神石燒牛扒專門店 (碧街) (已結業)

剛剛12月先去完鹿兒島食和牛，好想喺香港回味下！俾我見到呢間有鹿兒島黑毛和牛，即刻心心眼😍新鮮程度雖然無日本咁好，但算保存得唔差。我呢份好肥美，雪花分布絕對係A5級。不過佢啲燒汁好淡，我唯有改為點柚子醋😅場內仲有白飯、味噌湯、沙律任添，仲提供埋圍裙。不過座位超級迫同細，坐得好唔舒服。仲有，塊熱石用到好黑（原色係淺灰色），好明顯無專人刷洗過，我哋食完喉嚨都有啲唔舒服，要飲勁多水😅😅總結： 食就幾好食，不過貴咗啲啲 ($355/200g), 可以節日慶祝先食😬

#神石美國牛排 #石燒牛排 #牛排 🥩小編同大同之前想趁Happy Friday食個dinner聚一聚，同時支持黃色經濟圈!!💛 當晚小編叫左最basic既神石牛排200g，價錢只需要HK$85，包括麵豉湯、沙律、白飯任飲任食，CP值真係唔差啊!!!👍🏻👍🏻 而且塊排上到黎既色澤好靚，廚房只會輕微幫我地烤熟表面，之後就比我地自己透過塊熱石去自己調節牛排既生熟程度嚕~~🥩🤪喱塊美國牛排價錢上雖然係最平，但係小編覺得佢味道絕對唔差!!有少牛香味，肉質腍身唔會 “鞋”，而且又冇筋!唔錯~~😚小編最鐘意簡單調味，牛排配上鹽同黑胡椒已經好好味!!但如果大家食到後面想換一換口味，推薦用個度既燒肉汁 / 配埋烤過既蒜頭食啊😋 一開始個石板溫度都好高嫁，大家喺相機依先之前都要記得盡快處理塊牛排唔好比佢燒燶啊🤣🙈如果份量叫得比較多，食到一半塊板唔熱都可以換過塊，安心繼續食😎.🏆 「豬」味指數：8/10📌 溫馨提示：一拎到塊排個陣其實上面有張吸油紙，大家千祈唔好咁快拎開，比佢吸走塊排多餘既油之餘，仲可以防止比油彈到啊🙊

近年香港好興自助販賣機店，唔少鐵板燒店都採用左呢個方法～ 今日黎到油麻地試下呢間明星店！沙律🥗 麵豉湯🥣 白飯任裝🍚IBP牛膈肌🥩神石美國牛扒🥩 兩款牛扒都超好味！！！200G份量都算足夠！神石牛嘅牛味好香👍🏻 兩款都煎到大約5成熟～ 食落啖啖肉。如果想食肉嫩嘅就揀IBP啦！入口已經feel 到同神石牛好唔同，嫩口好多👍🏻 有好多調味料選擇～ 唯一不足之處係白飯太硬...因為係自助關係，店內座位上有好多設備、醬汁、調味料選擇👍🏻👍🏻👍🏻後記：音樂及投影片文宣兼備💛

經過見到今日少左人排隊終於可以試下😆😋一入去要起門口用機仔買飛先 之後會有感應器比你 提示你牛排🥩有得拎感覺好似去左日本咁😍同時都有d大煙 （抽風設備爭d）等左10分鐘左右 就入到啦入面好細 逼滿曬人 空氣中瀰漫着牛肉味😋店內冇咩裝修 工業風 櫈下面有個箱仔放下個人物品 座位比較逼 出面有自助麵豉湯 米飯 沙律 餐具都要自己拎 喺下面嘅櫃桶仲要自己拎埋牛扒 有d重同驚整到人我哋叫咗兩份牛扒1. 神石牛排🥩 $80/100g2. 澳洲M6黑毛和牛 $155/100g （推薦👍🏼）神石牛排🥩肉味冇咁出 冇咩油脂食落唔會好油膩M6黑毛和牛 會油膩d但牛味重好多 好出色 *注意* 鐵板煎牛會係咁彈 我都比油彈左三四下 都幾痛架🤕整體來講 都係值得一試但過嚟食飯嗰日 就唔好瘋狂購物啦～戰利品都唔知放邊度👻

食牛一定要用熱石，如果唔係邊有JAR JAR 聲) 神石燒簡直係毒J福音，自己去只需要喺門口買張食券，再搵個角落坐定定等攞餐，就可以食到美味正牛牛，簡單輕鬆無壓力！牛牛款式非常之多，而且價錢非常合理，要平要貴任君選擇。喺多款牛之中揀咗IBP牛隔肌，只要不到100蚊就有200g嘅牛肉，完全體諒食客嘅荷包，而且仲有沙律、湯、白飯任裝，非常親民體貼。而牛肉都有驚喜，雖然唔貴但牛味好重，就算食到最尾較熟嘅部份都依舊鮮嫩！重點係播親嘅都係抗爭歌，點可以唔懲罰？

突然間凍返⛄️介紹大家食呢間🥩！🔹美國極黑毛豬 $105🔸澳洲M6黑毛和牛肩胛里肌 $135主要食多款即燒牛肉，肉類可選唔同gram數，沙律、湯同白飯都係任添，百零蚊就可以食到jar jar聲嘅燒肉，好抵～我嗌咗唯一一款豬肉，好高質！我求其燒都好嫩，唔韌唔鞋又多肉汁，肉味都好出！塊石正好係我食完就差不多熱完，時間剛好，雖然個飯係日本米但我都忍住冇添飯，最後狂食沙律。友人都大讚佢個M6和牛好食，話下次自己黎食😂因為由排隊拎位，撳飛買野食，自助取餐裝飯拎湯成件事都好日式(毒)。店內空間不大，食食下會feel到啲人行黎行去拎野，好彩凳底有位放袋唔使攬住食，一丁友或者兩條友黎食都ok，人多就可能麻煩啲啦～/神石焼きビーフステーキ專門店油麻地碧街35號地舖

呢間係一間超級黃店，一入到會聽到好多新歌，好好聽！👍🏻 出面未聽過，後尾聽朋友講先知原來係 rubberband唱既 呢間係佢地成員開既店。一入去職員會係側面教你落單同比錢，餐廳最入面有自助bar 任裝飯、沙律、水。取餐都係自己黎。之後坐低5分鐘就有得食。非常之快，牛扒仲好高質數。鐘意幾多成熟都得！第一擔覺得超級好食，牛扒面有蒜片同少許菜。本身唔食蒜既我都加埋個牛一齊食，簡直係絕配！想用 OpenRice既卷記得早啲打電話 book左先！

想食肉但係又唔想比咁多錢食貴嘅牛肉，興起左一排嘅呢一種平價牛扒就係最好嘅選擇點解會揀呢間，首先係因為佢距離油麻地地鐵站都幾近，而且係間💛店，之前都食過另外兩間呢一種類型嘅牛扒店，今次就黎試吓呢一間👆🏽基本流程：喺門口睇定想食乜嘢，係一個自助售賣機嗰度揀你想買嘅嘢俾錢，入去搵位坐低，係等待食物嚟到之前可以裝定想食嘅沙律、味增湯同埋白飯，嘢食準備好就可以自己去攞牛扒嚟嘅時候上面會嵌着一張咁樣嘅廚房紙巾，望落去唔美觀，但係如果牛扒上面啲肉汁彈到落你件衫上面就會變成你唔美觀鋪頭入面係有提供黑色嘅即棄小圍裙，如果好似我咁着咗件白色衫或者淺色衫去食嘅話，可以去攞一件保護自己👆🏽美國頂級肉眼扒 $150/200g平時食嘅肉眼扒上面會有一舊好大舊嘅脂肪，但係呢一舊上面又唔會有喎，對於我呢個好怕食肥肉嘅人來講實在太好啦😽😽可能係因為我叫200g比較細份，呢塊肉眼扒都唔算厚，冇幾耐就燒到八成熟（但係我鍾意食五成熟嘅生牛扒）不過好在佢呢隻牌嘅肉質都唔錯，好香，就算熟咗都唔會韌，依然好冧可能落咗小小鬆肉粉掛但係我唔係好食得出🤔我個人非常之喜歡佢上面有嘅蒜片（因為我好好好好鍾意食蒜）同埋隔離嗰一小兜醬汁個醬汁係

呢個肺炎市況出街意欲麻麻，但咁啱俾我睇到d youtuber介紹呢間又話抵食，於是捉埋豬老婆黎試。個lunch價真係幾抵食，不過我地食晚飯價，我覺得還可以。我叫左個牛肋肌，老婆叫左個美國牛。一坐好我就走左去裝沙津同湯，沙津有四款醬汁揀，有意大利醋、柚子醋、千島醬同麻醬，我自己覺得柚子醋沙津可以去左口中肉味，有助重新品嚐肉味。湯普普通通，但絶對可以省卻你買氣水嘅錢。牛肋肌相對美國牛較韌，但牛味較重。兩份牛肉份量足，夠我地兩隻小肥豬飽餐一頓。有趣嘅係成餐都好忙，忙住裝飯、沙津同湯，跟住又要拎餐、食具，之後又要切牛同燙熟佢。。。又有得食又有得玩，呢個時勢又唔洗排隊，都食得過嘅。

被鋪面文宣吸引 一行入鋪頭 店員迅速上前招呼喺員工協助下好快就落咗單喇落單後店員即安排坐位同指示自助枱位置食物方面 九成都係牛唔食牛嘅我唯有揀咗美國極黑毛豬200g白飯 味㬝湯 （任裝）正常沙律（任裝）有4種dressing選擇 我就揀咗芝麻醬沙律菜幾新鮮唔錯上餐時扒上有一張廚房紙巾防止肉汁四洩上枱時肉扒有煎過但未完全熟本身都擔心石板唔夠熱整熟晒舊豬結果塊石板係絕對夠熱 豬扒煮熟後好軟熟🤤好有豬味 味道好好 無太多調味點一點附上嘅醬汁 口感仲清新爽口店舖一直播放黃歌曲，聽到心情好好(都有部分聽到有啲感觸想喊）唯一不足係始終有油煙味不過我今次用餐時間唔長食完後都唔覺身上有油煙味

星期六夜晚好長人龍但都要照排！估唔到流動好快打左個蛇餅唔洗半個鐘都入到座所以大家想食比啲耐性排好快就到你架喇～我叫左澳洲M3 200g一個女仔都好夠食仲有自助湯 飯 沙津任食肉質鮮嫩 好重牛味 食完幾個鐘個口仲有陣牛味🤣中價位黎講呢舊牛好滿意！朋友叫左最貴嘅日本和牛 150g份量都唔少而且好靚！油脂分佈平均 雪花紋❤️❤️真係入口即融架150g我覺得都夠食 因為和牛較油 好比較膩一定會返黎再食過價錢合宜 又食到靚牛

前一排成日喺ig廣告見到呢間餐廳嘅廣告，忍唔住就約咗朋友一齊試吓。第一次喺香港食呢類型嘅石燒店，價錢唔太貴就可以食到牛扒。一入到門口店員就教我地點樣用部機落單，揀自己想要嘅肉類，自己對食牛冇咩研究，就根據店員嘅推薦點左分別200g既美國安格斯牛隔肌（$95）同澳洲黑毛和牛肩胛里肌（$125）。所謂一分錢一分貨，貴啲嘅澳洲黑毛和牛肩胛里肌肉質相對淋身，肉汁更juicy。由於我同朋友都係第一次食，少少難去控制生熟程度，最後燒得太耐差啲變咗十成熟😂另外，唔使加錢就可以享用Salad Bar，有麵豉湯、飯同埋沙律。如果想用好抵嘅價錢食到高質牛扒不妨嚟下呢間餐廳！

昨晚是第二次光顧此店，上次吃M6覺得不錯，今次吃M9西冷同最平的神石牛，經兩次經驗覺得最貴M9好一般肉質略嚡，有趙口，無牛味，M6肉質尚可，不可太熟，反而最平神石肉質軟林，不過牛味不重，百零蚊300克，CP值已十分高。總括來說，光顧此店食最平的神石牛就最化算。不過，此店環境一般，坐位比較迫夾，同埋通風系統一般，有油煙味，任食沙律新鮮，麵豉湯夠熱，refill速度快。服務方面，員工比較年輕，手腳快，尚算不錯。

最近石燒大行其道先前食完堅石燒後 對石燒念念不忘所以搜尋一下就見到神石燒因為星期六來到 沒有平日既優惠午餐價我們點了黑豚及美國牛柳豬及牛都只係微微煎過便放在石板上給客人繼續燒石板溫度是高的 燒牛肉來說是卓卓有餘的不過豬肉就真係要切到好細 及要用2塊石板才可以完全燒熟食物既味道牛是嫰滑沒有肋豬肉慶幸石板勁熱可以做到塊塊都脆皮及保留到肉汁不過刀不利 所以要用多啲力去把厚厚既豬肉切到細細件可以說食物味道無得彈另外要讚啲汁料好惹味及店內是使用日本米的可惜當天煮米個師傅應該無浸米及下水太小啲米有點硬沒有日本米的軟糯下次還是會繼續來的

已经食左4次，每次去我都点牛隔肌，真系超中意，未食厌之前唔想再点其他。同fd & 屋企人一起去左四次。我都有试过我屋企人点既黑毛猪，同埋顶级美国牛扒，仲有黑毛和牛添。但系我觉得最抵食既都系牛隔肌。主要系我个人喜好中意呢种肉质，讲唔上黎如何形容，总之一捻系牛扒我就捻起呢间铺。饭菜汤任装就唔讲啦，呢个系其次。一般晚黑会好多人，所以要早D去就唔洗排队。不过服务方面有待改善，如果可以有服务员帮手罗菜，我捻会更好。毕竟唔系人人都伶得起果个石板。另外，亦都系关于服务方面既。如果落单可以坐住落，我捻应该都OK D，咁就唔洗大家人等人，未入去就要捻食咩，咁会晒大家好多时间。