，不過不失吧。雪糕就係牛奶公司雪糕。服務方面，唔知係咪人太多，叫左幾次濕紙巾而且唔同人都沒拎過黎，最終要出去問職員拎。總結食物質素是有的，服務就一般了。

第一次食長腳蟹，揾左好多地方都無得食都唔抵上網睇到稻香有優惠，有長腳蟹套餐所以即刻黎食長腳蟹好大隻，太約3至4斤，清蒸好鮮甜，多肉多膏，蒸既時間岩岩好，肉質好滑另外仲有幾個小菜，燒鵝，剛剛燒好，好多汁，皮脆肉厚脆豆腐同避風塘炒蝦好香口，好惹味

放大假都一早起身同母親大人飲茶🍵🍵荃灣有好多酒樓見冇乜幫襯過呢間就一於試下啦等左10幾分鐘就有位一坐就見到原來11點前落單11點半前埋單走人有半價精明既我梗係唔執輸啦嗱嗱林落單原本諗住嘆茶變左速食飲茶必叫鳳爪排骨飯豉汁鳳爪個飯有的淋鳳爪唔知係蒸過龍定返蒸過爛溶溶蝦餃同燒賣就不過不失冇乜特別見半價可以試下原價就未必會叫蘿蔔糕都是一般冇期望冇失望蝦米腸就有點失望整得太乾身黑椒豬肚個份量就小得可憐純粹想飲個茶都可以黎食既但如果要等好耐就唔好

之前都去過稻香食宵夜火鍋，今次喺荃灣呢間稻香試下， 結果感覺都算唔錯，水準保持！呢度最正嘅就係墨魚滑，同埋蝦滑， 每次我都會叫兩轉， 呢度嘅肥牛，不過不失， 反而海鮮就十分新鮮，包括海大蝦，水魷魚都十分爽口！雖然宵夜時段，侍應都十分繁忙， 但係都保持笑容，而且就算我們兩位，每次點海大虾四隻，都唔會 cut 我哋單，亦都冇漏單嘅情況， 服務係抵讚！呢度飲品選擇都唔少， 仲有芝麻糊及雪糕，雖然唔算很精美，但係宵夜這個價錢真係算抵食! 可以再來！

琴日約咗朋友喺荃灣千色匯行街，晚飯時間 竟然又想打邊爐！ 但由於時間尷尬，八點零鐘， 印像中好多放題已經開始，同埋walk in一定有排等， 於是想起4樓呢間稻香， 八點半鐘至開始宵夜放題而且價錢係$138，所以我哋walk in去等下位， 到八點半，已經預約嘅客人入座，我哋等咗一陣終於都有枱！呢度最好食嘅唔係肥牛，反而係蝦丸及韭菜餃、雲吞， 海鮮有生蝦、桶蠔、水魷、牛柏葉都有水準， 而且飲品選擇都算多，仲有豆漿， 糖水有芝麻糊都算抵食！

幾日前係屯門市廣場食咗餐要逐碟計嘅火鍋，今晚點都要食番餐期待已久嘅稻香火鍋放題。等埋老婆收工一齊去食。今晚橫掂都無地方去，早啲去排隊先，我大約晚上7點15分去到，坐係度等。到大約7點50分左右，職員就叫我去接待處排隊排頭位，一到8點正就開始派飛。當然係第一位啦，等到8點30分就可以入去啦。果然係放題，全部嘢食同平時逐碟叫嘅一樣，一樣有海蝦、生蠔、花膠…………飲品都係任飲(即係已經包埋自助吧)。味道同平時一樣，抵食過逐碟叫好多，不過就要夜啲先有得食。

約了親友到稻香食晚飯見到隔離左右食晚飯嘅都係呢個魚蝦蟹宴所以都決定食呢個因為即興的原故，所以冇每席減$200 的優惠首先上菜嘅喺黃金奇脆丸 即是蝦丸口感都算彈牙紅灼海蝦 - 灼的食物好食與否，就是取決於食材是否新鮮，其次就是時間 海蝦的口感彈牙金豬拼盤 (乳豬、燒肉、油雞、叉燒及麻醬粉皮)燒肉皮脆 肥瘦均勻 麻醬粉皮 粉皮不夠軟身而且有點乾 紅燒雞絲翅 湯及料比例 一碗只有少少量的料蒸魚就過了火 及不太新鮮似的 薑蔥炒蟹 兩隻蟹 味道👍🏼 蟹肉飽滿翡翠炒元貝蚌片很大的一碟 少量蚌片頭有沙 及較碎因爲長輩想食，另加了3隻乳鴿 每隻$48味道離開時，見到好多人食火鍋應該時仼食火鍋，下次可以一試

又到下午茶時間，同家人去試稻香，因為稻香經常性要排隊，所以好小去，今次咁難得唔駛排，立即入去，下午茶價錢，我覺得好平，全部點心都半價，點心質素好高，同來點心都好快。需要特別介紹這個鮑魚燒賣，好味，完全真材實料，最緊要既就係只需廿幾蚊就可以啦，我地3個人叫左1蘢超正，所以再叫多蘢。另外仲有個性價比極高既，雞絲炒麵，麵係30蚊左右，嘩，平到咁，仲要唔伏，大大碟，實夠飽。仲有其他點心，我唔逐一介紹啦，全都唔伏，食得入口。

平時放假指定節目就係同屋企人去飲茶多數都去稻香因為平日點心半價真係好抵飲一家人坐低聊下天咁就半日而且可以慢慢嘆茶坐下休息下平時咁忙 趁飲茶可以同屋企人相處下都係幾好的節目平時我地會叫排骨鳳爪叉燒包熱辣辣腸粉好新鮮奶黃包好出名鹹水角必叫 炒米粉好惹味潮州粉粿 媽媽鍾意食芒果布丁啊女最愛老公鍾意食排骨飯平時愛飲普洱其實香港地個個返工都咁忙一家人出黎飲下茶吹下水 都係一個好好的節目大家不妨可以試下而且稻香出品有保證

一班朋友成日都食開火鍋 , 度度都有任食放題 ， 見到廣告而家稻香火鍋 ， 大家都覺得有得睇有得諗 ， 問過啲朋友都話好似幾好 ，$138加一， 仲可以四位送一位 ， 不過送個位就要畀番加一費用，$13.8..仲有靚牛肉送， 全部食品都唔差， 仲要任食任飲， 啤酒汽水都包， 仲有糖水㖭， 諗住會好少食物， 但係真係多到你唔信， 千祈唔好叫太多呀會因住浪費， 出餸速度又快， 抵讚！ 胃口大嘅朋友絕對唔可以錯失， 唔係賣廣告真心推薦, 都可以一試嘅都可以一時嘅

叫左呢個$888 半圍講真呢個價錢我真係無咩要求，預左味道一般。沙拉皇子豬： 超油，應該係一早整好，到有人落單，就'林' 上熟油，令個皮脆d, 所以咬落成口油櫻花蝦雞粒炒飯： 成碟飯搵唔到半隻櫻花蝦，以為太細隻啦，其實應該廚房無落櫻花蝦囉！土豪黑金包 : 餐單上有張相，個包係黑色，上枱竟然變左壽包。 呢刻覺得唔對路，以為比錯。叫個侍應問下， 佢話呢個係壽包，我話明明餐單寫係土豪黑金包。 這時佢先話，無貨 🤬🤬🤬。 點解落單時唔同我哋講聲？ 到上枱時都無交帶一聲，直至我哋問先講，火都黎。 跟住再問個櫻花蝦雞炒飯都搵唔到櫻花蝦， 佢竟然叫只講句：係咩，行開了。同佢講呢個餐完全商品與事實不符，佢都講句唔好意思就算，簡直不知所謂從來未食過一間咁差嘅酒樓，以後都唔會再去。

荃灣稻香中秋節正日，一大班朋友，一起去飲茶，四周圍都很多人，也不能夠定錯，千色會的稻香我以給我們聽咗，當然選擇了這間酒樓。酒樓今日座無虛席，服務員都10分忙碌，今日的服務稍遜一點，他們也忙於服務不同的食客，人手明顯不足，這點相信要改善了。由於我們坐在小編聽內，故此又點叫天不應，叫地不聞的境況，很多時也需要自己親力親為。點心很快便到了，有沒有漏單的情況，每個點心由於是大集團的關係，都甚有水準，沒有令人失望。上台的時候，也是熱騰騰的。

尋(11-8-2018 Sat)晚仍然係一號風球,但好彩冇乜雨,因此呢晚約好家人同叔叔一家,為爸爸生日食晚飯唔使取消,訂枱同菜色均由大哥大嫂攪,兩張枱俾o左一間房我o地,菜色有:1. 加$200.00,將套餐內o既鴻運乳豬拼盤升級為鴻運乳豬全體呢隻乳豬冇乜肉,只有皮同脂肪,皮係脆o既,唔太鹹,不過啲醬就好鹹.2. 喜灼海生蝦呢個清爽冇問題.4. 鮮茄珍菌泡時蔬茄湯味道唔太濃,珍菌同時蔬正常冇問題.3. 醬爆彩鳳蘭花蚌蘭花變o左甜豆,蚌同甜豆都爽口,味道係帶少少辣.5. 紅燒雞絲翅或原盅燉響螺湯大哥預先揀o左後者,大大盅,材料又多,不過點解啖湯都依然唔夠濃?7. 蠔皇金錢扣鮑螺片冬菇又大又厚,白菜o既份量亦好多,呢個味道冇問題.6. 清蒸游水大龍躉斑唔記得影相,呢個冇蒸過火,OK o既.8. 脆皮吊燒雞顏色可接受,皮係脆但仍爭少少,肉嫩o既.9. 家鄉荷葉飯我覺得飯o既深潤程度o岩o岩好,味道亦OK,內裡有啲蝦米同元貝,不過荷香好似唔多夠.10. 精美蟠桃包呢隻係冇鹹蛋黃o既,蓮蓉滑但唔夠味,唔夠味唔係指甜度,而係食唔到蓮子o既香味,甜就唔算好甜.味道係3.05分環境:冷氣好似唔係好夠,