早排呀叔由台灣黎港探親
又請佢去食晚餐
今次想試下第二間酒樓晚市質素
決定黎稻香漁港試下
入到黎平日人流唔多
好快入座
睇下餐單
普遍都偏貴小小
而且有啲覺得貴但用料唔上乘
其實好耐之前試過黎
個陣做緊清蒸日本蟹promotion
覺得好出色
不過而家冇左
咁就是但叫啲岩呀叔口味嘅餸菜算啦
平時去第二間食都有芝士龍蝦
但呢次得芝士蝦
但價錢都唔係平
而且個芝士汁顏色
點解覺得怪怪地
炸子雞都唔算脆 同埋得半隻
價錢又貴
份量唔多
燒肉都色水麻麻
同埋本人唔鍾意肥豬肉
到最後 最欣賞係個茄子煲
紅燒得好靚
味道入味
唔會有茄子🍆有太多水份個種口感
岩晒送飯添
