稻香超級漁港 (已結業)

晚飯前雖然有段小插曲，也無損晚飯雅興吧~!?本來想食個間火煱，要成9點才可以拎籌，即係10點才可以進場。。。不是嘛，還好lol精明選擇，決定轉戰稻香超級漁港，E12 等遊戲中既粟米收成的時間，也不用就進場。可惜的是沒有肥牛，沒有蟹子丸，沒有玉子豆腐，沒有鯇魚片😑😑😑那時候應該是9點30左右，最後叫了國王的竽絲，雪花方丁，墨魚滑，綾魚滑，神跡叫了平時少吃菜的娃娃菜😂還有你唱了出來的風聲之中聽侯你的凶鈴，其實是響鈴 。。。silololo 哈哈。感謝朋友，咁怕凍既你都出街陪我打邊爐。雖然話題少了，但今餐也不錯吧。時間剛剛好 12點08分到火炭站開夜。夠哂飽飽，都算係咁。

上次去完另一間酒樓食晚市之後早排呀叔由台灣黎港探親又請佢去食晚餐今次想試下第二間酒樓晚市質素決定黎稻香漁港試下入到黎平日人流唔多好快入座睇下餐單普遍都偏貴小小而且有啲覺得貴但用料唔上乘其實好耐之前試過黎 個陣做緊清蒸日本蟹promotion覺得好出色不過而家冇左咁就是但叫啲岩呀叔口味嘅餸菜算啦平時去第二間食都有芝士龍蝦但呢次得芝士蝦但價錢都唔係平而且個芝士汁顏色 點解覺得怪怪地炸子雞都唔算脆 同埋得半隻價錢又貴 份量唔多燒肉都色水麻麻同埋本人唔鍾意肥豬肉到最後 最欣賞係個茄子煲紅燒得好靚味道入味 唔會有茄子🍆有太多水份個種口感岩晒送飯添

依家有推廣，兩個人就有一隻一蚊雞, 我哋當晚5個人，所以叫咗兩隻一蚊雞。其實去稻香就係為咗食長腳蟹，上兩個禮拜仲賣緊188一斤，點知前幾日去已經加到$288一斤。不過我估計，遲啲去又會再加價。我哋當日係叫咗一隻四斤嘅長腳蟹。雖然細隻啲，但味道一樣鮮甜。

星期二晚同屋企人難得出黎一齊食飯，知道最近稻香有一蚊雞，即刻去排隊啦！ 六點去到，好在無咩人，不過之後愈來愈多，到七點已經無位啦！我地有４個人，所以叫左２隻雞，每人平均有半隻，食到唔想食！皮夠脆又唔肥，肉滑多汁，即使１蚊隻都咁高質！仲有個燉湯係有驚喜，平日36元依家只需18元，有成隻鮑魚同好多雞肉同藥材！勁足料！好夠味！至於個龍蝦伊麵就一般，唔大碟之餘味道比較淡！仲叫左碟雲勝炒墨魚花，Ｄ墨魚幾彈牙新鮮，呢碟可以送飯食！

今晚本應想去稻香食八點半後火鍋任食，去到稻香見無人等位已經覺得奇怪，原來已經無咗火鍋任食，得番星期一至日八點半後火鍋料及湯底半價。我哋選咗醉雞鍋，有半隻雞，湯底唔算好濃，不過半價就算可以，飲品仍然係任飲👍🏻，有汽水、荳漿、支裝涼茶等，醬料係自助，唔洗加錢。火鍋料唔好期望太高只係普通貨式，我最鍾意菜籃同韭菜餃，湯底嘅雞件都嫩滑。服務方面，見佢哋人手充足，侍應有主動加湯，清理火鍋料嘅碟等。環境方面，枱與枱距離都闊，仲有卡位，我覺得食得安心🤗。最後埋單每人$150左右，同任食差唔多啦，仲要無任食咁浪费食物。

撐香港食肆....出外吃飯，否則不足一個月，香港食肆全部執苙⋯⋯拜拜到時超市日日不夠搶.......😅平日都有間中去吓稻香飲茶和食飯，去過好多間稻香，無論價錢，食物質素，服務都好好，好似呢間稻香也不錯👍👍😋😋.........汽鍋黑🧄蒜螺頭湯——足料，豬🐷、雞🐔、螺頭及其他材料...........等等，味道清甜😋咕嚕龍鳳球——-用🦐蝦和雞🐔件炸成，🐔肉外皮脆口，酸甜味道適中，新鮮菠蘿🍍調配👍🦐蝦肉爽口😋桑拿環球海鮮滙——-海鮮材料新鮮........調較時間恰當，牛油🧄蒜蓉惹味，帶子肉嫩，包魚彈牙，🦐肉、蜆肉鮮甜，其他配角材料足也十分入味👍水晶脆皮珠——-水晶肥🐷仔，奶皇餡味，外皮質地口感煙靭⋯⋯乳🐷——-竟然比我想像中好食，望落平平無奇，一咬口皮脆到不得了，配菜芝麻醬沙律🥗⋯⋯👍😋🐟魚香茄子🍆煲——-滾熱辣辣，不用說也是很好味😋服務招呼週到⋯⋯👍✌️😋

老公舊曆生日，一家大細連埋工人姐姐，一行七人去稻香打邊爐，任食火鍋8:30開始，但7:45就去到排隊等，點知一個人都冇，只係得我地....當去差唔多8:10左右，越來越多人排隊等候，原來可以打電話去book位同唔洗甘早到的最高興嘅事係每位都係$133，4位免1位價錢，小孩子高過110 cm先計小童價錢，太好啦，所以果日唔計小朋友同free 一位，我只係比5個人的價錢就可以一坐低就用QR code 點湯底都叫野食， 湯底好快就到左，但係d湯要等好耐先滾起，至少要等成15分鐘，唯有係呢個時間睇下有咩食最唔開心嘅係食物都到齊湯都未有滾起的跡象😅 唯有望住啲食物止下肚先...脆肉鲩魚都新鮮，但比較多魚骨，唔係好適合小朋友食，如果切魚片時可以順住魚骨之間的罅隙切，甘就易入口好多啲蝦好新鮮同稱得上靚，唔係用d霉霉爛爛的死蝦，烚完隻蝦啲肉都彈牙新鮮好味😋任食火鍋黎講，真係好抵，如果野飲的款式多d會更好...😆

睇到廣告話稻香長腳蟹特價。。。每斤136真係抵抵抵。。。所以即刻同男友人一齊去！預早訂枱，到咗店員話攞埋卡去排隊磅蟹，我地兩個人揀咗隻4斤4両。。。每両8.5，我地隻蟹只係五百幾蚊咋我兩另叫了孖寶套餐，蒸元貝和菜苗。。。兩個人食真係抱住個肚走，之前睇網評講好差。。。但今晚一試真係要平反，雖然無膏，但食長腳蟹旨在啖啖肉，加上呢個超抵價第二到根本搵唔到！當晚兩個人八百幾蚊埋單，真係抵到爛，有機會真係要再食

上水居民同朋友一行7個人突然興起好想打邊爐！睇睇上水，除左近年愈開愈多嘅雞煲之外，仲有龍豐嘅稻香酒樓晚市火焗有任食/ 單點兩種叫法，我地想暢快地落單，眼明手快揀左任食。包湯底、前菜小食、飲品、雪糕任食落單只可以用QR code，一開始掃QR code掃左好耐都load唔到，各位街坊要俾多啲耐性喇肥牛同一般任食肥牛嘅質素冇咩分別，佢可以另外每人加$38，加錢轉做安格斯肥牛，但係我哋一班慳家之人當然冇俾錢轉啦蔬菜種類都有好多款，同枱食素嘅朋友都有好多選擇最後埋單連加一，每位$217，成個邊爐嘅味道都係不過不失啦，冇咩驚喜，正常發揮，當係一班朋友聚埋傾吓計都可以嘅，但如果係想有多啲味覺衝擊就可能要選擇其他鋪頭啦！

今日見到報紙賣廣告特價$136/斤阿拉斯加皇帝蟹，咁抵食咁啱媽生日咪去食晚餐，見個魚缸都有10隻左右，諗住貨少d啫，稱咗隻話4斤11，仲係新鮮生猛的，都好啦，清蒸，點知等咗好耐先黎，黎到原隻冇打開蟹蓋的，平時去別的酒樓都唔會咁上枱啦，點知一食平時最鮮味的蟹腳，跟本係急凍的蟹再番熱，完全冇鮮味仲好咸，連一d蟹汁都冇，同自助餐d長腳蟹一樣，仲有腥味添，雖然要平都唔使咁樣騙人丫，呢間酒樓實在太唔掂

每次飲茶都鐘意瘋狂叫野食，對住點心紙係咁剔係咁剔！但今次得兩個人，嗌野要就住就住。1. 炸饅頭✔️可能岩岩炸口，拎出黎係勁熱！點埋煉奶食好香好邪惡！勁爽脆，唔油！食落口小心燙親嘴巴啊！2. 菜苗餃✔️個皮雖然比較厚，但煙煙韌韌，熱辣辣時食最好食！3. 章魚肉餅飯✔️賣相雖然好一般，但一定要試呀, 飲茶唔嗌翻個飯好似食極唔飽咁！4. 燒賣✔️好大粒，4粒分開一半可以當8粒食！蟹子同蝦肉味道都好出。5.蝦餃✔️一般水準，可食可唔食！蝦🦐幾大粒咁！同樣有4大粒！

難得公司放假所以同埋朋友一齊返深圳玩，但係未去到羅湖關口已經好肚餓啦諗下過關都要一段時間所以我哋直接喺上水出左地鐵站食埋個晚飯先上去大陸。我哋就叫咗個花膠魚翅雜菜煲，估唔到呢個花膠魚翅雜菜煲都唔錯個湯清清地入邊有山菜啦菜心啦芥蘭然之後仲有少少花膠再配埋一啲如此不過我估係眼嘅粉絲食落口感豐富得來清清淡淡都幾好 另外都叫咗個番茄鴛鴦飯一半係白汁一半係番茄汁 記得以前成日都會食鴛鴦飯好多年冇食過啦今次食飯都係幾好食嘅。特別係飯底先炒過，配埋啲汁又濕又乾幾好。

辛苦左一星期就係要對自己好d，飲個靚茶，雖然11點幾去到，但都只係等左一陣。一坐低就係咁畫野食沙薑雞腳: 沙薑味重，唔港再另外點沙薑汁都得。雞腳有少少硬同好細隻，縮水有點過份叫左雙拼粉麵: 叉雞瀨。唔夠熱，叉燒有點乾，顏色有d假;切雞ok嫩，肉唔算多奶皇包熱辣辣，雖然唔係流心，不過都ok，個餡都幾香，只係個餡有d少馬拉糕熱辣辣好鬆軟，唔會好甜叉燒腸好滑，塊皮唔會黏住對筷子，叉燒餡都ok多整體尼講都ok，想食得開心可以叫點心，點心算係比較ok

每次探婆婆一家大細都一定會揀稻香超級漁港，地方夠大婆婆有輪椅都可以方便出入但係最唔好嘅地方就係冇升降機，有時候電梯又壞，婆婆坐輪椅就弊傢夥啦！試過有一次去到樓下先發現電梯壞咗於是要推住婆婆兜左半個圈去搭送貨lift ........回歸正傳講返食物嘅質素其實稻香係人都知佢嘅食物全部都係嚟自大陸嘅工廠但係你又唔好理佢選擇真係咁多間上水酒樓裏面最多每次飲茶起碼At least 有三張菜單俾你order而且菜式有時都會有變更適合大眾人口味價錢合理！ 因為地方夠大所以有時平日去嘅話好少等位

話說啊客人喺深圳過嚟香港shopping，廣東人都係喜歡食廣東菜，什麼日本料理呀、泰國菜啊、韓國菜啊、佢哋一啲都冇興趣。至於中式酒家想坐得舒服啲，稻香都係一個選擇。我哋幾個人，侍應提議可以叫半圍酒席食下，埋單唔使＄2000。包＋10%、茶界、酒水都算係咁。第一碟就係乳豬，半隻個display 就唔係太靚，皮唔夠脆。龍蝦就真係冇呃我哋都有兩隻，半隻原件上，至於味道就普通啦！起碼都有幾啖肉食下，龍蝦鉗部份嘅肉真係唔得，食落去覺得唔夠新鮮。有個所謂雞絲翅，我覺得唔似魚翅，有啲似魚唇。但勝在分量幾多，湯頭味道調校得都唔錯。其他冇特別就唔影啦！整體食物質素普通，服務好差！