神石燒牛扒專門店 (碧街) (已結業)

呢間分店越開越多，一直都想搵機會試一試。今日經過呢度，無準備之下，即興試一下。因為疫情之下，我地唔敢堂食，唯有外賣試一試。外賣食燒肉，都算係第一次。呢度好似日本拉麵鋪咁，要自己買飛仔，交俾店員再等上菜。我地一入到鋪頭，店員已經好有耐性，好詳細咁同我地介紹唔同既餐。店員非常專業，睇我地想要咩類型既牛肉，介紹番相應既套餐俾我地。除左牛之外，lunch box入面仲包埋一個沙律，米係用日本米，食落完全唔同。價錢唔貴，但牛既份量好足，好有牛味，高質。

如果係午膳或晚餐時間黎呢間黃店的話 可能需要等一段時間基本上鋪頭係不設訂位 全部都係walk in 而且係自助形式用膳的客人可以點算一份扒然後 沙律/白飯/麵鼓湯都係任食的今日係午膳時間點左 M6肩胛里肌 ($85)份量唔算少的 肩胛里肌肉質鮮嫩 可惜有少少筋基本上擺塊扒上石燒係好有Gimmicks的 可以拎黎打卡 哈哈整體黎講 質素係高的 而且餐廳只會播抗爭歌曲或者黃歌手既歌

一入門口就要點菜，menu 上全部都係字都唔知要點選，企喺門口又好大壓力，最後終於落咗單入去，點知全部野都要自己攞，疫情期間，要係公家地方自己攞飯、湯、餐具，係咪唔多好呀！我最後叫咗個和牛西冷，點知係100g(因為太趕點餐）話係和牛，切到薄薄接幾片，一d 都食唔出係和牛，仲要得個幾塊，減緊肥嘅得都食唔飽😒阿仔好d，選咗200g 極級西肉眼，個職員話肉眼淋d，但係阿仔自己都切唔開，真係唔知咩道理，塊扒乾爭爭，個樣鞋颯颯，話有200g，真係見人見智啦，十個無奈😫要比成$3xx 食d咁嘅嘢，真係去大家樂食個牛扒早餐都冇咁嬲😤

同老公去慶祝開工飯，知道老公鐘意食牛又係油麻地返左，又係黃店，就去神石燒。因為係慶祝，就叫左最貴嘅日本A5和牛200g同150g（盛惠$630）。誰不知首先一黎到兩塊板都係唔夠熱嘅，重要重有上手嘅牛嘅漬未洗乾淨。各知都換左一次。之後一食件牛，真係心諗呢舊咩黎，真心咩牛味都冇，食完2個都係覺得唔好話和牛，連牛味都冇呀！之後重要腸胃炎，搞到成晚又痾又嘔！🤮嚴重懷疑係因為貴D 嘅牛冇咩人叫，所以keep 左好耐而唔新鮮！呢間野，我一定唔會再食

一入門口帶住耳機都聽到店內大大聲播緊有意思嘅歌🎶。有少少選擇困難症嘅我企咗喺部機面前念咗好耐，店員主動前來為我介紹唔同牛嘅部份嘅分別，好貼心💓。·安格斯牛膈肌200g $105推薦指數:★ ★ ★ ★ ☆店家提供嘅牛🐂係不經醃製，食客可自行加入海鹽或黑椒調味以食到最原本嘅味道👅。今次揀咗較有口感嘅IBP牛膈肌，$105/200g好抵，幾有份量🕺🏻。牛扒質感鮮嫩，肉汁豐富，過熟咗都唔會好硬，唔會話食落成口油咁😋😋。平靚正之選🌟·自助吧有薯仔、沙律🥗、味噌湯🥣供食客無限添食·當日店家有為食客派發印有佢哋logo嘅口罩套😷，環保♻️關係已自攜咗，所以冇要到，留返比有需要嘅人💫

突然有空即興約朋友光顧，網上見到可以買卷便宜少許，但須早一日電話預約確保供應。我明白我們沒有早一天致電，因為即興，以為剛剛打了電話確保有這項食物供應於是立即前來光顧。怎料兩位女員工好像死老豆一樣的態度，責怪我們沒有早一天來電，執著於“早一天”這個問題，並叫我們“你們下要點點點。。。。”。見識到如此不知所謂的員工，我們下次還敢來光顧嗎？

今日突然好想食熱野同埋想變做食肉獸，行到油麻地，就同左朋友去左呢間鐵扒燒食牛肉啦。我揀左美國黑安格斯牛隔肌黎試，係等緊既時候，餐廳入面有個自助吧，任食白飯、麵豉湯同沙律，感覺已經賺左！石板熱辣辣咁上，石板吱吱咁響之餘牛肉既香氣飄緊出黎，令人唾涎欲滴。牛肉味道香濃，表面熟內裡用石板燒過剛剛熟，加上鹽粒食落完全提鮮，加埋牛肉上面既蒜片一齊食，十分惹味可口。而且，牛肉既份量真係好滿足，整體黎講，值得再繼續幫襯！

之前食過一間連鎖的鐵板牛經驗太差的關係 所以對呢間期望好高 雖然真係要排好耐隊但事後覺得係值得👍🏻👍🏻店舖最平～$90就有交易但我見到牛膈肌好似好特別所以試下👀： 分量合理👅： 牛肉味濃 就算過熟唔會咬唔開 肉質算嫩滑 算係平靚正首選另外友人叫了和牛set 希望愈大失望越大： 分量一般 男生食一定唔夠飽👅： 肉質雖然嫩滑但唔夠濃牛肉味 雖然知道A5和牛特性但仍然覺得雪花太多有點油膩必須配飯食配菜都可以簡單講下 😄🍚唔會太軟身；🥗係新鮮爽脆；湯就無咩特別至少有味道 整體嚟講性價比👍🏻 加上位置就腳近地鐵站又加分👍🏻👍🏻

我雖然對日式自助石燒牛扒頗為有興趣，但是卻不會經常光顧那些日式石燒牛扒店，購買和獨自享用石燒牛扒料理，因為那些日式石燒牛扒料理店定價不算便宜，食最基本等級的牛扒，也需要消費港幣六七十元左右。不過，我最近在某個星期日下午，接近晚上六時正左右的晚餐時間，光顧位於「油麻地」港鐵站出口附近，「碧街」的日式自助石燒牛扒店「神石燒」，才算真真享受食石燒牛扒的快感，因為當時店裡面的食客不算很多。所以我光顧油麻地「神石燒」，享用一人自助石燒「牛隔肌」套餐期間，都沒有太多陌生人在旁邊騷擾，讓我可以無拘無束地，享用肉質和口感都不算韌的石燒「美國黑安格斯牛隔肌」牛扒。「牛隔肌」在油麻地「碧街」「神石燒」價目表裡面，不算是價錢最便宜的食品，不過「牛隔肌」在「神石燒」餐牌裡面，卻是最受食客歡迎的燒烤牛扒食品之一。我在自助售票機購票後，侍應很快安排了座位給我。在「神石燒」購買二百克左右的「牛隔肌」牛肉，需要支付大約港幣一百零五元的價錢，至於購買三百克左右份量的「牛隔肌」，則需要港幣一百五十元。換言之「神石燒」的「牛隔肌」，平均每一百克份量賣港幣五十元左右。至於「神石燒」裡面，供食客取用白飯、餐湯和沙律，都集中在「

成日經過都好多人排隊，有日晏晝見到冇咩人，於是就同同事入去試吓。有個店員會幫手喺自助點餐機揀嘢食，我揀咗最平嘅牛扒試下。點完餐之後就可以搵位坐低，可以自己不湯飲、不飯先。等左一陣之後個牛扒就到，有牛肉味，而且好林，我自己覺得生啲好味啲，所以切完就冇繼續放喺個石板上燒🔥啲牛扒喺石板上面咋咋聲，再加上舖頭裏面充滿熱血🟨嘅裝飾同氣氛（包括背景音樂），令人一路食一路好hyper! 我覺得對女仔來講食一餐都幾滯，不過好在就係可以自己不飯，份量都係可以自己控制。我會再去食的

第一次黎呢間熱石燒牛 門口有部機 入去坐低前就要自己買左食物卷先🙈 好得意🤩 㩒2下部機就覺得好有日本feel 咁易滿足嘅🤦🏻‍♀️ Anyway我覺得佢係真心好食又唔貴既. 雖然我唔係好識燒😅 太厚肉我唔係好知點handle... 🤔 但因為塊牛肉本身就夠正，所以點燒都好食🤪 仲有 湯+飯+沙律都係 自己任裝🙈 想食幾多都得😏 有啲後悔我一開始買多左罐蜜瓜梳打添... 最後太飽飲唔落😅🙊要提提大家最好唔好穿白色衫去食🙊 啲汁真係keep住一路食一路周圍彈😅 你又冇理由等到舊石凍左先食架嘛.

-《神石焼きビーフステーキ專門店》🐄相信大家都會同我一樣有時心癢癢好想食牛！今日就同大家介紹吓呢間平民神石燒牛肉專門店🥩😎呢間店外面會有部販賣機、揀你既心水牛！拎票！係咪好日本feel！哈哈😂冇計啦旅行又去唔到、食住呢啲有日文字既餐廳先啦😆😆呢間野日本A5和牛都有！而且最平既牛$80蚊就有交易喇🤤爽啦！沙律/湯/飯 任食唔嬲自助形式😉👈🏻🥩澳洲肩胛里肌 200g（$135）呢個價錢其實冇問題期望好高、點知都幾有驚喜！相比起美國牛，我呢份牛味較重！🤤肉質鮮嫩！呢個價錢來講性價比係好高！🤫🍖美國金裝黑毛和牛 150g （$230）朋友仔叫呢份約有10-11片、油脂分布平均！雪花紋靚仔🤤🤤但始終係和牛！比較油膩🤫偷佢兩塊食我都覺得濟濟地😂講牛味重我會揀前者多啲！

閨蜜上網睇到呢間掂子，就沖出嚟要我同佢試食😂不過唔知係咪因為咁岩果斷時間佢哋買廣告，所以門口都用咗好多人喺度排隊。你間舖頭已自助式點餐服務，模仿日本快餐店嘅風氣，不過呢個只限現金，所以你哋必須要黎食之前準備定一對現金。點完餐之後，就自己搵位坐， 然後佢哋會比一個機器你，當佢響起嘅時候，你就自己埋去廚房位攞...係等嘅時候，你都可以裝住啲白飯，沙律，同埋啲湯先，因為呢三樣野，係可以無限添食👏🏻👏🏻終於都等到埋你，避免佢啱啱先起嘅油彈到， 佢會先用紙巾鋪上面， 我揀嘅係肩胛位，我一般都鍾意食呢個部位😋總括嚟講間餐廳唔可以話好抵食，不過但係佢勝在可以無限任添..... 但係如果同我一樣有被敏感嘅人，我就唔見入嚟堂食，一黎地方淺窄，二來佢嘅通風系統設備好差，成間舖頭都好重油煙味，一路食一路比啲油煙紛着🥺🥺 而且價錢上面又唔係話真係好抵，除非你嗌佢哋最平嗰個套餐

作為食肉獸，知道油麻地有間平價熱石燒牛，即刻排隊試試。今次早少少嚟排隊，大概等左15分鐘就有位啦。入去坐低前就要點好餐，門口位會有職員幫手㩒機。今次揀咗美國天然牛扒300g同美國M9+和牛西冷100g。等咗一陣就有得食啦，熱石夠熱，一擺上去就jarjar聲，超有feel。牛扒好厚，肉汁豐富，但又唔會好肥，好好味，係最抵食之選！😋而和牛西冷比較薄，但牛味比較豐富，非常嫩滑。簡單加上鹽同黑椒已經足夠，佢地嘅醬汁都好夾，清清地減油膩感。最緊要燒肉技巧，唔好擺太耐燒得太燶。白飯沙律同湯都係自助形式任你裝，一定食到你飽，啲牛肉汁加醬汁撈飯亦都別有一番風味。呢間等待時間唔長，肉嘅質素唔錯，絕對抵食，非常適合quick lunch/dinner。

晚餐時間去坐滿人 地方劑迫 去自助bar拎餐湯 有點危險 白飯好味 仲可以任裝不過人多去拎野食 真係好唔方便建議牛肉味到就要拎好哂 飯及調味醬汁牛扒一上 就要準備食否則煎太耐 肉質會好靭而且煎既時間需要自己掌握得好好另外加左鴨肝多士 食完哂牛先食多士仍然好脆 算不錯總括黎講 自己就覺得一般般