稻成京川滬 (新都會廣場)

營業中

休息中

之前友人比左張新都會廣場既餐飲券比我返工突然心血來潮睇下幾時到期 唔睇都唔知原來得返幾日就過期即刻call人收工一齊食晚飯😂因為coupon有限咩餐廳使用 最後係幾間裡面揀左呢間收工時段適逢星期五晚 間間餐廳門外都大排長龍我地都等左成個鐘先入到一入座先收茶位每位$16同前菜花生一碟$15 有啲套餐可以揀 但我地怕食唔哂 就單點左幾耐野食招牌稻成酸菜魚 加$28加咗薯粉薯粉會直接煮埋入盤酸菜魚入面 唔洗自己加 可以更入味酸菜魚份量都幾多 唔會食兩啖就得返啲湯個湯超多酸菜 好濃味 加碗白飯應該一流🤤🤤荷塘月色好多蔬菜類炒埋一碟 唔洗食死同一款菜 唔錯既選擇高力豆沙可能我對高力豆沙既期望太高....有點失望唔係唔好食既 好多豆沙餡 但豆沙餡太甜 搶哂個皮既光環變左做一舊好甜好甜既豆沙餡....

一行11人有老有嫩訂咗套餐慶生，以往一向都係食粵菜，食到好悶，於是今年轉咗去呢間餐廳食京菜。因為都驚屋企人會怕辣，梁副理介紹將原本嘅天府水煮牛肉改為招牌菜孜然寸骨，再將個乾爆重慶辣子雞轉薑葱炒肉蟹。屋企人個個話D餸菜好食，包括北京填鴨，乾燒原隻大明蝦，松子鮮鱸魚，孜然骨，紅燒大元蹄，砂鍋雲吞雞，炒翡翠菜苗等等，全部都超出我哋嘅預期，而肉蚧就Ok。服務亦都好好。今次所有屋企人都讚好。雖然同一個商場8樓嘅北xx可能會坐得鬆動D，但係若果以食物質素，服務同價錢，呢間嘅性價比一定高D。值得推介。

成日有人抱怨葵芳掃街就多，餐廳就好少選擇，其實識搵一樣有啲坐得舒服又唔太天價嘅餐廳！呢間主打集北京、四川，上海菜一身嘅中菜廳就係例子🍲.1️⃣稻成酸菜鮮鱸魚（例）（$198）想大魚大肉仲有大size（$368）揀！我哋叫咗小辣，正好係啱晒想食魚鮮又想有少少酸辣同時又唔會搶晒魚味/食到好辛苦🐟佢都有十幾件，同朋友share份量正好。.2️⃣黑松露鴨肉炒飯（$108）畀嘅黑松露完全唔吝嗇！夠撈晒每一啖飯，而啲鴨香都有鹹鹹哋嘅油香，為個炒飯添咗唔少鹹香，都幾滋味！🍛不過食完要飲返好多茶解膩….3️⃣稻成小籠包（$42）食小籠包重點係湯汁，而呢間嘅湯汁量都合格，咬咗一啖，個嘴要即刻再貼住個破口啜湯汁💦肥水不流自己碗～而豬肉都蒸得剛剛好唔會實的的🐷.性價比：🌕🌕🌕🌕🌘美味度：🌕🌕🌕🌕🌑獨特性：🌕🌕🌑🌑🌑

帶仔仔去新都會廣場玩完。路經此餐廳見到餐牌很吸引，就攞飛排隊,最後等咗半個鐘。因為紅日關係所以沒有set lunch。入到去侍應安排咗我地坐闊落卡位。看了Menu原來餐廳不只供應上海菜。仲有中式酒樓點心。我們點了嫩雞煨麵、鮮肉煎鍋貼、醬汁鳳爪、鹹水角、銀絲圈、香炸蝦膠蓮藕餅。鍋貼一咬落去勁多湯汁，嫩雞煨麵，超足料。蝦膠蓮藕餅勁脆，咬落去有粒粒蓮藕讓在蝦膠裏面。其餘點心都10分新鮮。四位埋單$375。值得一試

非常失望。等了半小時，7:45分坐低，等了35分鐘還未上第一碟菜，有隔離枱食客等到忟叫埋單，催了幾次才上到。店員落單勁混亂，又要我們講菜單上的食物號碼又要講食物名稱，好低能。然後發現落錯枱號，不止我一張枱啲食物送左去第二張枱，幾枱客都遇到同樣問題。叫了嫩雞煨麵上到來啲湯已放涼，湯底好大浸牛奶味，唔好食。。。小籠包ok，菜苗和擂沙湯丸也可接受。其他無咩特別，味道一般。呢餐浪費了我很多時間，我以後一定不會再來！

訓咗成日，「圓規」走左，同四爺出去行下，順便覓食下。趁未算好多人啦啦聲食左個晚餐先，入到去吾算多人，點完餸，坐左一陣開始多人。今日好想食飯因為夜晚戒澱粉，無食飯好耐。今日打風，吃個飯補充下先

到葵芳就必然去葵涌廣場「掃街」吃特色小食好像成為🈯️定動作，其實旁邊的新都會廣場亦不乏美食🍽這次到葵芳不「掃街」，反而來到新都會廣場品嚐👅京川滬菜午市二人餐 $268 /2位涼菜一款 + 主菜一款 + 蔬菜 + 白飯兩碗星期日☀️中午也有套餐吃，看到這個包含的都蠻豐富：涼菜主菜各一款，自選蔬菜一碟加兩碗白飯🍚 ，價錢亦算經濟涼菜四選一，都是一貫傳統小菜，我們選了雞絲🐔伴粉皮，麻醬質地濃稠，味香又濃郁，拌勻青瓜絲🥒、雞絲跟粉皮但不覺膩，口感豐富主菜選了男友最喜愛♥️的京蔥爆羊肉，份量比想像中多，炒得非常香口，京蔥香甜，羊肉🐐帶羊羶味，味道偏重，但搭配白飯最好不過👍🏻！大大碗白飯因有這個餸菜😍一掃而空～最後再來一個蒜炒小白菜🥬，減走所有油膩感，同樣地份量十足！這個套餐還可以加錢💰另配飲品或酸辣湯啊～稻成小籠包 $48/4隻來吃品嚐京川滬菜定必要點☝🏻一份小籠包！一籠有4隻，外皮搓得不厚不薄剛剛好👌🏻，摺紋清晰，肉汁豐富，🐽豬肉團口感扎實，當然要趁熱食才是最美味！😋店家面積大，座位🪑之間亦寬闊，加上又有落地玻璃，採光度🌈夠空間感充足店員蠻多服務亦勤快，最大好處是未有設定用餐⏰時間，可以慢慢品嚐美食

阿媽話呢間月餅好食，今年特登買多一盒送俾佢，睇包裝已經好靚，價錢又唔貴，性價比高。獨立包裝乾淨衛生，店員服務又有禮貌，傳統之中有帶點創意的奶黃月餅🥮最緊要就係流心，包裝趕得上潮流，後生仔都覺得ok

葵芳無意中想食上海野，見到呢間野吸引左，睇下時間下午茶時段就入去試下😍呢間店細碟，菜式味道又唔錯😊上海粗炒🍜：好有鑊氣味，汁好好味，最正係個麵既質感好煙韌，成碟麵又唔太油。稻成炒飯🍚：飯炒到一粒粒，有好多隻蝦，好爽，有幾舊肉，炒得好香。😋小籠包🥢：皮厚左d, 平時食既小籠包有薑味，呢間就無，一咬多汁，肉味較濃🙂高力豆沙：呢個好好食，豆沙好滑，熱辣辣，唔太甜，個皮既味整得岩岩好，唔會好大陣蛋腥味，唔流。👍🏻酒釀丸子🍡：丸子細細粒煙韌，個湯和酒味岩岩好，香👍🏻👍🏻餐飲選左熱豆漿：唔會好甜，香濃豆香味。點餐時阿姐好好👍🏻同我地講熱豆漿比凍豆漿細杯好多。環境方面我地選左高私人既房，夠冷氣，因我好怕熱，怕熱氣唔敢食水煮魚，下次可以試下。下午茶咁既價都略貴，不過坐得舒服之選。👍🏻👌🏽

今晚同家人到葵芳新都會廣場的稻成吃晚餐，大约6時到，已有不少人入座。 我們點了幾款菜，包括陳醋伴老海蜇頭、稻成松子魚、金華火腿奶油津白和砂鍋華亭餛飩雞(半隻)，三個人吃剛剛好。 我們喜歡吃海蜇頭，這碟海蜇頭加入陳醋更美味。 松子魚的酸酸甜甜味很吸引，炸得很香脆，再加上不同配菜，我們連配菜也吃光。 金華火腿奶油津白因為加入了金華火腿，提升了整碟菜的鲜味，奶油令菜更滑，好味。 砂鍋餛飩雞好好食，每人有2粒，雞仍很滑，我們沒有浪費，湯和雞都吃光了。 服務員常為我們添茶，不用我們舉手示意，服務勤快，值得稱讚。

最近生日，再約在家中兩老一齊出街食飯，約佢地食中菜就最好不過。好彩有book位，超多人，唔book可以試下8點幾去walk in。坐底即刻叫左半隻片皮鴨，酸菜魚例牌，冬蟲草菜苗，涼菜三食，黑松露炒飯，酸辣湯一壺好快黎左涼菜3食，分別係肴肉、四喜烤麩、夫婦肺片、一次過食晒三種肴肉正常，上下豬皮膠夾住中間肉，富光澤又唔膩，好似食啫喱。烤麩即係素食，係以麵筋製成，鬆軟有彈性夫妻肺片，有少少辣度，但唔夠香。。。跟住就送上期待已久嘅烤鴨，鴨皮連鴨肉，好有鴨油香，皮亦夠薄，雖然每層都用即棄紙好唔環保，就省卻往日皮痴皮。可惜係隻鴨唔夠熱，無暖笠笠咁好味～酸菜魚： 因家中長輩唔食得辣，所以挑晒啲辣椒同埋胡椒出嚟，挑完出嚟其實冇咁好食，但係啲酸菜真係好好味，啲魚都好滑，無骨，好想叫碗白飯。配菜仲有少少金針菇蟲草花炒豆苗，字面上嘅意思，豆苗都幾新鮮，都夠甜。食完啲好膩嘅嘢，食少少菜都中和返小籠包值得推介，啲湯係爆汁，好味黑松露炒飯我應該會為咗呢個飯已再次返嚟呢一間餐廳，黑松露味好香，配落啲飯啱啱好，米粒硬度適中，成個飯乾濕都岩岩好酸辣湯好足料，同時都比想像中嘅辣，如果同行有人唔食得辣就最好都係叫一盅就算，

黎到梗係叫酸菜魚啦，叫左個細既，都多料，魚1d都唔腥，好好食，麻酸辣真係好正，我覺得大家可以越級挑戰，如果平時食開小辣可以叫中辣食哂仲要係咁飲佢d湯，好開胃，叫埋白飯食湯飯 仲有唔少得既小籠包，食果陣勁小心唔想佢穿，皮薄餡靚，夠味道，食一粒完全唔夠金腿奶油津白，完全冇諗過原來津白可以炒得咁好食唔鍾意食奶油都會覺得個味道好特別好好食黑松露鴨肉炒飯，好有鑊氣材料都好夾好野味，高力豆沙，上到黎勁熱，好正，食落都唔錯。整體都唔錯，會encore 酸菜魚同小籠包

成個新都會廣場得呢一間飲茶🫖可以訂定位，所以就揀咗呢一間，但係原來冇乜點心食，係叫餸為主，呢個位有啲扣分😅我哋4個人叫咗蝦餃王 - 蝦好大隻，皮唔會Un蟹子燒賣- 好食，但係比我想像中冇咁好食😂 小籠包&鮮肉煎鍋貼 - 必食，但係小心辣親個咀🤣鹹水角 - 都係必食，我自己都食咗兩舊，好新鮮，唔會係擺好耐叮翻熱嗰啲😂不過有個扣分位就係，蝦餃燒賣鹹水角都係得三粒，四個人去食好難分😂之後再叫咗嗰精選二人套餐 ⁃雞絲拌粉皮，分量相對來講細，正常味道⁃砂鍋雲吞雞，好食，湯好飲⁃蒜炒津白，煮得好淋🤪睇落去好似嗌咗好多嘢咁，五百幾蚊埋單，但係唔係好飽！不過呢度啲服務態度超級超級差，好似個個都唔做嘢咁，定唔知係咪人手太少，啲人好冇禮貌，叫極都唔應🙁

網上訂位， 再打電話問說沒有時限 ，入座時卻說時限一個半小時。我覺得咁樣的餐廳非常冇誠信 。叫了四人餐 ，大小總共有 九個餸 ，十分鐘內已經上咗七個餸 ，非常冇誠意 。向店員投訴，佢話佢間餐廳係咁㗎啦，我話冇緊要 ，我唔會再去幫襯佢。 片皮鴨一嚟到就係凍嘅 ，酸菜魚嘅魚肉係滑嘅， 三小碟嘅份量不少， 雲吞雞六隻雲吞分唔到四份 ， 鮑魚反而不錯， 高力豆沙 太厚皮。 整體食物尚可 ，略鹹， 但環境不錯， 坐得舒服。 新都會廣場，其實有好多選擇。

成日食西餐，今日要試試中式😃😃走出舒適圈。💫稻成酸菜鮮爐魚$198魚塊🐟份量多而滑身，配合酸菜一齊食，非常夾。2人食一個例牌份量非常足夠。辣度合適🥰💫油條$28脆炸油條❤️❤️❤️新鮮即炸😃非常香脆浸入酸菜魚中，索盡酸辣汁，非常惹味。💫鹹肉燜津白$85奶油汁掛在津白上，汁的濃度剛好，每一啖都有奶白的味道。💫炸津白春卷$48春卷脆口，吃得出是新鮮即炸的。味道不錯呢！醮酸辣湯一起吃也很配呢！