神戶屋日韓放題

營業中

休息中

想食放題，一定係去旺角啦，選擇又多，而且又方便約朋友。今次就食左呢間放題餐廳，絕對有驚喜！餐廳其實空間不大，不過勝在卡位都長，所以幾個朋友一齊坐都無問題，而且每張枱都有一個爐方便食客可以點選火鍋食品。食放題必食當然係刺身啦，刺身選擇好多，為食嘅我當然要每樣都試下啦！特別中意食蝦嘅朋友有福了，因為呢度有不同款式的刺身蝦，例如甜蝦、赤蝦、虎蝦都有，每款口感都唔同，真係開心仔呀！食完刺身當然就要試下壽司啦，不過由於擔心食壽司會好快飽晒，所以都係點左幾件就算啦！廢事食飯都食到飽啦幾款壽司最推介的，係帶子壽司！帶子非常新鮮，入口即溶，而且好滑身，真係好正呀！其次就係花之戀啦，平時花之戀一咬就散，但呢度件花之戀就一口就食得晒，又真係幾吸引呀每枱都可以選擇一款壽喜鍋，而我地就選擇左呢款，食完個鍋仲可以點其他配料一齊食用添熟食方面食左幾款，但最推介的是韓式豬頸肉。係真係有少少辣味的，而且份量都幾大，如果有埋白飯就真係絕配了

今日同老細係旺角見完客，見差不多六點半，老細話食完飯先返屋企，難得老細開聲，當然卻之不恭啦！當我地行經兆萬中心見有人排緊放題傳單，叫神戶屋日韓放題，介紹又有放題，火鍋，價格又親民，所以決定去試下，入到去發覺已人生人海，所以我地立即開始落單叫嘢食！而我特別想介紹係佢地既北海島燒扇貝，非常鮮甜，而且好重芝士味，好香！另外佢地刺身都非常新鮮，仲係塊塊厚切，上碟速度又快，完全唔駛催單！老細都話抵讚！壽司方便都幾好，尤其係個鰻魚，好好食！不過兩個人食唔到太多，有機會一定會叫晒唔同種類嘅試下。佢地仲有火鍋同鍋氣小炒提供，都幾有水準，所以我地全部碟碟清。另外佢哋都有好多煎炸野提供，值得一讚嘅係佢自己炸雞軟骨，香脆吾會好油膩，而家調味剛剛好！食食下煎炸野想飲下野就叫左麵鼓湯，都不過不失，唔會太咸。最後老細埋單走人，我地行出餐廳仲可以拎雪條邊行邊吃，佢地雪條全部嚟自韓國！整體來講餐廳服務態度幾好，嘢食都唔錯！

今日同阿媽係旺角行街買衫，行到晚飯時間，諗緊夜晚食咩，發覺好耐冇食放題，所以就搵咗一間未食過既餐廳叫”神戶屋日韓放題”入到去發覺已人山人海，好彩都好快安排都入座！坐底咗，就開始寫紙仔叫嘢食，佢有好多食物款色提供，除咗一般刺身，燒物，仲有火鍋同小炒提供，任君選擇！食物中尤其喜歡係佢地既刺身，因為特別新鮮，我最鐘意食係佢地既甜蝦，肉質好鮮甜，啖啖肉！仲有燒生蠔都十分值得推介，好重芝士味，我同阿媽總共食咗一打！另外佢地既小炒都係絕對絕對要一試，特別係招牌炒硯同馬拉盞炒通菜，兩個小菜都火氣十足，同出面餐廳有得比，而且我發覺佢地員工都好有笑容，會推介嘢食俾你，大家有講有笑，好似朋友咁，而且上菜速度又快，服務態度一流！我地仲發覺有好多客都有叫咗火鍋食，而且仲有好多配料，但今次已食到好飽，下次一定會試下！另外臨走前門口仲有好多韓國雪條俾你拎走食，值得一讚！

有時女仔食得唔多，但又想試吓放題，其實真係幾矛盾。好彩男朋友仔搵到呢間放題店。食物款式多，包你滿足，食到飽飽！ 重點係價錢唔高，食得少都唔會覺得蝕咗！每次食放題，第一樣點的多數都是刺身，呢到刺身款式勁多！不過就無油甘魚可惜少少。為食嘅我地把所有刺身都點了一些！嘩！一上台嗰吓簡直靚到呢？！ 就咁睇相都覺得好豐富。只係食呢盤都夠回本啦！ 刺身類都算新鮮，鮑片有驚喜，極為鮮甜。另外熱食都叫咗啲燒物，焗蠔等以及小量炸物最鐘意的就是燒三文魚骨，上枱嘅時候熱辣辣的！加上三文魚本身的油脂，勁香口！ 呢啲魚食多少少都唔怕啦。男朋友仔話食放題唔應該點壽司，不過我都係堅持點咗少少！ 真係少少咋，點咗油甘魚同火炙三文魚！ 終於食到油甘魚喇，壽司飯又唔會太大，壽上嘅刺身亦厚身唔會太過 孤寒，所以都唔錯！！最最最後就緊係食甜品啦，呢到甜品款式不多，不過細細個都幾好，可以試少少，又唔會太飽！ 最後我食咗豆腐花同埋幾粒雪米磁！餐廳最後比錢後仲送每人一支韓國雪條！可以拎住邊行邊食都唔錯。

好多嘢唔係我地叫既好多嘢都好難食唯獨店員有耐心服務令人感覺良好希望改善食物質素特別係牛舌 雞軟骨等超級可怕炸物方面 只有炸奶令人驚喜其餘炸物均令人失望懷疑四百好評的真確性

琴晚同女朋友2個人嚟呢間到食飯，坐個位係卡位，好逼仲要同其他人坐得好埋，連上菜都唔夠位。食物種類唔多，甜品嘅話只係得所謂韓式心太軟，舊心太軟同蛋糕仔差唔多咁大，一啖就食曬，其他嘢食只係覺得牛舌係好食，但話就話一串串，最後係用整蛋撻嗰啲錫紙兜裝住，得一粒仔。其他就。。不了不了不過上菜都算快，唔知係咪因爲太忙嘅關係所以啲嘢食係一堆一堆咁上。Btw唔係因為樓下松本冇位我都唔會去呢間到食。想試吓中伏嘅網友們就去試吓啦,同埋一定要訂位

放題黎講，呢間算係咁！都幾多人，係openrice book左位，唔使等！日式魚生刺身款式算多，甜蝦幾新鮮！壽司🍣有進步既空間！火鍋個湯底幾好味，一定要哎呢個！熟食一般!飲品種類算多！侍應服務態度幾好！

今次同朋友放工後食放題，試下有咩新野😃一坐低就已經有細細碟嘅前菜，我地三個餓到即刻食哂，之後就開始叫野食lu~呢度有得打邊爐/迷你部隊鍋，照顧到唔太食魚生嘅朋友！試左幾款炒小菜，我地3個一致認同馬拉盞辣得黎惹味，好想送飯食😂 估唔到放題嘅小菜都唔錯火炙壽司都好正，醬料岩岩好！仲有啲韓式炸雞都可以說係水準之作，味道唔錯，唔會太多粉，如果想一次過食埋韓式炸雞，呢間真係唔錯嘅選擇總括而言，呢間放題都係以性價比取勝

今日難得全家人去食放題，八點半去到已經全院滿座，好彩book咗位，所以只係等左一陣，已經有卡位坐舖頭好細心，一開始已經準備咗啲小食同埋唔同種類嘅醬汁喺枱面，加分！食物種類繁多，讚海膽同生蠔：新鮮，每人限定一份，任選其一。刺身：好多唔同種類，亦都好新鮮！連唔識生野嘅朋友都啱，因為有玉子、蟹柳、熟章魚、齋鮑片同熟蟹鉗一開始食咗泰式鳳爪 & 牛油焗雜菇 & 柚子大蝦沙律，開開個胃先！壽司、軍艦同卷物：嗌咗蟹子軍艦、玉子壽司、花之戀、火焰松葉蟹柳壽司、牛油果軟殼蟹卷同神戶和牛卷。卷物值得一讚！海老、紫番薯、溫室南瓜、冬菇、松葉蟹棒、多春魚天婦羅。新鮮炸，炸得啱啱好，good避風塘一口豆腐、芝士燒黃金沙律開邊蝦、鹽燒活海蝦、日式汁燒雞肉串、北海道燒扇貝榴槤炸彈、吉列炸蝦、一口芝士、沖繩網紙蝦卷、日本芝麻雞翼、韓國蜂蜜芥末炸雞韓國醬燒豬頸肉  &  招牌炒蜆鐵板馬拉盞炒通菜 & 松葉蟹粥壽喜燒 & 麻辣火鍋：每四個人可以揀一鍋壽喜燒或者韓式部隊鍋。今晚我哋全家人都食得好飽，滿載而歸

今日同幾個朋友敘舊，想搵一啲放題嘅餐廳。當我地行經卜兆萬中心嘅時候，樓下有好多人派傳單俾我哋參考，見到神府個啲食物都幾吸引，就決定去神戶食放題。入到去，四周圍嘅設計都以綠色為主，令到你尤如置身於大自然一樣。食放題，第一件事就梗係叫魚生啦。我哋幾個就即刻每款魚生都點左幾件，結果黎到既時候好大盤xd 有玉子、蟹柳、三文魚、帆立貝、八爪魚、螺片、有頭甜蝦、虎蝦、帶子、希靈魚等等。啲魚生食落都幾新鮮，而且都幾甜美，尤其是三文魚食落有入口即溶嘅感覺。食咗咁多魚生，感覺有啲膩，就食番啲熟食。我哋叫咗芝士焗蠔，隻蠔算ok大，配埋粟米、煙肉同芝士一齊食，口感非常豐富！另外，我哋叫咗避風塘炸豆腐。不過我哋叫得唔多，因為都係第一次見呢款食物，所以想叫少少嚟試吓。個避風塘返粉好香，豆腐都炸得外脆內滑，好食除咗炸豆腐，我哋都叫咗天婦羅。天婦羅揸得好脆，層炸粉唔會太厚，而且唔會炸得太油膩，係難得係放題食到好食既天婦羅。除咗炸物，我哋都叫咗和牛壽喜燒鍋物。個和牛好正，肥瘦均勻，係壽喜燒汁中碌熟，個汁令到啲和牛更美味。最最最最特別嘅係呢間放題可以俾你打邊爐。我哋當然試下啦！而且我哋係用返壽喜燒個汁黎打邊爐，感覺非常

行開旺角搵食，又好耐無食放題，鋪癮又出左黎。呢間食日韓放題嘅神戶屋又未食過，就同朋友入左去試下啦。我地約7點左右到啦，都要等一陣位。鋪面都幾整齊乾淨。多人食，我諗應該都唔會差。呢度食日式同韓國野食，所以選擇都幾多下。除左普通嘅刺身呀壽司呀之外，仲有韓國烤雞咁，仲有泰式蝦呀炸榴連咁。都幾特別架。仲有首次快速上菜嘅刺身選，同埋兩人一鍋嘅日式火鍋或韓國部隊鍋選擇添。除左一般嘅雪糕之外，呢度仲有山水豆花，正呀。亦都可以選要韓國雪條。飲品嘅選擇亦都有唔好！我地都唔係點了好多刺身，夠食就好了。刺身都算唔錯，我地點了甜蝦、帶子、三文魚同蟹棒。仲有兩人份嘅海膽！正呀！豆花，正呀。至於一口牛就差少少啦，未切斷，而且有點韌。各種壽司都唔錯。尤其係火炙三文魚。炒雜菜都幾有心思，上面加上櫻花蝦，增加味道嘅層次。芥末八爪魚嘅芥末唔夠味，但八爪魚相對又幾足料。其中我覺得雞翼幾好味，炸得幾金香。雞翼亦算入味。整體黎講呢間放題都ok，不過因為太忙嘅關係，上菜有點慢。而職員們都幾有禮貌亦會主動問我地有無少到菜。服務真係幾好。

香港人越黎越多人喜歡吃放題，因為一個價錢可以食到不同款式和地方嘅食物，兩小時任食任飲，可以滿足一眾大胃王，如果三五知己更加食得暢快。好似座落係旺角西洋菜街近登打士街兆萬中心，樓上有好幾間都係放題集散地，要選一間真係唔難，不過要平靚正又要特色，朋友介紹呢間係8F叫神户屋,之前訂左位上到去已經座無虚席，好彩等左五分鐘就有吉枱卡位，好闊落夠坐四個人。即刻拿張menu黎tick,眼花潦亂，好成200款特色食物，我當然主力叫剌身,壽司和火煱,叫完之後，有時間食住小食先,辣味螺肉,芝麻八爪魚和泰式鳳爪,酸辣口味開胃女兒笫一時間攞左罐飲品俾我，竟然有德國黑啤,再送埋炸物真爽第一道上枱係刺身盆，睇見都流口水，好新鲜,有三文魚,帶子,生蝦,松葉蟹鉗象拔蚌和甜蝦r三文魚厚切,油脂分布均勻,色鲜唔腥和煙韌,生蝦滑滑有口感,食到咀妙妙。跟住上炸物，炸得熱辣辣嘅天婦羅南瓜,紫薯,多春魚雞翼,重有韓國鲜奶,好正外脆内軟又甜甜,送啤酒恩物壽司恩寵花之戀必吃，大大口一次放入口十分滿足，好多魚子，軟殼卷好有賣相廣島蠔都有得食，大隻唔腥多汁，海膽夠鲜甜又滑生蝦沙律，隻蝦又大隻，配沙律菜吃突出鲜甜鹽燒活海蝦，夠大隻，入口肉

兆萬多放題店就係人都知啦，今日同bb豬就去咗試吓呢間！上到去唔算太多人，大約幾group人係到等緊。鋪頭門口都有位置可以比食客坐住等，都算一個細心之舉。店員到我哋拎住都比較多野，一袋二袋咁，問我哋介唔介意等耐少少， 可以畀張卡位你哋？ 咁我同bb豬就當然應承啦！ 大約等咗十五分鐘就已經有位，仲要坐得舒舒服服！ 抵讚！我哋一坐低就立即睇下有咩好食， 見到成架嘅都係點菜紙， 都要花啲時間先睇得曬有啲咩食！第一round當然係刺身， 當中有生蠔、海膽、三文魚、希靈魚、鮑片、甜蝦、有頭甜蝦、帶子、泰式生蝦仲有個唔知咩螺！ 款式甚多！👍🏻👍🏻賣相極之吸引， 餐廳一啲都唔吝嗇， 片片刺身都係厚厚的。呢度嘅海膽唔會有奇怪味，少少甜， 好少放題點做到！為咗滿足我食肉獸嘅訴求我點咗幾件羊架， 件件都大大件！另外當然要試下啲炸物啦乜都點咗少少，不過不失。仲有啲一品料理等，茶碗蒸有驚喜喎！啲蛋滑到呢，又唔會太咸！咁唔錯唔錯👍🏻👍🏻👍🏻呢間放題殿嘅另一個特色但係有得打邊爐啦， 有兩款選擇一款部隊鍋另一款壽喜燒， bb豬揀咗壽喜燒貪佢甜甜地有冇咁唔健康！👍🏻👍🏻嘩份量一啲都唔細有勁多肥牛之餘仲有好多蔬菜， 不過

又黎到兆萬呢個放題集中地今次見到竟然以神戶呢個以牛聞名既地方做店鋪名就試下D牛係咪真係咁掂先==============================一入門口最吸引我眼球既就係男人們既至愛ne Piece一埋位已經有小食暖下胃仲有唔同醬料,當中仲要有我最鍾意既泰式辣醬1-4人會有一個特別火鍋有得揀日本和牛壽喜燒同韓式芝士部隊鍋作為一個日本控既牛魔王點可以唔食壽喜燒呢另外訂座仲有得送海膽同生蠔岩晒鍾意海鮮既朋友餐廳仲好貼心地比左張首叫既刺身MENU呢張首叫MENU會快D上刺身比客人唔洗等咁耐食物選擇真係包羅萬有考起我呢D選擇困難症患者飲品款式都唔少當中比較特別既係有菓然系茶刺身都幾新鮮海膽入口即溶又唔會有腥味而其中覺得幾特別既係比較小見既蟹鉗刺身竟然係會連埋蟹鉗一齊上另外特別推介鮑片刺身,新解又爽口,味道又香濃神戶名物:日本和牛壽喜燒幾大量既和牛,正呀!壽喜燒味雖然甜左D但係比香港其他餐廳算係整得唔錯既一間更重要係真係好多牛呢到係我夾出黎既牛成碗都係每次去放題我都會食炒雜菜但食咁多年放題真係估唔到竟然炒雜菜都有驚喜佢上面竟然係放左櫻花蝦每成個味道同口感多左份層次同埋估唔到除左炒雜菜仲有

去神户屋前預先訂座，會有海膽和生蠔二選一，我和朋友都選擇了海膽，完全沒有苦味和腥味，反而吃下去好鮮甜刺身當然不只有海膽，值得推薦的是帶子和有頭甜蝦，帶子大大粒，有頭甜蝦比普通甜蝦大隻，份量不足，吃下去都不分魚鮮甜。另外牛肉壽喜燒中，裏面的牛肉好嫩滑，湯底好濃郁但又不會太鹹，牛肉份量十足，下面亦有雜菇和娃娃菜，另外會有雞蛋中和壽喜燒。令人有驚喜的是有coca cola plus這飲品，這樣無論喝多久也不怕肥胖，完全適合完全怕肥的我，另外還有士多啤梨益力多沙冰也令人想不到會有的，想不到會吃到一直想吃的沙冰在放題店會吃到。在壽司方面，最好吃花之戀和黑松露帶子壽司，花之戀份量很大個，沙律醬也有很多，三文魚很厚身，整個口感豐富。另外黑松露帶子壽司的帶子很大塊，再加上黑松露點綴，吃下去層次分明。在麵類，最好吃的是胡麻醬烏冬，芝麻醬充足，配上烏冬的口感，吃下去啖啖都好重芝麻味。