祥發茶餐小廚

營業中

休息中

一如題目，這家抵食茶記，午飯時段永遠會見到等位人龍。和大部分食客一樣，你永遠會被餐牌上的 '不可不試瑞士雞肶餐' 嚇一跳：選擇太多。但大多數食客總是叫瑞士雞肶的。而我自己的心水，通常是A + B + C：瑞士汁雞肶 (未見過有人叫雞翼，不知為何?)，豬扒飽，加 麵 (例如 沙爹牛肉)。見過有叫鰻魚炒飯的，不過我覺得叫這個餐最重要的是瑞士汁雞肶 ~亦有試過 蜆肉意粉 (當然不是 不可不試瑞士雞肶餐)，三寶飯 (有瑞士雞肶)。而其他炒米粉亦不錯。飲品除左一般茶記貨式，通常會加 $2 轉紅豆冰。紅豆有點硬身，不過我幾喜歡。見餐牌上有加 $3 轉蜜桃茶等，我無試過。

朋友提起附近有間食瑞士雞脾好出名，於是立即又去食多次！$32有雞脾，一碗麵，仲有凍野飲真係好抵食！瑞士雞脾一如既往都係好入味，由內到外都好充滿瑞士汁味，仲可以一邊沾汁，正！不過，我覺得雞脾比上次食細隻咗！而個肉丁麵就一般啦～ d肉丁完全唔似肉丁！所以個麵冇味！ 有d失望，因為平時唔係咁 唔知今日做咩事 加埋杯凍野飲～都已經好抵食！果然係抗通脹，而家附近都難搵到３０頭價錢嘅lunch啦！Thank you

進到這餐廳覺得最有趣的是有班戟，因為很少在茶餐廳看見這食品，所以便要來試一下。除了班戟外，還有腸仔及蘑菇奄列。腸仔咸咸的，不錯。而蘑菇奄列也算足料，蘑菇多得來也夠厚身，有口感。至於班戟的醬料也不俗，有煉奶及花生醬。然而，較可惜的是班戟的外層較硬身，也不能讓醬料滲入，感覺較為乾身。

最近網絡世界其中人間人氣食店，今日工作不忙便特意一個人跑來試試它的虛實！特意跑來，我當然也要試最具名氣，「招牌推介」」「不可不試」瑞士餐😉我選的是A (瑞士雞脾)B(西多士)E (特濃芝士汁吉列魚柳天使麵)對麵既期望本來就吾高，麵就普普通通，不過不失。 魚，吾建議點，始終都係海鮮類，吾新鮮真係會差好遠，可能食雞扒/豬扒好d奶茶帶苦澀，普通。整體最欣賞係個瑞士雞脾，吾太甜，肉質夠滑！其實成個餐既成本價本來就吾高，因為每樣份量都已經作左調節，實行少量多款。但以今時今日物價高漲既年代，對比其他茶餐廳，確實屬於「抵食」既！雖然餐廳人流多，但出餐速度非常之快，普通既水準、特惠既價錢，再加上出餐既速度，單係呢3點，都值得再食既！推介👍🏼

呢間餐廳出面睇真係同普通茶餐廳無異，係前一日無意中發現好多人排隊，於是就決定試一試我地12:45去到，出面已經有7，8個人等。不過等左10分鐘左右就入得去。呢度既招牌應該係瑞士雞脾，可以見到枱枱都食。最抵食應該係瑞士雞餐，主要係瑞士雞脾（或雞翼，好似仲有炸雞翼揀)+餐包or多士（e.g.西多士，豬扒包，窩夫等等）+飯or面(迷你版)+飲料。價錢都只係$30-40。選擇係多到可以話食一個月都唔會厭今日我就叫左瑞士雞脾+西多士+炭燒豬頸肉加餐肉炒蛋飯。有埋野飲都只係$40！等左一陣就好快有野食，真係樣樣都超好食。仲超有誠意，好味又大份。咁既價錢咁既質素真係唔知邊度搵 。不過咁多選擇當中有d伏伏地都唔奇，個朋友揀左芝士汁意粉，佢就話d意粉'淋'左少少。不過總括呢度都係好味又抵食，連男仔fd食完都飽左成個下晝。絕對值得再食

來到祥發，不得不提他的招牌推介：“瑞士餐”瑞士餐是按照選擇A+B、A+B+C等方式選擇自己鐘意ge野食，主菜係A：瑞士雞髀or瑞士雞翼or炸雞翼，這裡的瑞士食物真的很入味，醬汁也很多，很好吃。在不同的配搭下，價錢也相對不同，我地可以按自己d money去選擇。還有一些特飲，也是值得一嘗，例如凍檸檬蜜桃茶等。

祥發茶餐小廚不可不試瑞士雞脾餐A+H $34 凍飯+$2 (A)瑞士汁雞腿+(H)燒鰻魚配紅腸飯 瑞士汁大雞肶，份量都唔細隻，仲要瑞士汁有透肉既滋味，不但個皮入曬味，仲要雞腿肉都好鹵得入味，瑞士汁帶甜，但不會太漏喉。雞肉好嫩滑，唔會煮乾柴。個迷你飯就差咁啲，個鰻魚得一小嚿，有啲唔夠喉，紅腸都幾脆皮，加啲豆角有啲蔬菜係唔錯既，唔會太腍，加埋個汁撈飯都幾滋味。評分：8/10#瑞士雞腿#祥發雞腿#祥發瑞士汁#下午茶#午餐#雞肶

瑞士雞脾是這裡的名物，事實上那個可以自由配搭的瑞士雞脾套餐價錢相宜，適合心多多的人，當然也包括我。瑞士汁是偏甜的那種，香香甜甜的令雞脾很惹味，只是那種味道就是很表面，未能充份滲入雞脾內，至於其他伴餐小食或主食，水準不過不失。如果大家都喜歡食雞脾，又或者喜歡甜甜的汁，我會推介位於大角咀的新耀記，一間很家庭式小店，那個用冰糖煮的汁是完全滲透於肉裡面，其他食物都非常不錯。

祥發茶餐小廚又係北角搵食啦！今次黎到人氣熱店「祥發」食馳名瑞士雞脾！哇！餐牌有太多選擇了吧，abcdefghijk...救命！選擇困難症又出現...最後叫左不可不試雞脾餐，有瑞士雞脾、朱古力吐司同一杯熱朱古力。雞脾餣得非常入味！肉質鮮嫩幼滑，真係又香又惹味！瑞士汁味道帶甜，非常濃郁！吐司烘得幾酥脆，加左鍊奶同朱古力醬，味道甜甜的，一般般沒有什麼特別。整體來說，呢度食物質素ok，價錢抵食，不過就坐得唔太舒服。

繼上星期的新意客後, 今次的目標就是祥發. 與之前一樣, 一放午飯即刻來到餐廳. 來到時的確嚇了一跳, 門前已經站滿等位的食客, 情況和在添好運等位差不多! 跟門口的侍應大姐要了籌後, 就拿著個寫了A字的木衣夾等. 雖然等位的人很多, 但由於要人齊才可入坐, 我又是一個人的關係, 所以不用等太久就有位了.店內的坐位很擠迫, 肩貼肩的, 不過似乎大家都不介意. 我被安排在一張卡位搭枱, 枱面面積較大, 放幾碟食物也可以! 之前看過食家的食評, 瑞士餐是必點之選, 分別在於點多少款食物. 瑞士餐是以瑞士雞脾/雞翼作主打, 之後再配搭包類/意粉/粉麵/多士......等等, 胃口大的可以由A吃到M餐! 當日等位也等到肚餓, 於是決定多點一些, 雞脾+豬扒包+天使麵+奶茶!瑞士雞脾是每枱必點的食物, 足以証明多受歡迎! 雞脾頗大隻, 上枱時仍然是暖的. 瑞士汁頗甜, 煮得入味; 雞皮幾乎沒有脂肪, 加上啖啖肉, 令人吃得開懷! 豬扒包用的是熱狗包, 看似平平無奇. 麵包焗得外脆內柔軟; 豬扒頗入味而且不硬; 黃色沙律汁, 有別於一般用的奇妙醬, 味道微酸, 十分醒胃!特濃芝士汁吉列魚柳天使麵份

Came by for breakfast the other day as this is an OpenRice 2015 finalist!Despite being in a smaller location, the restaurant is indoors and with A/C.Ordered the Satay Beef Fish Ball Nissin Ramen and it was excellent! The Nissin ramen was well worth the $4 surcharge as it even came with the signature sesame oil packet! The satay beef was well flavored and the fish balls were fresh.The iced milk tea was very good as well, smooth and fragrant!Service was quick and efficient, typical of a HK cafe.

曾經係銅鑼灣好出名食瑞士雞脾兼平靚正，成日都聽男友講個瑞士雞脾好正，不過可惜執左，無意中發現係北角開左，所以帶男友黎，佢都好suprise認得個老闆娘同d伙計，亦都搵返佢係哩間茶記既回億。價錢十分抵，我簡左A+B+C都係$33連埋野飲 令笠笠0既雞脾，我用刀叉食雞肉都煮到好冧所以好易砌開，食落雞肉好嫩滑好入味，瑞士汁亦唔會偏甜，點埋汁食正呀！果然係瑞士雞脾專門店，幾乎每個人都會必點係真正0既魚柳...包! 魚柳炸到0岩0岩好，唔似有d茶記炸粉過多好似食緊個炸粉餅咁。。，麵包都有烘過黎包面有d脆。哩個係煎薯餅黎，個樣有d似蘿蔔糕，食落啖啖都係薯仔蓉，唔會好似m記薯餅咁炸到好多油又熱氣。沙嗲牛肉麵都係一般茶餐廳貨色，略嫌公仔麵煮得唔夠耐所以好硬身。總括黎講瑞士汁雞脾真係令人一試難忘，一定會再去，因為價錢抵食，用料都十足，味道都好味。

這可是我學生時代的至愛，平靚正，今日行經北角，突然好想吃什麼，本來想吃牛肉麵，最後一改心意，決定找間茶記坐下，卻讓我遇上它啦!!! 以前還在銅鑼灣，依家搬過來北角都兩年，我才第一次重臨舊舖，我沒有問這店是否用舊班底，因為食物質素一樣好，食客依然多超級大食的我點了雞脾餐，A+B+C+飲品，盛惠$33，價錢好似沒有漲好多（朋友們都超克制啦! 點超少) 幫我們落單的姨姨超好，見我心大心細，想改變主意，就問我想要咩，我終於不好意思地說「紅豆冰」，她就說「那沒有辦法，今天無紅豆」，我還是乖乖喝熱飲吧這是好人呀姨的筆跡，不知怎的，看見手寫的，有點感動，好有「人味」來了! 瑞士雞睥，超香! 肉超滑，啖啖肉，完全有大快朵頤的痛快然後西多士都來了! 呀姨多番提醒一定要即刻食，否則就唔好食啦!!! 花生醬西多士簡直是我my favourite junk food list上的第二位!! 這碗都是屬於我的（對的! 也超多）這是魚皮餃通粉，有3粒魚皮餃，都算合理，湯底也不算太味精好啦!我的就介紹完! 看我朋友的吧!這牛油薄多士，朋友已經吃了一塊，說好好味，中間的煙肉，份量就少了點這是蘑菇奄列，奄列也是我的至愛

剛巧到在七姊妹道搵食，行到街尾，發現一間茶記，眼見門口貼了很多瑞士鷄脾得獎報導，再望望店裡，發現真的很多人在食瑞士鷄脾，望望店名，原來叫祥發。此刻其實已經二時多，但人如輪轉，眼見十個客人，九個叫瑞士鷄脾。再望下實樣，嘩一聲，大大隻。餐牌其實有很多瑞士鷄脾/雞中翼/翼全翼的套餐﹐花多眼亂。不過我當然係揀瑞士鷄脾套餐。去片!!!大大隻的瑞士鷄脾，加上特製的豉油汁，一絕。再加配上一個奄列及自選米粉(我揀左龍蝦丸)，食到飽飽。最後還可以加2蚊轉飲紅豆冰，這是瑞士鷄脾/雞中翼/翼全翼的套餐專享優惠。相當抵食。

久違既祥發， 百搭餐親民，美味！1）最正@大愛瑞士鷄脾，水準依舊，濃而入味，鷄脾又唔un!超得2）呑拿魚包/豬扒包，前者係包同料分開上自己塗上去既， d兩款都係好正好多人叫既包款！ 包包軟身，醬料簡單味！3）西多士，即叫即整熱辣辣冇得輸！4）咖哩飯同天使面都唔錯，牛腩夠淋薯仔入味汁辣辣哋！ 天使面，汁話係特濃芝士，男友話爭d,但我就ok啦，食完唔會濟住左囉！同炸魚柳唔錯！連兩杯凍飲每人$40可以食到咁多野，真係爽皮！一定會再嚟！