神燈海鮮酒家 (V Point)

營業中

休息中

好耐冇行過登龍街，見到有新野仲要坐滿左九成，咁多人食我緊係要跟風🤭即燒乳豬1/4隻($258)乳豬個樣燒得幾靚，外皮又薄又脆，肥肉都唔多，食落層次豐富👍🏼😍。份量2個人食啱啱好，人少少都可以食乳豬過下口癮!😚蟹粉扒荳苗($288)份量都幾大，蟹粉都好足料🤩，每啖都可以食到蟹粉鮮味，而荳苗亦都好嫩好新鮮🌱。蟹粉玻璃蝦球($288)又係好多蟹粉呀一啲都冇比少🤩! 蝦球每隻都大大隻，食落好爽口好彈牙😋! 第一次食蟹粉配蝦球又真係幾夾~🦀🦐蜜燒無激素紅毛松阪豬($168)睇到個樣已經覺得好正🤤! 蜜汁已經夠哂香，豬肉都幾嫩，後面嘅豬肉肥膏會多啲但入口即溶😈，啱哂鍾意食邪惡野嘅朋友😏。 大富豪炒飯($128)估唔到炒飯都咁大碟🤣，見到都落左好多料，仲有蟹肉蟹籽。味道幾清香，幾啱用尼配搭其他食物🥰。前菜($25)晚市茗茶($15/p.p)

銅鑼灣嘅🌟神燈海鮮酒家🌟，推出咗多款🍂秋冬菜式❄️，包括🐐羊腩煲、🐍蛇𡙡、仲有🦀蟹粉系列！🦐蟹粉玻璃蝦球 $288巨型嘅蝦球爽彈甜美，滿滿嘅蟹粉完美咁包住每一粒蝦球，鮮上加鮮！🌱蟹粉扒豆苗 $288蟹粉令清爽嘅豆苗變得額香郁！🐖即燒乳豬（1/4隻） $258即燒乳豬嘅外皮，好似薯片一樣卜卜脆！乳豬肉去骨切條，幼嫩美味富油香！隻豬腳仔極肥美，千祈唔好錯過！♨️蜜椒金薯牛肝連 $198神燈嘅王牌小炒之一，口感柔嫩嘅牛肝連，配上惹味嘅蜜糖黑椒醬，滋味無窮，係必點嘅items之一！🕊️紅燒妙齡乳鴿 $78外皮脆身，肉質嫩滑多汁兼入晒味！🥤樽裝汽水 $22紅豆沙（送）

窩夫久仰「神燈」的大名，一直沒有機會光顧佐敦店，現在銅鑼灣有分店，便相約好友去吃生日飯。等人期間先吃琥珀合桃，香脆不太甜，叫人吃不停口。一行五人點了一個四人餐「招牌名菜盛宴」($1688)，另加兩道菜。伊比利亞叉燒皇上桌時暖暖的，肥瘦適中，肉質軟腍，肉汁豐富。黑松露玻璃燒鵝(1/4隻$238)乃非一般的燒鵝，很有特色，值得一試。皮超薄超脆，有淡淡的黑松露香味，蘸蘸兩款自家製醬汁令味道更豐富。套餐中的生炸黃油雞皮脆肉香，肉質嫩滑，驚喜之作。神燈小炒皇帶點辣，十分惹味。星洲麥皮蝦的蝦都被大量麥皮淹埋，蝦不算很大隻，但算新鮮。滋補燉靚湯非常好喝，稍嫌雞油略多。正當大家在猜那是什麼湯的時候，湯料上桌，開估了。招牌糯米炒膏蟹的份量十足，蟹膏甘香，糯米飯炒得均勻，充滿鮮味。神燈美點是椰汁桂花糕，服務員多送了一件呢。

之前曾到佐敦的神燈海鮮酒家飲茶，知道銅鑼灣也有分店，水準不錯，今天和家人特意前來晚飯。酒家位於地庫，裝修帶一點中國風，剛巧還可以坐到卡座，用餐也特別開心。🔸滷水豬生腸:味道香醇，口感滑嫩，是道地的廣東風味。🔸香茜鮮沙薑豬手粒這是一種創新的搭配，香茜的清新與豬手的Q彈相得益彰，令人回味無窮。🔸即燒乳豬（¼隻）:外皮酥脆，肉質多汁，是這裡的招牌菜之一。🔸蟹粉玻璃蝦球、蟹粉扒荳苗：海鮮愛好者的福音，前者蝦球Q彈，蟹粉香濃；後者荳苗清脆，蟹粉提味，兩者都是精緻且美味的選擇。整體而言，這家餐廳菜品很有特色，非常值得一試。

🌟 最近去咗一間人氣酒家，呢度環境裝潢傳統典雅🕯️🍽️出咗糧，當然要食好啲，先叫一個鮑魚鵝掌，*4頭南非鮮鮑伴玉掌*：南非鮑魚鮮甜多汁，口感細膩，搭配玉掌嘅清甜，味道完美結合，汁都撈埋*即燒乳豬1/4隻*：乳豬皮脆肉嫩，外皮金黃香脆，肉質鮮嫩多汁，每一口都充滿咗烤乳豬嘅香氣，唔錯*蟹粉玻璃蝦球*：蝦球鮮嫩彈牙，搭配蟹粉嘅鮮美，味道層次分明，口感豐富*蟹粉扒荳苗*：荳苗鮮嫩，蟹粉嘅鮮甜味道濃郁，兩者結合，餸飯一流食完仲有糖水餸添，大滿足

想食超難食嘅話黃鱔飯，一定要試呢間！ 這個菜只能說鼓油炒飯+芡汁撈黃鱔。 今日同爸爸去銅鑼灣辦事， 之後想搵地方飲茶就揀咗呢一間。 之前都有嚟過兩次，食物都唔錯，但今次就大大失望，可能依家多咗人嚟 ，職員嘅態度已經開始散漫，食物質素已 大不如前， 而且價錢仲三級跳！爸爸想食砂鍋黃鱔飯， 雖然餐牌價錢不便宜， 但因為之前都有嚟過覺得菜式還好所以都有信心試一試。 誰不知當 黃鱔飯上枱的時候， 就心知不妙，中大伏！ 連一個幾十蚊嘅 午餐鰻魚炒飯都做得比佢好！ 這個所謂的砂鍋還算法 而不能用好唔好食來形容， 只能說好難食！ 黃鱔超腥兼冇味！ 黃鱔同炒飯完全分離， 炒飯冇黃鱔味，黃鱔亦都冇炒飯嘅香味！ 失敗都唔識點形容！ 最後收銀嘅職員態度勁差，不知所謂！

本人早前於2024上半年在神燈海鮮酒家（佐敦分店）晚膳後經職員推介購買飲食禮券，並一再強調星期一至日及公眾假期均可在神燈海鮮酒家（佐敦分店）及日後2024下半年開幕的神燈海鮮酒家（銅鑼灣分店）使用。其後本人在神燈海鮮酒家（銅鑼灣分店）開幕後曾經兩次星期日晚膳都可使用該飲食禮券；到今次第三次星期日再次在神燈海鮮酒家（銅鑼灣分店）晚膳後，結賬時職員突然告知本人神燈海鮮酒家（銅鑼灣分店）經董事局決定只限星期一至四才能使用該飲食禮券。本人有感神燈海鮮酒家違反了本人購買飲食禮券時再作出的承諾，實有嚴重誤導成份及剥奪消費者應有權益！

神燈呢間老字號嘅出品一向有質素原來而家銅鑼灣都有新店 點都要支持下餐廳嘅佈置極具氣派 帶有濃濃嘅中國古典風 琳琅滿目菜式供應種類繁多 每樣都非常吸引 一於就按店員推介點菜❣️黑松露玻璃燒鵝燒鵝嘅皮燒得好香脆 塗上一層黑松露醬皮下面係一層薄薄嘅油脂 再下面係鮮嫩多汁嘅鵝肉 配埋配上黑松露嘅酸梅醬 完全唔會覺得油膩❣️即燒伊比利亞叉燒皇叉燒色澤紅潤 蜜汁光亮欲滴 肉質肥瘦相間食落鹹甜交替嘅香氣配搭鬆軟口感果然係上乘嘅廣東名菜❣️糯米炒膏蟹呢味真係震撼眼球 膏蟹啲膏真係超級澎湃無論係蟹蓋定係落到蟹腳 都充滿着誘人嘅橙色蟹膏 係滿足嘅味道蟹肉鮮甜 肉質緊緻 糯米飯吸收晒蟹嘅精華 好鮮味而且精粹係粒粒分明 唔會過於黏口 底下仲有飯焦 層次豐富❣️蜜汁脆燒鱔 鱔燒得好香脆 魚皮同魚肉中間有一層厚厚嘅脂肪 極盡肥美又充滿骨膠原薄薄嘅蜜汁除咗緩和熱氣 仲令魚嘅鮮味提升❣️石澳梅菜蒸菜心菜心完美吸收晒梅菜嘅咸香 雖然蒸到好腍但菜心依然保持翠綠色 好考廚師技術❣️蟹肉菠菜豆腐盒菠菜蓉豆腐再配上蛋液蒸好 再分成一件件塗上薄薄嘅粉輕輕炸過 再淋上蟹肉茨汁食落香口得嚟內裡就好滑溜

銅鑼灣登龍街係港島好出名嘅食街，佐敦老字號粵菜酒家喺呢條食街開咗新店，等我又帶埋媽媽去試下先呢度設計原來係江南蘇坑風格，我哋坐嗰個位就好似坐緊喺艘船🛶裏面用餐咁，都幾古色古香🪭⭐即燒伊比利亞叉燒皇叉燒用有豬肉界和牛之稱嘅西班牙伊比利亞黑毛豬烤焗，蜜味表面烤得夠焦香，中間嘅肉肥瘦適中肉質鬆軟得嚟夠多汁，真係有入口即溶嘅感覺，我好鍾意食呀⭐黑松露玻璃燒鵝色澤均勻而且烏黑亮麗嘅燒鵝真係第一次見，原來係用黑松露同秘製醬料醃製，經風乾後即叫即燒鵝皮下油脂豐盈，一咬開燒到好脆身嘅鵝皮，鵝油係口腔散發，肉嫩多汁，可蘸两款自家醬汁食用(酸甜黑松露醬、用鵝肉精華製嘅燒鵝汁)⭐蜜汁燒脆鱔遠少少睇好似燒肉🤣，外皮燒得夠脆身，鱔肉爽彈，估唔到蜜汁同鱔都幾夾，唧少少檸檬汁可以調和提鮮⭐ 糯米炒膏蟹呢個份量好足，成隻膏蟹係生炒糯米飯上面，蟹肉鮮味彈牙，蟹膏金黃色口感有少少軟糯好好味，糯米飯吸收晒蟹嘅鮮味，用砂鍋上鎖住鑊氣，鍋底仲有糯米飯焦，味道一流

以前已經試過佐敦同將軍澳嘅神燈，每次嚟到都必食阿拉斯加蟹!食之前仲會活生生咁拎嚟俾我地過目，好鮮甜好好食~!!另外呢度嘅staff都非常nice又服務周到，用餐過程感受良好 😊伊比利亞叉燒皇 $258超軟淋，蜜汁甜得嚟有焦香，必食!杏汁花膠燉白肺湯 $398杏汁好香濃，媽咪好喜歡~! 花膠亦夠晒厚肉!神燈小炒王 $178呢個略為濃味同肥膩，比較適合配啤酒做下酒菜~~阿拉斯加蟹四斤貳食 $2388 (雞油花雕蒸蟹身蟹腳 & 活膏甲羅燒 伴 懷舊蝦多士 (9件) +$270)每次嚟都係為咗encore佢~!! 雞油花雕汁好好好正，配蟹身蟹腳有提鮮作用，更香更甜~~~~ 蜜燒富貴薏米雞 $888呢個燒雞好別緻，係一道懷舊功夫菜，內裡釀咗D米型意粉同鮑汁，特別亦值得一試金銀蛋浸豆苗 $198份量多，豆苗亦好嫩~~ 非常適合同長輩們聚餐慶祝嘅餐廳~!

神燈海鮮酒家在銅鑼灣開新分店，佈置採用中式設計，中式檀木家具，及高掛大紅燈籠，營造古典的東方韻味。坐在帆船設計的卡位，充滿古樸優雅的氛圍，隔間設計，融合中式元素，提供舒適的用餐環境。黑松露燒鵝燒鵝外皮油光亮澤，入口酥脆，肉質鮮嫩。燒鵝以黑松露醃製及風乾，帶有濃郁的松露幽香。肉汁豐潤，肉質軟腍細嫩。黑松露的獨特風味，中西融合的烹調方法，讓每一口都充滿層次感，充滿驚喜。糯米炒糕蟹金黃色的糕蟹讓人垂涎，蟹殼內有澎湃的蟹膏，入口稠密鮮香。糯米煙韌，蟹肉的鮮香渗透糯米飯中，蟹肉香甜鮮味，濃厚滋味，讓人一口接一口。蜜汁燒脆鱔燒脆鱔口感酥脆，邊緣微微焦香，鱔肉札實、富彈性，蜜汁的香甜味道洋溢，啖啖惹味鮮香。伊比利亞叉燒肉質肥美厚身，傳來陣陣炭燒香氣，入口脂香豐盛，純純的肉香，配合一點點的焦糖化，令人回味無窮。濃雞湯脆米海皇粒粒泡飯雞湯香濃醇厚，襯熱把炸米倒入湯中，等待數秒後，炸米吸收湯汁精華，微脆惹味。湯內裡有帶子、彈牙蝦肉，美味鮮香，每一口豐富滋味。

呢間酒樓環境太暗，茶壺很重，斟茶斟到手都攰，侍應服務態度麻麻。🌷富貴瀨尿蝦餃裏面真係有一隻瀨尿蝦，瀨尿蝦味道較淡，唔覺得特別好食。🌷魚翅蟹肉灌湯餃個湯濃郁，真係有一排排魚翅，食完個餃都唔會太飽滯。🌷藥膳滋補雞腳雞腳入味，唔會有太濃的藥材味，食完個唇會有啲黏黏地，有膠質。🌷蛋黃千層糕白色部份的包太多和厚身，而蛋黃碎和冬瓜蓉個層則太少，比例唔均勻，口感唔鬆軟，比較乾身。其實酒樓有蛋黃千層糕，我都會叫黎食，因為我真係好鍾意食，不過暫時都未食到以前的味道。如果你有好介紹，話我知吖！

佐敦「神燈海鮮酒家」屹立佐敦多年出名食懷舊粵菜，最近酒家於銅鑼灣登龍街開分店，同朋友試下去銅鑼灣神燈，估唔到平日座無虛席 入到餐廳，中式雅致裝修設有貴賓房，仲有卡位，感覺好舒服，真係適合朋友聚餐或者家庭聚會  精美茶壺，竹卷menu好有特色，餐廳有卡位坐得舒服 蜜汁脆燒鱔燒鱔外皮燒得好香脆，食前加試少少檸檬汁酸酸甜甜去油膩感好開胃即燒伊比利亞叉燒皇伊比利亞豬叉燒肉質好嫩滑多汁，油脂分佈得好均勻，半肥瘦適中叉燒帶有油香，加上蜜汁甜味，令人一試難忘黑松露玻璃燒鵝 (1/4隻） 燒鵝外層炭黑色，入口有陣陣黑松露香，皮下唔會有一層厚脂肪，鵝肉亦都無羶味，做到皮脆肉滑，燒鵝旁邊醬汁有酸梅醬同燒鵝汁，再點燒鵝汁黑松露香更香濃糯米炒膏蟹糯米飯炒得十分香，入口質感軟硬適中，糯米飯加入金黃色蟹膏，令糯米飯更有風味，一鍋糯米炒膏蟹份量唔少，可供4至6人享用無論係環境定係食物非常高質，絕對值得一試！

平時好鍾意去神燈食飯🤗知道銅鑼灣開左新店🥳即刻有埋朋友一齊去試吓😊新店環境好舒服除咗大廳仲有包房😌店員服務滿帶笑容😊食物方面除咗單點菜式仲有晚市套餐選擇👍🐷伊比利亞叉燒皇係酒家招牌菜😬叉燒食落肉質軟腍帶爽勁🥰油脂香而不膩🤤配埋甜甜地嘅蜜汁非常juicy🥰😊黑松露燒鵝將鵝肉的鮮美與黑松露的芬芳結合😍每件鵝肉非常嫩滑😊鵝皮帶油香🤩點埋黑松露梅醬帶來獨特風味享受🤩🦀招牌糯米炒糕蟹打開煲蓋陣陣去香味🤩隻蟹都好大隻又多膏😍生炒糯米飯吸收哂鮮甜蟹汁精華🤤煲仔裡仲有好多飯焦好香脆🤤撈埋啲蔥一齊真係令人垂涎欲滴😋蜜汁燒脆鱔食落外脆內嫩的鱔😍淋上蜜汁甜中帶鹹😊唧少少檸檬令鮮味提升😊一口接一口😍蟹肉菠菜豆腐盒😊係豆腐內包裹著蟹肉和菠菜😊面頭淋上微鹹芡汁😊簡單清新又健康😊總結每款餸菜大大碟😜食材新鮮份量好足夠☺️ 而且非常好味😋下次叫多啲朋友一齊食多啲餸😂

​聽同事講起呢間酒樓名，就咁聽個名好似幾得意，就上網搵下D comment，見到D佈置幾古色古香，評分又幾高，就帶屋企人去試下。蜜汁叉燒腸｜⭐⭐⭐⭐｜$42叉燒不過不失，無乜特別，但腸粉皮值得一讚👍🏻！皮薄、咬落口又夠黏糯彈牙，好少酒樓做到呢個口感。富貴瀨尿蝦餃（兩件）｜⭐⭐⭐⭐⭐｜$32由蝦同瀨尿蝦夾埋一齊做餡，除左食到蝦個彈牙口感，瀨尿蝦個海水咸香帶到成件事提鮮。本身蝦餃剩係得蝦個甜味會略嫌單一，加左瀨尿蝦之後，甜同咸兩種味道衝擊下不但無違和，反而仲加左分！市橋白賣｜⭐⭐⭐⭐｜$38唔知係咩黎，上網 search 完，專登叫黎試下。一般由鯪魚、臘腸、蝦米、魚蓉做餡，面頭再鋪一小片臘腸整成。鯪魚打得幾好，幾彈牙，本來都唔係好特別嘅事黎，但片臘腸再次做到畫龍點睛嘅作用，再一次咸香味令到鯪魚個味道提昇。蛋黃千層糕｜⭐⭐⭐⭐｜$36蛋黃餡唔會好乾，容易吞，中間加左D爽爽地同脆脆地嘅不明物體增添口感，加分！魚翅蟹肉灌湯餃｜⭐⭐⭐⭐⭐｜$52估唔到真係有翅喺入面，成隻灌湯餃都佈滿餡，勁足料，食完一隻都飽咗一半😂香煎涼瓜鯪魚餅（三件）｜⭐⭐⭐⭐｜$38鯪魚肉都係夠彈牙，落左少量苦瓜落去刺激客人嘅