稻香超級漁港 (已結業)

為左鄭重其視本人第一百篇食評, 我以為都會加上圖片, 好似KC Gourmet & Smashing Pumpkins 咁, 以逢圖文兼備以響視聽!今晚同老公突然想食芝士焗龍蝦, 近近地, 咪去稻香囉! 優惠套餐只有湯龍蝦...我地想食芝士唯有按斤秤。美國龍蝦斤.5 賣HKD250.00, 送'衣'麵底。芝士夠多, 濃, 不過略咸, 龍蝦肉質較淋, 唔夠癠爽口彈牙, 實屬一般貨色。叫多個小菜, 鮮果咕嚕肉, 好細碟, 成五十蚊, 一上菜我同老公都忍唔住'嘩'一聲...所謂既鮮果, 咪又係菠蘿+洋蔥+紅青椒........粉唔太多, 剛好, 不過味道一般, 冇咩特別, 幾近茶餐廳級數....唔值....服務都ok, 快手快腳, 尚且周到。

間酒樓重新裝修後,第一天及第二天午市都有幫襯,只是水準也不太好,d腸粉皮'巷'的, 新張都咁的水準. 見鄰桌叫個竹笙羅漢齋麵,投訴沒有竹笙,要再炒過.第二天我們叫了個粉麵套餐,原本只想叫個米粉,但個侍應極力推薦套餐,可惜隻雞唔好食,d粉仲炒到碎晒.正價都係細細碟, 埋單時仲見到很多人排隊等下午茶.昨天去食下午茶,己無特價點心紙(雖然特價也不平),要了鳯爪,但咸到要用水沖才能吃. 北菇棉花雞,味道就可以, 但雞少冬菇靭. 上素蒸粉果d皮一挾就爛.水準和裝修前一樣,但貴咗唔覺靚咗,總是有些點心不好吃, 不明白為何還是很多人等位.

剛轉到新部門，遇上一年一度的老闆請食飯．機會難逢，大家狠狠地叫了多樣點心，一人一盅灌湯餃和楊枝甘露，還有豬頸肉，泰式拼盤，蝦餃燒賣．．．大快朵頤．灌湯餃有很多料，雖然湯有些肥．點心都很好吃，不過等上菜時間略長，吃飽後要趕回去工作．

尋晚4個人上去食, 見到有個4人餐賣4百幾, 餐牌上仲寫住有"意大利焗原隻鮑魚", 諗住細細隻試吓無妨. 點知上菜先發現得4隻細個半隻手指尾, 薄個張紙的鮑魚bb, 連埋一大pat芝士, 煙肉, 鋪係一大碟沙河粉上面, 真係比人呃得透了.....

星期五九點半去到, 人山人海, 好彩好快都有位.要了皮旦芫茜湯底$1兩個人, 火煱料要了半隻雞, 蝦丸拼墨魚丸, 豬潤, 滑牛肉, 菜加三支汽水. 甜品要了茫果布甸, 兩個人食到好飽都係160蚊. d火煱料好新鮮, 一定好過d 任食既下欄野. 值得推介.人手好明顯不足, 但d 待應服務仍好好.不過冷氣太涷要扣分.

今晚又去了食, 去到7點幾都唔係好多人, 原來仲做緊$1 湯底, 都好抵, 點了芫茜皮蛋湯底, 另加5個火鍋料, 鮮肥牛, 菜肉餃, 小棠菜拚娃娃菜, 花枝片, 大魚頭, 每樣材料都很新鮮, 甜品要了楊枝金露, 味道唔錯, 但略嫌芒果太少, 另加兩支啤酒和三支可樂, 埋單連貼士$250, 價錢唔平唔貴, 但一定好食過其他酒樓任食好多

接連請了兩天假帶狗狗做手術,今早放低狗狗在診所後因要等三小時才能接走, 就又黎飲茶消磨下時間. 平日十一點幾黎到都等了廿幾個號碼才有枱,稻香的叫座力又真係幾時都咁強. 冇乜心機,四個人由男友揀了幾款點心:xo醬炒蘿蔔糕: 味道ok,但唔夠熱.奶皇馬拉卷: 好似"縮縮"地喎...蝦腸: 腸粉皮又林又爛,唔得醬皇抄手: 即係類似細油抄手,皮硬肉又實,某老闆名言- 可以掟死狗小籠包: 冇食韮菜餃: 餃皮冇味,好油金粟百花球: 粟米還粟米,肉球(唔知咩肉,總之唔似蝦)椰汁蘆薈糕: 以為好似平時食開椰汁糕咁,原來係心型布甸狀, 味道唔係差但好林好爛蜜糖蛋散:唯一一樣覺得好味,夠鬆化之前黎過幾次都覺得幾好,唔知今日點解咁差,唔單止食物,服務亦十分不濟,點心等左超過二十分鐘才上枱,由頭食到尾都冇人清過枱上既點心籠,問侍應拿鐵匙食甜品,講左一句"要去廚房攞喎"然後冇左影,埋單又等了超過十五分鐘.......短期內都唔會再來~

上個星期來食過.promote 緊$18一條多寶魚,我地一家八口叫左兩條打孖上,唔錯呀,魚好滑,好抵食呀!甜品推介: 榴槤布甸,正!

公幹回港與男友和媽媽來飲茶,平日十二點幾來到都要等幾個字至有位,叫左幾款點心同一碗雜錦湯金邊粉. 金邊粉好大碗, 男仔如果淨食佢都會飽晒, 料都係不外乎魚旦蘿蔔豬頸肉牛丸等,十幾蚊碗都交足功課了. 帶子腸同南瓜紅豆粿依然有水準,流沙奶皇包本來幾夠沙,可惜太甜太漏, 粟米花枝餅唔係好食到墨魚味亦油左少少,一般. 最失敗係個蜆介綾魚球, 又油又唔彈牙,差. 上次黎食晚飯小菜覺得一般, 但飲茶就真係唔錯, 唯一係等上食物同等埋單時間較耐, 其他都ok啦

上星期日心思思又想食火鍋, 去了這間諗住食佢個特價時段, 到9點派飛時簡直人山人海, 好彩早來排隊所以好快就可入座湯底只係賣$1, 點了芫茜皮蛋湯, 另點了越南牛肉, 雞子, 蝦丸拚墨魚丸, 拼雜菇, 花枝片, 每碟只係$12, 份量大大碟好抵食, 另加了三支大藍帶, 每支都只係$6兩個人飲飽食醉埋單都只係$110, 勁抵, 就算要等到9點先有得食我都覺得係值得

大長今效應果然犀利, 星期六晚上特價火鍋平時好多人, 但上星期竟然唔駛排除之餘仲有吉點了個芫茜皮蛋湯底, 湯濃而且勁多皮蛋, 火鍋料就點了墨魚丸拼蝦丸, 魚頭, 拼雜菇, 菜肉餃, 越南牛肉片, 炸魚皮, 其中以越南牛肉片最好味再加三支啤酒, 三支汽水, 食完真係飽到不得了, 連之後送既紫米露都食唔落, 埋單$240, 如果好似今次咁唔駛排隊我都會再食過

同媽咪兩個人黎飲茶,點心都幾多選擇,花多眼亂下揀左:~皮蛋瘦肉粥:喉嚨痛先叫,味道ok啦,味精?酒樓粥預左架啦~帶子腸:清清地,帶子都幾多,但豉油甜既?~上素蒸粉果:皮幾煙韌,餡料幾爽口,略嫌多油~奶皇馬粒卷:四小舊,的的式式賣相幾討好,味道唔錯,如果再鬆軟少少就更好~南瓜紅豆粿:賣相靚,外皮好軟韌,紅豆蓉餡唔太甜,呢個好得!埋單九十幾,稻香始終係稻香,食物水準有番咁上下,侍應做野快手醒目,好過去美心啦

當晚還點了個蘿蔔絲酥餅。想不到晚市也有得吃，而且即新鮮熱辣兼燙口，略鎌酥皮厚了少少，但非常鬆化，好食！

一向都知稻香訂位要早少少去，星期日晚原本訂了7:30，我未夠7:00已經去定，但要8:10分先入到去坐，足足個幾鐘，期間我問個小姐係咪如果有就會俾訂佐個人客先，佢話唔係(咁我訂o黎仲乜？)，真係好激氣！！講番食物，普遍小菜味道都幾好，不過個咕嚕肉就好酸，其他如魚香炆海參、乳豬拼盤都不俗！貴為集團式經營的酒樓，希望佢o地有一個訂準則，唔好再要訂了的人客跟walk-in那些一起呆等。

前日1:15pm同朋友仔去飲茶, 因為人少, 去到就有位, 俾張貼住柱位的二人檯, 要同朋友兩個並排咁坐, 有少少無癮。朋友想食鳳爪排骨飯, 可惜過了12pm就唔供應, 真係有點唔應該, 你賣貴一些都好過無, 等食客多些選擇嘛, 最後只好叫了個叉燒飯同朋友分, 另外叫多六款點心。等了15分鐘, 叉燒飯才來, 覺得有點手腳慢, 同朋友分享左碗飯, 叉燒都不錯, 可惜個白飯太過軟。飯吃完, 點心紙都交左30分鐘, 第一碟點心燒賣才來, 吃完又等, 最後一碟來的是蒸魚雲, 用了一個小時去弄出來, 幸好我不是趕時間, 否則火都來了, 我明白佢地係即叫即蒸, 但都不用這麼久才上到檯, 茶客吃得快早點離開張檯都做到多一輪生意啦。說回點心, 味道真的高一等, 不過肥膩始終離不開, 見到都有點不想多吃。