祥興記上海生煎包 (已結業)

祥興記有幾出名都唔駛多提。人地話夠脆口，多汁，夠熱，夠新鮮，皮薄咸靚。要試過先知！先睇餐牌，抵唔抵食見人見智，最平都要30蚊4隻，30蚊係荃灣都食到唔少野架。比多3蚊，$33有雙拼，叫做有個對比係乜野。蝦仁拼原味，睇顏色都識分啦，唔多講，開佢包！白色係蝦仁，幾大隻，幾爽，但冇乜蝦味，肉係原味果隻肉，可以想像到係原味多左粒蝦仁咁囉。多汁到爆，一定要細口咬開少少，吸湯汁，再食包，如果唔係個嘴唔駛要。包底極脆身，可惜有少少燶同多油，不過唔係咁又唔夠脆弱啫，魚與熊掌！唔覺意穿左就一碟都係，浪費了⋯⋯⋯⋯總括來說，好食，名乎其實的，汁多夠熱又脆口，只是價錢未必最抵食。