秋月居 (已結業)

今晚同朋友一齊食晚餐， 想食好d 同平平地， 揀左 德寶既秋月居。 地方偏遠d ,但可以食飽黎個小散步：）叫左炸 炒面沙律 同燒牛舌， 再加埋 佢既皇牌 牛肉飯 , 燒鯖魚 同埋最特別既係佢既飲品！！ 好wonderful😍😍😍

我們7月份的紀念日鐵板黑椒牛肉飯 好好食 超級香 我同傻蛋都覺得好食過pepper lunch!!! $45傻蛋的藍莓乳酪沙冰 $34 好味呢個鐵板鰻魚芝士蛋包飯 又係我同傻蛋嚟親必點 份量大係多既 芝士超香濃 味道同以往一樣好食 $78我的焦糖咖啡沙冰 $29 呢個有啲失望啦 無咖啡味 無焦糖味 似冰水最後忍唔住要換 但其實再嚟都好淡味 點解會咁嫁😔都廢事再換 侍應話下次想要咖啡味重啲落單個陣講聲喎但其實我唔係要重啲 我只係想同之前一樣有咖啡味咁姐🤷🏻‍♀️我都唔係第一次嚟🙄個侍應話沖咖啡個位係新同事嚟🤷🏻‍♀️🤷🏻‍♀️🤷🏻‍♀️秋月居 第三次食 呢個雞軟骨 $32我次次嚟都必點超級好食！呢間餐廳既特飲價錢都偏平個燒豬仔脾 $20 好似燒耐左咁 超級乾身😣失望呀炸蝦卷 $28 好味淡淡蝦肉豬仔脾真係麻麻地～啲肉都燒乾哂luuu埋單～～～$266加一$292.6

夜晚七點左右到 等左十幾分鐘就入得去 地方唔大 門口有職員燒緊串燒 幾吸引幾有卓頭 喎入到去拿拿臨叫左個期待已久既滑蛋鰻魚飯 嗯～蛋就唔滑啦 仲有啲過熟 另外叫左個三文魚飯 ok 既 不過不失囉如果你想食飽 係絕對無問題 因為超多飯呀 對比返餸就會少啲 囉 兩個人兩個飯已經食到好飽 串燒下次再試啦～～～總括來講係ok ge

之前見到網上有人介紹鰻魚芝士蛋包飯，當然膽粗粗咁試下啦！位置係德寶商場外圍，因為唔熟九龍灣路既關係，入左去德寶商場入面搵，搵左好耐，又咩A，B，C區咁，連保安都答唔到我A區係邊，幾經辛苦先發現係外圍明明6點到，搵到6:30，已經開始排隊了後尾發現可以訂位的，笨了不過，食物同飲物質素高，小小辛苦算得咩首先黎左杯飲品，叫Fuzzy Navel有小小酒精的賣點在於上檯後會加水落乾冰確實好吸睛飲品就稍甜，無咩酒精味的食物方面，我地叫左鰻魚芝士蛋包飯，就賣相已經吸引左我呢個蛋控喇好多芝士，個鐵板都係熱架不過惟一不足就係鰻魚有少少腥同骨扣左少少分咁另外仲叫左秋月居沙律有好高既炸拉麵二人食真係比較多，食到喉嚨痛都未食完最後都係老公包尾整體黎講，呢間餐廳食物製作有心思，賣相吸引，價錢合理，有一次

熱到35度以上，人都癲。無咩地方好去，全日都係行商場。行完商場之後，男朋友話想食秋月居(其實好耐之前都食過，只係佢唔記得左🤣)，話上網睇見d串燒好好食咁，想去試下，我地夜晚7點30去到，8點鐘先入得，好多人食，又晚飯時間，所以等下係正常既動作！入到去之後，九秒九就即刻order左係出面等位時睇過想食既野😋落完之後，大約5分鐘，上左飲品先！再上就係串燒同埋壽司，由於好肚餓既關係，一次過order左好多野食。由於太好食既原故，決完做埋會員，侍應都好耐心同我地講解有關既優惠！最後唔計埋會員費，400蚊兩個人！都幾抵食，食左勁多野🤣

嘻嘻～～因爲係VIP，有三樣新野可以試食，冷雨夜（有聲既😂）～冷麵、半邊生命～疑似係肉醬芝士薯條、異國之月～疑似係可樂加果汁既飲品。每次只能叫一款😂咁我呢期仲要黎多兩次。剛睇完傅家俊😢輸左⋯⋯化悲憤為食量，食個冷雨夜再睇奧蘇利雲。再叫個蟹子沙律，呀⋯⋯我一相情願係青瓜絲🙈原來係菜（菜雖然都脆口，但啲粟米就結左冰，唔飽滿唔甜既），味道都ok既，青瓜好啲囉，反正都係菜早知叫招牌沙律。冷雨夜，賣相幾好，每樣材料整齊排響麵面，材料有糖心蛋半隻幾好味、銀芽勁爽多啲仲好、木耳絲又係多啲仲好，青瓜絲唔夠青味、蟹柳一條切成幾份真係好刀工🙈不過唔係貴蟹柳無乜味、熟泡菜少少酸辣、中間有啲魚生粒同北寄貝粒用辣醬撈左幾好味、粟米又係你無味又唔飽滿好似雪藏未浸得開咁，可唔可以換隻甜粟米粒⋯麵係拉麵都幾好唔硬，我最想講，湯係麵既靈魂，但係呢佢除左麻油味同酸酸地就唔夠令人印象深刻，要加啲肉湯增加味道層次會好好多，$29好平好抵食，但要落正menu，湯底就要攪攪喇。新產品係要時間改良，期待有進步😋

每次去都會點鐵板飯，簡直色香味俱全。鐵板唔算大，以為唔夠食，點知食落份量都好夠，而且有菜有肉有飯，好均衡，又唔會太油膩！三文魚、元貝冇雪藏味，飯粒飽滿，午膳跟餐有飲品，學生有88折，所以lunch多數滿座。

家下普通鰻魚飯已經滿足唔到我地貪心既香港人！升呢！接招！鰻魚 + 芝士 + 蛋終極三重奏，先唔講質素，成碟野勁大兜都只係 $78，可以夠兩個人食！鰻魚份量有半尾到，而芝士同蛋多到浸住啲飯，好邪惡好正 😳 鰻魚燒得香香的而且冇骨，蛋滑芝士滑，一齊撈埋飯食好滿足呀 🤤 加埋鐵板保暖 jar jar 聲唔洗驚，女朋友實唔會詐型 🤓——————————————————————#蒲燒鰻魚芝士蛋包鐵板飯 $78——————————————————————#秋月居牛頭角牛頭角道 3 號得寶商場地下 A2 舖大埔汀角路 13 號啟昌樓地舖

原本去的那餐廳被包場，然後轉去聽聞一間很好吃的日本料理店。這就是 秋月居。天氣實在太熱，加上地理位置密不透風，由地鐵站走到這，已經出了幾桶汗了！怎料去到已見好幾位客人正在等待座位。裡面全場爆滿。等了十多分鐘便可以入去了！很欣賞他們 食物餐牌 跟 飲品餐牌 分開。而且圖文並茂非常清晰，飲品餐牌更值得一讚中英對照而且種類也很多很全面。看見旁邊枱的飲品有用乾冰上，令人感覺迷幻。他們的刺身盤和我叫的海膽也是用上乾冰上，給人有種很與別不同，很震撼的感覺。總結各方面都非常滿意，會下次再來

A solo lunch since I had 1.5 hour in the Kowloon Bay area and it was lunch hour. After getting off the bus, I walked backward for few minutes and stopped at Akizuki. The place was eye-catching among the nearby restaurants because it is the only Japanese restaurant and news advertisement was posted outside. Though at Izakaya居酒屋, I did not take any alcohol but a rice set. Scrambled egg and chicken over rice $50Average quality and big rice portion. Portion of chicken was relatively small but enough

係兩個月之前我已經到秋月居食過晚飯，對其食物念念不望，於是今次約友人去食午飯。雖然係星期六，但人流唔多，我地一點多都可以直接入去。餐廳門口入少少有個水吧，掛滿晒酒杯，牆身又展示左唔少清酒，甚有放假嘅感覺，很relax。由於係星期六，所以無lunch menu，我地都係散叫。第一個要推介嘅一定一定係呢個鐵板比賽冠軍嘅鐵板牛肉飯！！！睇落同pepper lunch嘅樣差唔多，但上台已聞到好香，將牛油同各樣材料撈勻後食，發現D飯粒好彈牙又入味，加上炸蒜粒同紫菜碎，口感同味道都十分豐富！而且牛肉片不會過肥，我地兩個都食到停唔到口。秋月居嘅沙律真係好大大大碟，真係出面食唔到咁大碟，D沙律菜係翠綠色，好爽脆，感覺新鮮，配埋炸軟殻蟹食，飽肚又唔會肥膩。見menu有雞泡魚乾，平時又少食，所以叫左碟，不過估唔到味道都唔錯，雞泡魚乾燒得好脆，咬落'索索'聲，而且味道甘香、甜甜地，配秋月居嘅雞尾酒一流，可惜我地當日只係叫左無酒精飲品。火灸三文魚壽司賣相好吸引，三文魚的份量比我想像中多而且睇落去鮮嫩肥美，配芝士燒完之後食真係好正，入口即溶，芝士同三文魚嘅鮮味徘徊口腔，久久未散。另外，我地仲叫左燒鴨舌同燒墨魚丸

喺九龍灣呢頭返工都返左幾年都未試過呢一間餐廳，睇食評見到評價唔錯而且價錢唔貴，晚餐就嚟試一次。試咗佢哋最出名嘅脆脆沙律，拉麵，炒烏冬，同埋幾款壽司。好神奇嘅係佢哋通知我哋冇三文魚壽司，順便問一問佢咁即係火炙三文魚壽司都冇啦，咦，佢又話有喎，摸不着頭腦。總括來講，食物都不算太特別，拉麵嘅質素麻麻，真係如其他會員所講屬於港式拉麵。而炒烏冬亦都算普通，可能個晚都算幾肚餓，覺得份量同價錢唔成正比，如果50幾蚊嘅價錢，係其他餐廳可以有更好嘅選擇。唯一特別嘅係佢嘅脆脆沙律，佢嘅脆脆的確好大份好高，但係唔會食得晒，因為實在太多同埋太脆，脆到有時會刮損上顎啲肉，食得多，好乾，食唔完。另外我哋仲叫咗幾款壽司，有火炙三文魚，玉子，龍蝦沙律，蟹棒壽司。都幾大跌眼鏡，除咗飯都比較林之外，好似爛飯咁，我未見過舊飯可以咁細粒，佢好似像一件壽司嘅用料了，分開咗做兩件咁樣。就連飯都分兩件咁細粒。蟹棒亦都係，出面食到可能每件有兩條蟹棒疊住，佢就會只得一條， 可能驚舊飯太細粒"朗"唔起兩條XD，試過就算。可能餐廳出名食串燒，而我哋冇品嚐到，今次就試到一啲比較平平無奇嘅食物。價錢好似好平，但係分量唔會話好多，好肚餓嘅話可能

秋月居對我 o黎講係間好有 heart ge 小店價錢唔貴, 多 o嘢食揀, 又整得幾好食依家開 o左分店真係好厲害 ar依個明太子 salad 係我每次都會食 gad 明太子整成正方形一粒粒 o甘好有咬口呢~

成日搭車都會經過呢間小店，但食就係第一次~呢間小店地方唔算大，我地一行4人被安排坐最入果張枱，好彩店員都冇忽略我地~ 哈哈~ 雖然環境一般，但食物質素唔差~我地叫咗兩個飯同埋小食壽司share~ 香蒜牛肉鐵板飯幾香口，而浦燒鰻魚芝士蛋包鐵板飯都唔錯~七味雞軟骨好抵食，好似食極都仲有~ 哈哈~ 另外仲叫咗炸軟殼蟹，燒茄子同幾款壽司，味道都ok~總括嚟講，雖然d食物未至於覺得 "嘩~ 好好味!"，但講真都有返咁上下水準，絕對可以俾個機會試吓佢~

由於小友要在附近上羽毛球班的關係，未來可見的日子每星期都會有一天要在九龍灣區內吃一頓晚飯....雖說九龍灣內的食肆甚多，光是德福及淘大就有不少店子，但老實說，其中十居其九都是熟口熟面的連鎖店。能在其他地方都吃到的，那為什麼我要在這裡吃 ?但為了不欲四圍亂竄，而且走得太遠太太又會有投訴，所以還是要乖乖地想一想未來在這裡的飲食地圖....第一站，來試試這一間看似甚具人氣的港式日本料理店....所謂的港式日本料理，食物種類通常都是包羅萬有 ---- 沙律、串物、煑物以至麵飯皆全部有齊。而食物平均的水準，亦通常很一般，但又未至於很難食....這一間"秋月居"，亦似乎並不例外....正常的港式日本料理，通常都會找到好幾款創作料理的，好像這一碟碰碰秋月居沙律便是了....在沙律的中央堆放了一個聳立的炸麵條，賣相確幾得意。麵是脆口的；沙律的菜蔬鮮度倒是很一般，生菜大多呈啞色；蝦隻看上去白雪雪冇嚟味道，一食就知是"被處理過"的....眼前的這碟熱騰騰的香蒜牛肉鐵板飯，號稱曾獲鐵板飯大比拼的冠軍，但吃將下去，發覺無論在賣相以至味道皆和連鎖店"胡椒午餐"的出品蠻相像的。飯稍為油膩了點 (可能是和那一小片牛