福丸水產 鉄板燒 日本料理 (已結業)

日本餐 選擇好多 今次第一次黎到出奇驚喜首先叫左個蟹子沙律 開胃一番 份量吾算少 蟹子好脆 青瓜絲切得比較長 更加有咬口 應該係新鮮切 天婦羅蝦卷絕對不是hea貨 首先裡面既蝦係新炸 食既時候又熱又脆 配合凍既蟹子 一咬入口 首先係食到脆脆蟹子咬深入就係熱炸蝦 每一件蟹子份量都相當足料 一啖放入口 完全食到蟹子同炸蝦既味道 叫左件三文魚同鰻魚壽司要強調既係鰻魚壽司一般食到都係鰻魚汁既香但今次更加係燒鰻魚既香口 燒得好香 鰻魚係厚切雖然係只係一片 加上饅魚汁 回味無窮叫左個豚肉泡菜鍋菜 菇 豆腐 粉絲固然吾少得再加上豬肉片一般好怕湯太濃太咸 搶曬所有食物鮮味 令成窩都係一樣味 但e個雖然有泡菜 但湯底清又香 加上粉絲 吸曬湯既精華最後一杯巨峰梳打作結

之前經過都唔記得試， 因為咁岩次次去親都好多人同埋聽聞呢間嘢好貴， 今日咁啱出糧的起心肝去試 八點鐘去到好彩冇乜人排隊 ， 仲好快入得佢啲 刺身 都好好食好新鮮不過價錢真係唔係好平叫咗呢個炸海膽小食真係不得了第一次咁樣食法好食， 唔錯，幾新奇後尾仲叫咗呢個燒魷魚服務員做工細心等幫我哋燒重開頭諗住自己燒不過服務員話可以嘅不過燒燶咗就唔好啦因為試過有客人燒燶咗係唔會賠返條畀佢嘅所以佢會建議佢哋幫我哋燒同埋調教時間啱啱好

今日同男朋友去荃灣食鐵板燒，揀咗呢間“福丸水產”試試 🥘一坐低先食咗個沙津先：之後就到主菜喇 😋 有以下幾樣嘢：日本真蠔 - 隻蠔好肥，師傅都好細心，連個蠔殼都有燒熱到 👍🏻西班牙紅蝦 - 師傅用蝦膏煮成醬嚟煮咗啲意粉伴係蝦肉邊，令到啲麵好creamy個味道同感覺都好特別，另外師傅將啲蝦腳燒脆咗，變到好似軟殼蟹咁食得白金鯛 - 師傅先煮咗啲油嚟炸魚皮嗰邊，再慢慢焗熟啲魚肉，魚皮上有啲魚鱗，炸完變得好脆可以食，而魚肉就仲係好滑，碟上面黃色嘅係海膽醬美國安格斯牛肉肉眼扒 - 煮嘅時候侍應會特登dim燈，師傅就會表演火燒肉眼扒！個火其實都幾大，有時真係幾佩服個師傅 👍🏻另外仲有炒雜菜炒飯麵豉湯順帶一提，餐廳嘅員工服務態度都好好，值得一讚 👍🏻

好姊妹生日，選擇咗附近一間水產店舖食刺身毛蟹，因為生日果位比較喜歡食毛蟹所以選擇左屋企附近一間福丸水產鐵板燒日本料理。一入到店舖已經見到好多活生生的海鮮，好新鮮紥紥跳好生猛。師傅刀工一流，把與刺身切得非常透明好薄，食落口感新鮮爽口。活毛蟹大大隻，蟹蓋裝了好多蟹膏，好香好滑，蟹肉非常鮮甜，簡直食到舔舔脷。新鮮大蝦有手掌咁大隻，職員好細心地為我地燒熟蝦。燒左大約10分鐘左右上碟，咬落啖啖肉，蝦肉爽口彈牙。五頭鮑魚，上碟非常漂亮，入口多汁鮮甜，鮑魚煮得好入味，正👍櫻花糥米飯，食落淡淡櫻花味道煙煙unun 👍

今日黎到少有既荃灣, 同男朋友食左一餐好豐富既情人節大餐! 情人節正日去食野真係太貴喇, 大家都有共識會遲d先慶祝, 今日黎到呢間又有鐵板燒又有omakase既日本餐廳, 一次過有晒海鮮 料理 鐵板燒，真係好多選擇餐廳設喺11樓全層面積相當大，右手邊喺一大個魚缸同壽司bar枱，左手邊喺卡位設有屏風私人度高鍾意靜靜地食嘢嘅朋友一定喜歡，行到最入仲有間鐵板燒房添。天婦羅拼盤，有紫蘇葉海膽 蕃薯同南瓜。薄薄嘅脆漿炸得好香口唔會成口都喺炸粉，紫蘇葉有一種獨特嘅香味配上海膽包住一齊炸 "正"酒煮蜆，份量都好多，蜆肉加上酒香但不會過濃，恰度好處。呢個刺身好新鮮哦！刺身真係好反影間日本餐廳得唔得，魚刺身新鮮好有口感，令人一食回味！前菜點會覺得多，再叫多一個先，又係好有驚喜，鮑魚呀！象拔蚌都好彈牙有口感西京銀雪魚燒得好香口，但不失香滑感，每次到日本餐廳食晚飯都會叫❤️❤️❤️仲有叫左個黑毛豬似肉，呢個比起日本刺身等就有點遜色喇！因為頗有厚度食起上黎就要有點牙力，但男朋友就好中意！食到咁上下都已經好飽喇，真係個唔錯既情人節晚餐

正所謂情人餐就當然喺過咗情人節先去食啦.  聽朋友講有間質素幾好嘅日本餐廳開咗喺荃灣一次過有晒海鮮 料理 鐵板燒，所以就去試試。餐廳喺荃灣新天地附近，所以行咗陣街就上去睇睇。坐低後見個餐牌食物同飲品選擇都非常多，特別喺果味啤酒廳經理好細心咁介紹有咩食物進介，所以我地決定經理發牌因為太多選擇所以唔想諗 哈哈。。。先來個前菜，有醬油鮑魚粒 芥末腐皮 類似海藻嘅小食。店員介紹由淡味嘅腐皮開始食之後到鮑魚最後食海藻。食完剛好就來刺身拼盤 有石池魚 象拔蚌同醬汁鯖魚，三樣都好新鮮尤其喺醬汁鯖魚一d腥味都無。鐵板黑毛豬配蘋果無花果汁，煎過啖啖香口同厚厚嘅肉身一d都唔韌點上無蘋果花果汁份外清新可口。西京銀鱈魚配麵鼓醬，肥美油身嘅醬燒銀雪魚加上帶甜味嘅麵鼓醬跟本就喺絕配呀！！！ 一件唔夠喉。青酒煮蜆，份量都好多，超大隻蜆肉加上啖啖嘅酒香我用咗二分鐘就極速食晒了！差d想連湯都飲埋。最後喺野菜烏東，雖然都好飽但清清地嘅湯底同滑嘟嘟嘅烏東最後都忍唔到口食晒。餐廳食物價錢合理之外質素都好高，埋單後經理同我地傾咗陣偈話餐廳有提供omakase, 只要早一兩日打比佢佢就會叫廚師安排當日嘅菜式下次可以試下。我地當然

每次聽到鐵板上食物「滋滋」聲，看到食物慢慢轉色變熟時，心情也充滿了期待，因為親眼看住煮的過程更加是享受，還有是少了從廚房傳菜的距離，果真是即煮即食，減低食物變涼，更食到食物最真實味道。荃灣這家鐵板店並不就腳，距離荃灣站有段距離，是夜因在附近探訪朋友，便順道和朋友在此店食飯，朋友說之前食過不錯所以便再來。餐廳環境是一貫的日式風情 ，沿路入去坐的位置見到了個魚缸有不同的海鮮，也見到了師傅在切魚生很有日本風情味道。美國安格斯薄燒我選了五成熟，師傅將牛肉輕輕煎熟，然後又煎埋其他配菜，將之放在牛肉並捲起，牛肉卷放在煎熱的多士上，再伴南瓜片和小紅蘿蔔，一道外表優雅的作品面世，肉質無疑嫩滑且肉汁豐富，夾在內的配料配搭不錯有層次口感，少有地將靚安格斯作捲物的食法較特別又新鮮。鵝肝炒飯看著白飯被蛋䊢包著變得金黃，炒得很香很香，粒粒軟韌，飯面鵝肝有滿滿油脂，卻又很夾炒飯，食的時候令飯也不乾身。炒菜雖普通，但即炒上碟是香噴噴吃得好味啲。配埋菠蘿啤酒，食得開懷。食過此餐，明白為何朋友帶我來，整體不錯，今晚盡興而歸。

同女朋友喺荃灣揾野食，揾揾下發現有間日式餐廳出面可以食魚生，而餐廳再入，有間房可以食鐵板燒，咁特別緊係要試一試下。首先上既係沙律依到既飲品選擇好多，有好多日式既酒可以揀，我就揀咗杯青檸味既冰啤。食材好新鮮，未燒前會放喺面前，再慢慢燒俾你睇。日本真蠔，好肥，好鮮。師傅好有心思，每樣菜都會放少少野裝飾下。白甘鯛，好特別，一塊魚會有兩種質感，啲魚鱗炸到好脆，但係肉仍然好鮮。西班牙紅蝦，真係好好食，蝦入面有好多蝦膏，加埋啲麵一齊食，真係一流。美國安格斯肉眼厚燒黑糖黃豆粉呢拿雪糕

數月前來過一次，感覺食材新鮮製作認真，今次再來試些新菜式，這裡工作人服務親切舒服，每道菜都會解說食法及材料，讓食物本身價值發揮得淋漓盡致，今次黎食浜燒，每道菜都由大廚在你面前烹調，實為一種享受，最重要係爐邊有專業抽風系統，完全唔會讓你感到油煙。頭盤係開胃沙津及三道小點包括：水雲醋漬：食感清新舒爽。山葵鮮腐竹：濃郁豆味。菜心花配麻醬：清新開胃。食浜燒一定一定要叫杯啤酒！這裡的啤酒味道款式十分齊全，今次我就叫了一杯接骨木花啤酒。浜燒開始第一道菜係拳頭一樣大的鮑魚，口感彈牙，鮮甜美味，浜燒煮法讓海鮮與調味完美配合。再來是新鮮粒貝，口感爽脆，味道鮮甜美味。厚燒牛肉，浜燒成功執鎖肉汁，肉質細嫩，每口牛肉都充滿肉汁，肉味十足。呢餐飯好完美呀！

在荃灣區想找鐵板燒餐廳🔥非常之難，不過，最近從朋友🕺得知荃灣這廣場的11樓有吃鐵板燒的餐廳，所以便約了朋友上來這裏品嚐晚餐。🥢一入門後便有服務員招呼我們入來坐❤。餐廳分別有卡位以及鐵板燒的座位，我們坐在鐵板燒的檯前，桌上已有幾位客人在食著鐵板燒的食物，看見他們津津有味我也急不及待想品嚐。師傅👨‍🍳為我們準備了幾款食物 ，先來一道【西班牙紅蝦】🦐，市面很少吃到西班牙紅蝦，紅色的外型幾威武，這度菜考師傅刀工🔪，見師傅用刀剝蝦殼，又用刀剝蝦腸，再用鏟子煎香蝦肉，並將蝦腳煎做一個小裝飾，非常藝術性🚩，整隻蝦的蝦肉爽夾嫩，卻未及蝦膏的濃香，師傅將蝦膏混在烏冬一起炒，白白的烏冬迅間被蝦膏染成橙色，蝦膏帶咸香令烏冬入味🍲，外表和味道俱不俗。【清湯煮蛤蜊】🥣師傅將可抵高溫的玻璃紙裝著蛤蜊及清湯，並放在鐵板上煮熱，看著透明玻璃紙內的清湯慢慢沸騰很是有趣🏳️‍🌈，一個個氣泡從底升上💧，蛤蜊也慢慢開口 ，不一回師傅將玻璃紙打開並放在精緻的碟上，蜆肉很清甜，熟度剛剛好，清湯帶了淡淡的蜆肉味，味道層次不錯。😋【鐵板主梳乎厘】🍬師傅首先將調教的材料混在一起攪拌 ，然後放在鐵板上煎烤，份量大概有六件，我和朋友每人三件

福丸嘅刺身同濱燒令人回味, 近日更加開鐵板燒料理, 當然要試試！三款前菜十分精緻, 其中芥末腐皮, 口感順滑, 豆味香醇, 係我的最愛。車海老 蝦肉爽口彈牙都係意料之內, 但蝦頭嘅鮮味就相當震撼, 燒過嘅蝦頭本來就香氣迫人, 一啜濃郁蝦膏鮮味湧出, 令人食指大動。北寄貝充滿海水鹹味鮮味, 貝肉夠爽脆。金目鯛配南瓜汁金目鯛魚肉鮮嫩無比, 配上南瓜嘅天然甜味, 令整體鮮味更加突出。日本宮崎和牛薄燒 宮崎牛薄片比手掌更大塊, 油花密佈, 一入口油脂馬上攻佔整個口腔, 令人再三回味。白松露炒蘆筍蘆筍夠嫩, 甘甜清爽。呢個鐵板燒套餐份量不少, 臨近尾聲仲有櫻花蝦炒飯同味噌湯。甜品係淋上黃豆粉同黑糖嘅雲呢拿雪糕。

重臨福丸, 今次唔係食浜燒, 而揀咗鐵板燒！同樣係以新鮮食材即燒即食, 鐵板燒不同在有得睇又有得食, 望住師傅嘅細心製作, 本來就已經係一場精彩嘅表演。前菜係簡單而美味嘅沙律, 醬汁不會太多, 啱我口味。大大隻車海老, 鮮甜爽口, 鮑魚嚼勁十足, 又唔會韌, 海產新鮮程度無庸置疑。銀鱈魚煎得啱啱好, 魚肉中心仍保持水份, 肉質纖維細緻, 嫩滑程度令人喜出望外！美國安格斯牛肉薄片, 輕輕煎到5成熟, 卷起蒜片同蔥花, 牛肉脂香混合蔥蒜, 惹味程度倍增！櫻花蝦炒飯香氣撲鼻, 炒得粒粒分明。剛食完炒飯, 喉嚨較乾, 飲返碗暖笠笠嘅味噌湯, 正合我意。最後當然唔少得甜品！黃豆粉黑糖雪糕, 冰涼順滑, 為整餐畫上完美句號。

呢度係以浜燒水產為主，所以好多生猛海鮮都可以喺度食得到除左浜燒水產，呢度仲有壽司刺身、日式料理等等而今次我同男朋友就係黎食OMAKASE首先前菜三小碟分別係腐皮、鮑魚同埋海藻之後出場嘅就係刺身波爾多汁煮黑毛豬田感彈牙而不油膩，調味亦恰到好處，份量亦十足，我食完都美差不多飽了燒鰻魚唔錯，燒得幾脆口，不過係多左少少骨姐蟹膏甲羅燒甘香但味道唔會過咸，搽上烘左嘅多士食勁正。魚湯烏冬可以話係成餐最有驚喜，扁身烏冬好煙韌，加埋魚湯非常鮮甜濃郁，我最後尾連我男朋友個碗魚湯都飲埋。

今日去咗荃灣食鉄板燒，呢區真係好少有鉄板燒食，所以諗住去試下，第一次黎，環境幾乾淨，仲未有好多人黎食。一開始有個前菜，有鮮腐竹，幾滑。跟住有鵝肝，香！再黎有個海膽蟹肉蒸蛋。之後就到牛喇，美國安格斯薄燒，第一轉食原味，再黎點特製sauce食！幾有牛味，見師父煮得好有心！最後就係櫻花蝦炒飯同麵豉湯，熱辣辣。甜品有雲呢嗱黃豆粉黑糖雪糕。師父好好禮貌，如果加多d特色食材會更吸引，可以係同區吸引更多人黎食。

男友情人外地工作為補祝情人節揀左荃灣呢間幾出名既磯燒日本菜而且仲有日式鐵板燒餐廳環境好日式，環境都幾大男友仲一早已揀好鐵板燒鮑魚二人餐首先有時令沙律同前菜3食有豆乳腐竹，魚干仔同水雲醋漬鵝肝煎得非常香口食落充滿油香 ， 口感柔潤豐盈 配有甜酸無花果黑醋汁同香脆多士一齊食 好滋味粒貝鮮味爽口同手掌咁大既澳洲鮑魚師傅係我地面前厚切再係鐵板上炒香美國安格斯肉眼扒肉質嫩滑另可配上脆蒜片一齊享用方包上印有福丸logo 賣相十分精美櫻花蝦炒飯加入雞蛋櫻花蝦蔥粒係鐵板炒香飯粒微焦煙韌粒粒分明 櫻花蝦既香氣令人不知不覺食哂成碗之後仲有炒雜菜同味增湯最後甜品方面有五款雪糕可以選擇見到有山葵味雪糕咁特別當然要試雪糕甜甜地帶山葵香味，餘味仲帶辣度