秋拾米線

營業中

休息中

米線真係香港人嘅Comfort food，講真食連鎖店都有啲食到悶，所以鍾意發掘吓啲小店米線。秋拾米線都有好多YouTuber介紹過，今次食完就真係覺得非常物超所值，講緊一碗豆花撈米線都只係$40 ，花生肉碎同埋芫荽嘅份量都唔少，暖暖哋嘅豆腐花配米線係好夾，我揀咗小辣覺得啱啱好，食到個豆腐花香味。知道呢度有一啲招牌菜，例如魚腐，口感都非常順滑，有魚味，食完好滿足。如果食湯米線我覺得可以試吓轉通心米線，因為唔係度度都有得食，又夠掛湯。配料我會推介雞球同埋墨魚頭，真材實料，你去譚仔食唔到啊。另外非常欣賞佢嘅椒麻爽魚皮，個麻辣好夠，而且配埋青瓜，又爽又脆夠過癮。自家製蝦多士非常適合鍾意香口嘢嘅人，隻蝦大大隻， $24兩大塊都真係非常難得。呢度啲嘢食份量都非常之大，我哋叫咗個上湯娃娃菜， $20好大碗！呢度係民生區，平日夜晚嚟都預咗要排隊，不過見到流轉都好快，唔驚等太耐，另外都可以考慮外賣。見到佢生意做得非常好，咁嘅價錢，再加咁嘅質素，絕對係有原因！

新蒲崗秋拾米線，門口經常出現排隊既人龍，因為呢度除左米線，仲有多款平靚正既小食。慢煮豬軟骨米線：秘製酸辣湯底，可自選不同辣度，刺激下味蕾，豬軟骨用慢煮方式烹調，肉質特別軟腍，充滿骨膠原，墨魚春卷有嚼勁，滷水腩肉，肥瘦均稱，邪惡好味，配菜仲有木耳、酸菜、花生、芫荽，風味十足。招牌魚腐米線：招牌豬骨湯底濃郁鮮甜，自家製魚腐，魚肉香氣突出，肉質爽彈，甜酸齋味道醒胃，肥牛肉質嫩滑，配料仲有豆卜、腐竹、芽菜、韭菜、翡翠苗，滋味無窮。炭燒原塊豬頸肉：豬頸肉好大份，炭燒令肉質既香氣更出色，好食到唔停得口。椒麻爽魚皮：魚皮入口Q彈，青瓜、芫茜和木耳，索滿辣汁，非常惹味。越南炸春卷：炸得外脆內嫩，餡料豐富，用網皮好有越南特色。日本芝士年糕：年糕軟糯又煙韌，配搭香味濃郁既芝士，飯後甜品無得輸。總結，食物好味，價錢親民，性價比高。

依家嚟新蒲崗真係好方便，捐窿捐罅都發現到好多特色小店。今日嚟左新蒲崗人氣店，接近食飯時間已經好多人喺出面大排長龍，唔算等左好耐已經可以坐低叫嘢食😋😋炭燒豬頸肉米線 另加翡翠苗+魚腐+麻辣雞球湯底都偏辣，入面有雲耳、花生、肉碎等。魚腐係自家製，魚香好突出，吸哂辣湯汁好過癮。幾欣賞麻辣雞球，麻味係重過辣味，放左喺湯入面都保持到應有嘅水準😆😆豬頸肉嘅做法係偏向泰式，唔會燒到乾爭爭，蘸埋泰式醬汁酸酸辣辣👍🏻👍🏻秋拾豆花撈米線豆花撈米線真係好多年冇食過估唔到依度仲有得食，第一啖食係甜甜地都幾得意，豆花都幾有豆香味，加埋啲辣肉碎同花生，又香又甜。豬軟骨超腍滑，入口即化，墨魚嘴都幾爽脆，幾有咬口😋除左米線好食之外，脆炸珍寶韭菜餃都幾出色。依度韭菜餃仲好食過出面嘅餃子店，除左大大隻之外，內裏十分juicy🥟招牌手作蝦多士，蝦肉肉質彈牙，多士炸到好鬆脆，推薦!!特色檸益，用檸檬+益力多調製嘅飲品，味道酸酸甜甜。檸檬柚子蜜，酸酸甜甜更加fresh。

新蒲崗好多小店見好多人推薦呢到個豬頸肉今次特登過嚟試吓，門口唔少人排隊等咗15分鐘左右就有得入座啦炭燒豬頸肉米線呢個基本上枱枱都有叫食過咁多間豬頸肉呢間真係賣相最靚仲要原塊上好大份 肉嫩焦香 燒得勁香口 厚薄適中加埋個辣汁，不得了另加墨魚春卷，爽口彈牙慢煮豬軟骨米線豬軟骨好入味 肉質軟嫩配料都幾豐富有炸醬、花生、木耳、芽菜等湯底叫咗酸辣，味道就正常發揮如果酸啲更好招牌手作蝦多士多士炸得金黃酥脆，呢個又係食到唔停口紅油伴皮蛋辣辣地幾惹味下次試下佢地個豆花撈米線先得

炭燒豬頸肉米線(秘制酸辣湯•小辣•淋麵•麻辣雞球)炭燒豬頸肉香氣四溢，肉質嫩滑多汁，配上爽滑嘅米線，一口咬落去，充滿炭燒嘅香味同米線嘅彈牙口感。秘制酸辣湯味道濃郁，酸辣適中，配上淋麵同麻辣雞球，雞球嫩滑，帶點麻香非常開胃～自家製手作蝦多士🦐🦐蝦多士外層酥脆，內裡蝦肉鮮甜彈牙，每一啖都食得好開心!!椒麻爽魚皮🐟魚皮爽脆可口，帶有微微嘅辣味同麻味，非常適合作為下酒小食或開胃菜🩷上湯娃娃菜🥬娃娃菜份量好多！！上湯夠熱，飲完唔覺口渴仲有少少杞子同薑絲係面秋拾豆花撈米線🍜•小辣•蘿蔔•紫菜•墨魚春卷•魚腐•豬軟骨因為自己唔算食得好辣，呢個米線我試過食少少啦，但少少辣嘅味係唔夠出，而小辣嘅辣度同醬料係啱啱好🥰建議唔係好食得辣嘅都可以試吓～佢嘅豆花好滑～辣嘅米線可以中和返！極度推介！！！特色檸益（檸檬益力多）飲品清新爽口，酸甜適中，檸檬嘅清香同益力多嘅甜味都幾夾特濃朱古力•凍•少冰•少甜•多奶勁中意佢嘅飲品可以自選，特濃朱古力飲品可以少甜多奶，朱古力味道濃郁，口感順滑，又重朱古力味~

去完附近新開啟德sogo湊熱鬧聽講呢度有間好出名既米線長期排隊呢間出名在有個豆腐花撈米線呢個配搭又確實係幾吸引而且佢d小食都係平靚正反正有時間一於試一試 //秋拾豆花撈米線 $75//- 墨魚春卷 麻辣雞球 生菜 -諗得到豆花撈米線 店主都好有創意特色是滑嫩的豆花同米線相互配合口感勁順滑再搭配特製的醬汁 整個味覺好特別麻辣雞球都好嫩滑 外層金黃酥脆入面雞肉嫩滑鎖住肉汁入口有陣麻香味先最過癮另外 墨魚春卷都好特別外脆內爽口彈牙 //慢煮豬軟骨米線 $82//- 滷水腩肉 肥牛 蘿蔔 -豬軟骨湯底好鮮甜 好有驚喜腩肉滷得好入味豬軟骨軟淋淋湯底叫了酸辣的小辣肥牛同蘿蔔盡吸湯的精華 //自家製手作蝦多士 $24//蝦多士係即叫即炸外脆內嫩蝦仁結合在麵包入面口感一流 脆卜卜點埋旁的芥末醬 味道更加突出 //八味豆腐 $26//豆腐炸到粒粒金黃皮脆內軟 再灑上了椒鹽好好食 停唔到口 //滷水雞翼 $22//滷水雞翼煲到軟淋合宜 好入味 //炭燒原塊豬頸肉 $48//必點!! 份量十足 表面炸至焦香脆邊肉質既煙靭又彈牙又唔會太乾配埋自家製泰式辣汁好惹味

今日終於有時間去新蒲崗試下傳說中好吸引嘅米線店！之前睇人介紹已經覺得口水直流，今日實地去試，更加係驚喜連連。試左幾樣推介之後，發現湯底真係好正，而小食更係唔得了。首先係魚腐配招牌豬骨湯底，價錢係$50。呢個豬骨湯底鮮甜濃郁，魚腐滑溜溜，每一啖都好滿足。另一款魚腐配秘製酸辣湯底同樣係$50，酸辣味道刺激味蕾，特別適合鍾意食辣嘅朋友。兩款湯底各有千秋，令人難以取捨。🍜🔥蝦多士亦唔可以錯過，價錢係$24。外脆內嫩嘅蝦多士，配埋一啖湯底，真係令人一試難忘。🦐🍞😋總括而言，呢間米線店真係名不虛傳，湯底同小食都係一絕，無論你係食飯定係小食，都一定唔會失望。推薦比所有鍾意米線嘅朋友！👍

今日買了外賣，這間秋拾米線真的很厲害，舖頭門面平平冇奇的，不過真真係超好食，有料到。我是外區來的，中午時份見佢未開舖，就已經有人排隊，我反正有時間就跟住排，心諗一定好食，而旁邊兩間食店已開門，人地都吾去，繼續幾位在排隊。這間是食米線的，有幾款揀，我都買了試了，超正，樣樣都很出色，先是招牌魚腐米線，揀了招牌豬骨湯底，很鮮甜，最好食的是米線，超彈牙好食，又吾會太淋太硬岩岩好，應該是米線好食的原因吧，吸引到很多人，真的好好食，比其他米線店好很多。另外豬軟骨米線，除了米線好食彈牙，豬軟骨都好味好入味，豬頸肉都燒得外脆內嫩，秘制汁都好正，很惹味，一樣出色。最後我都很欣賞秋拾豆花撈米線，佢很特別，我未食過的，佢米線已有味很彈牙，另又有肉碎花生等配料，加上面上一層豆花，撈來食，米線特別香滑，好食，又食到其他已有的配料，口感豐富，超好食丫。呢間小店，真係做得很出色，難怪很多食客，喜歡食米線的，一定一定要來食，很有驚喜啊。

聽講過呢間米線好耐，我覺得咁遲先食得有點可惜。新蒲崗嘅街坊講，呢間小店夜晚經常包場，都知好勁，而且幾個YouTuber都拍過稱讚過呢度嘅米線同炸物都係神級，聽講追得上老闆娘。秘製豬頸肉米線絕對要大推，呢間野燒個豬頸肉絕對係有一手，佢個秘製醉辣湯酸辣得宜。招牌魚腐米線，點左招牌豬骨湯，聽講呢度嘅豬骨湯比起酸辣湯更加出色，點了更掛湯嘅淮山麵，個人覺得魚腐做得唔錯，不過又未係必食，可能豬頸肉太強，令到後期食呢個有點失望。不過好快食呢個自家製手作蝦多士又令到我再度覺得勁驚嘆，佢嘅炸物真心，一定必點。點心仲有個魚皮都係勁正，如果你好呢樣，都值得叫。可惜當晚唔肚餓得兩個人，唔係一定會再叫多啲，有下次，米線經常最強都係九龍西，九龍東有代表啦。

今日同朋友收工後去了新蒲崗行，順便來食米線。自家制手作蝦多士（$24）：蝦多士的味道豐富，蝦仁的鮮甜和吐司的酥脆形成了對比。外層的酥脆感和裡面的鮮嫩蝦仁形成口感享受。炭燒豬頸肉米線（$92），選了招牌豬骨湯，另外還選了蘿蔔，生菜，墨魚春卷，肥牛，非常豐富。炭燒豬頸肉肉質嫩滑，並帶有一定的嚼勁。由於豬頸肉的脂肪分布均勻，經過炭火烤製後，肉的外層會變得焦香脆口，內部則保持多汁。蘿蔔則好清甜，不錯。生菜嫩口，墨魚春卷彈牙有咬口，幾好食。肥牛又不會韌，不錯呢。八味豆腐（$26）：八味豆腐的豆腐選用韌性較好的種類，經過烹煮後仍保持細膩的口感，外脆內嫩，每一口都感到滿足。招牌魚腐米線（$94）：選了秘制酸辣湯，小辣，墨魚春卷，麻辣雞球，腐竹，豆卜。個湯好香濃，魚腐，豆卜索哂d湯汁，好好食。材料豐富，好正。特色檸檬益力多，非常特色同好飲，不錯。檸檬蜂蜜柚子茶：酸酸甜甜幾好飲。腐乳通菜（$20）腐乳味香濃，不錯。

今日好開心同屋企人去咗新蒲崗附近嘅一間餐廳食米線，估唔到去到門口已經好多人排隊，證明呢一間米線一定好受歡迎，同埋好有質素，食咗一次，真係返唔到轉頭，出面市區都搵唔到咁抵食嘅米線，而且呢度嘅米線碗都係大大碗，呢度最出名嘅招牌菜就係炭燒豬頸肉米線，我真係見到每一張枱，都有好多人叫呢一個餐，證明真係好好食，而且每碟都好大碟，個米線都好大雅，配料都好多，有炸醬，豉油，辣油，酸菜，真係好好食呀，而且佢哋嘅肉類肉質，都係好高質素，非常入味，而且佢哋都有唔同嘅湯底，有酸辣湯底，或者有豬骨湯，佢哋嘅拿到就可以自由選擇，如果鍾意食辣嘅朋友，真係可以試吓呢一間餐廳啦，而且佢哋嘅酸辣米線我都係比較推介，加埋個拖尾配襯米線，真係好好食呀，而且佢哋嘅小食多好多簡直係美食天堂

新蒲崗人氣米線小店秋拾米線營業時間12:00-21:00炭燒豬頸肉米線呢個係招牌菜必點，小店秘制酸辣湯味道過引，配個豬頸肉燒得好香食落都仲好有肉汁。秋拾豆花撈米線第一次試有豆花嘅撈米線，麵軟硬度都得選，最後揀左爽麵，成碗麵勁多豬肉燥，一口有麵有肉燥大豆花十分滿足，唔多地方有咁嘅配搭同朋友一齊黎食兩款都食到，👍🏻正呀！小食叫左自家製手作蝦多士，蝦多士大大隻蝦，炸多士脆口。紅油拌皮蛋，個紅油辣醬不錯，味道整體不過不失。

今日中午，我同老婆特地去新蒲崗的秋拾米線食午餐，這家米線餐廳在當地相當受歡迎，從11點開門就有不少人排隊，顯示出它的火爆程度。我們等了大約45分鐘，期間服務員主動為我們介紹菜單，讓我們感受到這裡的服務熱情與周到。我們點了幾道招牌菜，首先我選擇了「秋拾豆花撈米線」。這道米線的特色在於它的豆花，滑嫩的豆花與米線相互融合，搭配特製的醬汁，讓人一試成主顧。為了增加風味，我還加了炸醬魚腐、滷水雞翼和豬軟骨。特別是豬軟骨，肉質鮮嫩，入口即化，讓我驚喜不已。飲品方面，我選擇了凍檸檬蜂蜜柚子茶，清新的口感讓這頓飯更加爽口。😍👍老婆則選擇了「魚腐米線」，這道米線以魚腐為主料，配料豐富，口感滑順。她還加了蟹柳墨魚丸，增加了海鮮的風味。老婆的飲品是「特色檸檬益力多」，這款飲料不僅顏色誘人，味道也十分清新，酸酸甜甜的口感讓人十分喜愛。吃完主菜後，我地意猶未盡，於是我點了自家製手作蝦多士和炭燒原塊豬頸肉。蝦多士外脆內嫩，蝦仁的鮮味與麵包的香脆結合得恰到好處，果然係必叫食物😍。而炭燒豬頸肉則是肉質鮮嫩，帶有炭香味，讓人難以忘懷。老婆則選擇了脆炸珍寶韮菜餃，搭配甜酸醬，餃子外皮酥脆，內餡鮮美。此外，越南炸春卷和日本

今日嚟咗新蒲崗嘅呢間秋拾米線度食晚餐 一去到已經見到條人龍 排咗一陣先入到去 炭燒豬頸肉米線 (招牌豬骨湯) (不辣) 豬頸肉燒到微微焦脆 食落好香 而且同米線係分開上 咁就唔驚浸到淋哂 再配埋泰式醬汁食好夾! 湯底方面除咗豬骨湯仲有秘制酸辣湯揀秋拾豆花撈米線 (bb辣) (走芫荽) (走炸醬)豆花撈米線係出面比較少見 好耐以前食過一次 估唔到呢度都有! 除咗豆腐花之外 仲有酸菜 辣醬 醬油同花生 我仲加咗肥牛 墨魚春卷同豆卜 餸嘅份量都好多 感覺成碗都係餸多過米線 呢度嘅米線質地偏滑身 係我鍾意嘅米線 叫咗bb辣食落少少辣咁好惹味自家製蝦多士 (2件)原隻蝦多士好大件仲炸到好香脆 但又唔會覺得油 側邊仲有黃芥末可以蘸 飲品方面叫咗凍檸茶同特色檸益 檸益姐係檸檬益力多 第一次見呢個組合 飲落酸酸甜甜咁幾特別

自己比較少去新蒲崗，但原來呢度都有好多嘢食㗎，今次黎到見到有一間米線店排晒長龍就知一定好食😋 自己本身都好鍾意食米線，因為可以配合自己嘅口味去揀材料🤭招牌手作蝦多士 🍤 佢有好多款巧手小食，其中一款比較出名嘅係佢嘅蝦多士，一份兩件，新鮮煎炸出嚟咬落卜卜脆🤗 慢煮豬軟骨米線 🐷 揀左日式風味嘅豬軟骨米線，麵線可以揀米線、紅薯粉、通心米線或者淮山麵，豬骨湯底仲可以揀自己喜歡嘅辣度添 🌶️ 材料方面可以隨自己喜愛添加，我就加咗魚腐同埋生菜，材料好豐富，食完覺得好滿足😇秋拾豆花撈米線 🍜呢度有款比較特色嘅米線，就係豆花撈米線，豆花令到口感比較滑，再配埋炸醬同花生，係另一種風味，都幾特別㗎🤗