秘 (享成街)

營業中

休息中

佢地嘅石燒牛真心勝價比好高 肉嘅份量好多之餘仲要質素好💛就算配埋定食都係抵食啊!!不過食嘅時候要小心啲我有幾次都俾啲激烈嘅油脂彈到🤣同埋建議唔好着啲好似冷衫質地等好吸味嘅衫去 因為食完會勁大陣油煙味🤣🤣-✏️板燒安格斯牛 ($108) (+$38 配定食)每一片牛都係好平均嘅薄切 但食落口感又ok wor唔會覺得單薄 石燒完之後肉質食落 較吉列牛嗰款軟淋 而且肉味幾濃郁!!佢本身已經有調味過 所以我覺得唔需要點旁邊個醬汁就咁食帶點咸香已經好好🙆🏼‍♀️油脂分布平均 唔會過分油膩 嗰種油脂會令後續有丁丁齒頰留香🙃跟餐嘅話碗飯上面會有日式飯素🍚其實單單個飯素已經好下飯好夠 再另外淋上嘅醬油我覺得多餘左 有少少令到個飯太鹹 配牛肉冇咁襯🤔另外套餐仲有埋溏心蛋!!開心🙆🏼‍♀️🙆🏼‍♀️整體質素真係唔差好好食😍〰️✏️野菜鍋 ($38)好抵食嘅野菜鍋🤓🤓配料好豐富除左大量嘅菜 仲有芋絲 鳴門卷 獅子狗 蘿蔔 金菇等等 唔想淨係食肉想食返啲蔬菜叫呢個啱晒🤓

性價比超高的良心小店😌 一直都好出名，幾年前我都為過佢而排粒幾鐘😌 有日lunchtime行經見到唔使排就入咗去😗😙😙🐮 板燒吉列牛 $108牛肉好油好甘香，入口香到不得了～ 油香再配埋麵包糠好夾，一脆一油😎 牛嘅份量都唔少😗 食吓食吓唔覺意食晒成碗飯🍚 不過d飯濕咗少少，乾d就perfect🙌🏻成間舖都感覺好貼心～ 佢會畀嚿肥豬肉你整勻個石板🐮，見你個板快冇火就會過嚟幫你加😚😙下次會再嚟！

之前光顧過兩次，今次是第三次去，無論是家人、朋友和男朋友都很喜歡！吉列牛與幾年前吃過的一樣，保持水準！以大約$100來說，真的物超所值我們還吃了鰻魚飯和章魚小丸子，鰻魚飯$78但鰻魚很大條，也很好吃，只是略嫌鰻魚汁有點咸。至於章魚小丸子，當然也是很好吃，不過味道偏咸。如果可以調節一下，一定會更好吃！限聚令下只坐一半，但還是要等位。平時要吃的話，要提早來排隊，在繁忙時間人齊方可入座。值得一再支持的小店💛

我地黎之前已經聽過呢間吉列牛店好多人，當日落住小小雨，店舖6點鐘先開晚市，我地夜晚5點50去到，點知前面已經有4個人排緊，好彩我地係食頭圍，之後我地出嚟既時候，鋪頭外面已經排左好多人。講返正題，我地4個人叫晒4款主打既吉牛食，其中味道最驚喜既係黑松露，其次係原味吉列牛，仲有一款係無吉列既，個人就比較喜歡有吉列既，不過講明先以$108食吉列牛係係唔可以expect會食到好高級食材，但呢個價錢已經係非常抵。我地仲有叫一款味噌牛肉，呢款好特別，佢地用一塊荷葉加上味噌一齊烤，但由於份量有d多同個爐比較細，我唔係好識處理，店員見狀即係過黎幫手燒，呢道牛要烤同煮20-25分鐘，店員多次上前幫手，幾乎全程都係佢整，期間仲同我地有講有笑，非常好客，及後我同我朋友吹左一陣水先走，出返黎之後先知原來有咁多人等緊(甚至多於店鋪可接待既人數），但店員們一句都無催過我地，仲同我地傾計，我地都有d唔好意思。總結，呢間係好高性價比，有人情味，服務很好既一間餐廳，值得再食

一直私藏咗呢間吉列牛牛🐮都未去，人氣真係超級勁呀！夜晚6:00先開門但已經長長人龍排緊隊等位💥，所以要食真係建議早啲嚟等位！/黑松露吉列牛肉($148)/板燒吉列牛($108)兩者中最特別係黑松露配上日本麵包糠，外脆內軟，未食已經聞到淡淡的麝香味，牛肉軟腍夠肥美，係鐵板上每邊輕輕燒幾秒超juicy😍！兩款吉列牛晚市加$38就可以轉定食，定食包括秘之飯素、楓糖流心蛋同櫻花昆布湯。/總括質素真係超高，雖然要排隊但都絕對值得等待！回頭率100%😛！

#黃色經濟圈 黃店💛位置近荃灣廣場個邊 店舖位置唔多 但因為好味 即使大部分時間要排隊 都會好多人等😆💛😚 比較多人推薦：安格斯牛($108)+吉烈牛 ($108)再配 飯+溏心蛋 (+$20)牛既份量頗多 性價比好高🌟牛亦都好有牛味 而且油脂分布平均 食落去仲會有肉汁 🍚 而個飯 有啲似牛角飯個人覺得仲好食過牛角😂個飯有曬啲秘製醬汁+紫菜真係超岀色!! 🍳溏心蛋 簡單地好食😋相信會無限再去食💕 暫時食過最好食既板燒牛😎

尼段時間出街緊係要買外賣，之後拎上車食，所以唔知入面既環境係點樣，但店外面個個「秘」字，真心係型，但係等外賣同時有聞到臭渠味....食物先係我地既重點！真 心 好 食， 有 驚 喜，價 錢 又 抵 食！叫左個芝士蝦球-正，佢係用粟米同麥皮去炸，所以個外殼係好脆！主食就叫左芝士吉列豚肉定食：一食落去就食到好濃厚既芝士味，個豚肉好juicy，再配埋佢個味濃係飯上面，真係另我喜出望外同埋鰻魚定食：個鰻魚味好好食！重點係條鰻魚食落係無雪味，肉質都無渣！cp價高呀！總結係 我地6點去到佢地岩岩開晚市，門口已經有5 6班人排緊隊堂食，所以我地先會轉食外賣。真心我會推薦去食，下次我會想去佢佐敦店堂食試下佢既其他野食同服務呀！

岩食既餐廳💛💛encore再encore！荃灣店一向多人想食晚餐嘅要預返時間等位❤️叫咗吉列牛每次嚟都有叫呢個肉質吾錯煎完配醬汁都好好味個飯有好多紫菜😭加$38可以有溏心蛋及湯但個湯就淡得滯幾普通可以唔試💪🏻自己都好鍾意鰻魚飯鰻魚夠大條肉質夠滑👉🏻試咗雞肉丸子正常日式小食口味ok

今年生日，同事帶我去隱世黃色小店食lunch！原來喺荃灣某個角落，位置係有啲唔起眼既，不過喺公司附近好就腳。午餐都有得烤肉確實好玩新奇，我哋叫咗個燒黑松露吉列牛，賣相好靚，仲有隻蛋。驚喜之處係佢個飯有好多紫菜同配料，甜甜地鹹鹹地，就咁食都好好食，份量亦唔少。個鐵板上面有舊肥豬肉用嚟出油，再燒自己既吉列牛，因應唔同要求，自己可以燒生啲燒熟的，我就覺得燒熟啲好食啲，佢個邊邊有啲黑松露吉列粉，脆脆的配埋個醬入口好好食，真係可以送晒成碗飯！雖然呢度無太多黃色小物，不過呢度既店員都好好服務，不時過嚟睇下我哋有無咩需要，又教我哋點燒無咁易比油彈到。

係OpenRice見到呢間吉列牛好吸引，早少少十二點前來，唔洗排隊，不過睇完個menu，坐咗一陣已經坐滿人咁濟點左板燒安格斯牛定食，百零蚊好抵食，油脂分布平均，肉味香濃，口感軟滑，牛肉有用鹽調味，我覺得唔洗點醬油，本身都已經好夠味定食有一隻溏心蛋，蛋黃好大好滋味，碗飯又食唔晒，另外點左個芥辣八爪魚🐙，又唔記得咗影相，個芥辣八爪魚好新鮮好脆口，冲淡返食牛牛嘅油膩因為呢排太熱氣冇點吉列牛，隔離2枱都點牛肉鍋，好似好吸引，下次下次，呢間會有下次

我同朋友本身都係牛魔王,所有牛嘅嘢都好鍾意食,所以今次叫咗燒黑松露吉列牛定食和蒲燒原條鰻魚飯。兩個餐都是配湯、糖心蛋和鋪滿飯素的大碗飯。黑松露吉列牛個食法係好特別可以自己動手煎嚟食,一邊玩一邊食,好得意。吉列皮好脆,內裡牛肉鮮嬾多汁,食起上嚟唔會覺得油膩。蒲燒原條鰻魚飯原條鰻魚大條厚肉,肉質唔會過於軟腍,有肉感,完全沒有碎骨,配上香甜燒汁,拌飯不錯

💛秘(荃灣)💛..............................好耐之前已經同朋友食過 一直念念不忘前排為左慶祝生日 窮L都要豪一餐🥳晚飯時間好多人排隊 都等左個幾鐘入到去油煙都唔少 始終好多人叫吉列牛所以大家記得唔好著太吸味又難洗嘅衫去..............................～板燒吉列牛$108+晚市加配定食$38.吉列牛上枱基本上全生 燒到幾熟由你決定鍾意嘅你可以燒到超過10成熟都得呀🤪牛嘅份量都唔少 夠我送晒碗飯有突燒完個皮仲脆卜卜 啱晒啲鍾意香口嘢嘅人舊牛肥瘦適中 唔會成口油又唔會燒到變柴牛味就唔係好濃 但算啦我收貨架啦😋.之前喺佐敦店食過配淨白飯 覺得有啲頹🤧我建議大家要加定食！即刻感覺豐富好多！個飯有飯素的確好食好多 白飯完全失晒分🍚隻溏心蛋都唔錯 但對我嚟講可以濃味啲雖然個湯同行4人一致覺得麻麻地好飲但係算啦有野濕濕個口感覺冇咁熱氣嘅🤤.👏🏻：7.5/10..............................🎈 秘 (荃灣)荃灣享成街22號地舖🎈 秘 (佐敦)佐敦偉晴街11號地下.............................

依間荃灣黃店係巷仔入面，不過都好易搵到，因為用膳時間總係有好多人我同友人比較早就去，所以等左大概半個鐘就入左去食係出面既時候，待應已經幫我地落定單。一入去，好大陣牛肉既油味好期待石燒肉肉快啲黎我同友人叫左吉列牛同埋安格斯牛定食，一上菜已經覺得好多塊肉肉油花分鋪得好均勻一定好好食碟到仲有塊牛膏比我地整油塊石板放入口真係好軟好林好重牛味隻糖心蛋既蛋黃甜甜地，應該係加左蜜糖，好特別我地仲叫左芝士薯條，脆炸既外表包住滿滿既薯蓉個芝士醬好杰好重芝士味，落足哂芝士放左陣已經有層’姨‘咁，變番固體芝士咁岩哂我依d芝士控不過食完之後我隻腳就起左粒粒，應該對佢地張木凳敏感個人對塵灰比較易敏感不過依間吉列牛價格唔算貴，又好食、材料又靚、又係黃店會再去幫襯P. S. 係我係香港食過最好食既吉列牛牛

今次小編黎到荃灣搵食 🤤試左呢間同事講過話幾好既吉列牛小編覺得對比起出面食既吉列牛佢又唔算好貴地方都坐得闊落, 唔會太迫但座位就唔算好多, 所以遲左黎既, 就要等位喇 ☺️☺️.1) 板燒吉列牛 ℍ𝕂𝔻 𝟙𝟘𝟠既然黎到, 就當然要試下佢既吉列牛喇 😤上網睇好多人都講呢個好高質.等左一陣, 終於吉列牛終於到喇 🤤🤤一共有十幾塊吉列牛, 隔離仲有舊牛既脂肪, 等你煎塊牛個陣唔會痴底牛既脂肪分佈都幾平均, 因為係自己再燒, 所以生熟都可以自己決定小編鐘意食熟啲, 所以會燒耐少少, 不過就算燒耐啲啲, 牛都唔會好韌牛既份量十分足夠用黎送晒啲飯一啖飯再加一啖牛不是夢🤤😂😂...小pop會繼續不停食食食，所以如果想得到更多似食資訊，請like & follow～😋

第二回食評。。。又一次舊同事聚會.. 餐廳位置近荃灣西站，荃灣廣場再行入啲，都容易找的本身諗住而家肺炎肆虐，應該出面冇乜人食野但未想到，6點頭門口既有好多人等位當日叫飛速度都算快，有職員會幫你先點餐大約等了45min才入餐廳我們大家都不太餓，就無升級做套餐反而加咗啲小食試多幾樣野食送餐先知，所有主食已配飯- 秘燒黑松露吉列牛 - $148真心大推！出面少有嘅黑松露味吉列牛夠黑松露味！外皮唔算厚，唔點醬都好食- 芝士吉列豚肉 - $78厚身豬扒，外脆內軟，入面熱辣辣放久了，再食還會出煙的芝士醬有點不夠，比較淡味啲- 板燒安格斯牛 - $108油脂分布平均，無咩根位但食到最後有點油膩- 和風薯條配芝士醬 - $32分量多，是同吉列豚肉同一個醬芝士醬有點不夠，比較淡味啲- 趣脆蝦波 - $48這個食落有驚喜，外層炸得脆之餘蝦肉質彈牙，個醬有點似加小小辣（熱浪程度），不錯整體感覺都不錯，性價比高，唔怪得知咁多人等位啦P.S.室內油煙味比較重，抽風系統不足