稻成 (東薈城名店倉)

營業中

休息中

Staffs are very kind and amount is enough with affordable price. Ingredient is fresh and dim sum was good. For spicy chicken, spicy level is normal, not too spicy.

歡迎follow IG @eatwifme2k24 睇更多！｜𝟎𝟏/𝟎𝟒/𝟐𝟎𝟐𝟒 承上期，我哋去咗東涌chill咗大半日，夜晚突然想食啲中菜，於是去稻成好好食一波，為做咗超多功課嘅自己打打氣！整體嚟講幾唔錯，但嗌得有啲多，兩個人正常食量最好只係喺呢四個餸揀三個，避免浪費！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⟡ 水煮牛魔王 ($228) 好多好多辣椒！如果真係一丁點辣都食唔到嘅就唔好亂挑戰啦，雖然鋪面嘅辣椒山大致係裝飾作用，但上面飄住嘅嗰層辣椒油絕對會隨機殺死一個不知天高地厚嘅唔食辣星人！有一說一，肉質都係唔錯的，本身我哋諗住嗌水煮牛肉，係侍應姨姨介紹呢個牛魔王可以一次食到牛肉、牛展、牛舌、牛肚，決定轉嗌呢個，的確唔錯！信姨姨得好西！ ⟡ 水煮鮮鱸魚 (例) ($268) 好食嘅，魚幾嫩滑，但其他嘅部份唔係特別出彩，兩個人食嘅話例size已經綽綽有餘，記得量力而為呀！ ⟡ 四川擔擔麵 ($78) 比我想像中大碗，如果一個人自己食都幾夠飽～今次終於汲取之前千千萬萬次嘅慘痛教訓，一影完相即刻食，個醬汁非常濃稠，加埋麵條有種starchy嘅感覺，好有飽足嘅感覺！（雖

今日同阿媽一齊去呢間野試吓，第一次去唔知食咩好，就有個黃色頭髮的女店員好熱情咁主動過嚟介紹同推薦比我地，最後艾左個「金蛋紅燒小元蹄」。道菜上嚟之後，仲有人幫我地切添。另外，不得不提，隻元蹄煮得都幾爛，口感唔錯，而且，份量都唔錯，兩個人食啱啱好。😋

我舆同事最喜歡來這裏吃午飯，點套餐一齊開心分享。赛旁蟹，咕魯肉，花菜，四季豆都是我们至愛首選。同事也喜愛吃酸菜鱼，但因我未能吃辣，飯店也可調至微辣，所以我也可嘗到啊。員工友善，有禮貌及勤力。如有新菜式，也會介绍下，但不會强逼我們去點。這點很欣賞啊。我目测他們對每台顧客都是招呼周到，要比個like 你們。價錢來說，在東涌outlet 吃飯，每間餐廳價錢也差不多，稻成不是特別昂貴或平宜。但最緊要吃完覺得開心及滿足。

今日收工，约了三五之己，東涌東薈，四樓稻成食飯，要酸菜鱼，小籠包，和牛炒飯，甜品，食物好好味，服务员好好，環境一流，上菜好快，價錢不貴，下次來東涌一定到來食飯，

晚上到东荟城4楼吃饭，坐下还没看完菜单就有一个黄色头发的女服务员过来介绍套餐和元蹄。明明下单说元蹄是套餐里的，结果付钱时是另外收费，明显就是误导消费者。花钱买了个教训。

放工唸著去东涌outlet行街，想食辣嘢，路過睇到水煮牛肉有優惠就決定試下。一坐抵服務員就擺上花生同埋豆，以为是送的點知要收錢！！！24蚊幾粒花生同豆！！水煮牛肉超級鹹，簡單的菠蘿咕咾肉比三送飯的都難食！！兩個餸兩碗湯一碗飯，埋單五百五十

如題，從未食過咁難食嘅酸菜魚，質素比起普通茶餐廳嘅仲低，第一次要酸菜魚上枱一層紅油，酸茶魚既唔酸又唔辣😂水準好差，明明佢其他菜式都ok，點解主打菜卻偏偏做得咁差？

平時多數去稻成食晚飯，主餐牌的價錢都偏貴🤣今日偶然去食lunch , 竟然有意外驚喜，因為有午餐，而且價錢十分經濟，一個主食（有多種選擇如嫩雞煨麵，酸菜魚湯米線）加一個小食（有細份的小籠包或鎮江肴肉或雞絲粉皮等等）價錢$88 至$108試過嫩雞煨麵和酸菜魚湯麵發覺味道很好，尤其是雞絲粉皮，個花生醬教得好正魚片十分新鮮，冇骨又滑👍最後值得一讚是服務態度，上至穿黑色套裝的女經理和企門口位的哥哥服務都很熱誠，簡直係賓至如歸👏食得好享受，位置又闊落😃值得推介👍😍

今日同屋企人行完山，就去左東涌食晚飯，諗左好耐都唔知食乜鬼，最後大家決定去食酸菜魚，我哋order左例牌酸菜魚$268主角係用左鱸魚(魚肉好嫩滑完全冇腥味😍，因為之前食過幾間全部都有魚腥味，我地仲加症薯粉同油炸鬼😋好味)，另外仲order左金華火腿奶油津白$88(菜用奶油煮，所以食嘅時候特別滑)、稻城小籠包(4隻)$52(入面嘅肉都醃得5錯，不過食嘅時候要小心因為一咬落去真係好Juice，d汁爆晒出泥🤣)、瑤柱蛋白炒飯$148(材料比較少，飯有d硬，所以下次可以5洗order)、嫩雞煨麵$88，(呢碗食上海菜嘅時候係必點)、雞絲伴粉皮$62(5洗難道都好易煮，所以冇乜特別)、仲有order咗高力豆沙(4粒)$68，呢個甜品都係必點，整體泥講都算5錯，仲有茶位每人$10，座位都算坐得舒適

稻成（東薈城）是一家位於東涌的中式酒樓。他們提供多樣豐富的中國菜菜單，包括精緻的點心、燒味、燉湯、炒菜等。這裡的點心是他們的特色之一，他們的燒賣、鮮蝦餃和叉燒包都非常美味。點心皮薄餡多，口感鮮嫩，絕對能滿足您對點心的渴望。另外，他們的燒味也非常出色，包括燒鵝、燒鴨和燒乳豬等。這些燒味都經過精心烹調，肉質鮮嫩多汁，皮脆香口。如果您喜歡湯品，他們的燉湯絕對不容錯過。他們的例湯選擇多樣，包括雞湯、魚湯和蟹肉燉湯等，滋味濃郁，補湯效果佳。至於炒菜，他們的菜式選擇多樣，包括炒時蔬、炒麵和炒飯等。菜式的味道鮮美，做法簡單卻不失風味。餐廳的裝潢優雅，氣氛舒適，適合與家人、朋友一同享用美食。價格方面相對合理，提供了物超所值的用餐體驗。

放大假喇，同老公先嚟東涌某酒店staycation 3日2夜先再飛曼谷 😂🫶🏻，第一餐試咗間泰菜，真係麻麻哋（已經出咗食評）之後2餐，我哋都嚟呢間 稻城 ，唔差喎，小籠包真係要 encore 👍因為食咗2次，所以group 埋一齊評價。 小籠包皮薄多汁，鮮甜，2餐都有order, 好味！ 紅油抄手唔算好出色，醬汁偏辣帶點辣，唔食辣嘅人應該都接受到。擔擔麵～少少辣，都有好香花生醬味，加埋濕濕碎碎嘅配菜，連麵一齊𡁻，好豐富，飲咗一半湯底都冇話好口乾嘅感覺。嫩雞煨麵～～同樣，飲咗半碗湯底都冇話好口乾，好多菜粒菇粒，我鍾意呢款麵，又滑又軟。賽螃蟹～～我比較鍾意有粒蛋黃喺中間個隻做法， 味道會香濃D，滑D。呢間D蛋白炒得都係好滑，唔差，要落醋一齊食會好味啲，否則就好清淡。麻婆豆腐～普通，偏辣唔夠鹹香味，油咗啲，味道一般般，我覺得可以多啲肉碎。腐皮卷 （涼拌前菜）～ 值得再試 👍 中間包咗啲蔬菜紅蘿蔔，唔會好咸，腐皮夠軟，好香豆味。酸菜鱸魚～味道一般，勝在有誠意 😁 有埋個座熱盤，一路熱住，溫度可以keep 到味道， 減低魚腥味。奶油津白～津白好清甜，少少creamy, 加上少少金華火腿碎，好香！

點餐加一係香港食飯好正常，但同時收前菜和小食好少見，放低前菜又無講要收取費用。錢已俾，事已發生，2個四十幾茶錢和前茶（花生）都已俾。大家入座前，請留意條款細則。☺️

同朋友二人食 lunch，餐前小食鷹咀豆＋花生係好食嘅！睇餐牌時… 唔明做乜職員係咁叫我哋食餐…… anyway 最後散叫，“鍋貼“ 係腍嘅、茶係暖又無茶香味嘅…… “小籠包“都一般…… 係“嫩雞煨面“ 湯好飲雖則面好淡…… “咕嚕肉“好食……整體真係一般…………

平時都係同朋友同埋同事啦食午飯。今日去東涌行街買嘢之後，一家人再嚟呢度食飯覺得好正所有嘢都大大碟有熱辣辣家人食完之後非常滿意，從叫我下次幾時嚟。尤其是最好味嘅係酸菜魚同埋水煮牛肉真係頂呱呱。服務態度非常之好超哥，玲姐，Ada同埋光哥到服務周到。值得讚賞！下一次一定要再試佢哋嘅酸辣魚啱啱好，下次叫多幾個朋友嚟就最好，因為可以食埋其他唔同嘅嘢。其實想叫埋咕嚕肉同埋其他菜式，不過叫咗好多食唔晒留返下一次再食過。（決定今個星期二再去食晚飯）