稻香超級漁港 (已結業)

稻香的宵夜時段打邊爐一直係朋友間經常光顧的，今天的聚餐亦選舉了附近的稻香。8時半準時入坐，湯底發食第很快就送到。湯底今日是雙拼的，沙嗲稍稍不夠味，但配料有沙嗲醬提供，沒有問題，可以DIY。稻香的食物款式一向不少，今日食到的蛤蜊非常新鮮，因為仍是活的。另外其他好像菜及肥牛等等都有一貫水平，肥牛不算很厚，但非常滿足。服務員的服務態度亦非常值得稱讚，會離動幫客人追單。以現時的經濟江十，人址消費都是$150當然非常超值，恐怕以後都會繼續支持。

每次想吃宵夜，必然會想到稻香的宵夜仼食火鍋，一百多元可以讓你舒舒服服的吃，還包括任飲的啤酒汽水，也只有在稻香找得到。最重要的是她供應的食物，也是多樣兼高質的。雖然稱為宵夜，其實晚上八時半已經開始，作為late dinner也不錯。我首選鴛鴦鍋，可以同時跟據食材特性分別用濃味或清湯，比較有彈性。而且她的沙爹湯非常濃郁，如果還嫌不夠濃，還可以自行去自助bar取沙爹醬，調製自己想要的口味。自助bar還供應各種飲料，甜品，醬油。最重要她供應的啤酒也是仼飲的，對我這個酒鬼來說是非常非常非常大的吸引力。登！登！登！登！(本人的)稻香火鍋五強食品，第五位是菜，不論是生菜，油麥菜還是皇帝菜，都新鮮青綠；第四位是廣島蠔，大大顆的絕不手軟；第三位是炸魚皮，除了炸绉得香脆，還是大塊大塊的，配上冰凍的啤酒，一流享受；第二位是肥牛，她的肥牛肥肉比例適中，是真正的雪花，不是坊間一般平價火鍋店的"肥"牛，而且牛味也算濃郁；第一位是魚，她的生魚片，鱔片，鯇魚片非常新鮮，個人認為火鍋吃鮮魚才是最高級的吃法。飽餐之後，還一定吃個雪糕，這就是今天完美的句點，可以回家睡覺了。

親戚來港入貨， 約了在上水會合一齊shopping， 血拼完畢， 想搵間舒服地方食飯，以前的茶餐廳，酒樓現在全部變為藥房化妝品連銷店， 真是搵食艱難！ 終於找到了這間超級漁港阿拉斯加蟹好吸引，但兩個人食，太多了！環境寬敞冇柱位， 在商場而言算大了仲有卡位選擇這四款好吸引， 叫了其中三樣個名好吸引， 亦不令人失望， 雞湯味濃， 加上肥美鮮蠔， 雲吞大隻蝦多，更是錦上添花。 唯煲完湯的雞鞋口，食唔到！一口鮮元貝， 用金蒜粉絲蒸，味道非常配合，元貝新鮮肉厚彈牙， 但嫌油太多！深海龍躉用蟲草花+豆豉 + 麵條蒸， 豆豉味鹹反而奪去魚的鮮味，而麵條不及粉絲滑口，可用芋絲代替，油的份量嫌太多，但魚新鮮好味。三個餸都算中上水準，雖然星期六每款要加多10元，都值得！

講真＄138打邊爐任食連加1 都係150元到。好多人都會話人哋會唔會俾屎你食㗎？會唔會得個10樣8樣野你食？小弟同朋友的兩個人就想去試吓@@八點半總是入座，由於小弟好鍾意打邊爐。基本上都好清楚明白呢啲所謂嘅飲食火鍋，你寫30樣嘢，可能到得10樣，所以我大筆一揮，簡簡單單寫左20.30樣嘢先，啲夥計態度都幾過癮，明明有得俾我係字到揀湯底，但係就永遠問我攞咗咩湯底先？事後先知原來啲服務員驚廚房唔記得比湯底我哋，令到我哋食嘅時間少咗。呢方面真係要讚下佢哋，8:35我落左單，等左大約15分鐘，途中我出咗去出面攞咗啲汽水，豉油原來都係自己攞嘅，出面有沙冰有糖水仲有雪糕食。當然啦138等係食維紀雪糕啦。15分鐘後我就開始後悔我頭先嘅大筆一揮會唔會誇張咗少少。基於小弟，人有錯手寫咗兩張紙，大約15分鐘後。我就做咗個英明決定搵多個朋友上嚟食。點解？因為第二張單啲料又送上嚟了。介紹吓有咩係值得回本嘅先。海蝦一定要食，廣島蠔，花膠，魚片。@@138平到爆。值得推薦大家來食。唯一有缺點係始終依家係酒樓，服務員未必真係可以招呼晒咁多台客，可能有時回應係會慢咗少少。希望大家會體諒下啦。

臨近聖誕，一班朋友聚下，中午時間到達，可以立即入座，今天旨在吹水，餐廳唔算迫人，枱放得唔密，全程坐左三個鐘，D茶加左幾轉茶葉都變哂清水。阿姐服務態度都好，快手！主要食點心，都係正常發揮。當中鳯爪夠入味，不太淋，有口感。粉果都出色，皮同饀比例適中，必食之選。另有特色點心推介，我們試了蘿白酥，但皮太厚，食落粉太多。蒸腸粉就林左少少，姐姐落豉油重左，食落好咸。不算吸引。集團食品，水準較穩定，唔駛等位就方便！

同屋企人嚟食個家常便飯，主要係想食大閘蟹。好耐冇嚟稻香食晚飯，小菜款式都唔少，而且價錢合理。黃金膏大閘蟹$38一隻 - 話足四両。唔係大隻，但對得起呢個價錢。蟹膏都算係咁，好香。食完蟹會有薑茶送，薑味濃，好飲。食完蟹一定要飲返薑茶驅寒~本來係一杯仔，叫侍應俾大碗啲，最後俾左三碗，謝謝! 金漆招牌5両翅$168 - 一窩上枱，仲用明火煲住，熱辣辣。湯係香濃雞湯，好正! 有半隻雞，雞肉嫩滑，可以食埋。翅嘅份量真係有5両，好滿意，個人覺得好抵食! 有驚喜喎!清蒸台青斑$58 - 魚肉韌，一啲都唔滑，食唔出係斑嚟，唔多新鮮，有啲腥味!屋企人有張$1優惠劵，$1就有呢個叉燒同粉皮。叉燒燒得唔錯，肉稔冇渣，有蜜汁味。成晚侍應好少，個個都好忙，加水都要叫幾次，人手有待增加!

8點半開始宵夜放題$138另加一湯底夠多選擇，除咗基本湯底之外，仲可以揀麻辣雞煲，食完個雞煲，先再打邊爐！今次揀咗雞煲，因為天氣太凍，所以想食咗啲熱辣辣嘅嘢暖吓身先！估唔到個雞煲又幾好味，件件雞都好大舊又多肉，味道唔算辣，所以幾啱唔食得辣嘅人我哋仲嗌咗啲小食，都有幾款選擇架，陳醋木耳，炸薯條，拍青瓜，涼拌粉皮之類全部都幾好味！打邊爐食品嘅選擇都幾多比其他酒樓任食火鍋嘅選擇多值得一提海鮮類有鮮蝦，脆鯇，鯇魚片，沙白蜆，鱔片，蠔之類，全部超級新鮮！另外仲可以有幾款糖水選擇…紅豆沙，杏仁茶，芝麻糊！

仍然對上水人生路不熟，阿媽力推上水稻香好食過大埔稻香，所以黎試試，我感冒無咩胃口，是但食兩啖。貴妃雞半隻，叫價 $50 啊 ﹗皮光肉滑，色澤鮮明又吸引，索一索清香撲鼻，食慾急升 ﹗當然順序由髀開始食，薄薄雞皮不油膩不厚肉，滑又帶彈，還藏著少許透明油脂，份外香甜。髀肉連雞皮一併扯出，每啖都充滿肉汁，極嫩滑細緻，可口無比。到處理雞胸雞背脊，軟棉無渣，雞味更濃郁帶著咸香，真的不錯。燒鵝下庄，多謝 $80 蚊，貴啊 ﹗燒鵝香料醃味較淡，肉質非常嫩滑幼細，不過好鬼肥呢 ﹗勁多肥膏，無做開運動，太懶喇。鵝皮勁厚，一咬爆油滿嘴都係，酒樓黎講都係海港燒鵝最好食 ﹗水晶蝦餃，個賣相真係靚過大埔好多倍，端正骨子，完整又美觀。蝦爽香甜，餃皮嚥韌帶滑，好味。乾煸四季豆，炒得好濕，四季豆都好爽脆。味道十分濃厚喎，重口味，食開唔係依隻味架喎 ﹗見有新菜色先冒險試試，失望而回 ﹗泰式肥牛湯米線，泰式？只係肥牛、魚片頭、札肉乍喎，淡味雞湯底，米線又係淡，麻麻地。珍珠雞，有驚喜 ﹗拆開荷葉仍然熱辣辣，輕煙飄飄，梗係要趁熱食啦 ﹗大大啖咬落去，糯米油潤嚥韌，趙落乾爽而裡面帶汁，肉鬆餡味道香濃甜美，仲有咸蛋黃添，好好食呀

星期日下午難得同家人食個late 茶，可能真係太晏，好多點心都沒有了，碰上差不多落場，酒樓裏的服務生很少，根本沒有人招呼斟茶甚至落單，阿妹收到不想付服務費，皆因全程自己招待自己，的確失望▫️紅油抄手皮薄，湯汁淸淡不辣不香，抄手上枱已經微涼，所以入口感覺皮比較靱▫️鳳爪是飲茶必點的， 可謂傳統點心之一，鳳爪泡得鬆軟，醬料上味▫️炸魷魚鬚沒有炸出酥香脆皮，應該灘涼了▫️腐乳通菜，整體比較油，講真一啲都唔香▫️燒鵝米線，燒鵝全部都是皮和骨，根本沒有肉，只能要求部長重新換過一碟，米線湯底非常喊，媽媽加入熱水兩次，喊味依然，不斷喝水

去到星期六有咩好過一家人一齊去酒樓食返餐勁呀…今日就去稻香叫咗四個餸，首先黎既係紅燒竹笙豆腐，e…又幾好味，平日我到豆腐卜冇乜興趣，但今次又覺得幾好味，加上肚又餓，令我食到好開胃呀之後黎既係雜菜煲, 清清地帶點鮮沬，都好好味呀，加埋䓤蒜仲正呀…雜菜煲一樣令我食唔等口繼續黎既係蜜桃排骨蜜桃甜甜地幾好食, 但排骨就覺得炸得太硬，對比其他餸就比較失色…最後半隻燒鵝唔錯呀，燒鵝不算好肥，而且啖啖肉加上有火一邊暖住燒鵝一邊慢慢食…真係正呀最後加上一碗白飯, 簡直美妙呀

夜晚九點半收工去吃個小菜，大概點2個餸一個炒飯，每次9:41落好order,第一個餸炒飯10pm上，第二個小菜10:15上，到第三個小菜等到10:30都未有聲氣，就問侍應個餸幾點上，侍應走去收銀check,搞完一輪又係漏落單！已經第二次發生d咁的事！只是叫三個餸，每次都可打漏，好大問題囉！

尋尋覓覓覓覓尋尋，又一次係上水飲茶，呢次醒左呀羊，上網尋覓搵左有幾多間酒樓先，再慢慢揀邊間好，見有稻香，大集團，唔會係伏呀?經深思熟慮過及投票後一齊入呢間呀，午餐時間，仲要係紅日，好多人等位既，但好快有位，仲要係唔洗搭枱呀。 環境:地方好大，都幾好坐，服務態度幾好，好難得呀。 食物: 賣相先決系列: 千酥鳳尾蝦，個樣夠特色，外層酥脆既，入面原隻鳳尾蝦，爽口既，幾好食但唔夠熱。 純粹LIKE去到酒樓都必叫既點心系列: 豉汁蒸鳳爪，不果不失既水準。 原蝦燒賣皇，爽口大粒蝦，好食既。 香滑奶皇包，奶黃既餡料不多不少，味道上好普通。 似乎抵食系列: 江南五小品 ，約32價錢，一碟5樣小食，下意識幾抵，比較油膩，味道普通。 脆皮腐皮卷，幾香脆既口感。

今日經過上水突然想飲茶，以前食開果間X港又接咗，於是想起附近有間稻香，便去試試。由於一個人胃口有限，我只點了3個點心：1) 炸雲吞 (炸嘢係我的至愛)2) 豉汁鳳爪 3) 皮旦瘦肉粥 (用來平衡一下D炸嘢)評分時間：1) 炸雲吞 炸得好香好脆，不算太多油黏著，中間包著的蝦也可以。不過冇比甜酸醬我，減一粒星！2) 䜴汁鳳爪鳳爪皮夠入味，也算彈牙不會過霖，好味有咬口！3) 皮旦瘦肉粥 粥底不會太濃，是略為偏向稀果種，餸也不是很多，但味道尚可，易入口，不會太頂胃。不過不失啦。* 補充：4) 果杯茶－鐵觀音(伙記話鉄觀音即係水仙)味道不苦澀，入口不錯，比其他同level的茶樓入口較醇一點。

最近椰子雞煲大熱聽朋友說稻香也有推出了探完親戚剛好發現附近有稻香就順理成章來試試吧椰椰芝麻雞鍋 $90/隻原隻雞上桌還挺震撼的湯底用上椰子水和椰子肉一打開鍋子，香濃的椰子味就撲鼻而來有職員幫忙看顧雞鍋所以在雞還鮮嫩的時候就撈起來了保持了雞肉的鮮嫩口感而且雞肉跟椰子味道很搭配淡淡的椰子味使雞肉更顯鮮甜特別調製的沙茶醬加入半個青檸味道酸酸咸咸的，感覺挺清新的雞肉沾上醬汁更加凸顯出鮮甜味吃完雞肉就可以開始打邊爐了一次過上了超多醬料可以自己炮製獨家的醬汁田園菜籃 $48大部分的菜都很新鮮特別是南瓜和粟米吸收了椰子味後，味道超香甜的滋補花膠仔 $48花膠雖然不是很大隻但是放在湯裡越煮越軟身放了很長一段時間也不會縮到很小煮完後大約保留原本尺寸的2/3口感很彈牙粘口，沒有任何腥味感覺就是在吃滿滿的骨膠原 ❤黃金脆竹卷 $20放進湯裡3秒立刻撈起放進口時還有點點的脆豆香味很濃郁安格斯肥牛 $128肥牛每片都切得透薄放進湯裡一會兒就熟了口感超鮮嫩細滑的椰子煲使牛肉的鮮甜味更加突出很快就ko一盤了牛根丸 $38這盤的牛肉味超濃郁的而且就算煮了很久還是超彈牙的裡面加上一些黑椒碎使牛根丸的味道更富層次

今晚同我爸爸一家人去稻香食飯，個經理介紹個$738蚊既套餐畀我，我就試吓點呢個五道菜嘅套餐，點知D菜一上台我一睇-就知我畀個廚師搵笨，條珍珠躉 真是唔知咩躉咁細條囉！半只雞就像半只乳鴿多D囉！味道又麻麻地咁先難過，個套餐又無跟飯,又無湯飲都算了！另外我再叫個瑤柱蛋白炒飯⋯我吃咗一口有陣味,好難吃吐晒出來畀返他！仲叫咗乳豬$100蚊得個幾塊，你叫我們點食呢，唉⋯真是掃興，今晚真是去錯地方啦！我終身禮拜呢間稻香。7月23號