稻成京川滬 (新都會廣場)

營業中

休息中

Did takeaway for lunch and very impressed with the quality of food. The xiao long bao was exceptionally fresh and good. Skin was thin, meat was fresh and burst with jus. The sweet and sour fish fillet, stir-fried string beans and Shanghai thick noodles were equally delicious. I have to mention particularly the stir-fried noodles as it was very well seasoned and not oily at all! Staff was efficient, courteous and food prepared fast. Highly recommended.

天氣炎熱不知吃什麼，經搜尋後得知這間店有提供半隻片皮鴨便去試一試， 我記得半隻片皮鴨好像是248， 全隻四百幾。 除了片皮鴨我亦叫了海鮮炒飯、高力豆沙和小籠包。小籠包很有水準，包內的湯汁很多，味道ok合格。 海鮮炒飯的配料份量ok，但飯嘅質地比較淋不是很乾身 ，炒飯的味道ok，不會很咸，所以整體味道ok。差不多吃完炒飯小籠包才上今天的主角片皮鴨， 片皮鴨片得很薄 ，片下脂肪不是很厚，肉質亦很juicy。 最值得稱讚便是他們 提供包鴨肉的薄皮， 皮嘅厚度真的很薄， 口感煙韌， 皮嘅數量亦很多總共有14塊，好抵食。 吃完晚飯甚麼能不吃甜品呢， 我試了高力豆沙，蛋白本身不是很鬆身口感比較實在，但 勝在豆沙不是很甜，所以味道ok。 整餐的味道ok，服務亦ok，唯獨是食物的溫度不是很熱，只是暖的，可能他們的廚房較遠或侍應不夠 所以食品不能即時送到顧客枱上，如果能提高食品的熱度變更加好了。 以後我會再幫襯。 特別值得一提是他們原來盛載片皮鴨的盒子內提供膠手套和濕紙巾給顧客使用， 但我在吃得差不多的時候才發覺有這回事， 所以打算前往試吃的吃貨們記得要注意哦。

今日和老婆往葵芳新都會廣場稻成京川滬食晚餐,我們點了填鴨一隻,金華火腿奶油津白,四川擔擔面和小籠包,入座時侍應提供了前菜麻辣酸瓜,酸瓜辣度適中,食落開胃,填鴨我們選了一隻,填鴨皮脆食落有油花,鴨肉肉質鮮嫩,配菜有葱花和青瓜條,食落新鮮爽口,填鴨配上醬汁食落口感豐富,整隻填鴨,食落惹味,口感十足,金華火腿奶油津白金華火腿味道香濃,津白味道爽口奶油味香滑,四川擔擔面辣度適中,花生味香濃,食落口感滿足,最好小籠包皮薄餡靚,肉質香濃,湯底鮮甜,餐廳座位闊落舒適,食物美味,我和老婆食了一頓豐富晚餐

四人限聚令之下，同三個朋友仔一齊出去食飯，最後選擇左食片皮鴨，一嚟四個人先食到一對中式嘅嘢可以share，二來平時都比較少食中式所以就嚟try try!.佢本身都仲有其他套餐，大概千零蚊到$2000不等都有，但係我哋決定嗌自己想嗌嘅嘢食，所以就最終決定散嗌啦！.我哋嗌咗：1. 半隻片皮鴨 💲2382. 酸菜鱸魚 💲2383. 小籠包 💲484. 重慶辣子雞 💲1385. 陳醋海蜇頭 💲986. 紅油抄手 💲52.總括一下，個片皮鴨四人食，加埋其他餸係絕對夠嘅，所以建議半隻就夠啦。味道方面佢都比較全面，要皮有皮～要肉有肉～要有油脂就有油脂～同埋個皮都有啲脆口，唔錯唔錯，佢嘅伴菜包括有蔥同埋青瓜，當然仲有片皮鴨醬～.個酸菜魚都夠滑身，味道濃郁，但係以為佢本身應該有啲粉打底，主打原來都係得蘿蔔同埋酸菜～.小籠包味道一流，一籠四隻$48我覺得都OK!.辣子雞但係辣到飛起，我朋友話佢啲雞皮非常之好食，夠晒脆口，份量正常。.海蜇頭份量非常之少，我諗都係得五至六塊～味道一般，下面大量青瓜打底，我個人唔係太建議。.佢個紅油抄手真係不得了，佢啲皮多到嚇死人，同埋比較厚🥹🥹身味道就一般。

呢間上海嘢舖面都算大，入去一個大廳滿咗六成人，冇哂卡位，侍者再帶往入面靠右另一邊大廳，呢張卡位仲舒服，有落地玻璃窗望商場舖景。又係限時90分鐘食呢吓冇咁暢快。還好上菜算迅速先冇咁趕頭趕命。好友特想食片皮鴨，所以叫咗半隻。鴨肥瘦剛好，邊傾邊慢食都冇出哂油，不過啲包鴨肉白皮略嫌厚身同有啲啲硬唔得軟熟。水晶肴肉透明位比較多，唔算鹹，口感似嚼橡皮。上海粗炒炒得幾夠鑊氣惹味，椰菜冬菇又夠多，三扒兩撥就清哂。小籠包亦交到差，灌到熱湯，肉成球狀。

話說友人生日就決定稻城京川菜，4個人食左900幾蚊，平均人頭消費250蚊左右，首先一讚，上菜速度非常非常之快，
酒糟醉雞，個酒味非常之濃味同香，雞味都有，
雞絲拌粉皮，好滑生，正常水準，京蔥爆牛肉，個味道都惹味，題外話，我地叫左片皮鴨包個塊皮去包住啲京蔥爆牛肉係非常之好味，好建議一試。皇牌酸菜魚，啲魚就好滑，好香煎鍋貼和 小籠包都係好多肉汁主打 鮮蝦炸春卷，出奇地裏面係除左係包蝦仁之外，重有啲小炒左既蛋白，令到個口感更好。唔知係唔係太忙？其實大部分既食物上到枱都只係一個和暖既情況，對於小編黎講熱的食物的確可以令到食物有個昇華作用，但係和暖就絕對係會令到菜大打折扣，味道係好既，不過個熱度就個人覺得真係希望下次可以食到熱辣辣既菜。

次次都食酸菜魚，酸菜魚好食就大家都知㗎啦，今次見到出咗片皮鴨，就諗住試吓新野～賣相都幾精緻，食落都唔錯，個皮稍為煙靭～水晶牛肉幾好食，入口即化又有牛味～個炒飯都好食😋不過我覺得最好食都係酸菜魚～酸菜魚真係必叫！今次冇食到都心思思～

酸菜酸鱸魚買滿$200就可半價($119)買到已經吸引到我…點會放過唔買返屋企食而叫外賣自取都有85折，諗咗一陣先決定買咩食(最後平咗$34.5)，六點幾落單都可以講八點來取幾方便，最後結帳($315)酸菜魚都幾大份又重手，一打開沒有失望，辣度小辣，酸菜都不少，鱸魚份量比心目中多幾滑，完全沒有失望好味道雞絲粉皮好味道雞絲不少花生醬十足，粉皮又幾滑乾煸四季豆&上海粗炒都幾大份，咸度都可以，不過講真2款我都覺得太油，如少油我會覺得仲好食

次次嚟親新都會廣場食正餐，都會食呢間😋 因為個人好鍾意京滬菜。平時嚟到都係要拎飛等位，但係而家周圍都好似空城咁無咩人，第一次可以坐到房位😆😆有好多set餐揀，但係想食我最愛嘅嫩雞煨麵，所以就決定咗散叫😂佢個嫩雞煨麵都係一如既往嘅香濃😋 好重奶油香味，湯底濃郁，好多雞肉同菜碎，感覺又有菜又有肉，啲雞肉無骨可以大啖食，仲有啲香菇碎更加香甜。菜就叫咗香辣花菜，有辣椒同肉一齊炒，啲五花腩炒到乾身，幾香口。但唯獨重點嘅花菜炒得太淋… 如果係爽口會好食好多孜然寸骨都幾大碟，有5、6舊左右，好大舊。本來驚會好靭，但原來啲肉燒到啱啱好，仲有少少肥肉一齊，唔會太柴唔會太膩😋孜然味好重，再加埋啲紅椒黃椒碎燒，好香，呢個有驚喜。👍🏻因為次次都食小籠包，諗住今次試啲新嘢，點咗呢個炸銀絲卷。食到一半先醒起唔記得影相😂 其實就係個好似炸饅頭，不過無饅頭咁實的的。味道不過不失啦，脆脆地，點煉奶食，都唔錯。兩個人食到好飽又滿足。🤣

第一次試呢間，打電話過去問外賣，態度同服務都唔錯。叫佐一個填鴨同一碟口水雞，分量多，鴨皮都算好味，食落口腔有鴨油香，不過就略嫌唔夠熱。話嗮係片皮鴨，但啲鴨肉切到好大舊同埋有鴨騷味，少少失望🙍‍♂️口水雞黎講，算唔錯，雞皮滑嫩，醬汁夠味，送飯一流

「返工都要食好西」系列之甜蜜蜜京川滬話咁快開工既日子又黎啦，新年開工就去食好啲同飽啲，皆因食飽開工好意頭呀。叫左set 套餐，涼菜我地就㨂左四喜烤麩、鷄絲粉皮，小炒就咕嚕雞球、糖醋魚塊，再加個蒜蓉小棠菜、人頭白飯，同紅油炒手。涼菜好有水準，烤麩好入味、調味做到剛剛好、軟得黎有咬感。鷄絲粉皮我覺得好食到可以再加一碟。估唔到咕嚕鷄球同糖醋魚塊既做法係一樣，只係鷄同魚既分別⋯⋯所以是日主菜大家都食到好甜蜜蜜呀⋯⋯雖然煮法差唔多，但都係堅好食！炸到香、鬆、脆，兼入味紅油炒手個汁要讚下，花椒味香到可以撈飯食好啦，祝各位打工仔開工大吉！餐餐食好西！

第一次食松鼠魚🐟番茄汁油炸魚，經多重工序：去骨、雕花，再炸，好考工架，所以一般都唔平💰💰汁似糖醋排骨既汁咁，有菠蘿、豆同松子，好香濃🌬撈飯係一流。魚身無骨，外脆肉嫩，不過魚唔算新鮮，有酸甜汁遮蓋。魚肉只算中等，不算大隻🌝片皮鴨放左落個首飾箱咁，打開有手套🙌🏻同濕紙巾，今日呢隻鴨好肥，咬落滿口鴨油，油香炸滿嘴腔，正呀😋

嘢食係OK嘅，間唔時會黎晚飯今晚坐個位成晚俾侍應揚來揚去，好騷擾，感覺飛咗好多塵過黎，出聲講佢仲好似特登揚多兩下，頂！佢哋又企喺旁邊大聲講嘢，間唔時又俾佢哋客親🤦🏻‍♀️🤦🏻‍♀️🤦🏻‍♀️

同老人家食飯，食中菜就一定無得輸🤪稻成在新都會開左好耐都未有機會試，一於今晚trytry佢@@我地今次三個人食，都叫左好多野，亦都順便試下佢地唔地道！！叫左六樣菜式，分別有半隻片皮鴨，酸菜魚例牌一定要叫架啦，西蘭花炒帶子，涼菜三食，小籠包，高力豆沙4件🍲🍜🍝🥟整體都唔錯，係酸菜魚有d令我失望，佢d魚肉係新鮮既，但味道好似到喉唔到肺感，完全同正中既酸菜魚好大出入。。而其他都不過不失，唔係話食落去會令味蕾跳舞既感覺。最近稻成成日有coupon送，所以成餐埋單都好抵既👍

首先，負責樓面的姐姐全程黑面，一副不願做的樣子。另外，入座時說要90分鐘還檯離座，有單有紀錄證明我張檯還有20分鐘先夠鐘，負責埋單的黑衫有口音阿嬸已過黎幾次要求我哋立即埋單離座，仲不停講啲好難聽嘅說話罵我哋，跟她理論，她還大大聲指住我們黎罵，經理全程扮睇唔到唔理，完全冇視，不知所謂。食物質素又差，所有野食都係唔熱，只有微溫，上菜速度極快，好明顯係整定曬啲食物，想你食完快啲趕你走，份量少，性價比極低，呢間餐廳由經理到樓面都完全冇心去做好的食物及服務客人。簡直係貼錢買難受，以後不會幫襯此集團旗下的餐廳，試過一次已怕怕！