神戶屋日韓放題

營業中

休息中

大家對於旺角食放題有甚麼感覺？今次在神戶屋的體驗改變了我的看法，原來食平民放題可以有皇帝享受。首先，我們等了30 分鐘才能進去。雖然事先已訂枱，但由於人數眾多，加上我們臨時更改了入座時間（OT嘛⋯⋯）所以得等待一下才可以進去。一進去，經理安排了一個卡位位置給我們，剛好可以看到帥氣的壽司師傅～這樣放題主打壽司和種類繁多，不論串燒、熟食、炸物、 火鍋，甚至雪條雪糕都有多款任㨂，但說實話熟食真的很一般。能令我留下深刻印象的就只有清酒煮蜆，以及美得像高級日本料理的魚生船。因為我們都很喜歡食魚生，反正都是，就問了經理可否來個全包宴，三文魚腩多點就對了😂坦白講，本來對他們的食材並沒有什麼期望，畢竟是放題，沒想到一來就有震撼的外觀！打完卡後，急不及待嚐一口玻璃蝦和三文魚腩 🤤🤤🤤極鮮極甜！ 再加上海膽、帶子及鮑片，一場來自深海的盛宴就這樣開始吧！美中不足的是玉子和希靈魚都不太合格，吃得出是所謂的「假蛋」，魚亦極腥，所以就不太推薦了。順帶一提，這家店都是年輕的男女，甜美帥氣的外表加上優良的服務態度，和朋友來一場愉快的聚餐不妨到神戶屋放題啊🤗

辛苦工作了一天，未放工已經諗緊食咩好。就想起朋友介紹的放題，好在早少少訂位，去到好快就安排到坐位。四周裝飾綠油油，好舒服，而我哋就安排了近卡位旁邊的枱。枱同枱之間有距離，唔會俾人聽到👂🏻傾計聲🤣相信每個人到餐廳都喜歡選卡位，舒服、有空間。放題餐廳都去過好多，依間都算幾多卡位，好明顯也著眼客人的舒適度，而不要求其加多幾張枱。雖然已經8點幾，但旁邊的卡位仍然滿哂。一開始首先當然係食刺身啦！佢地安排好貼心，有首輪刺身紙，即係可以優先處理😍！刺身有好多種類，我地只選擇了其中一半，特別喜歡原粒帆立貝、象拔蚌、螺肉及鮑片，好有驚喜，好鮮甜好煙韌！至於壽司，選擇有成幾張紙，而今次就試咗一系列嘅黑松露壽司。黑松露嘅香味加上三文魚同蝦嘅鮮甜真係唔錯！鐘意黑松露嘅朋友可以一試！本人就叫了黑松露油甘魚，口感好肥美。而小食方面，芝麻雞翼同炸蝦天婦羅真係唔錯，炸粉唔厚，入面嘅內質重好滑，而蝦就好爽口。雜菇表現就一般，味道較淡，唔太惹味。另外燒牛舌，肉質彈牙，燒得幾香，不過可以再乾身就重正，不過都無得同炭燒比啦！依度重有好多一人火鍋、拉麵等，而我就選擇了簡單嘅牛肉鍋，好正喔！另外，值得一讚就係飲品同甜品，選擇好多

好久沒有食過放題，出開去旺角換手機就早幾日訂了座位仲加送韓國雪條一支，地點便利在旺角兆萬中心8樓 ，任點任食兩小時平均每人$240左右。種類多有刺身、壽司、炸物等等 餐廳有多張梳化座位坐得舒服，空間感不錯，晚上時間難怪坐無虛席，訂了位就放心得多 飲品種類有很多選擇包裝、罐裝都有汽水、果汁、綠茶、奶類都有。推介幾款必點的食物！期間限定和牛壽喜燒肥牛，湯底濃香甜不過不少少膩，肥牛片片口感柔軟嫩滑 魷魚鬚一口咬落彈牙又有嚼勁，配有韓式汁，美味香口，份量仲不少呀。炒蜆有配菜青椒紅椒洋蔥炒香，炒得好夠鑊氣。天使蝦沒有什麼味道都OK，而泰式甜蝦彈牙夠爽！我的最愛北寄貝就最清甜還爽脆鮮味熱熱的人蔘雞湯一定要點返碗，食得肉多仲可以解渴牛柳粒炒得會香蒜味，火喉夠肉味好夠。燒菠蘿一咬就爆汁好香甜又惹味，小心食到同身係汁，不過唔理禁多仲要叫多2碟。芝麻雞翼炸得香又脆外皮金黃色酥，咬開嫩滑肉質很香口特別讚一讚上菜快而且店員服務有禮，沒有試過漏單情況。

有日突然心血來潮想食放題，經朋友介紹下就去呢間位於兆萬中心8樓的神戶屋日韓放題，食物種類手多，價格不貴，於是打電話訂座，原來訂座還有額外食物送贈！一坐下店員首先提供4張紙，首輪剌身紙 (此單會優先處理,很貼心)，期間限定火鍋，訂座3選1額外食物 (分別是海膽刺身、空運直送生蠔、韓國雪條)，而落單紙一共有10張！因為有book左位，所以會送返一份海膽或者生蠔，我地就揀左海膽。海膽金黃色，食落好甘甜新鮮。刺身方面我地就叫帶子、鮑魚、北寄貝等。而蝦類都分3-4種，好有誠意！由於本人不食甜蝦，所以只叫了泰式生蝦，大大隻得黎蝦肉又新鮮，鍾意食蝦嘅朋友一家要黎試。入口新鮮珍寶帶子，原粒大大粒帶子上檯，唔係開半唔係切片真係原粒上！鮑魚新鮮彈牙，食到唔停得口! 食完刺身, 再轉戰壽司,，當然火灸系列係必食之選, 好juicy。另外我點左蔥吞拿同軟殻蟹卷物，兩隻都好好食，如果唔係要留肚食其他嘢，我真係會再追加都似。至於熟食我就叫左個和牛鍋炸天婦羅、雞翼、鐵板一口牛、鹽燒牛舌等，全部都好有水準！食到我地lam lam俐😋最後食甜品，雪糕/雪條都有十幾款，仲有好多經典味道！食唔哂唯有同老闆娘講帶佢地返屋企🤣

1：海報上寫午市4小時$179任飲任食，實際$209(未加一)2小時，只有1.5小時落單2：食品質素一般，刺身唔夠凍，榴槤炸彈炸唔夠，D皮唔夠熟，熟食不是“太咸”便是“太辣”3：上菜慢，漏單多，入座後第一次落單的食品竟然個多小時才有4(重點)：食完一小時後便肚屙，同行的母親同樣肚屙，食品的衛生質素有可能很差

地方太迫，中間明明是兩張四人枱，加多張二人枱後分別坐左兩枱人各六人，又尷尬又迫！感覺太差啦！食物一般，食物款色選擇可接受，而且侍應服務尚可！不過唔會再幫襯！因為以相同價錢還有更好的選擇，起碼環境可以舒適一點.........

兆萬既放題近期係越趨改善呢間係算咁多間最高質 沒有之一等我地睇下呢間環境先刺身咁多輪都係無得輸款式又多 份量又夠刺身又夠鮮不會成陣冰味火炙壽司真係放題必點～如果食厭壽司真係可以轉下類別嗌火炙類壽司呀尤其係火炙三文魚同芝士火炙蝦真係食落又香口又鮮甜～我地食完都忍唔住嗌多幾輪火炙蟹柳壽司都係值得推介既炸物黎講我地嗌既款真係唔係好多但全部都係朋友推介過既炸雞翼真係好香口好吸引炸鮮奶更加係食落去又甜又熱一食就知係即叫即炸仲有一口炸豆腐同炸天婦羅都係比較推薦的熱食炒物我一般都不會係放題推介除左呢樣 因為真炒得太香口又有泰色風味 係咁多次食過放題最好食的炒物可能調味料關係炒得特別入味根住重點推薦海膽真係同外面水平同味道差太遠份量未必多但質素絕對數一數二建議黎到一定要嗌唔嗌會後悔最後當然不少得必點既壽喜燒啦佢呢道既壽喜燒牛既份量係多到就黎滿食左咁耐凍既刺身壽司係時候食返個壽喜燒暖下～呢道仲係任嗌嫁 唔似出面放題淨係一枱一鍋

旺角兆萬，餐廳林立，日式韓式，蒸鍋，火鍋放題.......。真是太多選擇了。最後我和朋友決定食神戶屋日韓放題。餐廳座位都是整齊的卡位，裝修明亮優雅。放題任食任飲。$239/位。加一服務。朋友非常喜歡食刺身，自然先㸃刺身了。刺身顏色非常亮麗。粉紅色的甜蝦，軟滑香的三文魚。。夠爽口清甜，鮮魷十分爽口。粉紅的蟹柳十分鮮甜，還有透明的蝦刺身.......。真是一試難忘。不可不試的韓式料理的韓國人參雞湯。不單是女士們的至愛，我也十分欣賞人參及雞的濃郁味道。值得一讚的招牌炒蜆，有少少紅辣椒，不過就不覺得有辣味，蜆肉非常飽滿，味道鮮甜還有黃金芝士燒廣島蠔。天婦羅，日式串燒，日本芝麻雞翼，火炙壽司.........，款式非常多，十多款飲品及甜品。嘩，這就是我愛食放題的原因，無怪乎這麼多人愛食放題，不知不覺食到太飽了，今晚食得真是非常滿足盡興。

咁耐冇食放題，今次就去兆萬食久違既神戶屋，兆萬咁多間放題入面，神戶屋係我頭幾間必去既，因為價錢合理，野食質素有保證。一黎當然叫左魚生先，色澤鮮美，令人食指大動！仲要好多都係厚切，夠哂大件！魚生種類仲好多，連蝦都有好多唔同種類，樣樣試少少，都抵番哂。其實以香港海膽質素呢個，呢到算係唔錯，好鮮甜，唔太腥。D火炙壽司好大件，你出去食都十幾蚊一件，呢到任你食，上到枱仲要熱辣辣，咁好食，可以叫多幾碟。泰式通菜呀，呢間泰式呢個我推薦左無數次架！必試必試，我一次可以叫5碟哈哈，味夠濃又夠辣。炸物，又係熱辣辣送到，炸豆腐好好食，外脆，但係入口好嫩滑。炸鮮奶好香甜呀，我地嗌左3次。呢個牛粒又係，煎得非常香，份量都好ok而家店入面有得租用充電器架，好貼心既服務呀走果陣時店員好好咁叫我地拎條韓國雪條走添，種類好多，大家去到記住食埋先走

在樓下經過兆萬中心有人派宣傳單張，見到價錢比較便宜而且有200種食物，見張圖也吸引，然後就同朋友上左去吃，當日上去店鋪見很多食客。呢度有VIP房，一大班上去食都無問題。呢次遇到個好好服務既員工，會主動問我們有沒有漏單。首先會有一些冷盤小食供我們去吃，例如八爪魚、螺肉和鳳爪，食完啲開胃食物，第一輪叫左好多刺身，最好吃的是珍寶帶子刺身，帶子真係好大塊，食落好鬼鮮甜，肉質肥美，啖啖帶子刺身入口真係咪話唔幸福。另外壽司方面，最好食係蜜桃炸蝦，炸蝦十分脆，加上蜜桃既清甜，再伴上少量沙律醬，整個口感層次非常豐富，值得一試。在炸物方面，炸鮮奶和芋圓都值得試試，兩道小食都炸得好香脆，炸鮮奶既甜度適中，有好重既奶香味，而芋圓亦都有好出既芋香味。而烏冬則叫左芝士豚肉同野菌雜菜，芝士豚肉湯底有很濃既豬骨味道，而且啖啖都食到邪惡既芝士；而野菌雜菜則重黑胡椒味，而且昆布都好吃，兩碗烏冬都很有咬口，絕對值得一叫。

講起放題通常都會以為食物質素一般，但係朋友話想黎試吓呢間放題，所以收咗工就黎試吓囉！首先嚟嘅就係刺身拼盤！真係非常抱歉食到一半先至記得影低我地兩個女仔竟然可以清晒啲一個刺身拼盤！因為佢嘅刺身真係十分之新鮮！對於鍾意食刺身野我來講簡直係一個驚喜另外要講一講佢嘅員工態度服務非常之好！執嘢同埋上菜快之餘仲會問下客人意見，呢一點係真係十分值得讚賞！另外佢個部隊鍋都係必叫！湯底濃郁之餘仲好足料最後兩個人埋單先至係每人$208，非常之抵食嘅放題，一定會再帶多啲朋友嚟試吓

旺角兆萬中心位於全港最繁華地段，今日到旺角，見到旺角眾多的美食，想起以前在神戶食過的鮮甜及甜美刺身，及蘇香的美味羊扒，真是越想越覺回味，於是與先生一齊決定再食神戶屋日韓放題。再臨神戶，什麼也沒變，但我多了一種熟悉親切感，座位還是整齊的卡位，牆上一整幅一整幅的青翠的竹林，令人置身大自然的感覺，非常舒服。放題任食任飲。$263/位。再食還是一樣的期待哦。我們還是先點最最喜歡的刺身了。闊別一段時間，刺身顏色還是一樣的亮麗，見到令人垂涎。還是喜歡粉紅帶白相間的三文魚入口香濃，嫩嫩滑滑的口感。鮑魚片十分鮮甜，北寄貝夠爽口，味清甜，鮮魷十分爽口。蝦刺身帶半透明狀，非常鮮甜。蟹柳鮮甜....。再食刺身還是一樣的喜愛。更是少不了韓式料理的韓國人參雞湯，人參及雞的味道濃厚。想起之前食過的鐵板紐西蘭羊架。入味香濃，忍不住又叫了2件，與之前一樣的入味香濃。還食了韓國料理，韓式炸物，一品料理，唐楊炸物，天婦羅........等，當中的炸物我還是特別喜愛的。還有十多款飲品及甜品，免費任飲任食2小，美味,抵食又超值，這就是神戶吸引我再次光臨的理由。

大個左之後都好少食放題，因為自知食得唔多，俾呢個價錢寧願去食好d。不過，間唔中都想放縱一下，又難得約到大食朋友食飯，一於滿足下佢個胃！兆萬不嬲多放題，今次揀左位於8樓既神戶屋，因為有海膽送！第一觀感餐廳略細，檯與檯之間比較迫，但坐落都舒服，而且店員招呼好好，朋友話，未試過食放題咁好服務XD。除左海膽，仲有生蠔或者韓國雪條揀，每人可以揀一樣，不過個人唔好生蠔，朋友亦冇所謂，就揀左2份海膽。另外仲有一張靚火鍋2揀1，揀左基本既壽喜燒，因為成日都覺得食部隊鍋好蠢…（應該得罪好多人）仲有張話係首輪會優先處理既刺身紙。一坐低已經好唔得閒係咁揀揀揀…話咁快就有野食！海膽份量約有半板，新鮮鮮甜既！冇唔新鮮一pat野咁，見到一粒粒好鮮明既！另外個壽喜燒都有驚喜，牛肉完全唔洗豉油，吸收哂壽喜燒既甜味，金菇呢類蔬菜更加係入哂味！終於可以睇下有咩食啦！話明日韓放題，少不了有韓式乜乜乜。全部一共有A-J 10張野食紙，分唔同類別既野食。必食既當然係刺身，望落靚同新鮮既，如果種類多D我會更加癲！店家可能覺得我擦得，寫左1件，但俾左4年我，真係太睇得起小女子啦‧‧‧不過冇好似一般放題餐廳咁樣，整日漏單，呢樣已經非

平日來吃放題都真係最好BOO定位，地點太方便位於旺角兆萬中心，仲好易 搵到，雖然係好多食放題既地方，但這店是在8樓神戶屋。 雖然是任飲任食，仲有迷你打邊爐鍋，中式又得、日式又得包你點到滿意 真的早早就BOOK 好位，全店爆滿連VIP 房都滿滿，最重要是人手見到十分足夠起碼超過8位店員服務大家。 點菜式都有8-9張，每張都有不同食物提供 有壽司、刺身、炸物、手卷、小吃等等 我最喜歡這邊就是自己選擇既飲品提供，包裝、韓式飲品都有。 一般第一個都是手快快點上刺身，多數都是蝦刺身，點了甜蝦、赤蝦、泰式蝦每款味道都夠新鮮有味道夠口感，太好味這個來回點了兩次，推介比大家食下。 牛柳粒份量都不錯，仲夠鑊氣牛柳味道濃沙有牛香同鬆軟 來碗暖胃人蔘雞湯，味道清甜仲止渴 牛肉喜燒鍋中有牛肉，而湯底好夠好濃郁就是連湯都飲埋，牛肉份量很多片，有娃娃菜及金菇，附有雞蛋一隻 要脆就脆既雞翼，肉質都有汁最好就熱食更加香 中式既䜴椒魷魚鬚，真係仲好味過酒樓，驚喜的就是魷魚鬚爽口 每件都好咬口夠入味。 招牌炒蜆真係冇得輸，份量多仲冇甩蜆肉， 聞到爆香既香氣啖啖肉超惹味最重要係冇沙。 雪糕雪糕

朋友聚會總貪方便，到旺角食餐飯。人家說旺角是美食天堂，我同意的！同時，亦是劣食天堂由於早早訂座，所以一去到店員就安排了卡位就座。環境都不錯，點餐如同一向的放題般，手寫一張張紙。雖然部分食物有漏單情況，但仍可接受。老老實實，神戶屋的壽司都不俗，都總算見得人食落口，都正正常常。其餘熱食，如蒸水蛋、焗蠔、肥牛壽喜燒、韓式粉絲，在座的我們都有不錯評價可是，刺身方面出奇地惡劣三文魚有一陣不新鮮的味道；八爪魚方面，我一食即刻吐出來，有股臭味；而鮑片則了無以往的甜味不知為何，在座的我們離開餐廳後，不到一小時均告肚痾，轟炸了朗豪坊的洗手間那時候，我明白了我們已中伏... 所以你叫我再去神戶屋？不了，食落肚的，首要是衛生和次要是新鮮