秘 (享成街)

營業中

休息中

今天收工早了，大約七点鐘到還好未開始人潮很久沒有吃過這個味道忍不住又點了 吃這個黑松露吉列牛肉坦白說 我蠻喜歡這裏的裝橫工業風格，服務員姐姐也很友善 很helpful今次比上次出餐快了很多，大約等十分鐘 就有得吃了呢個就係我今晚嘅晚餐， 如果要upgrade做櫻花金魚湯要加多58元抵唔抵就見仁見智因為成個set加埋差唔多200元食過好幾間 石板燒牛肉呢間配飯素 覺得特別好味睇下呢個櫻花金魚湯，影相打卡 真係幾別緻，仲有兩朵櫻花帶個湯真係...最精彩梗係個黑松露燒牛肉去買我最愛嘅糖心蛋,真係好好味架我唔客氣喇

平時對吉烈食物都無咩好感，但見呢間餐廳幾得意可以自己燒所以就試下同朋友分別嗌咗個晚餐佢就係牛肉鍋，味道似牛腩煲咁，無咩特別我就嗌咗吉烈牛，幾特別，味道正常另外嗌咗個雞翼，但唔記得影相😂記得要襯熱食，非常脆👍🏾餐既分量多，我同朋友都食唔曬

聞名不如試食，今日終於有機會嚟到想食已久嘅日式餐廳 – 秘！由於餐廳地方唔大座位有限，所以門外大排長龍，想嚟捧下場嘅朋友記得要預多30分鍾喇！⏱不過店員都好識做，會向每位遞上餐牌，等你睇住等無咁悶。當你決定好食乜就可以同店員講，等你入座後就可以即刻食☺️！等左15分鍾左右就有位，店員好快就放低我叫左嘅「板燒吉列牛🐮」！由於薄切關係，基本上燒十下八下就食得，入口即溶，每片都有十足「牛味」🥰！提提你，晚市只需要加$38就能加配「秘之飯素」，必食之選😋！

荃灣分店位置荃灣廣場附近，唔會好難搵。但可能因為新開既關係，人手唔多夠，所以晚市暫時唔接受電話預約🤔。適逢父親節，加上佢地格價相宜，晚市6點已經坐滿。我今日好好彩行快兩步，唔係就要等好耐喇😆😆。主食本身有個白飯跟，而且仲有得升級嫁😲。晚市加$35可以升級做秘之素飯，楓糖流心蛋同櫻花昆布湯。再加多$20，即$55仲可以要埋條金魚添😍。秘之素飯其實就係响個飯上面加左紫菜，芝麻同木魚粉等等。聽落好似好普通？但一食落口就知，因為整碗飯完全升級了，非常好食👍🏻。楓糖流心蛋我個人就認為甜得濟喇，我都係比較中意食醬油糖心蛋😅。金魚餃賣相超靚，打卡必點📸。秘・燒黑松露吉列牛，份量好多，好香黑松露味。因為始終係美國安格斯牛，油花分布唔會好似A5和牛咁，所以未到入口即溶，但咁既價錢食到依個質素，其實真係無咩可以彈喇😚😚。板燒安格斯牛，份量同黑松露吉列牛一樣多，肉味好香。咁啱我依份油花分布比例好好，食落返而比黑松露吉列牛好食😜。芝士吉列豚肉，都一樣好大塊，炸得好好，外脆內嫩，肉仍然好juicy。再點埋芝士醬，食完後大滿足🥰🥰。要注意返，店舖暫時只收現金，所以記得帶足夠錢去呀💰💰。

媽媽生日，因為成日食黎食去都係日本菜/buffet,今次帶佢食新野。哩間鋪頭個位置都幾隱藏。個日7點幾去到等位，等到8:30左右先入得。原來入面得好少位，難怪要等咁耐。坐都坐得好逼，唔係幾舒服。我地3個人叫左2個餐，加1個清酒煮蜆既小食。黑松露吉烈牛好好食👍🏻👍🏻值得推薦。好夠黑松露味，外面又脆卜卜，入面d肉又好食。牛肉野菜鍋都唔錯，入面有好多肉，d肉有肉油既香，總之都係好有肉味啦！個鍋既湯底都唔錯，我拎左黎撈飯食，一流👍🏻清酒煮蜆我就幾鐘意，因為我覺得好夠酒店。但我爸爸就話覺得d酒甜左d，佢覺得麻麻。最後埋單4百蚊左右，只收現金。

同事推介呢間吉列牛叫我有機會去試下，話幾好味但好多人排隊呢日放工嚟到荃灣，諗起呢間，就決定去試下！好彩去到冇乜人排隊（呢日係平日7點前），我地諗可能過咗個熱潮我地一人叫一個定食，我揀咗板燒吉列牛，最普通嘅定食朋友就揀咗燒黑松露吉列牛，配紫菜飯+流心蛋+昆布湯可以自己一邊燒一邊食都幾好玩，而且味道都唔錯，配飯食一流不過可能我地食得有啲慢，個火好快就熄咗，要叫個侍應嚟換，個侍應塊面越來越黑，好似嫌棄我地要換火咁整體嚟講啲嘢食係幾好食，間舖油煙味有啲勁，所以如果要排隊嘅話就唔好啦，荃灣周圍都好多好嘢食

朋友成日話想嚟食，前排終於有機會食到啦！對於少到新界嘅人嚟講，呢間鋪嘅位置有啲難搵，當然要靠google map啦！周末嘅7:30pm左右到，已經好多人，主要都係情侶或者三五好友。雖然人多，但都係等咗30-40分鐘左右就有位。拎籌、入座、落單到上菜，waitor都好有禮貌，動作反應都夠快環境方面，雖然係小店，但都夠寬落，一行三人坐四人位，大肚腩唔會掂住枱，左右唔會撐到朋友，後面都唔會撞到，抵讚！好啦直接講重點啦，三個朋友都食板燒吉列牛套餐！套餐有吉列牛，一碗飯，一碗湯；另外當然有最重要嘅石板+油脂啦！湯比較淡，正正常常不過不失。飯上面有大量飯素，撈埋一齊，紫菜又脆又夠味，一啖飯一啖肉真係最佳拍檔！睇相都睇到牛肉薄切，肉上面嘅油脂分布都幾均勻，肉香好足；吉列皮夠脆，燒一燒就食得😍。點睛之筆係流心蛋，又香濃又滑🤤成個餐所有嘢都好夾，份量嚟講男士都食到7-8分飽嘅🤣（食埋女朋友食唔晒嘅就得啦）非常值得再去！😍😍唯一嘅缺點係每個餐用嘅石板嘅熱度差太遠，三個餐一齊上，但有一個朋友等咗勁耐都未可以開始食，我哋已經食緊，如果飯腳食得快嘅話可能食到一半佢都未有得開始食😕不過呢方面未必係可控因素，就算數

今次是我第一次寫食評，不過是在冇食過的情況下寫的。話說中午時份酷熱天氣下，老遠跑來這裏，諗主試試看，入到去冇咩人，只有兩枱食客，待應安排我們坐最入面的二人坐位，本身入到間鋪都已經有一陣陣厠所味，坐低之後味道更加強烈，好像入左廁所一樣，所以我們要求調去近大門的位置，那裡的待應已經黑面，安排了我坐另一張枱，都算啦，點知一坐低，個待應又話唔可以對住坐，要平排咁坐，又這樣又那樣咁，未坐定已經一肚氣，當時又冇咩人，點解唔可以方便一下客人？！所以奉勸各位，切勿光顧這樣的食店，除非你/妳鍾意聞廁所味和受人氣的話！講真，咁嘅服務態度！幾好食都假！出面大把可以選擇。

家人推介有一間喺荃灣名叫"秘"日本料理，佢十分推薦話好好味，於是我揾日得閒放工同佢一齊再食過。我到咗店舖門口感覺有日本小店既風格，內裡簡簡單單都令人感覺舒服，因家人已選擇了黑松露吉烈牛同鰻魚定食。一個set 有湯、main同一碗飯。黑松露吉烈牛放咗一個石板煱既物體上面燒，燒到熱辣辣，外表又脆脆地，入面啲牛有淋淋地，真係幾得，仲有1隻流心蛋配撘，外表靚靚，呃like啱晒。另外一款鰻魚飯都做得出色，鰻魚既size唔算細加上醬汁入晒味，燒出嚟好香好好味。附上相片真係擺得幾靚

終於不用等位也吃到秘其實都只是碰碰運氣，因為每次很想食的時候都很多人等候可能時間尚早，是日夜晚大概七點前就已到達餐廳二人同行，點了板燒吉列牛及秘·燒牛肉野菜鍋，還有飲品分別有青提味及水蜜桃味汽水青提&水蜜桃汽水兩支味道分別都好好味飲落不會太甜而且果汁跟汽水味非常配合板燒吉列牛 - 加配了晚市定食白飯配上飯素即使只吃飯也不會很單調昆布湯裡頭櫻花醃漬物，但我沒有嘗試櫻花是什麼味道的配上楓糖流心蛋 - 煮蛋時間過程掌控得好好蛋黃是流心啫喱狀的 （好愛吃這質感）如果自己燒就可以掌控到牛的成熟程度，還有一個好處是邊燒邊吃便可好好保存食物的溫度熱辣辣擺入口非常好吃由於牛肉油脂比例剛好，隨板跟上的油脂只需薄薄塗上一層，已經足夠燒幾塊牛肉牛肉沾上醬汁配飯吃就已經很美味秘·燒牛肉野菜鍋 - 加配了晚市定食湯底味道 - 濃濃的紅蘿蔔鮮甜味牛肉肉味鮮甜而且炆得夠林吸滿上湯的味道，是好好送飯的菜式，10分推薦吃

荃灣 有好多好野食的😍🤩今次嚟左哩間餐廳到食野呢🙂🙃哩度嘅特色主打就是係石板上燒牛牛🐮🥩先把牛脂塗🈵️係石板上 然後燒一燒就可以的了😂😆.秘制黑松露吉列牛🔥⚫️🐮份量都好多下 有十幾塊肉肉的🤩😍肉肉嘅周邊仲佈🈵️左黑松露喔👍🏽👍🏽好好味呢😋🤤個餐係配埋#飯素#楓糖流心蛋#櫻花昆布湯 的🍚🥚🌸🥣😄😀.浦燒原條鰻魚飯 個餐都係配埋流心蛋同埋湯🙂☺️🥚🌸🥣講返條魚魚先 真係好粗大好肥美喔🤤🤤條魚魚真係啖啖肉 同埋個sauce都真係幾正下 配飯係絕配喔‼️‼️‼️講埋隻蛋先 真係有點楓糖味同埋隻蛋真係好流心喔 正正子呢～

排隊排左半個多鐘就是為左想食好野呀。我生日🎂朋友比我發板，我地就試左呢間好特別既食店我就點左石燒吉列牛，這是吸引我想食既賣點，成個set有湯又有飯、價錢又不貴，仲要好食，米素配飯內，好夾好好味朋友就叫左吉列豬，外脆內軟，一樣不失禮，價錢又合理、基本上冇咩好挑剔脆炸軟殻蟹小食，再配個沙拉醬、好味美。其實兩人點了三道食物都好夠飽了。這裡地方不太，數量有限，要去食真的要早點訂位了，不過食物質素是有的價錢平民化，好值得推介

未到7:00黎到已經好多人等緊位，舖頭只收現金同埋齊人先可以入坐。由拎飛果一刻就已經問你齊人未，等左5分鐘左右叫號碼以為有位，原來問多次齊人未同埋落埋單，再等多5鐘又叫號碼，又係問齊人未.........企喺門口等位就不停聽到叫號碼問人齊人未（來來去去都係叫果幾個號碼）15分鐘左右已經有位，都唔算等好耐。我地全部都係叫左吉列牛定食（吉列牛+紫菜飯+櫻花湯）牛味都OK, 但吉列部份就偏鹹。紫菜飯上面既topping都係偏鹹。櫻花湯味道唔錯。下次可以試埋黑松露牛。環境方面，抽風唔夠勁，食完成身油煙味。有待改善。

記得當年係日本食既吉烈牛超級好食，外脆內軟，一試難忘。今日偶爾經過見到呢間秘，見到又係食吉烈牛，於是決定一試！ 我地5：45已經到左門口，距離開店只有15分鐘，但好快條人龍就好長好長，好誇張！ 入到去已經即時叫左吉烈牛同埋鰻魚飯！ 吉烈牛好快就黎到，有個小小既熱石鍋，俾你自己燒，都幾得意！ 不過食落同想像中有少少落差。牛肉比較韌，d吉列亦唔脆，味道還好，相信佢都整好左一排，以應付咁多人。鰻魚飯反而有驚喜d! 好香亦大條，配埋紫菜幾好食啊！ 味道唔錯，燒汁量亦恰到好處。整體黎講都ok ge，價錢合理，份量亦足夠，係吉烈牛有d失色。

好耐冇食秘啦！好掛住d吉烈牛，以前食過覺得質素唔錯之餘又幾抵食，不過因為冇得book枱，一定要wall-in，而每次去到都幾多人排隊等枱所以行過好幾次都冇食到🤪🤪難得又到happy weekend，又冇特別野做所以特登早少少去諗住食下🤣🤣 不過意想不到6點半中去到門口，已經有條長長人龍，入面仲已經食梗第一輪😱😱Total 叫左兩個餐-極上安格斯牛吉列牛加錢要左金魚湯😂造型係幾得意嘅！飯素安格斯牛唔錯喎！！