秋嵐日本料理

營業中

休息中

呢間餐廳喺網上成日見到有人介紹，被譽為香港版嘅牛舌之檸檬，自己去過日本試真正嗰間牛舌之檸檬，都覺得只係一般，唔覺得超好食，唔需要特登大排長龍為咗去食一次，今次見到有香港版嘅，又走去試吓睇吓好唔好食。平日六點幾七點去到，已經好多人排隊，要等三四十張枱，最後等咗80分鐘先可以入座，座位非常迫，枱與枱之間好窄，要行入去入面張凳坐都要好纖瘦先得。基本上大家都係叫牛舌，我哋就一個叫牛舌+牛小排，一個就叫魚生飯試吓。價錢方面都唔算特別平，同日本差唔多，甚至仲好似貴過日本，而份量方面，就細過日本，個木盤都細好多。龍田炸雞 $18 3粒炸雞唔算大粒，熱辣辣，不過唔脆，點醬都幾好食嘅。極味厚切牛舌+牛小排定食(附牛舌咖哩) $188定食有沙律、麵豉湯、茶碗蒸、牛舌咖喱、白飯、甜品，沙律就係胡麻醬沙律都OK嘅，麵豉湯就用粉沖冇乜特別，茶碗蒸入面有蟹柳冬菇，不過個蛋唔算好香，亦都冇高湯味，牛舌咖喱嘅牛舌好腍，咖喱用嚟撈飯就啱，如果唔係個白飯會好齋，甜品喺個粉紅色花花盒入面，係一舊蕨餅。牛舌嘅問題同日本一樣都係燒得唔夠，燒得唔夠耐亦都唔夠香，個牛舌本身都唔係太靚，個色澤一般，不過就好夠厚嘅。反而牛小排就幾好食

這是我第2次光顧這間小店了香港500 年難得一遇既水災令這店關門了2 個多月幸好老板裝修後重開了 我跟上次一樣提前打電話跟老板溝通預算多少再告訴他我不能吃什麼 其他都由他決定了不能錯過他的蟹肉蟹膏更不錯過他家的燒魚～超好吃的！除了廚師發板 他家都有晚市定食等等我來這天剛好全店滿坐 有一家老小 有小情侶有一班「老友仔」食著串燒喝著酒好有居酒屋的感覺而店舖只有2夫婦跟一員工看到有些客人都充當店員了證明老板人緣不錯喔不得不提 雖然他們很忙 但水準仍發揮得好好呢希望能推介給大家支持一下保留著香港的小店跟人情味❤️

無記錯嘅話，之回應該係第4度光顧秋嵐。今次依舊食大熱嘅極味厚切牛舌定食😂 已經唔係第一次食，但每次一見到這個牛舌小山丘都忍唔住要影張相😂🥢極味厚切牛舌定食 $158 加一 $174自從推出極厚牛舌，店子時常爆滿，作為街坊嘅我⋯真係好睇緣份先食到！食牛舌嘅真係極力推介！今次坐正燒爐前可以睇到大廚們燒過不停，亦比我看到他們處理牛舌，真係好震撼！辛苦晒各位！今次坐喺火爐前面，已經隔住膠板定係玻璃，但係都感覺到嗰個熱力⋯ 大廚們辛苦了！《秋嵐日本料理》地址：鰂魚涌 鰂魚涌街 東匯坊

暫時唔會去日本嘅朋友又好掛住牛舌の檸檬必食！山長水遠過嚟，walk in 7點到，等左一個鐘多少少，但絕對值得！極味厚切牛舌 $158 (+10%)🐮👅食落十分驚艷！牛舌粉嫩，食落非常彈牙，一啲都唔韌，而且十分juicy，表層燒得好香，黑椒味令牛舌味道再昇華一個層次！份量好多，有大概有七至八舊牛舌，男仔食都會覺得好飽！除左就咁食牛舌之外，仲有檸檬汁解膩，海鹽，照燒汁同日式蔥油。個人認為就咁牛舌都好夠餸飯，間中可點少少海鹽同埋少少照燒汁。定食仲包括茶碗蒸，味噌湯，沙律🥗，抹茶蕨餅同咖喱🍛非常足料，一定夠哂飽，呢個價錢嚟講非常抵食！茶碗蒸好軟滑，不過個人略嫌蛋的份量可以多少少，蛋質比較結身，個人口味喜歡稀少少，不過總括而言都好食！另外咖喱仲有牛舌，非常大方🤓但咖喱可能會有少少搶左牛舌嘅味道，所以分開食會比較好。+ $38 轉三文魚籽白飯三文魚籽極為新鮮，平時食嘅三文魚籽較腍同易爆開，依個三文魚籽係非常爽口！咬落會爆汁出嚟，餸飯一流😋汁燒廣島蠔 $30一串 (兩隻) 🦪雖然唔係非常大隻，但食落好juicy同埋好新鮮，蠔味好重，口味軟滑，值得一試！海鹽燒白鱔 $48$48兩舊嚟講真係的骰，魚肉

星期日5點幾去到已排緊長龍，頭一round入吾到，佢會派飛，咁可以係附近等下我地就大約等左1個鐘內就可以入坐今次試左首先係牛小排蟹膏飯，醬汁調得好好食同蟹膏同蟹肉中和番個油膩重點黎拉～雖然牛小排都好出色但當食牛舌既時候😗🙈都係會有少少比下去因為佢個牛舌真係太出色，爽口粉嫰肥美❤️😘所以牛舌真係性價比極高！真心推介👍🏻😋😋（不過如果係同朋友一齊食，極度建議兩個人只係嗌一份，因為牛舌始終食幾舊都會好快覺得膩🙈）

人氣小店，雖然等咗好耐，但係食到厚切牛舌嗰下滿足感即刻抵返，有一排成日喺度睇到日本有啲後前牛舌定食，已經好想食。之前已經有見到網上推介呢一間小店，終於扚起心肝抽時間去試。可能真係人氣爆燈，所以排隊都排咗好耐，但係我會話真係值得一試。牛舌入口本身以為咁厚會好韌，結果其實都幾爽口，而且因為佢本身又簡單嘅燒烤，可以帶出牛舌味道，唔會比燒烤味遮蓋。我覺得真係幾好味，而且份量超級大份！絕對對得起個價錢。但係唯一真係個時間太耐，真係好考耐性

落單後等了20分鐘，終於上菜了！應該有5成熟，師傅好掌握到火喉，燒出嚟嘅牛舌心係彈牙、爽口🤤🤤🤤個人覺得食牛舌心唔駛配其他醬料，食原味最正，yummy 🤗🤤唯一缺點係個飯和茶碗蒸唔夠熱🙈

今次去嘅隱世餐廳位於鰂魚涌，性價比高，主打日本料理，入邊提供各種豐富嘅日本料理，喺香港都可以享受到道地嘅日本美食。自家製免治雞肉軟骨棒（附帶玉子）$58/2免治雞肉軟骨棒質地食落粉粉地，點埋玉子醬汁，幾好味極味厚切牛舌&牛小排定食$188餐廳最出名就係牛舌，日本大熱嘅牛舌檸檬，口感紮實而且不失柔軟，係店內必點嘅item之一。今次就叫咗牛舌同牛小扒雙拼，套餐本身有沙律、麵豉湯、茶碗蒸、蕨餅同白飯，仲有一細碗嘅牛舌咖哩。牛舌質地厚身，中間肉質呈粉紅色，質地嫩滑；牛小扒切成薄片，一共有五塊，質地本身甜甜地 滑蛋煮鰻魚禦膳 $118另一個叫咗鰻魚禦膳套餐，包括有茶碗蒸、麵豉湯、蕨餅，仲有白飯。鰻魚質地軟腍易咬，加埋鋪滿成個碗面嘅滑蛋，送飯一流～

最近係太古附近發現到一間癮世日本料理店，估唔到香港都食到咁高質厚燒牛舌心，真係好正！😋招牌爐端燒牛舌心牛小排雙拼定食 🌟呢道雙拼定食就係每位肉食愛好者嘅夢想，只需百幾蚊，就可以享受到牛舌心同牛小排嘅神級美味。每次去都見到長龍，人氣真係超高！🍖套餐包括沙律、麵豉湯、甜品同白飯，想升級三文魚子漬飯只需加$38，超值！牛舌心口感滑嫩，燒得剛好，配上自家製燒汁同岩鹽，真係每一口都充滿肉香！牛小排外焦內嫩，咬落去肉汁四溢，令人心癢癢。🤤🤤

入座後嗌野食啦，我地指住餐牌「安格斯牛小排松葉蟹肉蟹膏丼」兩個，貴店員：「岩鹽」 2個然後繼續同我地落單，落單過程極快，馬上收走餐牌。落單後唔會收到任何單據，我哋都冇辦法核對。 終於個餐到左，我地發現唔岩同店員反映。店員語氣惡劣：「岩鹽，你哋嗌岩鹽呀麻。」 我地有人係完全唔食牛舌邊有可能會嗌牛舌。重點係職員完全唔打算聽我地講野，食野過程都好趕客，態度好啲會同你講聲，然後收走個餐，但係我哋仲有個甜品都未食。筷子都收走埋請問點食？態度差啲講都唔講就收走個餐。

同友人興奮地一試港版檸檬牛舌坐正bar枱對住廚房 望住師傅燒又厚又靚既牛舌 已經流哂口水因為對正廚房 餐又未到 所以忍唔住係咁望住個廚房就係呢個moment見到師傳唔小心跌左舊牛舌落地下 再夾返上網架 當冇事發生 準備繼續serve俾客友人擔心自己會食中呢舊跌左落地既牛舌 就向廚房員工提出呢個情況 員工才丟掉 我地最後都讚食物質素好但係廚房呢個情況絕對不理想 如果當時冇人見到 佢地可能就真係會咁樣serve俾人 既然餐廳設計得bar枱俾客人對正廚房 應該係對自己既食材 廚藝有信心 冇諗過會發生咁既畫面 另外一提 餐廳收加一 明白奈於地方位置同人手有限 水要自己加 但一張長bar枱只有一壺水 真的不知道可以點樣加水 其實價錢加左一後係接受到的 發現香港既餐廳根本冇提供到加一服務既服務又要收加一服務費 再加俾我地目睹廚房咁既處理手法 呢下真係令人唔舒服🤢

網上睇到呢間日本餐廳有好多好評，話牛舌質素媲美日本🤩雖然對我嚟講餐廳好遠😅但為咗厚厚牛舌點都要去食😝果然好評都係真嘅，唔係成日返到鄉下，嚟呢間餐廳都可以止一止牛舌癮🤭絕對會為左牛舌再嚟🫶🏻1. 極味厚切牛舌($158）一上菜已經好驚艷😍牛舌件件都超厚，個心燒到粉嫩色🥰食落好爽口，一啲都唔韌🤤建議落啲檸檬汁，會fresh d😬2. 極上北海道魚生丼御膳 ($178)款款魚生超新鮮，色澤好靚🤩帶子、三文魚同油甘魚好厚肉😋海膽份量十足，唔會腥😝3. 牛肉壽喜鍋御膳 （$128）未上菜前見到menu 以為有個爐即煮，上菜見到原來係已經熟哂原鍋上😅有少少失望啦🤭不過比起牛舌同魚生飯，呢個壽喜鍋有啲失色🤐味道係好嘅，牛肉同蔬菜份量都好多👍🏻

話說一年前去東京同朋友一齊食牛舌の檸檬，對我哋嚟講簡直係惡夢😂😅簡直係橡膠界嘅王者🫨朋友自從嗰次之後就唔敢食牛舌🥺🤣但呢排見到social media瘋狂大推呢間位於鰂魚涌嘅「港版牛舌の檸檬」👅決定要同朋友一戰究竟‼️小店位置都幾隱蔽😂但即使平日夜晚都係勁爆多人排隊😱套餐有埋甜品、蒸蛋、湯同沙律，其實性價比都幾高🙌🏻🌟極味厚切牛舌定食（附牛舌咖喱）👅 $158牛舌足足有8件！而且每件都大大舊，個人認為大件過日本ver🫡望落色澤好粉嫩，油光大足😋牛舌用咗仙台風格直火燒烤，外皮燒得好香，而中間係好嫩同 好 彈 牙！會話贏咗囉🥹❤️除咗檸檬汁可以解油膩之外，仲可以點日本鹽、照燒汁或者日式蔥油～另外都有一細碗牛舌咖喱，呢款汁煮牛舌就好腍好入味！🌟安格斯牛小排松葉蟹肉蟹膏丼🦀 $188另外叫咗呢款丼飯～牛小排都大大塊，食落甜甜地，燒汁味好香！中間仲有大大Pat蟹肉同蟹膏，鮮味十足😋不過的確就冇牛舌咁驚艷～🌟龍田炸雞 (三件) +$18另外加配小食都好抵！炸雞外脆內嫩，而且都幾有肉汁！

網友大推超厚切牛脷！慕名而來試吓牛舌！入到去見到有八成人都係叫牛舌定食，期待感滿分💯極味厚切牛舌定食 (附牛舌咖喱) ($158)一上嚟就見到有好多舊超級厚切牛脷😋 外面燒到微焦啡色，牛舌芯仍然保持到粉嫩，睇落超級吸引🤩一咬落去就可以感受到豐富嘅油香味，外脆內嫩，食落超級彈牙，有咬口🤪配埋鮮檸檬汁中和油膩，真心超級好食！除咗可以食到原味牛舌同埋檸檬牛舌之外，仲有蔥油，咖喱，醬油，鹽可以同牛舌做配搭👍🏻個人私心都係最推介檸檬牛舌，其他配搭唔係特別出色，但係試吓唔同味食落唔會好膩👌🏻記得要趁熱食，如果唔係凍咗會失去咗牛脷彈牙嘅口感大家想食記得早啲嚟排隊！平日夜晚都排咗15分鐘，地方較晒坐得比較迫🥲 仲有可能夜晚高峰時間舖頭比較忙，都等咗半個鐘先上菜，要俾啲耐性，但係牛脷好食值得一試！

秋嵐日本料理 📍鰂魚涌英皇道1010-1056號東匯坊地庫072號舖━話說去日本吃牛舌之後之後一直念念不忘 這次被朋友推薦了一間位於鰂魚涌 有日本質素的牛舌店 隱世程度MAX 但到訪後超有驚喜 會說是本新界人都想再去港島東再encore的程度🤣重點是定價其實不貴! 一個定食加一後都$200蚊有找 其實同係日本食差不多價錢呢小店同時供應不少蓋飯 烏冬 魚生飯等選擇 不過人手一份牛舌 可見大家都是為此而來~沒想到這麼遠的小店亦超爆場 記得預先訂位━🐮 極味厚切牛舌定食 $158 +10%▶︎ 牛舌定食分量超足! 八塊超厚切牛舌一定夠食~ 另外可配各種醬汁轉換口味▶︎ 牛舌外脆裡嫩又juicy 每一口咬下都有彈牙感 微帶油香 味道火候口感都無法挑剔▶︎ 定食均配有白飯 沙律 味噌湯 蒸蛋 甜品 這款還有送牛舌咖喱(炒軟嫩入味牛舌與咖喱送飯超nice!)好味指數:●●●●●━🐮 極味厚切牛舌&牛小排定食 $188 +10%▶︎ 若怕齋牛舌太寡都可以選擇雙拼牛小排&牛舌 牛小排都很不錯~ 有油香且微帶嚼口好味指數:●●●●◐━🐔 龍田炸雞 +$18▶︎ 加18蚊有三件頗抵食 雞很嫩滑 記得趁熱吃!