稻成京川滬 (新都會廣場)

營業中

休息中

🥢雞絲煨麵：湯底濃郁，有雞肉、菌粒同菜粒，但個人還是不習慣煨麵淋淋的感覺。🥢涼伴雞絲粉皮：麻醬是香濃的花生🥜味，帶少少甜味。涼皮Q彈滑溜，加埋青瓜絲同雞絲。每人Lunch set 86 + 茶介6+ 加1% ，但環境舒適。

今日黎食下午茶，叫左一個涼菜+點套餐，同麵食+點心套餐。先講服務，店員禮貌超好，講野好友善，只係叫左佢兩聲，佢遲應左兩秒就即刻講左兩次唔好意思。另外就係今日好開心可以坐卡位，卡位超舒服，好似啲小包廂咁，超舒服既環境比我同朋友傾計我地叫左嫩雞煨麵+川揚鮮肉煎鍋貼。；同埋涼菜+稻成小籠包。個嫩雞煨麵真心冇得彈，好好好好好好食，啲飲勁好飲，搞到我食曬個麵後都係咁忍唔住飲啲湯，而個鍋貼好好食，煎得好香，但冇太大特別涼菜我就麻麻地，食得唔太慣，但水晶餚肉幾得意，可以一試。而個小籠包就超級好食啦，啲湯超好味，熱辣辣既時候特別好味，最後我地仲加左個高力豆沙。我覺得都可以一試既，外皮幾鬆軟，入面夠熱，作為飯後甜品都幾好食。

葵芳新都會商場假日一向多人，好在這間回枱也很快，地方大座位也很多，所以不算排隊好耐，約15分鐘就入得　叫左兩份午餐及兩個點心嫩雞煨面： 足料，雞肉、菜、冬菇料算多，面份量也比想像中多，湯好飲！我成日去上海餐廳都會叫嫩雞煨面，這餐廳算好好食！韭王鱔糊湯面：韭王及鱔份量多，面同煨面質地唔同，覺得無咁好食，好似有少少未熟透咁素腐方：甜甜地凍食，有三舊，味道不錯紅油炒手：個雲吞雖然幾好食，但連埋D醬覺得味道好分離，似一PAT辣醬點雲吞咁食小籠包：好食，皮薄，多汁，有水準蝦餃：好食，特別推薦問待應拎辣醬點，個辣醬先係重點整體滿意，可能原本無期望，諗住商場都係大路正常野，以為份量都唔會好多，點知食到勁飽～員工態度都好好，係出菜有少少慢，但所有野黎到都係夠熱既假日有LUNCH SET仲有下午茶，向咁旺既商場都好難得了

今日天氣凍咗，想食辣嘢暖身，正好經過呢間裝修雅緻，環境寬敞，主打食京川滬菜食店。午市優惠套餐有飯有餸，又可以飲多啲水，一於入去試吓啦！點左個韭黃鱔糊湯麵+瓦屋山龍抄手$88。上海麵爽口滑身，質地遍腍但沒有漿口嘅感覺，奶白色湯底，清甜可口唔油膩，應該係豬骨精湯。鱔糊味道一般，魚肉厚身有咬口，但略嫌唔夠熱，韭黃又沒有香味。山龍炒手皮薄而潤滑，豬肉韭菜餡料，肉味較淡，好彩有辣油增添味道。我最欣賞佢個杯普洱茶，香氣撲鼻，飲落去醇厚回甘。其實大集團有能力將食物質素及味道做得出色一點，我暫時未找到佢嘅獨特之處。

整松子魚功夫多，好難會喺屋企自己煮，呢d錢係要俾人賺😅 今晚條松子魚好食，夠水準，吾單只做到外脆內軟， 佢仲要由魚頭脆到落魚尾真係堅👍連個汁都調教得啱啱好 ，吾會太酸，再加上用新鮮菠蘿，我地全部食晒由於是食蟹季節，所以今晚試埋個蟹粉小籠包， 我最鍾意佢夠爆汁🤗 如果多啲蟹粉仲正🤣個人認為食上海粗炒一定要配豆瓣醬， 少少辣已經好惹味。清炒萵笋絲夠晒清和健康，原全係少油今晚成餐飯都滿意，唯一可惜就係冇清炒蝦仁

難得有一日同屋企人差唔多時間收工，就去咗新都會廣場搵吓有咩食。屋企人本身鍾意食辣，所以第一時間都會諗起食川菜，而今次我哋去咗嘅就係—稻成。夜晚七點，人流唔多，值得一讚嘅係位置舒適，坐得好舒服。而且呢類型嘅餐廳都好鍾意一坐低就會有一壺熱茶，比客人清下味蕾。冷盤口水雞，夠辣夠麻，但略嫌多骨。炸子雞係我最愛，腰果香，炸子雞香！少少麻，辣度一流！京蔥爆牛肉，京蔥既香完全滲入曬牛肉入邊，一條京蔥配一啖牛肉，兩種感覺互相輝映，汁水比較似好食既乾炒牛河小籠包 中規中矩高力豆沙，做甜點係幾好食，不過空氣包，略嫌唔抵食總結：下次再過嚟食，可以試吓呢度酸菜魚！

好難得起葵芳區會搵到間咁好食嘅酸菜魚😉夠哂大盆，真係送飯一流，連湯都可以飲埋一入到去，d職員會比一小碟前菜先😆吾好睇小佢啊，一樣好好食好好味而且小籠包又夠皮薄多汁，幾乎每次黎到都必定會叫！其次就係佢個口水雞大力推介食得辣嘅人真係要試下個汁夠入味，d雞都好嫩口

今日去了葵芳新都會行街，午餐見到這裏好似幾吸引，又不用等位，就入去，都幾大喎。見到有午餐，仲有二人套餐，好似好多選擇。我們叫了二人套餐，主菜叫了京葱爆羊肉，羊肉好味，有少少酥味，份量也不少，京葱都好甜好正。有一個蒜蓉炒菜苗，我好鍾意食呀，好fresh的，少少草青味的，我覺得OK的。小籠包有四隻，熱辣辣的，皮薄汁多好好味，都幾大粒喎。杞子桂花糕，這個不甜又好清香。整體好滿意，服務及食物，環境也是，價格合理。

同朋友響附近葵芳廣場行完街就去咗新都會睇吓有咩食..見到呢間門口poster有北京填鴨又有酸菜魚...同埋見佢門面都幾靚所以就入咗去食.前菜呢碟芽菜食落去個味道怪怪地..同朋友食咗一啖就放棄咗酸菜魚個味道比出邊嗰啲淡少少..唔係好辣又唔夠麻但魚肉係好滑的..滿心期待嘅北京填鴨！個鴨本身油脂好香..但最可惜係佢配嗰塊皮蒸到淋哂..拎上手好似有少少溶左既嘅感覺..同埋冇每一層一層嘅紙格住..令到每塊皮都黐埋咗一齊..搞到最後同朋友都淨係食鴨算..北京填鴨最重要塊皮竟然搞到咁..失敗就係咁一疊皮黐住咗...

中午來到了新都會廣場的稻成用餐。基於是平日中午時段，人都特別多。等左一陣，有位了。餐廳裝修走時尚風格，光線十足。我點了擔擔麵主食配以雞絲粉皮作小食。擔擔麵份量十足，加上落足材料。花生，肉碎絕對冇偷工減料，令每一口麵都能夠配上足夠的擔擔料。 麵條也煮得軟硬合當。其實吃完擔擔麵都非常飽，雞絲粉皮幸好份量適中，否則應該吃不完。雞絲粉皮味道方面也很平衡，雞絲嫩，粉皮滑，配菜爽，加上香麻醬 味道很好。下次會再來試試其他菜色👍👍

終於可以4個人用餐了⋯但個人衞生都不能鬆懈💪🏻約咗好耐冇見既好朋友去葵芳新都會稻成食飯😊三個人叫咗差唔多10樣美食🙈🙈🙈🙈唔知以為係邊度出嚟咁😂😂😂酸菜魚⋯冇得輸⋯⋯好味😋片皮鴨就差左啲⋯有「so」味半隻都食唔哂😑😑小籠包多汁⋯高力豆沙唔太甜⋯夫婦肺片野味😗😗最後我哋見好多人都叫個炒飯⋯我地唔執輸又叫咗個炒飯食⋯⋯結果材料十足，但冇味😂😂

晚餐 @ 稻成京川滬 (葵芳－新都會) ~Menu ~Peking Duck 烤北京填鴨 : 是店家的巧手菜式 , 實在沒有不點來吃的藉口 , 皮脆肉香 , 肥美又夠嫩 ; 用來包著填鴨吃的餅皮 , 薄身又煙韌 ; 風味滿滿 , 每次來食都 keep 得住水準 , 讚 ~Fried Shredded Duck-meat with Chives & Celery 韮黃&芹菜炒鴨絲 : 夠鑊氣 , 夠炒功 , 成碟菜都炒得香口惹味 , 鴨肉的肉質依然軟嫩多汁 , 廚師實在有功夫 ~Wild Mushrooms with Braised Pork 野菌紅燒肉 : 看上去就顯出紅油赤醬的特色 , 味道濃郁得來帶點微甜和鹹鮮 , 煮得勁香口 , 紅燒腩肉入味又透澈 , 雖然未達入口即化的景地 , 但都相差不遠了 , 肥而不膩 , 並有香濃的菇菌伴隨著 , 味道層次感豐富 , 色、香、味都俱全 , 相當精彩 ~本篇完 ~

服務態度好，星期一至四無限時，非常好👍但我們要主動問有沒有套餐，服務員才慢慢送餐牌過來，於是我們叫了4人套餐。因有半隻片皮鴨（可惜個包皮質感怪怪淋淋的）片皮鴨又凍（完全唔好食），甜品4隻高力豆沙，其中一隻又濕又偏左（全部糖粉好少），酸菜魚反而好食噃！4人套餐連加一服務費$1075左右

稻成京川滬 的套餐看來不錯，點了一個商務四人餐，有砂鍋雲吞雞、北京填鴨、松子魚…等。先上涼菜三弄 有水晶餚肉，四喜烤麩及夫妻肺片，食味也不錯。跟著就上稻成松子魚，魚身炸得不錯，魚皮外面的脆醬還很挺身，魚肉滑滑的，很彈牙，個酸甜汁做得相當好，連個魚頭都炸得酥脆。跟著啲菜就上得好急，好像要快啲食快啲食似的。因為太急 有砂鍋雲吞雞 也忘記了拍照，其實這個湯非常濃郁，雞肉都好嫩滑，雲吞大大粒的，是不錯的。北京填鴨質素就普通，包填鴨的那塊皮就太厚，不值得推介。稻成小籠包 到食的時候因為已經上桌一段時間，所以個小籠包已不再熱辣辣，有點失真。甜品是叫上的，所以沒有忘記拍照。高力豆沙 也不錯，圓轆轆、脹卜卜、熱辣辣，豆沙唔會好甜，好有質感好吃。

今日去食個下午茶, 兩個人叫了兩個麵一春卷, ㄧ鍋貼, 但上枱時發現是一條細春卷剪開兩段, 帳單寫明是兩份, 問了侍應, 原來就係當兩份, 都係怪自己無問清楚!!但鍋貼兩份又真係有兩隻喎??真難解。