祥香茶餐廳 (已結業)

是日見無人排長隊便到來祥香準備點一個特餐，特餐包括餐包火腿煎蛋，沙爹牛肉公仔麵，熱咖啡。為了想吃很久沒吃的蛋撻，特意叫伙計免上餐包加$3.5要一個蛋撻，所有食物到來，真是很失望。蛋撻唔暖，蛋還蛋皮還皮，一個匙羹可以把整個蛋撻黃拔出來。火腿沒有煎過，煎太陽蛋變煎超熟蛋仲要兩個都是冷的很像放了很久，唯沙爹牛肉公仔麵尚能保持水準。整單埋單$35.5。是次質素是我首次在傳媒大肆報導經大排長龍後首次光顧，真的需要改變回當初的質素，否則西環三寶之名也不能保住。

報紙見到話呢間茶餐廳咁有人情味，去開附近去試下，lunch time去唔使等位，地方細。叫左特餐，火腿半熟蛋麵包唔夠熱，榨菜肉絲米味道有d怪，好普通，熱奶茶亦唔夠茶味，太多奶。雖然質素一般，但舊店仍然值得支持~~

又係一年一次西環約會，上年嚟過但唔記得影相,今年再嚟就把握機會，畢竟同大圍一樣,少有機會嚟，而且老鋪一年比一年少,下年再嚟未必仲喺度。坐底,有一個叔叔同我地落order,叔叔雖然冇咩笑容但態度專業，做嘢快手快腳,叫咗豬扒蛋飯跟鮮茄汁，$33，飯多,鮮茄汁個獻好杰但又真係有鮮茄味，唔會死甜或者好酸,個飯上嗰陣，塊豬扒係出緊煙,咁佢當然唔係煎出嚟啦,係掉落油鑊就咁炸熟啦,豬扒就冇咩調過味㗎喇，但起碼都唔會炸到死實實，同個汁一齊食都ok嘅!至於隻蛋就冇咩特別，只係如果想要太陽蛋就要響聲，因為個蛋黃係熟嘅。故事嚟到呢度本來就完,但我女人又胃食想試吓呢度啲西多士。本身好少出去食西多,因為通常都係用油炸熟多，好少食到來了I慢慢煎出嚟。呢度都唔例外，而且唔係用厚身嗰種包,但好在只係當甜品咁食,所以份量啱啱好,如果係下午茶就差咁啲。加大大舊牛油同埋糖漿，味道差緊都有限!

約左朋友係附近打波未夠鐘就到附近先食個午餐。本來打算試一下最近的 Balencia, 點知道呢個繁忙時間等左成15分鐘都未有人走, 我地唯有去附近睇下食個快飯。早有聽聞祥香茶餐廳, 既然黎到就試一下呢間備受好評既傳統茶餐廳。 我地上左樓上坐低, 每人叫了個茶記例牌--菠蘿油同熱奶茶。雖然平常我唔係成日飲奶茶, 但祥香既奶茶就非常岩我胃口。茶同奶比例剛好, 質感醇滑, 飲完都無飽濟既感覺。呢度菠蘿油係凍上既, 雖然飽皮鬆化 (食到我有d狼狽), 牛油都夠厚, 但係我都係鍾意平常菠蘿油冷熱對比既感覺。 兩樣野每人二十幾蚊埋單, 坐卡位唔洗等上菜都快,價錢合理。希望呢d老店係西環地鐵開通後都撐到落去, 等我地可以繼續享受到傳統既味道。

祥香呢期好紅，上埋報紙，搞到我有時行過想買個蓮蓉雞尾包食下都買唔到。呢間富有人情味的茶餐廳有西區最好食的麵包，麵包的質地煙腌有咬勁，有彈性又有天然酵母清香，食過就知道，絕非連鎖麵包店的機械包可比。呢日入去飲下午茶，西多士加奶茶，呢度的奶茶和凍鴛鴦都值得一試，西多就不過不失，特餐都好多人食不過我都系覺得麵包最特別。而且3HKD一個咋！！

With the extension of the MTR into Kennedy Town, I went exploring and first stop is this old school cha chaan teng or HK style cafe that is well known for its milk tea and pastries! Like most cha chaan teng, the space is as cramped as can be while the service leaves much to desire. You are expected to know what you want right away which is fine by me since I already know what I wanted to eat. They serve typical dishes like breakfast, toasts and even rice places for lunch. Got the 特餐 (HK$30) with

是日中秋節翌日瞓醒當然醫肚先，落到祥香點半已經坐滿八成人，點了一個常餐，常餐包括一個餐包，荷包蛋煎火腿，沙爹牛肉公仔麵，熱咖啡，剛巧蛋撻新鮮出爐再點埋最好不過。雖然牛肉依然是份量少而且煮得太耐有點鞋口，但勝在麵煮得剛好不會太腍，咖啡味偏苦。蛋撻新鮮熱辣充滿牛油香，荷包蛋流黃用來點餐包一絕實在挽回不少分數。

午膳時候再到來用餐是次再點特餐不過今次比上次遜色了。牛油麵包沒有焗暖硬身了一點，火腿沒有煎，煎蛋與上次一樣煎得太熟變了熟蛋，沙爹牛肉麵，麵煮得夠爽口，沙爹醬不太香牛肉亦比上次少兼鞋口，凍咖啡點的時候講了少冰上檯仍然很多冰。有點失望。

早排同班FD去西環打波，打波之前就想一齊食個早餐。因為有個地頭蟲話祥香唔錯，所以就去左。企係門口，已經感覺到一種舊式茶餐廳既風味。成間茶餐廳有兩層，我地成班FD想傾下計，所以坐左係樓上。我坐低叫左個特餐，唔洗唔耐，D野食就黎左。黎先既係一杯奶茶，未飲就已經聞到果種奶茶香。一飲落去，就發現同一般快餐店飲既奶茶好唔同，果種奶味同茶味真係好平衡好夾，味道一流。之後就到火腿蛋加牛油餐包同埋沙爹牛肉麵。 老實講，個麵同出面食既冇咩分別，牛肉都唔多，但係我覺得個湯濃過出面D茶餐廳，所以我不知不覺都飲哂。真係希望依間茶餐廳可以KEEP住做落去，下次可以再食多次。

是日午餐到來舊式茶餐廳祥香點了一個特餐包括: 牛油麵包夠香軟，火腿煎得夠香唯煎蛋煎得太熟變了熟蛋黃粉少了蛋黃香，沙爹牛肉麵，麵煮得夠爽口，沙爹醬不太香牛肉亦偏少但嫰，熱咖啡沒有苦澀味，尚算可以。

是日休假, 一家三口出動去西環探叔父, 午餐吃得早, 三點未到已經饑腸轆轆....Honey當然笑我誇張, 但佢話'早有準備'....未夠三點三就帶我來西環尋寶~  祥香園食沙爹牛麵加凍鴛鴦!!!!!!!  吓? 我當下感激流涕大恩大德沒齒難忘!  皆因自從懷孕到生baby以後要餵人奶, 都很久、很久、很久、沒有喝過我愛的凍鴛鴦又或者凍咖啡, 我很自律其實沒人說不可以, 但一次也沒有破例!  但今天他竟然主動叫我柯打凍鴛, Honey叫到, 我當然盛情難卻呢!!  嘻-嘻, 多謝恩賜!  其實未踏入店前都有些驚驚哋的感覺, 因為曾經在OR見過食評話這兒侍應態度麻麻, 但很極端地又讀過幾篇說店老人情味濃...我怕的是不知這店會否不歡迎兩大1B的組合呢?  因為之前一次在九龍城德昌魚蛋河的非繁忙時間的不快經驗嚇怕了我.  唏~  "諗"~不如行動, 一於放開懷抱入去試試佢, Let's GO, go go go~首先, 午市繁忙時間已過, 而下午茶繁忙時段又未開始所以一入到去有小卡位, 剛好呢~ 當然不客氣自己坐低!  而掌櫃阿姐亦無要我哋轉位, 我已經好感激流涕, 多謝!    快快柯打

當這個城市變得越來越陌生之際, 傳統的茶記, 會是其中一項大家對昔日的種種還能夠保存的印記. 當街頭巷尾都是大型連鎖店之際, 您還有沒有興趣去吃一些很有歷史的老店呢? 位於堅尼地城卑路乍街的祥香園茶餐廳就是其中一個例子了.是日跟文迪來到堅尼地城掃食, 最後一站就是祥香園. 過了午餐的時間, 人客還是不少, 搭檯是少不免的. 環境是很舊式的, 但總算簡潔. 來到這裡, 吃的當然是招牌蛋撻, 看見蓮蓉雞尾包新鮮出爐, 大喜, 當然要來一客.蛋撻 $3: 8分, 先吃件蛋撻吧, 由於不是新鮮出爐, 食味自然是稍為減退. 雖然不是熱辣辣, 但總算是帶點微暖. 很喜歡那曲奇皮, 相當的鬆化, 牛油香很突出. 撻部份很出色, 不過蛋部份就不夠蛋香. 希望下次再來能夠吃到新鮮出爐的蛋撻了.蓮蓉雞尾包 $3: 9分, 一直很想吃這裡的蓮蓉雞尾包, 因為蓮蓉包是我自小以來的心頭好, 這個變奏版的蓮蓉雞尾包, 當然也會令我心動. 新鮮出爐的, 熱辣辣, 文迪撕開也有難度. 包身相當鬆軟, 入面的蓮蓉饀相當香甜, 文迪認為是偏甜, 我就覺得剛剛好, 吃蓮蓉包不甜又怎夠盡興呢. 而且這客蓮蓉雞尾包只賣$3,

不久小妹便會心思思到祥香一會它們的名物。最愛只此一家雖然小妹口吃過多次, 但還是百吃不厭, 通常會點一個堂食, 另一個外賣昨為第二天早餐。黃蓮蓉餡則不太甜, 麵包軟熟, 那份粗糙感是全統麵包店方可以尋回的。大熱天時也要配上一杯十年如一, 水滾茶靚熱奶茶希望祥香要在西環努力地抄撐下去!

來得西環由何止一兩站目的地呢！行過兩個街口，來到祥香園茶餐廳，是好典型的舊式茶餐廳，富濃厚街坊情懷，無論是門面的餅櫃、店內的枱椅或樓上雅座不知道與街坊經歷多少個年頭。雖然來到第四站，要吃得輕輕鬆鬆還是進店內慢慢享用，坐下來飲杯茶。蛋撻 $3招牌都寫埋馳名蛋撻，就給我們來一件吧！不是剛剛出爐的蛋撻，帶著微溫，拿上手咬一口，曲奇皮異常鬆化，旁邊的曲奇皮隨之脫落，可使然知鬆化程度，當然牛油香十分強烈，而蛋味就未算濃郁。雞尾包 $3$3蛋撻應該不難找到，但$3價格的雞尾包相信不易找到了，還要是蓮蓉作饀料的雞尾飽，連同門面餅櫃的飽點劃一$3價錢，有椰撻及奶油飽等，份量沒有縮少，維持街坊價。正正出爐的雞尾包，包身軟腍，蓮蓉饀料豐富，以我的口味略為甜些少，換了CEO就吃得高興！紅豆冰 $18原來是點熱檸水的我，不甘炎熱的天氣及貪吃，突然轉為紅豆冰，給水吧叔叔高聲的說熱檸水不要轉紅豆冰！沒有碎冰的紅豆冰，總教人失望，紅豆具咬口，伴混起來飲用，清涼消暑！走茶 $13來茶記CEO還是點了茶走，聽他說香滑程度更優勝奶茶王！街坊價確是吸引，亦見店內街坊十居其九飲奶茶就略知一二他們的功夫！

週六假期到很久沒有來過的堅尼地城走走, 看看現時有很多西式食店進著的情況如何, 首先到老牌茶餐廳祥香園一試其出品。內裹地方不大, 是老式茶餐廳裝修, 中午食客很多, 有很多上年紀食客, 看看 Menu, 其選擇不多, 得一些基本食物出品。到此當然要試其著名雞尾包, 餡料是蓮蓉都是第一次品嘗, 麵包口感是正路出品可以, 蓮蓉則不太甜, 都算好吃, 感覺比中式蓮蓉包好。另一名物是其蛋撻, 蛋撻香口有蛋味, 但不算出色, 是中等水平, 但可以一試。另外也試其西多士, 一般茶餐廳岀品。最後當然要試其主力出品奶茶, 醇厚香濃為最好, 祥香園奶茶不算有很強的濃茶味和奶香, 是茶味和奶香各半, 筆者不太喜歡很濃茶味, 因飲下後會有點不舒服, 其奶茶算是不錯。