稻香超級漁港 (已結業)

一蚊雞又返黎，媽咪話好想食試，就搵左一個星期四黎食，因為怕星期五六日都會好多人，有排等星期四黎唔係等左好耐，大約10分鐘一行3人，叫左2碟一蚊雞同一個扇貝set呢個就係一蚊雞，一如以往，d雞真係好滑而且重雞味，真係忍唔住食完一舊又一舊，停唔到口呢個係扇貝set嘅扇貝，夠鮮味，又大粒，幾抵食特別我好鍾意食下面d粉絲 吸左好多鮮味又有d豉油調味，令鮮味更突出呢個係扇貝set連埋嘅餸有淮山同木耳，食左咁多肉再食返呢d，令個人冇咁濟而且淮山煮到好林，連我呢d平時唔食淮山嘅人都食佢嘅上湯味道非常之鮮甜值得一試

今日同長老們去搵地方飲茶~事原兩位老人家常去的粉嶺區酒樓己結業得8899,於是就喺上水搵新地標,今日選擇呢間大集團的~試下新口味去到攞位部,客人都几多,我地3大一小一架私家車,似乎唔係咁受歡迎等左陣就被叫入坐,公主的私家車被放到另一個特定的地方,遠離我地的視線,車上大大小小的東西拿不了咁多,我地只好冒這個險,扮安心地食飯啱啱坐下,就有兩三位服務員同時過來打點餐具,PIN PIN PAN PAN咁感覺好粗暴,好炒耳.之後問完我地要乜野茶冇回應就走左去,我相信佢係聽到的…跟手我地就點野食了~!拿起點菜紙, 點菜紙係双面印刷,兩邊都可點菜,我個人好欣賞酒樓環保的概念!話說稻香的燒味有一手~所以我地都點左几款試下~等左陣,茶同點心好快上枱了,我有習慣愛打開茶壺蓋看看~普利茶葉唔係太多~泡開了都未滿一半,成本控制吧~雖話如此,但沖出來的茶好深色,感覺怪怪的~飲去更奇怪,有種淡淡的炒燶氣味~冇乜普利的茶香,不好飲叉燒賴粉 – 冇特別要求的款式,叉燒確係好味~半肥瘦感覺嫩口,頭尾段有少少燶,我的至愛~伴叉燒的菜凍冰冰的~感覺差矣~!賴粉湯底冇味,相信係絕對清湯, 賴粉軟硬啱啱好~整體感覺尚可~切鷄燒

假日早起好想飲茶，去左樓下間稻香去到見到無吉枱，一定要撘枱，又唔係好想，職員話唔撘枱，兩個計三個茶位，心諗可以咁做生意最後見到有張吉枱，唔諗啦，有人撘枱先算見到有早餐既餐牌，好平，但其他正常既點心無得叫。。。。叫左個咸骨粥加油炸鬼，其實係白粥。。。算啦咁平再叫左個牛肉腸，好厚皮。。。叫左個糯米雞，呢個最好食又最正常呢個風味餃，我就唔係好鍾意啦賣單，兩個人都係6x蚊，真係好平，但又唔係好食，當然咁平要食埋超差既服務，阿姐唔理你，再唔係黑你面咁。。。唔怪得只有上左年紀既人食。。。。

假日飲早茶果然唔少人，梗係拿拿聲一去到就攞位，好彩等左10分鐘到就有位，本來唸住叫早上特價點心，點知原來已過左時候，哈!唯有叫返正常價，對我黎講飲茶每次必定叫燒賣，點之今次竟然漏單，好失望……因為都食到尾聲，所以最後放棄，幸好其他食物都正正常常!

河馬太母親聽說稻香有個promotion非常抵吃，原隻波士頓龍蝦伊麵只是數十元，趁快到中秋，和家人提早做節。也許是這個promotion 太吸引約6:45來到已大排長龍。等了45分鐘，才有位。急不及待拿起餐牌雖然星期六日並非半價而是正價七折，但計算下仍抵吃。正價$116的龍蝦約$82便能吃到，結果我們order 了龍蝦伊麵一碟，乳鴿兩隻、菜膽雞燉翅三碗。上星期才和河馬生到富臨吃$78的龍蝦意粉，侍應還表示轉伊麵要加數十元。想起當時切件的龍蝦，實在有一分錢一分貨，冇咁大隻蛤乸隨街跳之感。上一次我也寫過有關上水稻香的食評，食物和服務被彈得一文不值。要不是河馬太父母是稻香fans，其實也不會再來。也許是沒期望，今次的食物令人驚喜，也為它平反一下。龍蝦伊麵上碟賣相不俗，原隻上碟比起富臨的慷慨得多。龍蝦肉質彈牙、茨汁一向會是上湯龍蝦伊麵的弊病，這裡的不錯，不會令伊麵一pat pat。乳鴿沒有特別，味道較鹹。雞燉翅童叟無欺，一梳梳的翅令河馬太父母吃得十分興奮。雞湯底清甜，一口白菜一口翅，不禁吃出幸福感。怕不夠飽，多叫了碟涼瓜牛肉。涼瓜太苦，牛肉雖不韌也不好吃，整體味道普通。唯一失望的是此優惠吃不完

無論酒樓的衛生環境、食物質素如何，老人家選擇吃飯的地方，總是一成不變。趁著放假到上水稻香和家人吃晚餐。差不多每次和家人到上水，都會到稻香食晚飯，貪其地點方便，價錢也ok。除了今年母親節，猶記得已比正日提早一星期慶祝，然而已沒正常餐牌，要食客捱貴餐。今次約同在上水商場逛街的親戚，二話不說，老父又選擇了稻香。Order了魚、炸蠔、啫啫菜㷛、雞和瓜。老爸吃了一口魚便嫌太腥，不肯再吃。炸蠔不錯，吃了一半才記得拍照。啫啫菜㷛惹味，蝦醬香味令大家不禁多添幾口飯。雞和菜太普通，不值一提。也許是舊區，上水的酒樓大多服務不佳、衛生差（入洗手間便知）、環境嘈吵，價錢卻不算便宜，這裡的稻香也離不開這區的模式。

今日約左好耐冇見的寶貝出黎慶祝一下冇情人的情人節~咁重要既日子~當然係食我最中意的打邊邊LA!!寶貝本身食好少野~今次係陪我居多~我緊係以自己快樂為首要重點~~寶貝雖然有少少唔願意~但最後都要屈服~哈哈呢個日子中菜部少人係好正常的事~我地好快就有位,最中意呢到唔限時,中意傾几耐密計都得我地點了個双拼湯底~一邊豬骨,一邊自製麻辣, 以配合佢唔食得辣!!由於唔係任點任食,所以品質會有返D保證,唔會太爛~點菜紙上各種款式算多~但係點到時有D話冇貨都几令人氣餒,可上枱的海鮮樣樣都好新鮮,唔會覺得霉同有腥味~魚皮就真係出奇地差~好似放左好耐的尾貨,又厚又硬,差~!點解可以拎比客人?!牛肉款出品真係好得~牛仔粒係必食~大細份量適中,一淥就可以食~而且唔洗淥太耐會變得鞋口,冇左牛味~炸腐皮好脆好味~一睇就知唔係自家製~!!各種丸類冇乜特別,款式唔算好多,勝在夠鮮味~!菜類出品合格~!至少冇黃葉,傾下講下都唔知時間過~~呢到好好的地方係佢有埋甜品供應,有好香好入味的杏仁茶,同芝麻糊~食過糖水好滿足咁返家了'

聽電台小儀講暖暖羊腩雞煲個廣告聽得多,好想知點樣又羊又雞,今晚得閒終終於有機會試下。由於去到係9點前所以收番正價,$128,抵喇,包羊腩雞煲同6罐啤酒。間野都幾多人,但可能d野一早整定,所以叫左陣,羊腩雞煲已經到。味道唔錯,似雞煲多於羊腩煲,同埋份量較少,所以另外叫左碟肥牛同響玲卷,好彩跟6罐啤酒,如果唔係就勁唔抵。由於唔夠飽既關係,我地3個人另外再叫多半隻鴨,同3碗飯。隻鴨黎果陣仲熱,d皮又脆,又唔肥,好味,送飯一流。overall黎講,味道算係唔錯,價錢叫做ok喇,合理囉,唯一係d待應態度麻麻,可能忙既關係,個個行過叫幾次先應一次,但有機會都會再黎食多次。 

我同屋企人做節，近近地黎到稻香，坐左一圍，冇叫套餐因為唔太岩食，於是散叫，碟碟都$70左右，都叫左成廿碟，但點知碟碟都法國餐咁既size,最離譜就係碟小棠菜鮑魚菇，得果4條菜加6-7 塊菇，咩料？d菜好貴？仲有就係西芹腰果炒雞柳，碟野係一粒腰果都冇既！d雞柳其實係雞粒，得果幾粒，以後唔會再幫襯佢既小菜囉，打邊爐仲抵！位位$180但食到黑面...

3-6-2013(一)是日，做乖乖女，陪媽媽來到上水廖萬石堂逛遊。逛遊後，坐回小巴 59K 號返回市中心。近來，媽媽喜歡往 稻香 吃下午茶，她為人較慳儉，因為近來這兒有多款點心售 $ 3。是次來到 上水分店 ，吃了多間分店的 $ 3 點心，這裡的份量明顯較少，味道大致可以，亦略嫌溫度不足，只有微溫。另外，點叫了一碗 黃金片頭併黑豚肉金邊粉，味道真的不錯。黃金片頭共有三大件，爽滑彈牙、有咬口；黑豚肉薄薄的，醃得很入味；而金邊粉則煮得剛好，夠爽滑，掛湯能力不錯，吸盡湯的精華，很美味；只略嫌整碗的溫度不足，只有微溫。整體味道不過不失！埋單共 $50，真的很經濟！

因為提前做冬，所以做冬那天我在這兒買外賣，買了雞髀燒肉飯回家吃，而昨日元旦媽媽又不願煮餸，所以，我又買外賣，雞髀飯，買回家吃。我絕對要推薦這家的雞髀，實在太好味了，雞皮不肥，沒有肥膏雞肉又滑，最緊要是沒有鹹味，因為係出面吃的白切雞不是肥就是超鹹，但這兒的的雞就好好味的了，不鹹又不肥，正！而且又便宜，外面吃一盒雞髀飯都要四十元或以上，但這兒三十五元就成交，正！下一次我又來買過！唯一缺點是少菜及菜類得一種選擇。

上水呢一個位置.做酒樓的經過多年也換了不少品牌.老閭.近年接力上場的.是大集團稻香.環境:真是地盡其用,樓下是泰昌餅家.賣麵包的.乘扶手電梯上去.也見到不少中式包點.糖水,可供外賣.再行入去首先見到收銀枱,原來接待處在另一邊.上水稻香的下午茶竟然客人不多,2人可坐4人卡位大枱.坐下才知環境很大.完全無壓迫感.服務:效率不俗,坐下立刻有店員問飲什麼茶.不足3分鍾就送到.店員態度良好.雞瀨粉:湯底熱度十足.味道似菜湯,十分清甜.瀨粉條條分明.我已經很驚喜.再看雞肉全部都是脾,肉質嫩滑.味道也有雞應有的鮮甜,更令人驚喜.點心拼盤18.8元.我只吃了蝦餃,燒賣.蝦餃亦有數摺.賣相飽滿,裏面的蝦肉爽口.鮮甜.蝦餃的皮薄.但不會穿,已經不錯.燒賣.最上有一粒蝦爽口.豬肉,鮮甜,有肉汁.好食.泰式豬頸肉55元:稻香有泰國食物.如果計豬頸肉味道薄弱,入口似吃紙皮,要味道全憑汁.汁香料味重.點汁後味道更佳.但我不合我口味.計環境.味道..有驚喜的.埋單153元.可以飽到晚飯都不用吃都合理...我絕對會再來呢間店...

酒樓的入口處有麵包賣 都是泰昌出品之前試過蛋黃酥 十分美味 膽固醇也十分高這次經過走健康路線 買了麥包和方包這個麥包實在是內有乾坤外面看上讓人覺得又乾又沒味道誰知道一口咬下去 入面竟是啖啖朱古力實在是包不可以貌相雖然朱古力味不是太濃 不過卻有驚喜方包一包好像才$5 不過面積比平時的方包小而且還只有6塊 一定不是磅方包還好質素不錯 隔夜也沒有變硬 還很鬆軟幾塊錢就能應付兩三天的早餐 其實很划算

晚飯壽宴，VIP房兩枱約32人。年長...輩份高食酒席菜，其餘火鍋，包房有最低消費，一席酒菜四千幾，火鍋要食起碼四千，16人分...每人起碼食２百幾，唯有狂點...吾知叫左幾多嘢，總之可以漲肚兼"外帶"。當晚沒有試吃酒席那邊，但碟頭一啲都吾細，可以將碟"照鏡"，味道應有番咁上下，我就全晚火鍋沙爹麻辣鴛鴦鍋 - 幸好兩個湯底味太濃，剛開始不久，湯底已泛濫，左右混成一體豬骨鍋 - 好彩茜蒜味吾濃，大人小孩都適合隔離開多枱，開多兩個鍋侍應姐姐教路 - 游水東星280元／条，有＋幾兩一條，低食。過用游水班火鍋有D浪費，濃湯會蓋過魚鮮。火鍋那枱，每人加８元可享用糖水吧，那裏竹蔗水、酸梅湯、汽水糖水任飲醉蝦 - 應該係熟咗，吾淥又驚吾衛生，淥咗又過熟，阿女話淥熱咗，酒味依然，所以冇食。那是海蝦...吾算細響鈴 - 6-7份左右，脆和香口星班 -近尾和趐位較腥，其餘魚肉鮮甜水餃、雲吞、菲菜餃 酒樓有哩個級數，包得結實，吾易散及彈牙，算上品肥牛 - 一般、並太肥雞肉 - 刀功差，大細厚薄非常參差羊肉片 - 有羊羶味，又太羶...Good雞子 - 應該係火雞子，較大粒西洋菜、唐生菜、麥菜、金菇

周日早上跟G先生&E先生上酒樓飲茶，一試這間新開的Pier 88。9:00到達取票，不搭枱的要等10個號碼，才5分鐘就到我們，中間只有2個號碼有人在等，其餘的人到那裡去了！？酒樓新開張光猛清潔，乾淨企理（原諒我很怕那些舊酒樓，不但枱椅黐立立，空氣中還散發霉味），只是空調猛了一點。一坐下，E先生就點了壺香片，可是香片顏色很深，而且沒有香片清香的味道。不深究茶的問題，就馬上點點心了，三個人共點了9樣食物。E先生想吃盅飯，而我們則不習慣早上吃飯，所以E先生一個人幹掉整個鳳爪排骨飯，他說鳳爪味道奇怪，跟外面的不同，排骨OK。（由於只能放8張相片，這個就不放了）蜜汁叉燒腸腸粉皮厚，不滑，叉燒沒味道，不好吃。家鄉煎薄撐薄撐煎得微焦，香脆可口，又不油膩，夠薄身，且煙韌，趁熱吃一流。家鄉咸水角一碟有4個咸水角，外皮香脆，煙韌，餡料少，OK。稻香鮮蝦餃蝦餃皮又厚又硬，蝦尚算可口，可是沒鮮蝦的味道，不好吃。 鴛鴦雙潮潮州粉果+蝦餃，粉果皮厚，乾身，不好吃。原蝦燒賣皇美觀而份量十足，面層的大蝦很搶鏡，唯豬肉偏乾，但OK的。豉汁蒸鳳爪鳳爪夠腍，可是用了超多味精的怪味豉汁醬，難吃（還害我們整個下午不停喝水）。奶