稻成京川滬 (新都會廣場)

營業中

休息中

叫一籠小籠包，計2次價錢。當場冇發現，之後仔細再望返張單先知。下次唔會再幫襯呢間分店。服務態度一般，食物偏濃味，價錢不算平。這個價位，可以有好多選擇。是次經驗令人失望。

舖前身係南小館，環境大致舒適，店員預留大枱，坐得舒服，枱與枱不會太窄6大人、2小童叫了6人餐套餐內有二選一的菜色選擇，有別於完全 set 死的菜單，分量足夠還可打包酸菜魚加 $150 改龍躉，魚肉滑但味道有別於平常食慣酸菜魚的傳統味道，ok 的片皮鴨肉質不會太瘦，配料足小籠包雖然未至爆汁，正常發揮羊肚菌燉湯好味，飲完還想添飲套餐正常分量有6個小籠包。職員見我哋有多2位小朋友，主動加送了1籠4粒的小籠包及多送1杯豆漿，臨走前還主動笑住送著燈的手帶俾小朋友，全晚用餐愉快週末餐廳全晚都算多客，入座前見門口都多人等位。經 Open Rice 訂位，由入門口 check booking 至食完走，全程各職員都有禮、勤快，面帶笑容 ⋯⋯感謝佢哋嘅細心款待❤️

又到一年一度父親節！一定要帶父親食好食中茶　。之前聽人講呢間酸菜魚同片皮鴨好好食，今次趁父親節機會一齊食下！酸菜魚一上枱，勁適合打卡！個湯好好飲，魚肉又嫩滑！配埋酸菜世一搭配！片皮鴨唔好睇佢細細份，包幾份就超級飽肚！青瓜啱啱好加上中和片皮鴨嘅油膩加埋薄薄嘅包皮！

野食整體講都唔差、全晚欣賞係佢個比目魚，真係幾好味叫左個淮山 呢味就真係冇人食 其他個啲都不過不失，有小籠包、餃子，奶油津白同埋好細分嘅片皮鴨地方坐落幾舒服就係叫極都冇人理你 唔係態度唔係，而係唔夠人咁叫左勁耐 都未講完野食佢地就閃左🤢

不嬲都有去開呢間同長輩/朋友聚會味道唔差，食物偏貴除了前菜青瓜，叫了醉雞，小龍包，雞絲粉皮，片皮鴨，鍋貼，擔擔麵等唔知咩食物出佐問題返到屋企已經肚痛，痾佐2次第二日痾佐7次⋯⋯肚癮癮作痛，半夜都起第痾2次，第三日又痾佐4次⋯另外千萬不要叫黑醋汁松阪豬，硬到咬唔到，經理開頭都唔想換話唔係佢問題，（咁即係我叫佢我有問題在先？）碟野連加一都要百6蚊，咬唔到wo大哥，最後有換都算了但食完肚痛肚痾⋯⋯唔敢再去

尋晚同屋企人一齊去食飯，都知有規定90分鐘用餐時間，1845入去，1930已經趕頭趕命收走晒啲嘢想催埋單。咁都算，但催埋單前可唔可以check下啲嘢食嚟齊未？個片皮鴨等咗成35分鐘都未嚟，我哋知你星期六忙，爆晒場，片皮鴨又要時間整都費事催，但你哋一句都冇問「嘢食嚟齊未」，個女店員行埋嚟「係咪冇嘢加喇」然後唔等答覆直接落手想收走所有嘢，枱面碟酸菜魚仲有剩少少已經想收走（可能個侍應望唔到裏面仲有薯粉），然後即刻同佢講仲有片皮鴨未到佢先行去機到check。催埋單都算，但個片皮鴨上枱先打咗個突。大佬，宜家係叫片皮鴨定係燒鴨？隻片皮鴨上枱可以兩種唔同色，個切法完全似燒味斬料咁，你唔係俾甜醬、京蔥、青瓜，我都唔知自己係叫片皮鴨，差啲想問攞埋酸梅醬。隻鴨成層肥膏，肉汁又咸，仲收成$288半隻？唔係呢隻片皮鴨我都唔會打負評！食物一般（片皮鴨垃圾），服務唔得（個半鐘頭用餐時間係廢話），真係冇下次

餐廳無論套餐🍱定散叫🧆食物一樣勁吸引💕又多款式，緊係入去試下佢啦😋 座位舒適，坐得舒服, 服務員態度好好👍🏻👍🏻食物唔錯必點🙌🏼孜然手抓排骨 🍖夠香口，正爆紫淮山素小炒🥗岀奇地好食, 清甜可口稻成小龍包🫓👍🏻小籠包最緊要係皮要厚薄適中,湯夠熱 肉嫩多湯汁熱辣辣上枱黑松露素菇包🥯比我想像中好味，餡料勁多，一咬啖啖菇菌係口😆前菜齋燒鵝，份量多，夠入味最後點小得甜品🍮高力豆沙，便宜不漏

同家人晚餐，座位尚算舒適，服務員態度好好👍🏻👍🏻食物唔錯，特別鐘意呢度既酸菜魚唔油膩，屋企人唔食辣，㨂咗唔辣，但都好惹味😋連媽咪都不停話好味1. 酸菜大龍躉 + 加配油條 💰$498 + 💰$34份量大，6人食都好夠，魚夠新鮮，酸度恰到好處，個人推介必定要加配油條👑2.北京填鴨（半隻） 💰$288最緊要係塊餅皮夠熱，包住d 京蔥同青瓜，仲有靈魂醬汁，相當美味既配搭😍3. 孜然手抓排骨 💰$158夠香口，但家人怕熱氣，所以食剩4.茨實浸菜心苗 💰$102菜心苗好幼嫩，上湯好夠味👍🏻同場有叫以下菜色，但食到中段已掛住食唔記得影相5. 砂鍋華亭餛飩雞（半隻） 💰$258中規中矩， 一鍋已夠6個人分6. 熗炒麻辣花菜 💰$102成枱人得我一個食辣，所以一個人食晒食碟😝麻辣同福花菜係絕配，如果再辣d 就更好7. 瑤柱蛋白炒飯 💰$148夠乾身，大人小朋友都岩食👍🏻

雖然今日星期六晚飯時間，但門外都冇人等位。餐牌上不論套餐/散叫啲食物都好吸引。有諗過兩人食既野唔多，叫既食物🥘會相對少。最後我哋決定叫二人餐,涼菜（三選一）-酒糟醉雞/雞絲伴粉皮/水晶肴肉酒糟醉雞-本身我都好中意食醉雞，當然佢雞脾位浸得好滑，但相對雞胸肉就差啲比較老。味道方面，酒味適中，唔會太濃。如果係初嘗試醉雞既你哋定會愛上湯羹- 薺菜豆腐鮮魚羮2盅只供一款選擇，如果想食比較足料既羹你可以考慮下😏👍裏面有豆腐,魚肉,芫茜🌿由其頭先食完頭盤既冷盤小食，飲翻碗湯䁔翻個胃先😆主菜（二選一)-招牌稻成酸菜鱸魚（可選辣度:小/中/大辣）（例) -鮑魚黑毛豬紅燒肉我今次選擇咗食小辣，因為試過其他辣到食唔到。另外，呢個酸菜魚本身冇包薯粉。要的另加$28坦白講2人餐既魚份量的確冇花冇假，而且冇魚骨可以放心食啦蔬菜紫淮山素小炒只得一款選擇😆但岀奇地好食。可能我近來開始注重飲食🍽️想每一餐都有蔬菜🥬而且又炒得好食。成碟都比我清哂點心稻成小龍包（4件）亦係一款選擇，新鮮蒸起小龍包。但因為掛住食其他。去到凍咗先醒起要食，已經冇咁好食了甜品椰汁燉蛋白湯原本我會諗會唔會好濟，因為好多地方食過兩三啖後會濟之後成碗都

兩人平日去食晚餐。間餐廳唔full 仲有好多吉枱唔係多客，又唔係唔夠員工，但d員工唔理人架囉！勁多waitress 行行企企，明明望到我地揮手扮睇唔到，揮左勁耐先有人過黎….叫左個waitress 幫手加水，拎走左壺茶但勁耐都唔攞返黎。原來條友加完擺左埋一邊唔記得拎過黎，我又要揮好耐手先有人拎返壺茶過黎野食就不過不失啦，四季豆算最好味。小籠包一般。半隻片皮鴨都一般，包嗰層皮係夠薄既都，但放入去既料無山楂，青瓜條又唔算好新鮮，個醬又一般，個賣相都有d簾價，半隻都$268唔算貴但又唔係勁平囉食完仲兩個都有d肚痛，blacklist左呢間了

尋晚同屋企人出街食晚飯，阿媽鐘意片皮鴨，就出去葵芳食，之前都食過呢間餐廳。叫左四樣野加三樣甜品，另外餐廳滿300元送小龍包，樣樣都中規中矩。唯獨係嗰個稻成松子魚，真係難食到爆，賣相ok的，但一食落去就知炸定左好耐，唔熱，食落去d炸粉係唔脆又韌，又’銀’牙,食煎釀三寶都無咁嬲。下次都唔會去呢間餐廳。

片皮鴨有少少肥肉，汁有d鹹，唔建議加太多黃金蝦球偏乾，反而炸南瓜比較好吃，中和乾度酸菜大龍躉肉質鮮滑，鮮甜，滿滿一大碗既肉，配搭酸菜同紅薯粉底食一流，但叫左小辣，略嫌不足😅手抓排骨有滿滿既孜然味，肉質唔會硬，唔錯金絲南瓜餅食唔出南瓜味，反而食到吉士，但都炸得酥脆。6:30pm去既時候冇咩人，差唔多8點左右先滿座，建議可以book位，唔使等樓面服務態度良好，上菜速度都快（有d食食下先記得影相，有d唔記得左影🥲）

融合了北京及四川兩大菜系風格及特色的現代中餐餐廳 - 稻成一家大小來葵芳購物，走到餓不知吃什麼好? 要在一間坐得舒服又環境乾淨企理既餐廳我會選擇去稻成！稻成這裡出名的不止是吃酸菜魚，午飯都是好選擇！稻成午市供應多款套餐，食品種類繁多，例如最受歡迎的稻成小籠包、肉嫩多湯汁的川揚鮮肉煎鍋貼、酥香的上海排骨菜飯、味道完美平衡的酸辣湯麵、滑嫩可口的雞絲粉皮、口感彈牙的上海粗炒等等，多不勝數。正值夏日炎炎，多點一杯清涼特飲解下暑就正合時宜，蜂蜜檸檬蝶豆花特飲或青檸檬話梅梳打特飲，一口喝下立即涼透心。在稻成舒適的環境下用餐，稱得上是賞心樂事！說回這次的體驗吧！大堂光亮，我們坐低之後，職員立即沖茶和送上小食，小食是其他餐廳少見的炸黄豆。我們選了午市精選套餐的四人餐外加一碟稻成炒飯~涼菜:四喜烤麩﹑雞絲拌粉皮點心:稻成小籠包﹑川楊鮮肉煎鍋貼主菜:鳳梨咕嚕肉﹑稻成黑毛豬紅燒肉時蔬:清炒時蔬甜品:金絲南瓜餅食物質數全部是中上水平，坐得舒服，侍應有禮貌又服務好，朋友聚餐會再來的！稻成京川滬 (新都會廣場) (葵芳)地址:葵芳興芳路223號新都會廣場4樓413-416號舖訂座電話:23308322營業時間:星

格格今天突然說很想吃片皮鴨，這家Openrice挺高分啲喔！但這個“片皮鴨”，半隻鴨只剝下12塊皮，那㕑師不是沒學過凌遲處死，就是這還是一只BB鴨（可憐😔），甚至偷工減料！唉，連麵皮也只有十塊，又不熱，又不夠軟熟，醬料又單調， 在競爭激烈的飲食界怎生存呀！我們本來想點片皮鴨二食，但侍應姨姨說沒有，唉，幸好沒有 ...“酸菜魚”，沒啥特別，湯頭還算可以，夠香濃，但跟鴨一樣，配料單調，除了酸菜，只有金菇和幾片酸蘿蔔，其它一般餐廳是標配的雜菜如蓮藕、萵筍等，通通欠奉，而且撩下撩下還發現沒了我們也點過的薯粉，侍應阿姨也幫忙撩埋一份，確認後馬上幫忙從廚房裡端回一鍋薯粉和湯，態度與反應正面，但廚房的連番失誤，這餐廳要掉進黑名單了！很後悔跟著它門口那個廣告牌來點菜，兩個重點推介的酸菜魚和片皮鴨都不合格。

表弟升職請食飯，一家人8位打十號風球之一晚來食飯慶祝。叫左個6人餐，再另加小籠包及鍋貼。6人餐份量足，隻片皮鴨唔肥，食極都仲有。服務員服務好，枱與枱之間距離寬敞，室內環境裝修靚，坐得舒服。好難得。