祥興記上海生煎包 (已結業)

今晚去買招牌四隻生煎包，去比錢果時收銀問拎走定係道食，我話拎走。之後等叫號碼，叫到果時果個人比左無蓋既盒，我話拎走，佢塊面立即變黑又得，得左。然後話麻煩，我再問佢有無辣醬，佢乜都唔答。其實做客既都講左要拎走，我唔清楚係收銀入錯單定點，但都唔值得佢一句：麻煩！回到家想上網睇下有無email/contact可以反映意見，當然沒有，所以就上來openrice講啦。其實唔expect呢啲小店啲service要好好，黑面可以勉強接受，但點都唔應該當面話個客麻煩，仲要錯不在我。 第一次幫襯呢間分店，感覺好差。

今日在祥興記食招牌+黑松露生煎包，餡料夠juicy, 咬落去必定爆汁，皮又煎得香脆，黑松露味道好出，咬一口已經有黑松露味道，唔好睇佢細細粒，係非常熱，一定唔可以一囗咬落去，否則會燙傷舌頭和口唇。但個酸辣湯非常難食，直頭係生粉漿👎🏻👎🏻👎🏻，直覺得煮得好究其，千其唔好買來試。講下舖面，地方細細，環境都算乾淨，但係有一隻蒼蠅飛來飛去，非常擾人，而且只有立食，所以如果係附近逛街後，想休息一下，呢到就唔可以喇！

一直都好試食祥興的生煎包，但口感又不是預期的好味道。 可能有分店，變左大量生產時; 口味變左大衆化，統一化，味道又不是特別，都是正常的生煎包，皮不是好軟腍，有點硬。 價錢都算合理及抵食，可以值得一試，味道可接受。

星期六一早去左荃灣食早餐，途經呢間人氣生煎包店見佢啱啱開舖，冇人排隊，即刻買一份試下。間舖好細，店內有幾個企位，門口又有兩張上牆摺枱。生煎包一客四個，$30。除左生煎包佢都仲有其他麵食、雲吞等。由於未有人排隊嘅關係，即叫即有。買左一客企出門口食，個樣都唔錯，曬上黑白芝蔴。第一啖咬落去，已經係好細啖，點知都噴到面都係，湯汁好多好熱，率先「辣」紅左個下巴，真係估佢唔到咁多汁。生煎包質素唔錯，皮薄、多汁、底脆，略嫌肉餡份量唔夠同埋咸左少少，但都算有驚喜。大家去食記住小心「辣」親！

上海菜是我喜歡的菜式之一，網上很多人讚這間生煎包好食，又行開附近就試下啦。價錢ok la la la la la,4粒包$30。入口一大陣胡椒味，無錯確是很多汁，但這些汁味道普通，而且d肉我覺得不太新鮮，或者我黑仔瓜，不過確實有點失望。

荃灣自從開了祥興記之後，真是覺得大飽口福。閒時走經這裡就可以吃了這個爆汁的生煎包，真的是幸福的感覺。招牌生煎包，一份有4個，有時如果人流多的話要等上10－15分鐘才可以吃得到，生煎包一邊是煎得香脆，另一邊即是香軟的感覺每一個生煎包不算是超大個，所以兩口就可以吃得完，一咬開就可以看到裡面的肉汁，像小籠包一樣，肉味很香濃，包的皮是薄的，底部帶有微微脆，難怪這麼多人愛吃！另外還有其他的餡料，不過到現在還沒有試過，有機會再試吧！

落車見到大大個招牌，祥興記生煎包，搶眼。有堂食位置，店面乾淨企理，不錯。點了招牌生煎包拼蝦肉生煎包。蝦肉生煎清甜可口，招牌生煎肉味濃鬱。兩個包的汁都相當多，甜而不膩。

自從幾年前食過祥興記上海生煎包之後，我認定咗佢係全港整生煎包最好味既食肆，甚至係超越上海「小楊生煎」既水平。後來，食店獲米芝蓮街頭小食推介，傳聞被業主大幅度加租，部分分店被迫撤離。 由於第一次食祥興記係係荃灣，所以一直對荃灣店結業感可惜。直至兩三個月前，得悉荃灣店重開既消息，我地旋即前往企圖搵返昨天既味道。果然，小店水準依舊，作品全面且維持高水平。生煎包用料新鮮，外皮厚度適中，牢固地鎖住肉汁之餘，厚度亦不為過。然而，更準確的說法，應該修正說明當中肉汁為湯汁，因為湯汁分量較一般想像多，粗略估計有二至三口熱湯！食客進食時必須小心！！因為稍不留神，或會造成燙傷小意外！！！

記得之前係元朗店試過祥興記上海生煎，重要係佢最後一日幫襯， 已經覺得非常美味。好彩，祥興記重新開店，美味依舊。熱呼呼既招牌上海生煎，你千奇唔好一啖就即刻吞落口。一定輕輕咬開，先吸左包內豐富既肉汁，再細味去品嚐。包內既肉汁好似吸極都重有咁，非常惹味。可惜是店全部用上即棄餐具，非常唔環保。支持環保既食客可以考慮自備食物盒前去。

今日我本來帶看愉快的心情買外賣，但發現買生煎包都要講兩次先可以落單？！（但在我面前下單帶濃厚鄉音的女人都喺講一次就能落單！）煎包的店員已端來六盒以上生煎包，但其他店員竟然公然「放涼」生煎包五分鐘都唔放入袋？我叫快啲都有錯？請問：1)點解唔認得找$比前面女人，就要發惡鬧後面顧客？我無要你等/找錢！你自己做錯就要鬧無辜的人！！2)點解包裝生煎包的兩名員工無聊偷懶無人鬧反而要鬧客人？3)點解要鬧客人唔環保浪費你膠袋？但一分鐘都冇之前另一客人要多個辣醬又唔見你鬧？如果要環保的話，就唔好做外賣，要話客人浪費你膠袋就唔做生意！要知道你你用紙盒裝食物一D都唔環保，外賣堂食都冇地方！要客人俾$你然後俾你鬧又要吃涷就真係唔好食好過。

食完飯但係仲有啲肚餓，又唔想食糖水，俾我轉角遇到生煎包，咁就食返個定下頭。呢間荃灣店只係可以立食，但係見到都唔少人幫襯，我哋要咗原味生煎包＄30/4粒，其實佢哋都整定左係度，所以都叫做即叫即有，四粒熱辣辣，咬第一啖嗰陣真係會爆汁架，啲湯流晒出嚟，勁多，外皮煎得脆脆，但係就油咗少許，份量其實都唔係太大，入邊嘅肉分量都叫做合理，最好笑嘅係我哋食完，差唔多流咗成碗湯出嚟。佢除咗生煎包仲有其他粉絲湯麵可以食，如果下次外賣嘅話都可以一試嘅

祥興記有幾出名都唔駛多提。人地話夠脆口，多汁，夠熱，夠新鮮，皮薄咸靚。要試過先知！先睇餐牌，抵唔抵食見人見智，最平都要30蚊4隻，30蚊係荃灣都食到唔少野架。比多3蚊，$33有雙拼，叫做有個對比係乜野。蝦仁拼原味，睇顏色都識分啦，唔多講，開佢包！白色係蝦仁，幾大隻，幾爽，但冇乜蝦味，肉係原味果隻肉，可以想像到係原味多左粒蝦仁咁囉。多汁到爆，一定要細口咬開少少，吸湯汁，再食包，如果唔係個嘴唔駛要。包底極脆身，可惜有少少燶同多油，不過唔係咁又唔夠脆弱啫，魚與熊掌！唔覺意穿左就一碟都係，浪費了⋯⋯⋯⋯總括來說，好食，名乎其實的，汁多夠熱又脆口，只是價錢未必最抵食。

祥興記終於回！來！了！（荃灣😝）呢個月已經食咗4次以上推介原味同黑松露口味👍👍👍食咗幾次都係熱辣辣湯汁多😝夠濃味🤤又夠飽🤰小女子優雅（冇咁易辣親😛）食法:1. 小心翼翼地咬一口生煎包白色位置2. 飲晒d湯汁3. 一啖啖食個包包底脆口都好過癮呀☺️《心中排名》生煎包の No. 1Ps.🌟鮮蝦🦐生煎包就一般D，食完冇咩記憶點😂🌟另外都試咗佢個拌麵...建議大家都係食返生煎包好喇😅😅😅🌟雖然黑松露比較貴，但都好值得試呀😛

好似10月尾開返新舖頭細左好多荃灣鱟地坊2號卓明大廈地下 得一張枱 餐牌見到多左好多嘢，不過都只係叫主角生煎包 問左話10點開 招牌生煎包 4隻 $30味道無咩點變，不過因為有2隻鑊煎，但每次都俾唔係即刻煎嘅，唔夠熱（即係唔會辣口）好似差左少少黑松露生煎包 每隻$15，2隻起= $30感覺似蘑菇味多啲，無黑松露獨有嘅電油味

第一次食祥興記係響荃灣，不過當時未有米豬連星星， 食祥興記無難度，當時已經好好食。不過受到死亡之吻，成日大排長龍，最後仲加租到摺埋。佢摺之前我都無再食過，之後都食過其他分店，水準都ok，不過始終無荃灣店咁好食。終於祥興記又再回到荃灣。黎祥興記一定要食生煎包。落住雨，人都唔少。終於可以響荃灣再食到祥興記。生煎包夠熱，食既時候一定要小心，一不小心就比熱辣辣既肉汁整親。皮薄，多汁。皮又有d趣，肉鮮。荃灣店真係比其他店好食d。