秋拾米線

營業中

休息中

意想不到呢間餐廳。好多小食可以揀，而且每樣小食都唔貴，二百幾蚊可以食餐好嘅，抵食到喊😳呢度啲小食普遍好出色，當中我們覺得最正係炭燒豬頸肉$48，份量多，又香又脆，然後我地發現差唔多每一台都有叫呢個名物😄另外我地仲有叫手作蝦多士，$24 有兩件，大大件的，即叫即炸非常新鮮😄我叫咗佢嘅慢煮豬軟骨米線$50，bb辣，對於我嚟講，酸辣味啱啱好，如果有埋酸菜就更加好喇！豬軟骨好林㗎！老公揀了魚腐米線$50，招牌豬骨湯好濃郁，魚腐彈牙冇骨，米線爽口彈牙仲有呢度飲料選擇好多，我地揀左特濃朱古力 $20 同檸檬蜂蜜柚子茶$20

約咗朋友去Airside 逛逛，但去之前在新蒲崗附近覓食先👻記得之前朋友介紹過在新蒲崗康強街有間食米線味道不錯，原來叫「秋拾米線」店舖唔大，不過人很多，幸好不用太長時間等位已經可以入座🤭🤭朋友話一定要叫「手作蝦多士」.. 蝦肉彈牙，多士鬆脆，而且不會太肥膩..朋友果然沒有介紹錯👻炸韭菜餃…有三大隻每隻都好飽滿餡料十足🤭🤭豬頸肉米線，炭香十足，而且份量不少至於個酸辣湯底味道也不錯🤭個淮山麵底也不錯好掛汁👍

位於新蒲崗的人氣米線員工熱情招呼周到 經佢介紹有咩必食招牌即刻流哂口水買番碗番屋企慢慢嘆😙.呢到除左餸的選擇好多 仲有多款小食同特色飲品真係睇到花多眼亂😂😂🙈.🫧 招牌魚腐米線 湯底：招牌豬骨湯餸：豬軟骨・蘿蔔・滷水雞翼·炸醬湯頭白雪雪咁都幾吸引 辣度可以自己揀小辣辣度唔會太辣幾香 招牌必點魚腐同豬軟骨 魚腐味道有陣鯪魚肉香豬軟骨夠入味👍🏻👍🏻👍🏻.🫧椒麻爽魚皮$30魚皮口感爽脆 搭配椒麻調味料刺激味蕾好開胃.🫧腐乳通菜 $20腐乳醬分開比呢樣野幾欣賞通菜新鮮翠綠 .🫧凍檸茶

一直聽聞秋拾這排隊店，是日經過難得人龍稍短，二話不說和太座一試。先來必點小食蝦多士。蝦肉新鮮彈牙，多士厚身鬆脆，配上芥辣醬十分惹味。炸菜餃大隻香脆，饀料十足又不過膩，惹味可口。豬頸肉米線聞名不如食食，炭香十足，比不少泰菜館更出色，墨魚春卷鮮味彈牙，簡單配以豬骨湯米線一絕。太座的酸辣湯底味道天然，比不少落重味精的同業有良心。配料同樣豐富，魚腐軟稔無雪味，不愧為另一招牌餸。飲品亦有睇頭，少有見到檸益，新鮮檸檬汁配合乳酸飲料，「科技狠活」絕對比下去。

喺Mikki附近既「秋搭米線✨」，絕對係我食過最好味嘅米線店之一！佢哋嘅招牌豬肉湯米線同酸辣湯米線都非常好味，真係令人回味無窮！仲有豆花撈米線等等，選擇夠多。必食既「招牌魚腐米線」🍜🐟，呢碗米線用咗新鮮嘅魚腐，搭配上濃郁嘅湯底，米線彈牙，食落去每一口都充滿鮮魚味。另外「慢煮豬軟骨米線」🍜🐖用咗慢煮嘅豬軟骨，肉質滑嫩，湯底味道香濃，搭配上米線，真係好味，唔可以錯過！如果食得辣，一定要食「酸辣湯灰燒豬頸肉米線」🍜🌶️，呢道米線湯底酸酸辣辣，配搭上灰燒嘅豬頸肉，味道非常開胃好味。小食方面「百味豆腐」🍽️非常入味，口感滑順，係必點小食。最後「手作蝦多士」🍤🍞外脆內嫩，蝦肉鮮美，搭配上香脆嘅多士，味道相當出色。「秋搭米線✨」真係一間好味嘅米線店，無論係米線定小食都好有水準。

有朋友介紹新蒲崗有間米線店幾好味 作為米線迷既我 更係要過黎試下啦😁呢到最出名係「炭燒豬頸肉米線」差唔多檯檯都有一碗 我地更係要叫黎試下啦 豬頸肉係分開上的 豬頸肉的外皮甜甜地 有脆邊 Size大細適中 肉質少少煙靭 整體幾好味 湯底叫左酸辣湯底嘅小辣 辣度適中 湯頭好濃郁 酸辣平衡得幾好 米線份量略嫌偏少 男仔食可能要加底先夠飽 但係整體質素很好 專登揸車過黎都值得❤️另外我地仲叫左「慢煮豬軟骨米線」、「招牌魚腐米線」個人覺得豬軟骨發揮正常 呢個米線跟招牌豬軟骨湯底 豬軟骨湯底好鮮甜 好有驚喜 如果鍾意食清湯一定要試下❤️另外的「招牌魚腐米線」魚腐外皮煎過再擺落煮好的米線上 食個陣仲係脆口 質素唔錯 而且仲有5粒 可以過足口癮👍🏻小食方面 我地試左另一個招牌菜「招牌手作蝦多士」 蝦多士係新鮮炸起的 蝦係蝦膠 蝦有少少雪味 不過口感一流 脆卜卜 唔錯👍🏻另外的「椒鹽雞翼尖」賣相一流 炸得剛剛好 椒鹽味做得好好 食一隻 又食下米線 超級夾❤️個人覺得除左米線唔錯外 小食各方面都做得好好 除左試米線都可以試埋小食😁當日閒日夜晚大概7點幾左右 等左半個鐘到先有位 朋友話閒日下午係可以直入 大家可以

我叫咗碗招牌魚腐米線，我額外加咗份蘿蔔，秘制酸辣湯，小辣。有啲驚喜呢間舖頭有得揀淮山麵，仲有通心米。淮山麵相比起米線個口感會爽口彈牙，啱晒我呢啲鍾意食餸嘅人，轉左做淮山底之後就好似冇咁滯，可以食多啲餸🤣 個自家製魚腐真係超級好食，佢炸得來，但係又唔會話好油膩，唔會食到骨，啖啖魚肉真係正。蘿蔔都好食，完全冇渣。朋友就叫咗碗炭燒豬頸肉米線，招牌豬骨湯，bb辣，轉做生菜底，另外加咗墨魚丸，酸甜齋同蘿蔔 ，飲品就叫咗一杯特色檸檬益力多。我哋都好鍾意食個豬頸肉，炭燒好惹味，同埋肉質口感嫩滑，真係好食到停唔到口。小食方面，我哋就叫咗一份蝦多士(2件)，腐乳通菜，手拍青瓜同埋紅油拌皮蛋。好鍾意蝦多士，覺得性價比幾高，好難自己喺屋企整，熱辣辣食真係超正，隻蝦係彈牙嘅蝦。手拍青瓜同埋紅油拌皮蛋嘅醬汁辣得來係接受到，真係幾開胃。

新蒲崗有各種美食，豐儉由人，但我覺得係要食#豆花撈米線 。多年前呢度有間雲南米線，試過肉碎好香，適合配豆花，不過太油太鹹，轉手之後都有豆花撈米線，但經過親都休息，今次終於有機會。呢度QR CODE落單秋拾豆花撈米線 小辣、扣底、走芫荽 $40翡翠苗+$8 魚腐+$10 麻辣雞球 +$8 =$81豆花撈米線，係呢度其中一款招牌菜。除左豆腐花之外，就係炸醬、豉油、辣油、酸菜，呢間做得比上手清新啲，無咁油，食落更舒服。魚腐係呢度另外一款招牌配料，呢度口感實啲，食落有啲似煎釀三寶嘅魚蛋，所以應該係自製嘅。另外有一款麻辣雞球覺得幾特別，無咩炸粉嘅雞球，其實麻多過辣，少少刺激，唔錯。脆炸珍寶韭菜餃 $27韭菜餃係炸唔係煎，好有小食店外賣嘅感覺，但外型更加大。餃子皮薄，炸完特別香脆，裡面韭菜超多，少少豬肉配合，令餃子非常Juicy ，點埋泰式辣醬，就更加開胃啦！特色檸益 少冰 +$15就係檸檬益力多，檸檬加益力多，加少少水，香甜清新，適合解膩。 總數 $108

首先環境都唔係太舒服，感覺係唔乾淨既，見牆身都好污糟，有小昆蟲，見平時成日有人排隊，咁啱今日5:30左右時間冇人，就走入去試吓，唔洗等先，眼見好多人試佢嘅炭燒豬頸肉，我諗揀唔會錯得去邊，試咗佢嘅酸辣湯米線同炭燒豬頸肉，豬頸肉好食，米線還好，諗住食米線最穩陣就係飲可樂，點知嚟到罐可樂係唔凍嘅，比一杯冰你自己倒落去，即刻唔想飲，服務態度可以叫冇，自己數碼落單，整體拉勻嚟講，可以話試左一次都唔會再去，食完都係口渴嗰隻，都係多味精

作為新蒲崗打工仔，一定識呢間人氣米線😉 lunch time基本上都要排一陣隊，亦可以掃QR CODE外賣自取超方便。咁多人排隊捧場緊係因為好味😋啦～ 佢哋最出名既皇牌menu係豬頸肉米線，八味豆腐同埋蝦多士。今次雖然無叫八味豆腐，八味豆腐係酥炸一口豆腐 ，☺️外脆內軟，調味粉調味啱啱好，超正，推介！❤️𖡼 炭燒豬頸肉米線豬頸肉米線係佢地既皇牌必食✨炭燒豬頸肉分開碟上，份量好足，豬頸肉外面烤得酥脆，唔會乾～湯底揀咗秘製酸辣湯，個人覺得佢哋既湯底都唔會過份地重口味，偏甜口，米線亦烚得剛好✔️𖡼 慢煮豬軟骨薯粉佢哋既豬軟骨煮到好淋，軟骨部份係入口即溶既口感♨️ 鐘意食豬軟骨既人必點！薯粉意外地係好似米線咁幼身，軟硬適中，幾鐘意佢地既薯粉🫶𖡼 自家製手作蝦多士蝦多士係佢地自家製手作🦐🍞 蝦係用原隻蝦，炸得一D都唔會太油，果然係招牌菜！

作為米線愛好者，當然唔可以錯過依間係新蒲崗嘅米線舖﹗為咗唔洗排太耐隊仲專誠一收工就過嚟，平日晚6畸半都已經滿晒，人氣超高﹗秋抬米線有啲好特別嘅菜單，新派嘅豆花撈米線同通心米線都好少見。當然平常嘅米線都有，薯粉都唔洗額外加錢就可以食，除咗依幾款仲可以選擇菜底。而湯底主要有兩款，分別喺招牌豬骨湯底和秘製酸辣湯底，仲不含味精添。第一次食就先試一般嘅米線同薯粉，分別揀咗豬骨湯底和酸辣湯底，連豬骨湯都可以揀辣度好少見，兩款都揀咗BB辣。自選加餸都有勁多選擇，份量仲好多好抵食，湯底本身都已經包括部分配料，都好豐富。當然其中一樣最出名嘅炭燒豬頸肉，所以直接單點﹗淨係賣相已經令人已經流晒口水，外皮燒到香脆。食落香口惹味，切到厚薄適中，皮脂比例都好均勻，附埋嘅泰式醉辣汁除咗解膩仲令豬頸肉味道再昇華咗，當然單點已經好好食了。另外仲有招牌手作蝦多士，一份兩件，兩個人share啱啱好，大大件仲有原條蝦係上面。剪到金黃香脆，熱焫焫即食超正。(影食張相果陣已經光速咁食完蝦多士XD)豬骨湯本來嘅配料有豆卜、腐皮、翡翠苗，仲有芽菜不過我走咗，每樣配料都可以揀要唔要好貼心。額外仲加咗貢丸、肥牛、蟹柳、娃娃菜。米線都可以

喺呢間米線開張第一日，本身係諗住去新蒲崗食原本嗰一間豆花米線，去到發現執咗，而見到呢一間連招牌都未拆紅紙，但見到入邊有人就走去八卦睇吓，點知都係食豆花米線嘅，當日緣份嘅促使之下成為左佢開店第一台客人。然後因為味道好又再返去食，食完覺得水準keep到又再返去食，介紹啲朋友人哋覺得好食又約我返去食，都唔知食咗幾多次喇。酸辣米線我比較推介，湯好味襯米線好適合。豆花米線其實都好正，但因為係撈嘅關係好多醬，食落比較滯。餸方面推介我的最愛菜式豬頸肉，新鮮燒起熱辣辣脆卜卜，佢個泰式醬汁都好正，酸酸辣辣。豬軟骨都唔錯，係爭少少啲軟骨味道啫喱狀態，同埋個味道比較柔和，係米線湯底之下未能夠好突出。最愛加紫菜。，掃晒啲湯好惹味。麻辣炸雞球都唔錯，新鮮炸起算係食米線入面比較特別少見嘅一個配菜。魚肉春卷同炸魚腐，其實都係新鮮炸好香脆。，不過相對之下就冇咁特別啦。小食方面都食過百味豆腐同蝦多士，兩樣都出色，尤其是包尾豆腐呢個價錢嚟講十分之大份，好食又抵過酒樓食好多。炸韭菜餃都食過。，但就正路啦。飲品飲過凍檸益幾特別，檸檬加益力多，酸酸甜甜好開胃，無喺第二度見過第一次喺度飲。之後都試過朱古力，其實幾香濃都算出色。朋

服務態度差 麵又煮不熟 每食一啖麵 都有一條係硬 完全不能咬 未食過一間米線係咁差 叫佢再煮多次 再煮完都係一樣 無分別 唔明點解有人推介 永無下次🙄貼錢買難受 啲人講到識飛既豬頸肉好普通

作為附近嘅街坊知道呢一間小店好有名氣，因為晚飯時間多人，於是外賣自取，先喺app上面落單，但係冇諗過一等就等咗超過30分鐘，見到店入面兩位侍應慢條斯理，堂食嘅客人同我一樣等咗大半個鐘枱面都係冇嘢食。終於攞到外賣返屋企，打開先知道最出名嘅炭燒豬頸肉米線竟然冇炭燒豬頸肉，變咗蝦多士(已經腍晒，極不建議外賣），極度無奈！！！！！冇諗過咁簡單執嘢食都執錯，冇咗最出名嘅炭燒豬頸肉，其他嘅食物食品味道都好一般，唔值得浪費等30分鐘。

一碗米線等了超過40分鐘，追了冇人跟， 一肚氣墨魚春卷係室溫唔夠熱蘿蔔有根唔入味唔夠淋豬軟骨好鞋湯底反而OK , 薯粉正常發揮覺得overrated, 自己就應該冇下次。