神戶屋日韓放題

營業中

休息中

自問都丁星期食次放題，好耐未試過咁差嘅放題，嘢食水準一般，最唔好係order完唻嘢食嘅時間，帶子刺身寫40唻4粒，玉子就寫一唻4，天婦羅d粉完全仲係生嘅....下次日式放題都係去番尖沙咀嘅穩陣d.我老婆食完仲肚痛，返到屋企哦咗幾次，好在有腸胃炎藥看門口，如果唔係都唔知点算，我都有輕瀉現象.我見每枱一係冇嘢食，一係d平價熟食多都食唔哂，幾個男人果枱係咁追嘢都冇唻嘢，總之如果想清腸胃同埋練EQ嘅就唻試試佢，我見佢間舖里面有待應着住同building嘅帝皇水產衫，應該係同一間唻架，如有師兄試埋可以賜教。

2人食飯 諗住近近地就兆萬 又見好評咁多一入黎就安排我地坐卡位 然後比3張點野食既單我地 揀左2份海膽 黎到每一份都細到好似手指甲咁細 然後揀左日本和牛壽喜鍋x2 個鍋到最後食完都未拎出黎 叫左跟單先肯拎出黎 仲要話我地無點 叫佢跟完仲要拎得一個鍋我完全唔知落單果位姐姐係咪心情唔好 基本上叫10樣野黎得3樣 仲要係咁上錯食物 熟食 我勸大家都係小心d揀 好可能係整定好耐 拎出黎都唔會幫你翻熱可能係我唔好彩 一位第一樣野凍 第二樣會好d 點知我食樣樣熟食都係凍既！全部都係凍既！！壽司🍣 我真係唔知想講咩好 叫得3/4件 件件都係熱既。食過既 係得個雞肉串食得過 呢餐飯我同我男朋友都覺得好無奈 最後真係想講我地只係想黎食放題 但係我乜都食唔落 很差的一次食飯

朋友話想食放題，於是上網search有什麼高質放題店，最後我地決定去有很多好評既神戶屋日韓放題，位於旺角兆萬8樓。可能平日關係，晚市放題雖唔使排隊，但高朋滿座。出乎意料地，座位間距大，坐得超舒服，隱私度高。我地一坐低，就有一些開胃前菜送黎，去睇下有什麼飲料先。餐廳有兩個自助大雪櫃既飲品任你選。我就要左香蕉味的忌廉溝鮮奶，試下新口味。侍應一開始會比三張order紙，有首輪刺身紙，訂座加推同日韓邊爐。除此之外，檯上仲有一大疊既order紙可以點。放題點少得刺身，擺盤好靚，食材新鮮。三文魚刺身口感軟滑，入口融化，清甜回甘。鮑片刺身鮮甜，仲有其他放題店少見既松葉蟹鉗刺身，所以再encore左鮑片同松葉蟹鉗刺身，實在好食。熟食方面，就點左燒鯖魚，鹽燒蝦，黃金芝士廣島蠔，味道都唔錯；最特別係吉列大蝦，芝士濃郁大蝦爽口。仲有清甜既烤有機菠蘿，超足料既豉椒魷魚鬚，炒得很惹味。再黎係韓式蜜糖芥末炸雞同炸得脆卜卜既吉列廣島蠔，嫩滑既日本芝麻雞翼，一定要試鐵板一口和牛粒，和牛粒煎的好入味，有肉汁。仲點左一系列既sushi，細細一個，可以試很多種類。最後再打個邊邊，有不同火鍋配料，哇，竟然有牛柏葉，海蝦，青口

放工約左朋友去旺角食放題，兆萬嘅放題都差不多食過五六間，今次就試下食神戶屋。一開始可以揀壽喜燒鍋/部隊鍋，另外有啲雪糕券咁，大部分刺身/炸物都可以食到～(仲有好多其他點餐紙，不能盡錄～）第一樣一定係介紹刺身。因為朋友唔係好食得魚類刺身，所以只係嗌左飽片、帶子、蝦等等。佢上個盤好誇張的😂有個樽裝住乾冰會瘋狂噴煙，真係見到都覺得啲刺身凍啲😂以上三款刺身都好好食，飽片幾鮮甜！推介！叫左其他壽司，我認為火炙嘅壽司特別好吃，芝士溶嘅程度岩岩好，帶有少少煙燻味～因為晏晝食左壽喜燒，所以唯有叫部隊鍋。入面嘅料有午餐肉、腸仔、金菇、菜等等，仲有包辛辣麵😆另外都有好多熟食小食叫下，當中我覺得牛椰粒同魷魚很好吃，推介！最後係雪糕環節，覺得呢隻雪條最特別，另外野飲方面，除左一般罐裝野飲，佢特別有一支支樽裝解茶，啱哂鍾意飲茶的朋友～

好耐無食放題，尋晚見呢間評論唔錯於是揀左呢間食，一入到去燈光昏暗(但唔係有情調)，餐廳面積細，環境嘈，侍應不停喺附近穿梭，環境認真馬馬! 食物種類還算多，上菜都快，漏單問題不算太嚴重(其他放題都有), 但食物質素就一般，尤其熟食例如泰式鳳爪無味，抄通菜只有硬邦邦既菜莖無菜葉上，韓式粉絲好淡等，壽司同魚生不過不失，無甜品吧只有牛乜公司雪糕杯，飲品選擇少，整體黎講一般，同區同類型既餐廳唔少比呢間好

今日父親節，選了神戶慶祝店內擺設裝潢比較年輕，海賊王的圖片卡坐位舒適寛闊，天花有花盆裝飾。因為父親節關係，今日只有100分鐘任食，價錢2百多元一位。雖然訂了坐位，但仍需等半小時才可入坐，人頭擁擁我們經openrice 訂位，可以選送生蠔。生蠔很肥美，爽口新鮮，正！一入坐食物極速送到，可能擔心100分鐘不夠時間，幾乎約2分鐘左右就有新食物到。先來的是沙律，刺身， 壽司，炸物。刺身厚切，唯獨八瓜魚薄切，師傅刀功很利害。八爪魚薄切，軟腍易咬激巨赤蝦刺身，最爽口又鮮甜。這裡比較多蝦刺身，如果喜歡蝦朋友一定滿足。天使蝦刺身，甜蝦刺身，有頭甜蝦刺身，激巨赤蝦刺身，網紋炸蝦卷，天綿羅炸蝦，燒海老……壽司比較出色，蔥花吞拿，軟綿綿吞拿魚鮮味牛油果軟殼蟹壽司- 一小口味道出色韓式紫菜飯卷 -普通和牛壽司 -牛肉太小 牛味不明顯鐵板馬拉盞炒通菜 無左個鐵板？ 通菜味道很好，本身通菜太老，只可吃葉部份，莖部太硬難以咀嚼，可惜！茶碗蒸，又滑又多料，很好朱古力心太軟，一口一粒，堅流心超好味！炸雪糕，芋頭味，一啖入口，雪糕一咬即爆，外熱內冷很正！炸雞軟骨，香脆惹味，正常！韓式炸雞和芝麻雞翼，有點點辣，味道惹味！清

同朋友經過旺角最煩惱莫過於係諗唔到食啲乜嘢，每次面對呢樣難題第一個反應就係幫襯放題餐廳，朋友就話好介紹同我去咗旺角兆萬中心8樓一間叫做神戶屋嘅放題餐廳。入座嘅時間大概七點半左右已經係好多人等緊位，不過侍應嘅安排其實都真係幾快速我諗等左10分鐘左右就已經可以入座，餐廳係以打橫卡位形式座位其實都幾鬆動坐得係舒服嘅。侍應話俾我哋聽有一張菜單紙仔係頭一輪order特別話俾我地聽會第一時間出左嘢食俾我哋先，咁頭一輪食物就一定係叫日本刺身先嘅，刺身上左台之後發覺數量其實都真係比足嘅，三文魚厚度非常之口油脂香滑色澤鮮艷光澤最緊要係一啲都唔腥，帶子鮮甜仲有一樣野係要讚一讚嘅就係佢完全冇切開既厚度保持住非常之完美嘅口感，泰式生蝦咬口爽脆，以刺身嘅質素來講我覺得其實都算係非常之好嘅貨色某程度上絕對唔會比出名貴嘅放題餐廳質素差嘅，我個人就非常之滿意。之後就要講講佢哋嘅韓式食物，有樣嘢特別嘅食物叫做韓式醬汁豬頸肉，醬汁嘅味道偏向有少少辣同海鮮嘅甜味，味道配合豬頸肉嘅彈性咬口又出奇咁夾。之後就要講講佢哋嘅壽司，上枱嘅賣相鍾意影相打卡嘅朋友啱晒你地啦，火燒三文魚壽司唔止做到入口即溶表面上燒到有浸焦面食落口香噴噴，

見有四百幾個like 點知一試就中伏了環境：一搭𨋢上到去 等既位置迫到無位企入到去坐低 啲位又係迫到飛起坐左係飲品雪櫃附近 不停被拎野飲既人撞到張櫈食物：不停漏單 等左好耐都無野食刺身全部都係薄切 不過味道還可以壽司一般 但啲卷物黎到全部都散哂 好似打完風咁炸物 全部都勁油送左幾隻生蠔個樣好唔新鮮 見到個樣完全唔敢搵命博飲品選擇好少 連基本既可樂都無唯一好味既係個日式叉燒烏冬、雪糕（雀巢）同豆腐花（百福）總括而言 平均一個人要三百幾蚊 但啲食物完全唔掂 漏單漏到癲 到最後發覺追單都係無謂既 真係真心覺得好差 我一定唔會再黎 不可一不可再。

今天，約了好友一同晚膳，我們一早已訂了枱去神戶屋日韓放題放縱一下！因為早訂枱就有日式和牛壽喜燒火鍋或韓式部隊鍋二選一呢！今天忙到晏都無食，所以急忙到餐廳食過痛快！我哋大約七時到達，已經要等枱了！好彩我們一早已訂座，只需等數分鐘就可以入座！我們第一時間點了剌身，剌身都很新鮮，有頭甜蝦剌身最為好味！炸物是我的最愛，我們吃了番薯、香蕉、多春魚天婦羅，還有日本芝士年糕、榴槤及香芋丸。。。。差不多每款都點！不知自己是否太餓，所以食得特別快、特別多！我們還選擇了日式和牛壽喜燒火鍋，牛肉非常肥美，配有金菇、鮮冬菇、蛙蛙菜加上甜美的湯汁，真是一絶！好味到停唔到，再用壽喜燒湯汁加配料:雞件、牛柏葉、芝士腸、魚皮餃、牛丸、韓國年糕。。。。數之不盡。最後，我們還食了甜品呢！今天真的食到盡興！用一個價錢得到兩種滿足～刺身+火鍋，真的化算！😊

食物質素 不算優質 亦都唔會失望 服務員 很好 咁嘅價錢嚟講 都算物有所值 三文魚刺身真係好一般 但係其它刺身壽司 都唔錯 本身自己有小朋友 但係唔建議帶小朋友去 如果冇小朋友嘅話我都會再去多次

今次係第二次黎神戶屋食放題，之前食過唔少放題，呢個有少少唔同就係日式加韓式放題，所以感覺唔錯呀！waiter 們個個好有禮貌，野食方面當然係好滿足啦！話明日韓放題，睇下有幾多韓式食物嘅選擇 ，可惜眼闊肚窄，如果唔係叫返個部隊鍋就正喇!!食刺身同壽司前食D熱野打下底，飲返碗人蔘雞湯同食返個和牛火煱暖下個肚。刺身全部都好新鮮，呢度有希靈魚刺身，之前食過其他放題都無架！仲有北海道角螺刺身非常爽甜。至於壽司方面，一定要試藍鯨拖羅蓉軍艦，好好味！牛油果軟殻蟹卷、神戶和牛卷、芝士鰻魚卷係我嘅至愛，好在D卷物係迷你style, 可以食多幾款熟食方面，爐端燒試左紐西蘭羊架（非常juicy)、燒開邊蝦、燒蠔。另外有鐵板一囗和牛，和牛好味唔駛講，其實D薯仔都好正，又林又入曬味我係一個芒果控 - 飲芒果汁之餘配返條芒果雪條，真係非常非常正！雪糕雪條好多選擇，仲有movenpick 雪糕添！

第一，一定讚讚神戶屋所有員工。每個都好有禮貌，笑容滿面，有活力。睇得出，老闆應該對員工唔錯。就算6星酒店都唔會有咁既服務態度。食物水準一流，新鮮! 乾淨! 份量適中! 平日去都排晒隊，到我食完走既時候仲有人等位，可想而知，確實有粉絲! 一去到，可能我早到，所以即刻有位，去到7點幾就開始要等。坐底梗係寫下野食先啦，款式多，韓式都有呀 (梗係啦，日韓放題呀麻)。食物紙排得整齊企理，突出標題夠細心。最正除左日韓野食，仲有打邊爐呀。你話係咪抵食先。整個和牛日式火煱先，牛肉好正，份量岩岩好，留肚食多d款式。"簡" 個野飲先，都幾難"簡"，咁多選擇。食完熱野，飲杯凍野，跟住就食刺身壽司。最愛的黑松露帶子滿滿的蟹子刺身  有三文魚，螺，北寄貝，帶子，甜蝦，蟹柳..............蠔呀，海膽呀 跟住有好多燒物 一口牛呢個海蝦好正，少少鹽吊味 再黎壽司最後，當然要甜品啦

今次試既係旺角兆萬既一間放題，兆萬有好多唔同既放題餐廳，但吸引我地去呢間分店既係因為佢比較平同有個好吸引既食物，我地係6點幾到達餐廳，好似大概$14X左右既價錢，而對上一個價錢更加係$129，雖然未加一，但呢個價錢我已經覺得好平，上面既野食都唔算少，但以壽司為主，見到佢主要都係佔大部分壽司，例如軍艦系列同埋芝士，而比較吸引係每個客人可以揀一隻生蠔又或者係一份海膽，我同朋友都揀左海膽，好鮮甜，係好好好好食，佢個份量雖然唔係話大份，但都好過其他放題既迷你海膽手卷，因為可能你要食好多飯先食左一小舊既海膽，去食放題食咁多飯點得，加上佢加上青瓜真係好fresh，誇張既係上面有得打邊爐，一次滿足兩個願望，有三種湯底揀，仲有好多唔同既配料，例如肥牛同埋唔同既丸類，真心一啲都唔hea，但今次食得太飽，所以就冇特別試打邊爐，但見到隔離既幾枱都有叫，仲不停追加其他材料，就知一定幾好食，所以一次去一定會去試一試佢，同埋佢既炸物都係熱辣辣，唔會好似整左好耐咁，十分欣賞!

收工同朋友去食放題，揀左呢間「神戶屋日韓放題」，位於旺角西洋菜南街既兆萬中心8字樓。上到去係一個休閒型日式格局，周圍可以見到好多綠色小植物同大自然佈景，而且梳化非常舒適，令人十分放鬆。埋位梗係要先拎野飲啦，今次試下Milkis新口味，「香蕉味忌廉溝鮮奶」。唔~~都係原味好飲少少~~落完單稍候一陣，食物就陸續送上。第一波送上既係燒物小食，開一開胃先！「黃金芝士燒廣蠔」「鹽燒活海蝦」「豉椒魷魚鬚」「燒有機菠蘿」「芝士燒黃金沙律開邊蝦」，呢個好好味！「鐵板一口和牛粒」第二波係自製日式剌身拼盤，個盤好有特色、好靚！第三波係一大堆SUSHI！仲要係三文魚阿！最後當要食甜品，呢個係韓國密瓜味雪條，食左一半先記得影，太好食了！大家有空不妨黎試下，低食之選！

睇左幾間，決定試試呢一間，一入座職只就比左三張紙仔我地，之後講解係咩，一張係訂座可送每人一份生蠔/海膽/韓國雪條，第二張係有一個鍋食，可選部隊鍋/和牛肉壽喜燒，第三張係首輪刺身紙，估計係見你首輪可優先處理，值得加分，食物質素不過不失，刺身新鮮度只屬合格，炸物味道不錯，焗蠔，焗扇貝好味道，飲品種類可以，不算特別多，不得不讚係服務，職員服務好，不時主動問有冇野漏，臨走前仲叮囑我地記得攞雪條食，雪條種類大約有7至8款～!!