神燈海鮮酒家 (V Point)

營業中

休息中

今日假期帶住屋企人去享受下午茶🍵。一坐下，我哋就點咗壺茶，然後慢慢考慮要叫咩點心🤗。我哋選擇咗玄米茶，呢種茶喺其他茶樓唔多見，茶香🌿清新，口感輕柔，完全唔澀，飲落好舒服。廚房推薦：蜜汁脆燒鱔即燒伊比利亞叉燒皇白灼青蔬呢兩道菜係必試，連經理都推介，脆燒鱔同叉燒都好正👍🏻。脆燒鱔的皮烤得香脆，肉質又肥又多汁💦，完全冇腥味，味道甘香。而叉燒同樣出色，外邊微焦，肥瘦比例完美，肉質鬆軟得無話可說💫。點心選擇：富貴瀨尿蝦餃酥皮菠蘿叉燒包蟹籽蝦仁燒賣瀨尿蝦餃好少見，餃皮薄透，裡面有一隻小瀨尿蝦和蝦滑，鮮味十足🦐。菠蘿叉燒包則外皮香脆，叉燒餡鹹甜適中，還是微微熱辣，食落真係好好味😋。總體來講，今次的茶餐體驗非常愉快，食物質素高，絕對值得再來！

朋友準備移民，當然要餞行。獨立房間有最低消費，人多好辦事，輕易便達標。炸油條非常香脆，外層滾滿了金沙十分咸香，內裡的蝦膠緊實有彈性，雖然菜式有點油膩但每人半件無傷大雅。叉燒很大份，性價比不錯，而且瘦中帶少肥，肉又軟中帶嚼勁，加上解膩的醃蘿蔔，實是一道美味的菜式。房間外有大櫃正在風乾多隻燒鵝，相信此燒味是熱賣菜式。燒鵝確實皮脆肉厚而且肥膏不多，絕對是食肉獸之選。阿拉斯加蟹肉厚紮實，以雞油花雕蒸更添鮮味，一大盤蟹腳滿足了所有人的胃口。蝦多士伴以蟹膏甲羅燒出場霸氣十足，蝦蟹共冶一爐，賣相與實力俱佳。焗魚腸是人多才會點的菜式，因為可一起分擔膽固醇，魚腸鉢的蛋皮焗得焦香，魚腸處理得宜，不油也沒有泥味。煎炸及肉類菜式頗多，顧及健康也點了幾款味重的蔬菜，不竟清淡菜蔬未必合適。幾款蔬菜均有咸鮮的配料提味，層次豐富。蒸阿拉斯加蟹剩有不少蟹汁，經理建議以伊麪撈之，可惜伊麫上枱時温温吞吞，蟹味一點乜不突出。牛奶布甸奶香與甜味剛好，小小一樽，恰到好處。

神燈海鮮酒家銅鑼灣新分店， 佈置古色古香， 小橋流水 ，附庸風雅， 大紅燈籠高高掛, 每個角落濃濃蘇杭水鄉風情 , 環境舒適寬敞。糯米炒膏蟹 $568糯米炒膏蟹， 用大沙煲原煲盛上， 保持溫度， 打開蓋時 ， 還冒著煙, 香氣十足 ， 原隻膏蟹放在飯面上， 蟹殼填滿 金黃蟹膏， 又香又滑， 糯米飯入口軟糯 油潤， 啖啖米香， 吸塑了膏蟹的鮮香， 滋味加倍提升， 帶來驚喜。蜜汁脆燒鱔 $268上枱時，香氣十足，肥美的燒鱔 , 鱔皮燒到香脆香口， 鱔肉鮮味爽彈， 咀嚼時 ，甘香的魚油注滿味蕾， 加上香甜的蜜汁， 讓人喜歡。黑松露燒鵝 /四分一隻 $238烏卒卒的燒鵝皮， 用黑松露醬醃製， 燒鵝皮燒至油光亮麗， 外皮玻璃口感， 香脆可口， 鵝肉不但軟嫩， 還充滿肉汁， 肥而不膩 , 加上濃郁黑松露醬的芳香， 中西融合 , 不一樣的燒鵝 。即燒伊比利叉燒皇 $268厚切伊比利叉燒， 啖啖肉口感， 肥瘦適中 , 燒到軟稔滑溜，拌飯認真一 流。龍蝦湯脆米海皇粒粒泡飯 $198龍蝦湯底金黃香濃，襯湯底熱燙燙，將炸米倒入湯中， 脆卜卜炸米吸收鮮甜湯汁，啖啖鮮香美味， 伴隨豐富的蝦肉及帶子肉

朋友話要食靚仔嘅中菜，我諗都唔諗就帶咗佢去…“神燈海鮮酒家”呢間”神燈”係銅鑼灣嘅全新分店。之前都食過佢佐敦分店，覺得啲嘢食精緻好味又大份，就帶朋友去銅鑼灣分店試吓先。神燈嘅選擇好多，如果只係第一次試，其實淨係食signature dish已經夠。銅鑼灣分店嘅環境古色古香，飲品Menu更加係好似荊軻刺秦王嘅竹簡😂。但呢度真正打卡嘅地方其實係佢嘅嘢食…伊比利亞叉燒皇 $258標準高端中菜菜式。叉燒又甜又淋，半肥瘦，夠大嚿，基本上冇乜好挑剔。黑松露燒鵝1/4隻 $238燒鵝同雞鴨唔同，1/4隻已經相當大隻。鵝肉油香豐富，皮又脆，兼帶黑松露味，就算唔點佢提供嗰兩隻秘製醬汁，我覺得已經夠晒好食。蜜汁燒脆鱔 $278脆鱔即鰻魚，但更彈牙，個人認為係今晚最好食嘅菜式。真正做到外脆內軟，加上佢表面嘅蜜汁同內裏嘅爽彈肉質，滋味無窮，令人欲罷不能。糯米炒糕蟹 $588相當大份嘅菜式，一嚟到已經嚇親。打開蓋，成隻大膏蟹就喺入邊。用芫荽同蟹膏炒落啲糯米度，無論係蟹膏同芫荽嘅味道都完全融入糯米當中，豐富無比。呢個菜式係味道同飽肚度兼備嘅終極菜式。四頭南非鮑魚鵝掌 $198朋友話唔夠食所以追加嘅菜式。估唔到南非

星期五晚去到人頭湧湧好彩Book 左位唔係應該都食唔到果然係海酒家見到每枱都必點糯米炒膏蟹我地都叫左黎試下大大隻膏蟹 好厚肉 爆晒膏 每一件蟹都有好多膏好香 好邪惡 蟹嘅油香同鮮味滲入左煙韌嘅糯米飯裡面個飯上枱之後由得佢唔好兜均住 你就會得到焦香脆口嘅飯焦啦😋黑松露玻璃燒鵝好新奇 因為佢係黑色皮嘅 用左秘製醃料去醃製燒鵝食落去皮薄脆身 油脂爆發 鵝肉肉味香濃 可以配上黑松露醬汁酸甜解膩同時增添松露香氣 燒汁芥末大尾魷魷魚爽彈 燒汁香口 加上芥末小小嗆鼻嘅刺激感越食越上癮法式蜂蜜芥末蝦球蜂蜜芥末醬偏酸甜 配炸物好夾 神燈小炒皇去食中菜一定要食小炒皇每間餐廳都有自己嘅特色依到有豬板筋 油條 四季豆 馬碲 腰果 蝦乾好特色嘅配搭 送酒一流

秋風起🍂食蟹係我第一件諗起既事🙈來到神燈海鮮酒家既銅鑼灣分店，平日居然都坐落客人（真係好耐無係香港見過呢個情景）‣ 糯米炒膏蟹 $588呢餐既重點絕對係呢個糯米炒膏蟹，蟹蓋入面超多膏，好甘香！糯米飯又炒得粒粒分明，絕對係今晚既MVP‣ 蜜汁脆燒鱔 $278眼前呢碟脆鱔用試蜜糖同檸檬汁，酸酸甜甜好開胃。而且外皮燒得好爽脆‣ 即燒伊比利亞叉燒皇 $258‣ 黑松露玻璃燒鵝 1/4隻 $238呢到既燒味都唔簡單，有幾乎每枱必點既黑松露玻璃燒鵝同超腍既即燒叉燒皇！黑松露玻璃燒鵝睇落黑蚊蚊但係外脆內嫩，油脂豐富，酸梅醬上亦都加左黑松露😳勁香！叉燒肥瘦均勻，有蜜糖既焦香👍🏻.

糯米炒蟹膏🥢一場味蕾的盛宴中秋佳節必定首選中菜💓以江南蘇坑古典優雅風格為主環境超有格調，仲設有貴賓房添！🔸糯米炒膏蟹🦀必試❣️超高質，勁多橙紅色蟹膏口感豐腴，蟹肉仲好鮮甜！糯米飯粒粒分明，混埋蟹膏真係一流～超鐘意仲有勁多飯焦🤩超脆口🔸黑松露玻璃燒鵝 1/4隻烏卒卒嘅燒鵝真係第一次見！用咗黑松露 & 秘製醬料醃製燒鵝油香四溢，再沾上松露醬酸酸甜甜，超開胃🤤🔸金沙鬼馬百花釀油條超好食！油條表面沾滿金黃色鹹蛋黃仲炸得好香脆，中間釀咗滿滿蝦膠食落好彈牙，大滿足之選！🔸生炸黃油雞 半隻兩個人食啱啱好，份量十足！黃油雞外皮超香脆，中間肉質嫩口📍 神燈海鮮酒家 (V Point) (銅鑼灣)銅鑼灣登龍街18號V Point地庫 #銅鑼灣美食 #中菜 #中菜小炒 #銅鑼灣中菜 #中菜推介 #銅鑼灣好去處 #海鮮控 #燒鵝 #燒味店

朋友推介嘅酒樓，主打手工粵菜，唔少菜式都幾特別同有創意，啱晒鍾意試新嘢嘅朋友~🔘黑松露玻璃燒鵝 (1/4隻)真係第一次食黑色嘅燒鵝，外皮香脆，充滿鵝油香氣，肉質細膩，帶有微微嘅鵝脂香，喺呢度嘅招牌菜之一，點都要試吓~ 🔘拆肉瀨尿蝦元貝釀玉環 平時嫌麻煩好少食瀨尿蝦，拆肉瀨尿蝦啱晒我呢啲懶人，真係功夫菜，平時好少見到有得食，元貝超大粒好鮮甜，唔會蒸到過熟，呢個菜絕對係實物靚過餐牌張相好多~ 🔘糯米炒膏蟹 一開蓋就香氣撲鼻，膏蟹煎炸過好香口大隻多蟹膏，糯米飯軟糯入味有飯焦，份量足夠四個人食，太好味忍唔住食咗幾碗飯🤣🔘燒汁芥末大尾魷 大尾魷即係尾部較大嘅魷魚，如其名地肉厚，口感Q彈，味道鮮美，微辣芥末汁同紫洋蔥都非常加分，食唔停~🔘羊肚菌紅燒豆腐 豆腐軟滑，加上羊肚菌嘅獨特香氣，醬汁都係偏濃郁嘅口味~

神燈係香港罕有嘅手工粵菜餐廳之一，全新銅鑼灣分店，多款招牌菜，感覺相當驚喜😍首先係糯米炒膏蟹🦀，膏蟹份量十足，蟹膏滿滿，糯米炒得乾身，吸收咗膏蟹嘅鮮味，好惹味。而招牌必點嘅黑松露燒鵝，鵝皮燒得香脆，鵝肉嫩滑多汁，黑松露嘅香味滲透鵝肉之中，好香☺️ 係一味非常有創意的菜式，將傳統燒鵝提升到另一個層次。蜜汁脆燒鱔金黃香脆，蜜汁嘅甜味同鱔魚嘅鮮味完美融合，口感外脆內軟。另外，滷水豬生腸處理得非常乾淨，豬生腸口感爽脆，唔會太韌，點埋醬食好味😋 涼拌豬腳筋爽脆彈牙，醬汁酸甜開胃。最後係竹笙白玉，竹笙爽口，豆腐滑嫩。神燈嘅菜式將傳統粵菜嘅精髓同現代烹飪技巧完美融合，每道菜都充滿驚喜，絕對值得一試！

最近神燈海鮮酒家喺銅鑼灣開咗間新分店，環境好舒適，坐得都幾舒服，上菜速度都幾快，侍應態度熱情細心。滷水豬生腸($158)：爽口彈牙，滷水味夠濃，完全唔腥，蘸埋甜醬芥辣仲過癮，超好食！ 涼拌豬腳筋($98)：爽脆又夠清新，仲有好多膠原蛋白添！蜜汁脆燒鱔($278)：個皮脆卜卜，鱔肉又嫩滑彈牙，蜜汁甜甜哋好惹味！黑松露玻璃燒鵝(1/4隻，$238)：係今次嘅亮點！燒鵝皮呈亮黑色，做到皮脆肉嫩，食落仲有陣黑松露嘅香味，真係值回票價！糯米炒膏蟹($588)：係佢哋嘅招牌菜，果然名不虛傳！蟹膏好多，同糯米飯炒埋一齊，香噴噴，勁好食！份量又夠多，啱晒同朋友share！最後，荷香萱威麒麟雞($188)都幾好味，雞肉嫩滑，除咗有陣荷葉嘅清香，仲有咸香嘅火腿同埋香菇，口感幾特別。

銅鑼灣行完街見到呢間新開神燈海鮮酒家🆕想食粵菜嘅心就嚟了😍馬上試下先🍴涼拌豬腳筋幾特別嘅前菜 有嚼口 開胃一流👏🏻🍴金沙魚皮充滿咸蛋黃香😍下酒菜必點🍺🍴滷水豬生腸完全無內臟腥味 咬落偏軟淋👐🏻一啲都唔韌 滷水超入味🍴蜜汁脆燒鱔本身大愛燒鱔😍呢個令我非常驚喜燒到外皮脆卜卜🤤肉質爽口彈牙 配埋蜜汁好惹味👏🏻🍴黑松露玻璃燒鵝肉質嫩滑🥹外皮燒到又薄又脆 入口滲透香濃黑松露味😌🍴糯米炒膏蟹必點! 🌟超大隻膏蟹 入口滿滿濃郁蟹膏🤤充滿焦香糯米飯 極級享受👏🏻

位於佐敦的神燈海鮮酒家以一道黑松露玻璃燒鵝打響名堂，自開業以來一直有口皆碑，最近終於再下一城於銅鑼灣開設分店，除了蜜燒富貴意米雞、法式蜂蜜芥末蝦球等別出心裁的創意料理之外，更有懷舊蝦多士、古法金錢雞等傳統粵菜，當然亦少不了各式各樣海鮮及小菜。滷水豬生腸 ($158)有別於坊間大部分小食店的滷味，豬生腸上菜時保持溫熱，沒有經過冰鎮所以相對軟腍，鹹度適中並不帶任何腥臊，放涼後質感變得更加可口彈牙，不過份量較少，以此價錢而言性價比不高。黑松露玻璃燒鵝 ($238)鵝皮烏漆墨黑但絕非燒焦所致，據知先以黑松露及秘製醬料醃製再經風乾，皮脆肉嫩之餘肉汁充沛，油脂豐腴並伴隨陣陣黑松露香。配以燒鵝汁及法式松露醬兩款特色醬料，前者彷如鵝肉精華般濃郁提鮮，而後者將黑松露揉合經典酸梅醬，酸甜解膩亦令松露香氣更上一層樓。糯米炒膏蟹 ($588)膏蟹名副其實滿懷蟹膏，甘香濃郁之餘連蟹肉亦鮮美彈牙，膏蟹精華盡收糯米飯底，粒粒分明並帶香脆飯焦，色香味俱全。金湯海皇豆腐 ($138)豆腐質感介乎於嫩豆腐與硬豆腐之間，避免碎散而又不失軟滑，羹湯鹹蛋黃鹹香濃厚，加上小貝柱、蝦仁及草菇佐飯一流。蜜燒無激素紅毛松阪豬 ($16

之前食過其他分店，覺得佢哋嘅糯米炒膏蟹🦀同燒鵝🪿都係必食。今次銅鑼灣店都係一樣好食。即刻納入我心目中嘅宴客中菜清單👍🏻。🌟糯米炒膏蟹$588🦀大隻同埋極多蟹膏！蟹膏口感細膩，質地有啲似溏心蛋黃。撈埋糯米飯味道好香。糯米飯仲有飯焦🤤。🌟黑松露玻璃燒鵝1/4隻$238鵝皮煙燻味加鵝油香真係好邪惡。仲係好靚嘅半肥瘦，肉質鮮嫩易咬。除咗有燒鵝汁，仲有特製嘅黑松露酸梅汁。🌟帽子戲法$178香汁鴨舌、五香金錢牛展、掌翼三款都唔係想像中嘅鹹味鹵水🤫，而係薑、蔥、八角、花椒嘅香味！味道細膩唔過鹹，食到停唔到口🤤。🌟涼拌豬腳筋$98豬腳筋口感爽滑，充滿骨膠原。🌟濃湯一級竹笙浸翡翠$168竹笙大條爽脆。勝瓜吸收晒上湯嘅味道，食落一啲青味都冇。

‼️係銅鑼灣搵到間傳統既 #罕有手工粵菜餐廳 #神燈 ，令人覺得好興奮呀🤩 即刻搵埋屋企人一齊黎食😋 餐廳提供多款廣東菜～而我就緊係食d人氣菜式😳 包括黑松露燒鵝🦆糯米炒膏蟹🦀蜜汁脆燒鱔🐋滷水豬生腸🐷涼拌豬腳筋🐽鮮沙薑滑雞煲🐥黑松露燒鵝 (1/4隻)🦆賣相十足吸引，黑色帶光澤既鵝皮係燈光下閃著誘人😍入口瞬間感受到香脆既外層配上濃郁既黑松露&柔嫩既鵝肉交織出完美既口感☺️糯米炒膏蟹🦀菜色彩豐富，蟹肉鮮香同彈牙🦷糯米吸收了蟹肉既精華，完美融合～拆開蟹殼後，食到蟹肉嘅鮮美❤️蜜汁脆燒鱔🐋外表呈現金黃色澤，蜜汁甜香味🍯脆燒既鱔魚保留豐富既肉汁，咬落去時彈牙，蜜汁襯托出鱔魚既鮮美🐟滷水豬生腸🐽生腸外皮爽滑，每片都有濃郁既滷水香氣，彈彈爽爽，非常過癮😛涼拌豬腳筋🐷作為前菜一流呀～充滿Q感既豬腳筋～非常合適係熱天享用🤩鮮沙薑滑雞煲🐥雞肉經過精心處理後，雞肉滑嫩可口，沙薑既獨特香味深入雞肉之中🤗📍 神燈(銅鑼灣店)銅鑼灣登龍街18號V Point地庫

見好多人都介紹神燈海鮮酒家，今次都等我試吓佢哋銅鑼灣分店先，由入門口小橋流水嘅江南古典裝潢到室內紅燈籠、竹簡餐牌都系打卡熱點，用餐環境舒適。設有好多卡位，圓枱座位之間有空間感。黑松露玻璃燒鵝必食嘅招牌菜之一，經過秘製黑松露醬汁醃製，外皮呈現黑亮色澤而香脆，肉質鮮嫩，非常肥美，搭配特製醬汁，風味獨特。糯米炒膏蟹都係招牌菜之一，以邪惡的蟹膏與香脆糯米飯完美結合，味道鮮美。砂煲熱氣騰騰呈上，糯米飯香氣撲鼻，粒粒分明且帶有微微的焦香，完美吸收了蟹的鮮味，賣相非常吸引。金沙鬼馬百花釀油條神燈海鮮酒家的創意小食，金黃酥脆的油條包裹住滿滿的蝦膠，而油條上用厚厚的鹹蛋黃醬油炸，香脆飽滿，散發著濃郁的香氣，真係勁邪惡！翡翠珊瑚炒帶子色彩鮮豔，表面煎香，卻保留咗帶子的鮮嫩，大大粒帶子好高質。搭配咗西芹，色香味俱全。石澳梅菜蒸菜心擺盤出色，菜心蒸到岩岩好，保留咗脆感和鮮甜。搭配的梅菜，與鹹香結合，再淋上薑蔥和甜豉油，味帶有微微的甜味，整體的味道層次好豐富。