祥香茶餐廳 (已結業)

平價茶餐廳 好抵食！！ 特別推介菠蘿油同蛋撻～ 早餐通粉都幾好食，包兩隻蛋同埋腸仔或者火腿同埋嘢飲地方黎講都唔算狹窄，有兩層員工做嘢好爽手，三四分鐘就已經有你嘅嘢食 正！

這間貴為西環三寶之一的「祥香茶餐廳」，都有好一段日子沒幫襯了，這一天，到訪過龍友聖地「西環泳棚」之後，老婆仔建議到這兒食蛋撻，好，就來吃個馳名蛋撻做下午茶吧！ 下午茶時間的祥香，雖是平日，樓下已經爆滿，就連最後一張卡位也被早我們一步來到的老伯先行坐下。幸好，這兒與其他已有多年歷史的茶餐廳一樣，都是老店，都有二樓雅座，可讓我們在環境較為寧靜的樓上享受我們的下午茶。 兩夫妻一人一件「蛋撻」，蛋撻用的是曲奇皮，餅皮鬆軟，蛋漿甜滑，雖然並非剛剛出爐，熱度稍欠，只是溫溫的，而非熱熱的，吃來仍覺可取。 因為早上已喝過奶茶，雖然覺得蛋撻與奶茶是最夾的拍檔，還是捨奶茶而取檸茶，叫來「凍檸茶」一杯佐吃。茶餐廳的檸檬茶一向是信心的保証，大部分老牌茶餐廳都極少失手，這兒也不例外，茶味足而不淡，加上檸檬的芳香，在寒冷的冬日裡，是舒服好喝的熱飲。也許，這兒的蛋撻不足以成為米芝蓮星級的質素，但來上一件，奶茶、咖啡或檸茶伴吃，還是一頓過得去的下午茶吧！

唸住放假去支持一下老寺號同食個早餐，$36 typical 早餐 - 牛油飽，通粉，煎雙蛋，奶茶。結果，大失所望！冇一樣嘢有dd心做，例如煎雙蛋冇蛋黃！除左奶茶有茶味外，d 食物係冇味嘅。呀伙記嘅態度令我意識到問亦冇用。心有不甘，唸「係詸到到typical 早餐喺西環都咁衰？」之後去左金記冰室，同一個早餐但$34攪掂，仲有係正常好食嘅！金記嘅通粉仲有火煺絲 （祥香係冇嘅）。 金記嘅蛋煎得just right - 少少lone邊，蛋黃一流！奶茶ok。我唔係等登比較兩間茶餐廳，但喺祥香我真係食唔落，去完好肚餓，所以要去過附近另外一間醫肚。冇唸過分別咁大！

祥香是西環三寶之一，是間懷舊有歷史冰室。補寫之前在祥香吃下午茶的經歷:鋪面擺放著新鮮出爐麵包蛋撻，原來樓上還有少量坐位。點了普通常餐，餐包是個又乾又硬又凍冰冰的提子包湯粉麵亦是很普通的貨色。蛋撻比麵包鋪的做得更差唯一可取的是紅豆冰，紅豆份量多。西環有很多寶，但祥香絕對不是其一😰😰

豬排米，豬排通因為當作早餐，份量就ok不過其中一份豬排是很小的一塊😰味道方面不過不失隨餐附上餐包、荷包蛋、火腿片奶茶 這杯是*茶走*即是奶茶走糖加煉奶這間店的有名就是奶茶，特別滑

黎到呢間堅尼地城老字號茶記，通常都係食常餐，因為最出名係沙嗲牛麵，特別既係牛肉在底，麵在面，記得n年前一次食仲以為無放牛肉，哈哈！今次俾d新意，試下叉蛋飯先！蛋唔錯，蛋汁夠香，生熟適中，可惜上菜時已爆左一隻蛋黃，變左單春叉燒非常靚既半肥瘦大舊叉燒，肥瘦均勻，有質感有咬感又唔會肥，燒得夠香個邊仲有少脆，very good。只可惜份量太少，但兩舊。飯煲得幾好，軟硬適中，合格以上總評：好食+ 抵食（<$40 for lunch），性價比高既叉蛋飯

位置都幾偏遠，由銅鑼灣搭叮叮過來要四十五分鐘，不過沿途一直看著香港風景，所以不會無聊到門口的時候，舊時的感覺都湧出來侍應都有一番年紀了，或許耳朵不靈光，下了單卻沒有反應，隔離台都上了同樣食物，我們要再次下單先拎枝可樂過來😪兩個菠蘿油 16蚊可樂 17蚊凍檸茶 18蚊埋單51蚊菠蘿油好似擺得太耐，又林又冇味道奶油部分已算系咁，沒有奶油的部分真的吃不下去凍檸茶冇茶味，只有苦澀味本特意來品嘗香港味，但只有失望了

曲奇底蛋撻，雖然不會驚為天人，不過好味到你會忍唔住一啖一啖極速食哂蛋夠滑，有蛋香，曲奇地鬆化香牛油味，我鐘意佢蛋同皮的比例，因為出面一係個皮太厚，一係個蛋太多皮太薄，祥香既蛋撻就比例好好。因為比例好，唔太heavy,會令你想食多個。如果好運剛出爐就更好味。叉燒煎蛋飯，奇貎不揚，叉燒唔係話好好食，不過佢個䜴油加埋蛋汁撈飯真係唔錯，臨走菠蘿包剛剛出爐，就買個外賣，拎上手仲好熱，不過覺得個包好淡無味，菠蘿皮都唔係好好食。出爐都唔好食咁就真係唔好食

大學時聽過好幾位朋友推介這店，卻一直未來試過。這天跟老死西區遊，行經這裡便決定一試。上了餐廳上層後還看見那種懷舊的食物升降機，現在都比較少見了。老死點了叉燒煎蛋飯，上面蓋有三隻煎蛋的！看見鄰桌點的是炒蛋飯，炒蛋看起來也很有鑊氣。吃下這碟頭飯的第一口，盡是很「佬」的感覺，好正！那甜豉油的香味和米飯的質感、微油的感覺也令人好想快快把它吃完。叉燒則無甚特別，應該也不是自家燒的，下次再來應該改點豬扒煎蛋飯呢。我點了一個豬扒餐包。豬扒煎得很香，而且肥瘦、大小也適中，而餐包真的也很出色，這自家製、剛出爐的感覺真令人感受到餐廳在區內多年的經驗，難怪那麼多人買這裡的包點！我們也試了一個酥皮蛋撻。蛋漿和撻皮（撻皮？港大學生：冷笑話＝＝）也處理得一流，這絕對是我印象中最好吃的傳統蛋撻的味道，無得彈！離開的時候，老死決定再外帶一個菠蘿油。好吃！雖然吃的時候已多放了兩個小時，但包的皮和菠蘿皮仍然酥化，不愧為香港的名物。傳統的茶餐廳，包點和碟頭飯也令人回味無窮。香港好多茶餐廳都變了集團式經營，要不便是質素參差的老店。我們這一代真的少了接觸這傳統茶餐廳的美味，有點可惜。下次經過西環，也要再外帶一個包點或蛋撻吃呢！

茶餐廳的前身是冰室，冰室的前身是茶檔，十分重視麪包的製作。雞尾包是利用剩餘的材料，拼湊成包，命名是取自雞尾酒。年青人留意菠蘿包，多忽略雞尾包。最有特色的雞尾包是此店製造，混合中式做法，以製月餅的蓮蓉為餡，反而比其他茶餐廳的雞尾包淡口，值得試試。用上等麪粉，故比一般茶餐廳的好食。建議堂食，伴以奶茶，可感受碩果僅存舊式茶餐廳的氣氛。其實，更靚的麪包店是聖羅蘭餅屋，越過馬路，沿卑路乍街西行2分鐘便到118號。建議下午茶時間來，兩店均多出爐麪包。

呢日，坐叮叮至堅尼地城兜風睇風景。途經老店祥香茶餐廳，就入去嘆個下午茶。要左一杯奶茶、一個牛油菠蘿包和蛋撻，享受復活節最後一日的假期。奶茶入口質感幾滑，不過茶香唔夠香濃，老店作品，未算好飲，有點失望。牛油菠蘿包唔係新鮮出爐，包皮只係微微香脆，包身夠鬆軟。中間夾住的牛油，因為冇左包的熱力，牛油仍完整無缺，未能與包融為一體。蛋撻都放涼左，酥皮具牛油的鹹香，中間蛋漿幼滑，可惜雞香未算突出，吃起來都係普普通通。

今日路經堅尼地城，就想去食相隔多年的祥香，記得上一次食過一次印象不太好，因為味道一般，又遇不到新鮮出爐蛋撻，今次再懷緬下。今次叫左花生醬多士，熱奶茶雞尾飽蛋㼀，有點失望今次的蛋撻都是凍的，牛油皮是不錯的，就算凍左都覺得脆口，花生醬本來就不是主角，勝在多奶油，但熱奶茶是有水準的夠香但不至於，入口唔夠滑！到最尾臨走前叫多個雞尾飽,剛出爐好軟熟，入面係蓮蓉，好味!所以最後心情好番d,希望香港老店繼續努力！

星期六一早約咗媽子食早餐. 佢一向唔鐘意去茶餐食早餐, 因為佢喜歡嘆茶. 但係經過祥香我又想食, 就氹佢話呢間D奶茶好出名. 早上8點已經好多人要搭枱. 好傳統嘅茶餐室，常餐 $36 有火腿煎蛋配餐包. 加個自選粉麵. 我哋一人一set. 好開心個煎蛋係脆皮燶邊蛋, 好耐冇食過, 蛋黃係7成熟, 好好味. 個餐包係自家制, 又香又軟. 沙爹牛麵D沙爹醬好香, 牛肉入味，肉質有咬口又唔會chewy. 奶茶真係滑同香濃. 走時再打包幾個蓮蓉雞尾包, 返屋企煎嚟食只係侍應態度就麻麻哋, 不停迫我哋一坐低就要落單, 諗都冇得諗.

今天突然有個行程取消了，百無聊賴帶著老婆走到童年時生活的地方，堅尼地城，差不多三十幾年沒有來過，變化得認不出來，但竟然給我發現這間茶記依舊存在，立即衝入去懷舊一下，內外裝修沒有甚麼變化，依舊是記憶中的那樣，好懷念呀。熱咖啡仍然是我鐘情的那種本土囗味，我ｄ中坑比較喜愛這種多於什麼星X克多多倍，支持本地小店要用行動的。下午茶點心當然係要菠蘿油，比起以前無咁香囗，可能已經無用豬油，健康左，呢ｄ老坑食法已經冇乜人識，牛油加砂糖，囗感立即提升哂，，這個椰撻已開始絕種，椰絲加牛油皮的配合，，帶著大大的滿足的一頓Afternoon TeA。

經過西環見仲有時間，諗起可以去祥香食個午餐先開工，細個印象最深係食熱辣辣既出爐蛋撻，今次就坐低食個特餐。茶餐廳快狠準實無甩拖，叫完個餐，9秒9已經一樣接一樣上檯，呢個特餐唔算特別，如一般老式茶餐廳貨色，沙爹牛公仔麵亦如預期不過不失。兒時回憶及味道確實是回來吃這個茶餐的主因，侍應叔叔繼續講唔停，感覺最親切，一路食一路感覺那種親切既味道。