稻香超級漁港 (已結業)

在區內佢都算做得耐, 但每一次去的經歷都不好, 所以盡量不會再去不好的經歷:- 飲茶埋單超耐 (而家好似可以自己出去, 好似麥記咁排隊)- 一早坐房唔叫佢都唔開冷氣 (其他茶客又唔出聲照坐!!)- 晚飯碟珊瑚蚌無跟蝦醬,問阿姐, 阿姐話係無架喎- 生日酒每度菜收得快過火箭, 碟蝦丸放低, 成台人都係剛放左第一粒落碗, 阿姐就走埋黎問邊個要碟上果d (最慘係d菜又唔係出得快, 中間d時間都唔知做乜)- 其它問題不能盡錄之後就算有人請我去, 我都唔會再去

星期二晚去咗食晚飯，佢有個特價時段9:00pm前叫小菜就七折，9:00pm後六折(之前係半價)。我哋叫咗個炒飯、賽螃蟹同兩隻bb乳鴿仲送啤酒。炒飯同賽螃蟹都ok蛋白夠嫩滑，bb乳鴿都好香好脆。服務一般埋單大約120蚊都ok啦！

自裝修後都未來過, 係樓下轉圈再轉圈, 好難先找到門口. 地方比以前細多了, 不過到九時多走隔鄰還有空檯, 以往風光的日子好像已不復再.一坐下侍應已不斷推介海鮮加湯底組合, 不太好, 最後只簡單點選了鴛鴦湯, 沙爹那面味唔濃, 湯底亦太滿令一開始沙爹湯那面已過界. 另自攜紅酒要收三十元開餅費也算合理.兩個人肚皮吃不了那麼多所以只點選了六款火鍋料, 手切肥牛灼至半熟, 入口嫩滑兼重牛味, 不錯. 而四寶丸, 炸魚皮, 菜, 魚雲, 三色餃等也只是普通貨色.從前商裡是以平作賣點, 今天價錢貴了, 食物份量少了, 服務也沒了, 不難怪人流會這麼少了.

上次夜昍同朋友去打邊邊9:00PM前入D野唔新鮮又唔好食..肥牛唔好食...D姑又係..總之就唔好食有次同朋友去德福食好食好多可能果間人泡多D..D野去得快D

可能我果次去食套餐$2xxx果d...我覺得好食=.=同埋服務幾好..唔知平時會點未試過...因為我幾庚都係食$2xxx果d

自從上次幫襯後....沒想到再黎幫襯...本想同父母親去表哥試下...但表哥裝修, 父親貪方便又再黎...十一點幾十二點...我等了五分鐘就有位!點心唔講啦...無乜水準...呢頭無咩水準既酒樓...唔太好食都好多人...點心等了廿分鐘先有...馬拉糕粗糙, 古怪地有提子...自己要走去收銀處埋單, 連服務都慳番...!

九月二十九號（星期六），我們一家人12人訂了一個房間一圍枱，吃了四千元都不知道吃了甚麼，完全差到極。乳豬：又小又凍。芝士龍蝦伊麵：味道差又淡，沒有芝士味。海參：無味。翅：完全無翅，味道又不好。雞：無味。炒飯：太油。糖水：紫米露、綠豆沙、南瓜露，三款糖水都無一樣好，甜到極點。現在的食物極差，比火燭前差很遠，之前還好些。現在完全不值。

2007年8月5日一行十二人到這間上了市的酒樓食了一圍近二千蚊的酒席，一去到，追了BB椅三次，大人椅四次，跟住所有服務員，包括所謂的經理每次叫佢地做野都可以同你冇眼神接觸，開頭三個送都(送)得好自動，但之后的每個送，炒反，壽桃，生菓，每樣都要三催四請的先請到出黎！好似中六合彩重易過要佢出野咁！最攪笑一樣野就係當我自助形式地去加水，幾位員工殷勤地走過黎話要幫我加水！真係唔該晒佢地囉！最后食完所有野之后叫個黑衫過黎話要投訴，要搵店長過黎，竟然有另一個黑衫黎話自己係負責人！跟住我問佢係咪全店最大係你？佢答我佢係經理！我心諗，個個黑衫都係經理，個個同部長冇分別O既人都可以行埋黎話自己係負責人！我咪即刻火都黎埋，我要求最大果個過黎，你就搵另一個黑衫過黎(比人鬧)，我真係覺得好攪笑囉，最后真係有個女性黑衫行過黎話自己性陳，係店長，咭片上手寫""陳經理""O既人過黎""比人鬧""！唉，算啦，我爆完佢一輪之后就走左！我諗都係投訴接受，态度照舊架啦！呢間稻香我諗我都唔會再幫襯！

火燒旺地後重開, 第一次跟家人黎嘆早茶, 七點半黎到, 仲有好多位, 明顯地人手亦不足! 四人叫了大包兩個, $2 ...兩老一人一個, 唔知道好唔好食, 但看得他們幾滿足, 因為好飽肚!鳳爪...我食既一隻唔腍, 普通!叉燒腸...個皮太腍, 有點散, 叉燒唔多!牛肉...都幾彈牙, 合格!煎蘿蔔糕....送到黎已經係微微暖, 又唔多蘿蔔!千層馬拉糕...唉...之前食過, 覺得同大榮華有得揮, 今天已不是那回事, 唔軟熟, 又無咩味道, 可能無咁肥, 但寫在唔對勁!埋單$100, 好平, 但會令人再回頭嗎?

之前見上樓, 有七折, 五折招客, 同朋友食過幾次, 題笑階非!古古怪怪??九時後半價, 開始多人, 確係平, 其實d 食物質素好參差, 炒反就好大碟,食唔哂, 其他餸就好細碟, 但有時又好大窩湯, 每次都唔同,時有味,有時乜味都冇,似餡水!好難定!話時話都係半價貨色,見到都唔知同伙記講定唔好, 仲有一大碟炒反用個只三份一大既膠蓋掩住擰黎, 有三份二炒反係掩唔到, 掩來何用............... 笑死人!??稻香咁大連鎖集團, 做乜攪到咁cheap, 唔通用來訓練見習厨師既地方.....................!!

夜晚響將軍澳，而朋友想吃火鍋，故去了稻香﹗由於到的時候已經是晚上10時11時多，唔多人﹗記得以前9:00後稻香火鍋十分多人(其實現在的mk都是一樣咁多人)，因為人們說很便宜，什麼碟碟$12。但現在加了價，分星期一至四及星期五六日的價錢﹗我們去那天是星期六，就算已經是特價火鍋時段，價錢一點也不特價﹗大概都要二十多三十元一碟﹗味道方面，還可以的﹗但服務就真的麻麻﹗我們order了芝心墨魚丸，一碟12粒，我們先放了6粒入煲，當其中一個人吃了以後，發覺是芥末墨魚丸，當然要求換啦﹗怎料他們只給了6粒給我們﹗我們當然不忿，馬上把煲中剩餘的5粒拿起，要求換回芝心墨魚丸﹗明明是他們做錯，換回一碟也沒什麼大不了，竟然只換未下煲的6粒，我們當然不忿﹗講真，吃火鍋有很多選擇，如非必要，我想我也不會到稻香吃火鍋了﹗

尋日5個friend去飲茶食晏.衛生水準下降:食具包括杯,碗都不潔.點心水準下降:大部分唔夠熱服務水準下降:冇人理,服務生說我地有2個點心(等左大半個鐘)已經賣哂,要取消;但由開始食到埋單走人,一路見其他客都有得食...另外,埋單時果兩個取消點心根本冇取消到,好在有check單,唔係又$照收...

和爸爸慶祝生日，不想去太遠的地方吃飯。以爲稻香還可以，就來這裡吃好了。888套餐\，好意頭。有龍蝦，魚翅，鮑魚，怎麽知道一上來，見鬼。龍蝦沒味道，應該不是同一只。差！魚翅，是什麽！！！差差差！其他的沒一樣好。black list 了！又貴又不好吃！！！

本身唔會主動去這等連鎖酒家打邊爐,有時,唔到你想.當你朋友住在調景嶺,又想打邊爐,但又唔想去得遠.似乎,厚德商場的稻香,是對方心目中所想.特價時段,好似唔洗錢似的.門口永遠車水馬龍,遲一步到,囉張飛的號碼都會令到閣下面色一沉.呆坐一會,終叫到我number,心情有如中六合彩般興奮.特價有特價之食法,盡量叫些特價野,有咁平叫咁平.當然亦會叫些肥牛,珊蝴蚌等等.要個雞鍋,隻雞肥到漏油.湯底面頭的浮油,很像輪船擱淺後,漏出來的油污,真係"畢"油,都畢到手軟,多出來的油,裝滿一小碗.如果可以循環再用,可以點用?配料肥牛,蚌之類就一般過得去,不過不失.平價配料如肉丸,雲吞,餃子等之類,都係一般.點都好過月前大角咀的興隆一役.來得這等連鎖,真係唔應該有期望可言,只係去解決基本的生理需要罷了.除左厚德之外,每一次在黃金時段路過任何一間稻香,人龍絡繹不絕,何解?

收爐, 所有staff一齊食飯(其實好似係tea, 已經兩點幾).統籌已經pre-ordered野食(應該係set), 樣樣都好正!! 我食左蝦餃, 燒賣(蝦勁大,啖啖肉!!), 粉果, 炒飯, 燒雞, 叉燒包, 流沙包, 春卷, 紅豆沙(再熱少少會更好)已經冇食燒豬, 燒肉, 炒麵. 同事話炒麵仲正, 可惜已經飽到嘔.d野食上得都幾慢, 我地本身已經好餓. 一上就好多都一齊上. 聽講好似$600一圍, 加埋一同茶錢大約$730啦, 平均每人都係$70, 好抵, 飽到差d夜晚都唔駛食.