神戶屋日韓放題

營業中

休息中

雖然我唔係食得好多野，但係又想食唔同嘅野，所以揀咗嚟神户屋日韓放題！呢度選擇都尚算多，基本上你要嘅都有～上次嚟到嘅時候都冇熱飲，今次新添咗，簡直係為我呢啲唔鐘意飲凍飲嘅人帶嚟喜訊一開始未點餐，已經好快手咁有一盤刺身準備好。頭盤部隊鍋叫咗啲配料諗住加入去炸牛奶卷炸芝士餅好鐘意啲芝士咬落去爆出嚟嘅感覺，雖然好肥膩，但係食咗先講炸紫薯蝦卷幾特別嘅一款小食，外面好多脆脆包住蝦韓國雪條有唔同選擇任你揀！藍莓味

同朋友食飯，有時有下閒錢，食放題最好不過！貪放題可以keep住叫野又坐得耐d，慢慢吹水。今次去去左係旺角兆萬既神戶屋。環境就細左d, 不過都坐得舒服又唔會好嘈。一黎到坐低就有店員比住前菜我地食，仲好細心比埋醬料添！當然坐低第一件事就係叫野食啦，即刻點左唔少刺身。刺身擺得好靚，用架船裝出黎，打卡一流！不得不讚既係d刺身好新鮮，蝦刺身都有幾款，抵讚！我就最鐘意食佢個帶子同泰式生蝦，其他既三文魚，象拔蚝都唔錯，淨係食刺身都叫左幾round，好滿足！依個放題都有野送，生蚝或韓國雪條，我簡左生蚝，雖然唔算肥美大隻，但冇腥味算幾鮮甜的。熟食黎講，炸物同天富羅比較出色同多款式簡，有我最鐘意既榴連波波，芝士年糕，特別d既有炸鮮奶同炸芝士都幾驚喜又好食！燒物推薦燒鯖魚同菠蘿，好正，條魚脆卜卜得黎又幾juicy。壽司種類都多，但款式就冇乜特別，怕食飯太飽冇乜點叫到。小炒類食物以馬拉盞炒通菜最好食，encore 左兩碟都吃光光！(Photo)甜品就中規中矩，有普通雪糕雪條雪米糍，啫喱，奶凍等等。下次同朋友食飯應該會再黎過～

同一大班朋友食飯，首選緊係食放題啦，個個都可以食到自己想食既野唔洗爭。旺角咁多放題選擇，其中一個朋友就揀左去神戶屋，話之前食過覺得好唔錯，咁就試下啦一於~首先一定要嗌一盤剌身先，都幾新鮮款式又多，咁我就唔喺度特別介紹喇之後就食下啲串燒，炸物咁，燒菠蘿我至愛，食放題開胃延長戰鬥力首選，酸酸甜甜特別開胃！成碟菠蘿比我食曬呀哈哈！想同大家推薦依度既炸物。一口芝士，一口蠔等等都在水準之中，最驚喜既竟然有炸雪糕。熱辣辣既脆皮包住凍冰冰既雪糕，在場既女仔朋友都話正！仲有炸多春魚同樣出色，試過出面食放題嗌炸野嚟到凍冰冰。依碟多春魚夠熱夠脆皮又夠薄，怕熱氣都要食呀食放題就係勝在乜都有得食乜都有得試，非常好。一班朋友黎到食野飲野吹水，兩個鐘食到大家攤攤腰，食埋支雪條走人，呢間野唔錯，下次女友話要食放題既就帶佢再黎!

今日係第二次嚟食，上次食過印象唔錯，感覺係又平又高質。所以今次決定再戰一次。講返刺身，依然冇令人失望。放得好靚，由於6個人食所以有得揀生蠔同海膽。海膽講真唔算話好靚，但勝在夠新鮮。而蠔都ok，唔會話太腥。呢間餐廳不嬲選擇都好多，韓國野食都好多。講壽司佢選擇要正常同新鮮，而甜品方面，我好鍾意食榴連，但佢個榴槤炸彈就有少少令我失望，偏甜唔算好重榴槤味。飲品方面都算ok,但韓式個d就唔好要求太多。Overall都係唔錯，e個價錢係ok👍🏻 佢選擇係算多，但當然及唔上好貴既放題，而都冇話全部都好突出。但係都算唔差架啦，香港人食得越黎越好，去到今時今日我都仲覺得e間唔錯。最後佢招呼都ok,店員唔惡，你知平時出面放題d人都做到好炆。

兩個人唔知食乜好，又想乜都食啲，所以揀咗呢間新開既放題。地點都幾方便，係油麻地出口行幾分鐘就到。同平時既日式放題有小小唔同，呢間原來係日式加韓式既放題。所以一入到餐廳已經聽到播住韓國k-pop既歌。唔知係唔係因為韓國既關係，侍應好多都係年輕少女。講咗係日式加韓式既放題，所以除咗有平時放題有既刺身壽司，仲多咗韓式炸雞同紫菜卷之類，都幾唔同！當然仲有唔同既韓式雪條同飲品！感覺好新奇特別，正！整體服務態度良好，中途見到其他枱一大班人要求店員幫手影大合照，店員好忙碌之下都停低幫手影相，仲要影唔同角度都無托手踭！野食上得都幾快手，呢頭落完單好快就有得食，冇乜漏單既情況，真心抵讚！埋單二百幾一個人，咁既價錢食到咁多唔同種類既野，可以再約朋友食多幾次！

魚生款色係沒有選擇，全部都係蝦，似用水解凍，因蝦很淡味，而很細小，燒烤和小炒過咸和水汪汪，火鍋配料不算多選擇，蝦亦不算新鮮，所以沒有再試其他，甜品亦只有雪糕，奶凍還未做好，所以係一分錢一分貨，沒有下次了。

真係有啲傷心。。。我明明做哂功課先話食呢間。。。明明好似係全港放題之中最多好評，結果好難食。。本身諗住呢個價錢都俾個ok唔俾負皮，但我呃到人呃唔到自己。。。完全係狂漏單，仲要冇跟你order出野食。。刺身非常普通，熟食大部分都難食，連多春魚都可以冇味。基本上係冇野好食，得炸香蕉叫可取啲。連果汁先生都得火龍果汁。一個二個話牛舌好好食我先黎結果難食到嘔。。你知唔知講大話係會落地獄！有十樣野七八樣野我都lur左！最後明明未夠鐘又趕你走咁叫你埋單，臨尾講左三次last order 都冇出到俾我！我一定唔會再黎！但我好想知俾好評嘅人出黎講述下因乜俾到好評！！！

隔左唔夠兩個星期，又去咗食放題啦，今次係同屋企人一齊嚟食😆又係黎返兆萬嘅神戶屋呢度食，今次係我第二次食，質素同上次都一樣差唔多😬😬😬第一樣食嘅就係韓式部隊鍋，平時食開嘅放題都係日式野居多，因為呢度係食日韓放題，所以我就點左個部隊鍋，記得上次嚟嘅時候好似係冇火鍋，今次終於可以試吓啦👅😋放題又點少得刺身，因為今次有四個人食，所以碟刺身拼盤可以大碟啲又豐富啲，影相出嚟都覺得自己食得好豪啊👅👅😙每人可以揀食生蠔或者海膽，所以我哋就每樣叫咗兩件，好新鮮☺️☺️當然仲有唔少得嘅就係好多款日式或者韓式嘅小食，每樣都可以試吓食少少先係放題嘅精髓😎😎

刺身不夠凍，但甜蝦很好吃。除了刺身，還有壽喜燒火鍋 牛肉和湯底也不錯。沙發座位舒適。餐廳位置便利。也有不少甜品飲品自選。可以一戰。有別於一般放題，此餐廳的熱吃也不錯，不致於難吃的地步。性價比是OK的。

兆萬出名多放題，眼見間間差唔多是但揀左間神戶屋，點知又唔錯喎。環境唔算話好大，但感覺乾淨衛生，坐得都幾舒服。我地即刻叫個刺身拼盤，我地兩個人叫左好多。真係會tick幾多黎幾多，呢個要讚。成個拼盤好靚， 刺身整體都幾新鮮。其中帆立貝刺身超得我心，超厚身，好鮮！ 另外螺肉，鮑片，三文魚都好好食，八爪魚好爽👍🏼另外，好多都想推薦啊，尤其炸物都好好味！例如 炸香竽丸、南瓜天婦羅、炸蝦天婦羅、芝麻雞翼、牛柏葉入味夠淋、牛小排都入味。壽司其實都不錯架，不過想留肚食多d野就無叫太多。芝士炸年糕入面充滿暖笠笠嘅芝士， 而且食落鬆軟好味。燒牛舌肉質彈牙，燒得又香...ENCORE啦！餐面職員嘅態度唔錯，而且座位好寬敞，今次食得好舒適，考慮下次再黎過!

一入到去坐低，佢就比我地揀要壽喜燒定要部隊鍋，我地成家人都好鍾意食部隊鍋所以就揀左佢，雖然個部隊鍋唔算好多料，但比我地係等緊野食黎時頂下肚就啱啱好，仲要佢係有好多菜係入面架😍😍呢個烏冬好好食，有好多蟹柳，仲要好多麻醬，真係好正，不過建議兩個人share一碗，如果唔係會太飽😂芝士焗既野不嬲都係我必叫之一，但呢個唔係平時既芝士焗蠔，而係元貝，都幾有新意，一樣好好食😆食放題當然唔少得魚生😍😍佢啲魚生都好新鮮，而且唔會走單，叫幾多就上幾多。特別推薦食帶子同埋甜蝦，真係好甜好正🤤🤤每人可以有一隻生蠔或者海膽，我淨係食左海膽，都幾新鮮！呢個蟹粥真係不得了!!!平時都唔係幾中意食粥，覺得好淡冇味，但係呢個真心正，係啖啖都有蟹味，每碗都有半個蟹身同幾隻蝦，超級足料，係必食呀😍😍😍

旺角實在太多放題選擇！神戶屋開左咁耐第一次黎試，好似口碑都不錯！刺身全部都叫左其中激巨赤蝦刺身同北寄貝最jeng🤤 鮮甜肥美😋😋yummmmmm仲要放得勁靚，有姿勢有實際😋生蠔都肥美，唔腥！壽司淨係叫左上面兩款，因為怕飯太飽肚🤰🏻估唔到到佢地會將燒蝦，焗物放到咁靚，好賞心悅目😍叫左個鍋，好多肉！！！！好味，但都幾飽下😣炒蜆可以更入味，再重口少少會更好.鐵板燒銀芽好好味，爽口，唔會太林！推薦下面就不過不失，當前菜okkk😋叫左一口豆腐，但可能我地個口太細了，一口係搞唔掂，佢應該叫一拳豆腐先岩😂整體黎講不錯吃！選擇多，味道都可以

成日被人話好食得既我今日又去左食放題啦，價錢抵又多選擇！我勁鍾意期間限定個個日本和牛壽喜燒，賣相靚之餘，牛肉夠嫩，金菇同秀珍菇爽口，個日式湯底仲好美味好好飲！仲可以叫d火鍋配料打邊爐添！😋💕💕剌身都好正喎，淨係蝦都有幾款(甜蝦、赤蝦、大頭蝦、仲有泰式生蝦😆)，又有松葉蟹棒、蟹鉗，我食左起碼十幾隻😅！其他三文魚、帶子、北寄貝、玉子、象拔蚝刺身都幾好味喔炸物都係我鍾情既食物之一，其中天婦羅紫薯特別好食，外面脆卜卜，炸粉又唔會太厚，入面甜甜的食放題當然唔少得蝦蟹粥，海鮮味濃，食到差不多尾聲既時候食返碗粥，好鮮味，喉嚨好舒服飲品任飲，款式多！最後食埋甜品，雪米糍、牛奶布甸、豆腐花、仲有韓國雪條！超飽！大胃王至愛😋好滿足

今日以為有啲運仔,因為一入去，服務員就自動俾優惠由23x變咗199在加一,點知小弟今日同朋友坐了90分鐘，入紙叫食物三至四轉。機本上只有一半會到，重要追單至到到，而到到的只有基本野，比較似樣的食材，影都冇。可能大家會話（入坐時會有張（首）單比你另外叫咗先）最過分嘅！就係（首）單嘅嘢都黎唔到。如果要去消費就要小心啲啦！真心覺得佢地做得好差。下刪一百次⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯差

又黎到每日最難解決既問題「今晚食乜好」，旺角人多車多，相應地食肆選擇也有一定數量，與友人商量了許久仍未能決定。突然在兆萬樓下收到一位非積極的阿姐在派發傳單，接過來看原來是日式放題食店，食放題乜都有得食應該可以解決我們二人的選擇困難吧，再細看傳單，發現原來店內還有小型火鍋提供，應該可以有更多選擇哪，於是就決定到「神戶屋」一試。 店內座位排放雖然緊密，但設有不少卡位及兩個房間，為早到的食客提供相對舒適及具私隱的進食空間。幸好我兩尚算早到，能安排坐到卡位。 放題店的指定擺設，各式食品的點菜紙。當中包括刺身、壽司、熟食、麵類及自選火鍋。 坐低後店員會送上餐前小食，以及一張首輪刺身點菜紙，食放題刺身當然是重點，店員話這張紙送上的頭輪食品份量會相對較多。刺身一共16樣，款式都有好多選擇。 除咗首輪刺身紙外，店員還會送上兩張特別點餐紙，其中一個是火鍋湯底；另一個係海膽、生蠔或韓國雪條三選一的加推選項，令到用餐選擇更豐富，抵讚。 放題重頭戲，刺身盆登場，我地揀咗三文魚、赤蝦、甜蝦、蟹腳、帶子、北寄貝、象拔蚌及帶子。食物質量算是新鮮。兩人的份量，內容豐富，果然如店員所講首輪份量會多D。 蟹腳肉質結實，鮮