神燈海鮮酒家 (18廣場)

營業中

休息中

媽咪鍾意飲茶,同佢去咗間環境典雅,中國風佈置嘅酒樓～除咗點心,粵菜都非常出色！酒家仲自設大魚缸,游水海鮮非常生猛！✨富貴瀨尿蝦餃 蝦餃外皮晶瑩剔透,餡料豐富,加上原隻瀨尿蝦肉做餡,好鮮甜！✨蜜汁脆燒鱔 賣相好靚,燒到金黃色,鱔肉豐腴彈牙,底部脆身, 口感豐富,加上少少檸檬汁,可以再提升鮮味！✨啫啫石窩爆生腸熱辣辣石鍋上,生腸口感爽脆又入味,完全唔韌,爆香咗嘅洋蔥,薑同蒜子等配菜好惹味,好啱送飯,阿媽都好欣賞！✨濃雞湯蟹肉灌湯餃湯底鮮甜,蝦肉豬肉鮮美滑嫩,帶有彈性,飽滿蝦肉爽彈,鮮味十足,爆餡勁足料,絕對超值！ ✨紅燒乳鴿炸得乾身微脆,肉嫩保持肉汁！✨椒鹽魷魚新鮮即炸魷魚,口感結實彈牙,外層酥脆,好惹味!✨上湯杞子浸娃娃菜上湯味道清甜,菜嫩多汁！✨鮮蝦炸春卷(3件)炸得金黃色,外層脆卜卜,蝦肉彈牙！

掙扎咗一下，諗緊去老銅果間好定佐敦嘅神燈，最後揀左佐敦果間，着實有啲後悔，第一有啲難搵，佢係西貢街果邊再入啲啲；而且店鋪雖是總店，很大亦古典味重嘅酒樓，但一上一樓，地面好滑，不夠乾爽，有點扣分。我地兩人來吃午市，因人頭關係，試唔到好多菜式，唯有精選重中之重：🥢 伊比利亞叉燒皇火喉恰到好處，肉質有肥有瘦，而且每件都會燶邊；蜜糖不落多，選個剛剛好，不太甜所以不算膩，呢個皇牌完全當之無愧。🥢 神燈小炒皇小炒皇顧名思義就是將一堆現成材料炒出個新味道，加入豆角、蝦米、兩色椒、豬肉同油炸鬼，勁香！係佐酒美食，因為咁，所以呢味菜係會漏的，要多飲幾口玄米茶。🥢 蝦多士一份6件，份量亦都足料。多士酥脆，食得出鮮炸，蝦係蝦王，無縮水，其實唔落沙律醬都好食。總結經驗： 要人多先可以試得真，但觀乎呢三個餸，不錯；係老鋪環境爭啲。

自己同男朋友都好鍾意食中菜，今次去左一直都想試既海鮮酒家，聽聞佢地嘅燒味好出名，緊係要試下😍🔸伊比利亞叉燒皇叉燒半肥瘦，燒到有燶邊🤤叉燒厚切，入口軟腍，咬落有油香🔸即燒乳豬（例）乳豬皮好薄，脆卜卜超香口，好似食緊薯片咁🤭肉質嫩滑唔會嚡🔸星洲麥皮蝦每隻蝦都超大隻，上枱已經聞到好香，面頭沾滿麥皮，肉質爽口彈牙🦐🔸招牌焗魚腸未食過一直都想試下，超足料😋除左魚腸，仲加左豬肉碎同油炸鬼，加左陳皮有去腥之餘，每啖都食到陳皮香，口感豐富🔸香茜鮮沙薑豬手粒沙薑味好香，配搭大量洋蔥同芫荽，味道好清新🌿

.神燈神燈🪔請賜我美食🍽️一講即有 登登登登🌟🌟成枱都好好味呀，難怪平日都座無虛席.🌟星洲麥皮蝦🦐 - $268有6️⃣隻甘多 每隻都好巨型有手掌咁大上面舖滿炒香的麥皮蝦肉結實爽口彈牙 蝦頭仲有好多香蝦膏🦐 不油膩很酥脆尤其那個麥片真的很好吃🥹.🌟即燒乳豬（例）🐷 - $258真心係我食過最好味嘅乳豬🤍🤍即叫即燒🔥🐽 乳豬皮燒到超級脆超級香🥹咬落去香脆卡卡聲，我覺得隔籬枱都聽到🤣豬肉又嫩滑☺️ 加埋砂糖同甜醬真係一流🤍.🌟伊比利亞叉燒皇🥩 - $258厚切叉燒 肥瘦均勻表面塗滿蜜糖🍯 食落好惹味.🌟金湯海皇豆腐 🥣 - $138上枱嘅時候係滾燙㗎♨️除咗豆腐之外 仲有帶子同蝦 🦐 份量都唔少 幾乎啖啖都咬到海鮮湯汁用了南瓜和鹹蛋黃🎃 超級香口濃郁用嚟撈飯或者粉絲真係一流.🌟香茜蟹肉銀絲鍋 - $118用蟹肉同蟹籽撈埋乾濕適中嘅粉絲 🍜 出色👏🏿👏🏿本人建議同上面個海皇豆腐一齊點👆其實真係幾夾😌😌😌.食物水準真係不錯而且上菜速度好快唔怪得Weekday都咁多人食啦.📍: 佐敦長樂街14-20號18廣場地舖及1樓.

前晚去咗佐敦嘅神燈海鮮酒家即使平日都勁爆場，就知道一定有返咁上下水準！星洲麥皮蝦：個人超喜歡呢道菜！麥皮炸得金黃香脆，蝦隻又大隻又新鮮，口感彈牙。黃金麥皮同蒜香大蝦嘅鮮味完美融合，真係令人食到停唔到口。 伊比利亞叉燒皇：呢個叉燒皇好高質！伊比利亞黑毛豬嘅肉質好食，叉燒外層燒得焦香，入面嘅肉質又保持到嫩滑多汁，肥瘦均勻，入口即溶，超讚！即燒乳豬：有水準！乳豬皮燒得超級脆卜卜，咬落去咔嚓一聲，肉質又嫩滑，油脂分布均勻，食落去一啲都唔會覺得膩。-招牌焗魚腸：魚腸處理得乾淨，焗得又香又滑，口感豐富，入面嘅配料又好足料，每一啖都充滿驚喜，真係必試之選。神燈一品炒飯炒飯都有水準！飯粒炒得粒粒分明，配料又豐富，味道調較得剛剛好，鑊氣十足。神燈海鮮酒家佐敦長樂街14至20號18廣場地下及1樓#神燈海鮮酒家 #佐敦美食 #粵菜 #海鮮 #酒樓

佐敦呢間「神燈海鮮酒家」黎過好幾次，每次要同屋企人或者一班朋友gathering都會諗起呢到。呢到主打粵菜，menu上嘅菜式選擇非常多，試過好多唔同嘅菜式，基本上每一道都好有水準。質素相當高，賣相味道火候鑊氣兼備。而且環境寬敞，坐得舒服！今次同朋友又過黎食飯。一開始會有份小食，琥珀核桃。核桃好脆，又甜甜地，好重核桃香，食唔停！點左即燒乳豬，例牌嘅size夠2-4個人share。呢個乳豬皮燒到好脆好香，但係完全唔覺油膩！乳豬肉非常嫩滑，嫩到好似唔係食緊豬咁，配砂糖同甜醬好味呀！即燒伊比利亞叉燒皇。呢個叉燒真係好驚艷，絕對係當晚嘅highlight！每件叉燒都有一定厚度，叉燒肉質又係好腍好嫩，仲好juicy。而且半肥瘦嘅比例，特別鬆化。蜜汁調味恰到好處，唔會過甜或過鹹，出色！星洲麥皮蝦。一份有6隻大蝦，每隻蝦都好大隻好厚肉，蝦肉新鮮，肉質厚實有鮮味。麥皮好香脆，又甜又辣，配蝦特別香口惹味！香汁鴨舌呢個係前菜。調味上又啲微辣，都幾惹味，鴨舌好滑，會令人食唔停口，係唔錯嘅佐酒小吃。最後再黎個大富豪炒飯。雖然呢個炒飯嘅食材都比較簡單，都係蟹子、蛋白、菜等，但係佢炒得好乾身，粒粒分明，同埋好有鑊氣

朋友鍾意食中菜，所以今次佢生日就同咗佢去呢間位於佐敦，專食手工粵菜嘅酒家💡即燒伊比利亞叉燒王($258)叉燒燒得焦香，係半肥瘦嘅叉燒，食落好軟嫩多汁，食完叉燒仲有酸蘿蔔解膩👍🏻☺️💡蜜汁燒脆鱔($278)成餐飯最驚艷嘅一道菜！金黃色嘅燒鱔皮脆肉爽😋蜜汁調味啱啱好又食到滿滿嘅油香，係肥美嘅鱔肉🫡🤣💡金沙脆香魚皮 ($98)上枱超級香咸蛋黃味！每塊嘅魚皮都沾滿咸蛋黃，十分香脆，而且份量好多，配酒一流！啱哂一大班人一齊share🙈💡糯米炒膏蟹($588)掀開蟹蓋內有乾坤，超多嘅蟹膏🦀啖啖蟹膏嘅甘香味配埋糯米飯一齊食好香！糯米飯乾爽，食到底亦都有飯焦~💡啫啫芥蘭煲($118)上枱嘅時候冒哂煙，而且好香，不過食落略嫌唔夠味🥶呢間都係一間值得同長輩去食嘅餐廳呀，整體食物質素都好唔錯，不過有啲菜式就要提早預約，如果唔係就會望住隔離飯香🙈

喺佐敦一條橫街原來有一間隱世中式酒樓餐點好精緻賣相吸引味道又好-蟹肉菠菜豆腐盒一送上嚟已經覺得好igable蟹肉同埋蟹籽鋪滿用菠菜豆腐造成嘅一個盒仔口感層次都好豐富而且有菜 夠晒健康-沙薑豬手粒超抵食，餐前小食一定要配埋洋蔥同埋芫荽一啖食晒佢洋蔥嘅辣味中和返豬手嘅油膩感覺再加埋煙靭彈牙爽口嘅豬軟骨口感一流-星洲麥皮蝦六隻超大隻嘅珍寶蝦配上麥皮去炸爽口彈牙鮮味十足-伊比利亞叉燒皇可以話係我近期食過最好食嘅叉燒入口即溶嘅感覺加上甜甜嘅脆皮外層果然伊比利亞黑毛豬口感係好啲！-即燒乳豬（例）例牌有¼隻燒乳豬兩個人食就啱啱好乳豬皮烤得好香脆加埋肥瘦適中嘅肉片係香港人至愛！

朋友好鍾意食义燒及乳豬，佢上次响神燈食完之後就推介叫我哋一定要去試下，包保我哋食完都俾心心💕，講到咁正，當然要去試下喇😝。🥢即燒乳豬(1/4)$258乳豬皮質光滑，皮薄酥脆，肉質軟嫩，唔會太肥膩亦唔會太瘦，口感正，肉味甜香👍。🥢伊比利亞叉燒皇$258厚切叉燒，烤得好靚仔，色水潤澤又有濃邊，肥瘦適中，脂肪入口即溶，肉質鬆軟中亦不失口感，蜜味濃郁亦帶點焦香🤩。🥢星洲麥皮蝦$268用上連殼原隻大蝦，肉汁完全被鎖住，鮮甜多汁又爽彈，與麥皮甜香脆卜卜嘅口感合併，鹹鮮味美嘅配搭😋。🥢濃湯一級浸翡翠$168菜心削去外皮，爽脆鮮嫩，一級竹笙果然好厚身，口感爽滑，兩者完全吸收哂濃濃嘅湯汁，滋味😙。🍚白飯有咁靚嘅义燒當然要叫碗白飯喇，飯質都唔錯喎。🍮牛奶布甸$25口感滑溜綿密，奶味香濃。

我好耐冇食中餐～朋友揀左呢間試下😍大家記得訂枱！1️⃣星洲麥皮蝦第一次見用麥皮代替椒鹽，撲鼻而來的是麥皮香😏一碟有六隻大蝦🦐每一隻肉質飽滿❗️大大只❗️2️⃣伊比利亞叉燒皇半肥瘦叉燒深得我心🫶🏻脂肪同肉比例很分明，口感柔軟及肉汁豐富🤤3️⃣即燒乳豬（例）乳豬皮很脆口！好正😊而肉質很嫩滑。我見每枱都有點👍🏻4️⃣椒鹽魷魚裙邊新鮮即炸🔥魷魚裙邊口感結實彈牙！味道很惹味！4️⃣椒鹽豆腐嫩滑的豆腐裹上椒鹽，口感外脆內軟！好味😋

晚餐來到位於佐敦的《神燈海鮮酒家》，這間酒家早年開在廟街，知名度很高嫁！可惜結了業，原來衣家係佐敦開番喎！😌 神燈阿神燈，我今晚想食番幾道經典懷舊粵菜呀！😋一進來就看見這個透明玻璃的燒乳豬房，可以睇住師傅即埸烤乳豬，即刻點番碟例牌「即燒乳豬」，例牌份量有四分之一隻乳豬，外皮燒到卜卜脆，肉質嫩滑多汁， 就連豬頭都食埋😂，絕對是必點選擇。餐飲MENU設計成古代竹簡，份外有趣。「星洲麥皮蝦」，蝦肉夠晒大隻，肥美又鮮甜，獨特煮法風味，非常值得一試。🍽️😊「伊比利亞叉燒皇」也是這裡的招牌菜之一，味道鹹甜適中，每一口都充滿了濃郁的肉香。再來一道坊間罕見的「招牌焗魚腸」，表面焗至金黃香脆，鮮味十足，讓人回味無窮，流連忘返😍最後仲有奶凍做甜品，超重牛奶味呀！🥰

年二十九屋企人團年，我地六點鐘坐低，服務員提醒我地兩個小時內交檯。我地由落單到食飽都好快趣，短短55分鐘已經掃清食物，原本想坐幾分鐘傾下計，點知有個女知客問我地係咪所有送菜已經到齊，要我地先埋單；雖然佢口裏話唔係趕我地走，但用意已經係趕客。我問佢地係咪有客等緊檯，但係都無客響度等緊，仲有兩張檯清緊。今時今日咁樣服務態度真難怪港人北上。講番食物，半隻乳豬以為即燒，但送上來已經凍曬，份量也少。柚子蝦球味道唔錯，夠大隻。炸黃油雞味道一般，雪雞變唔到魔術出來。芥蘭煲好香口好味。叉燒王份量好少，平均一舊$30。神燈小炒皇有油炸鬼豬頸肉，都幾特別。新春菜單無鮮魚價錢，問服務員都係支吾以對話幾百蚊一條，感覺唔憂做我生意。整體服務人員低級既有禮貌親切，反而高級同知客服務態度有待加強。

呢篇食評，好希望餐廳老闆可以見到，因為呢樣野唔改，你d 野整得幾好食都冇用！初七人日選擇呢間餐廳因為之前睇飲食節目介紹呢間出名手工菜，所以慕名而來！我哋明白新春期間好多餐廳（尤其中菜）都會有新春餐牌，價錢貴少少唔係問題，最緊要係食到想食既菜式。前一日我專登打電話去餐廳問職員我：我聽日黎食晚飯會唔會變左做新春餐牌？職員：所有野都一樣我：係唔係所有野都有得食？職員：只係冇焗魚腸，其他都一樣有既我：價錢同平時有冇唔同到？職員：同平時一樣既好喇…到我地去到餐廳，一坐低就只見到新春餐牌問職員仲有冇其他餐牌佢就話只有呢個餐牌我同職員講，我尋日專登打黎問你地係咪所有野都有，你地又話係（除咗魚腸），而家又話冇？職員個答案都幾好笑，佢話新年唔想同d客講「冇」，唔吉利，但而家就兜口兜面同我地講「冇」～～Book 呢個餐廳，其實最想試既係懷舊金錢雞，但咁岩新春餐牌係冇既！我再問職員今日有冇金錢雞，佢就話新春期間所有手工菜都暫停！然後再望下價錢，全部都係比平時貴！其實講真，新年出街食飯，貴少少係預左，但而家既感覺係俾人扼，扼左入黎俾貴左都算，仲要想食既野又冇得食！就係因為新春！而專登打黎問都仲要講大話！最後埋

💖大碗足料蟹粉翅，顏色金黃，魚翅一疏疏，有助熱蠟燭精心擺盤，一路食一路keep住香氣，慶祝飯局一人一碗，性價比極強! $398⼀碗😋一大人搵飯局又想坐得舒舒服服的話，我都會選擇依一間，食物水準的確非常穩定！🤣值得一提就係免開瓶費！免開瓶費！免開瓶費！這個很重要！😆😆有一次帶Sake，職員仲會提供飲sake器具👍🏻👍🏻用心既餐廳，留低左唔少熟客，有誠意既出品，令到屋企人食得安心舒服又滿足！

《佐敦傳承懷舊中式菜》之前留意左這間酒樓好耐黑松露覆燒鵝 伊比利亞叉燒 糯米炒膏蟹好特別既中菜今次中午去叫左特式點心為主蜜燒燒毛松阪豬飯 $48高級版叉燒飯 啲肉質爽爽地 幾特別配埋個酸酸甜甜嘅汁 幾好食撈飯一流春風得意腸粉 $45正宗做法 腸粉包住脆脆同鮮蝦 上面放蟹籽這間做法另外加入炸香既蝦乾令整體更鮮香新鮮熱辣食 口感一流黑松露燒鵝腸粉 $48腸粉包住燒鵝絲同冬菇絲雪山叉燒包 $35新鮮熱辣 外脆內軟✨神燈海鮮酒家 (18廣場) (佐敦)佐敦長樂街14-20號18廣場地舖及1樓#神燈海鮮酒家 #tg31eat佐敦 .....#852 #hkig #hkfoodie #foodie #hkblogger #foodporn #likeforlikes #like4likes #hk #hkfood #yummy #yummyfood #手機食先 #相機食先