神戶屋日韓放題

營業中

休息中

話說有一日同朋友係旺角行街，朋友話想食壽司，我就建議不如食放題啦，正好我地果時係銀城，正好對面就係兆萬，見到有間叫神戶屋，見到個名就好似好有來頭，就上去試一試！一上到去個環境好好，本身我係一個好中意植物既人，佢天花板放滿小盆栽，可以邊食放題邊感受大自然既氣息，簡直係人生一大樂事！好啦，我正題！食放題緊係第一時間叫刺身食啦三文魚油脂分佈得好平均，食落好香魚油味，好有三六魚味，超新鮮！甜蝦同赤海蝦好鮮甜，都係好新鮮，特別一提佢既蝦係好乾淨！呢度仲有蟹鉗食！已經脱左毂！超方便！蟹肉鮮甜！基本上佢全部刺身好新鮮，所以樣樣都好好食！食刺身最緊要新鮮！仲有我至愛嘅雞翼，炸雞翼炸到岩岩好！推薦你地食榴槤波！如果係榴槤粉絲，你一定會中意食！佢地燒三文魚壽司好好食，燒得岩岩好！一食落口有種入口即溶既感覺！廚師抵讚！各種開胃小食！有酸辣鳳爪！呢到既野食都好多元化！和牛火鍋超多和牛，同埋啲菜好新鮮。壽司嘅種類都好多，好有特色！仲有我最中意既忌廉溝鮮奶！我朋友中意既蘋果綠茶都有！總括而言，所有野都好食，服務態度好好！

聽朋友講呢間放題唔錯，所以就決定book位去試下。去到佢安排左卡位比我地坐都幾舒服，係位與位既距離比較窄。一去到佢就比左張首輪剌身紙我地，叫完好快就會有得食，啲剌身都幾爽口。之後仲有個限量火鍋叫左日本和牛壽喜燒，果然冇叫錯，啲牛肉薄嫩易入口，個湯都甜甜地，所以啲菜同金菇都鮮甜。佢仲有個訂座加推，我試左海膽剌身，正正常常都新鮮的。之後必食推介一定係芝麻雞翼，香口又大隻，真係皮香肉滑。仲有個好似係網紙蝦卷，外脆內軟，啲料都幾足。但個蝦天婦羅如果可以少啲粉就更好了。我就好鐘意食蜆，見到佢有炒蜆就一定叫黎試下啦，一份都有好多好大碟，個人認為個汁整得幾好幾回味，但蜆既鮮味就爭少少。仲有叫左火炙岩鹽燒三文魚壽司，正正常常試下無妨。最後仲叫左一口和牛粒，啲牛都幾入味但薯仔更好食，又淋又入味。最後都試左啲小甜品，白色既好似係益力多乳酸，另一個就係藍色既啫喱，兩款都唔錯，仲食埋雪糕。總括黎講，送野食既速度都算快，份量都岩，係剌身有d會比多左，食物種類都好多，味道不錯。走廊窄但坐位寬，可以一試！

朋友約我去呢間食放題，咁就試下啦，地方唔算好大，不過食物種類繁多，櫈都坐得幾舒服，而且仲有得租用充電器，有wifi用，設備幾好。一坐低就會叫你嗌個首輪剌身好快就會到，剌身新鮮有口感，之後仲有得揀個限時邊爐，要左日本和牛壽喜燒，啲牛肉新鮮肥美嫩口，個湯同啲菜同好鮮甜。仲有個訂座加推，我揀左生豪，有配埋醬汁，普普通通無咩特別。一定要試既係迷你鰻魚丼，新鮮熱辣辣既鰻魚配上鰻魚汁非常入味，個汁甜甜地配飯食好出色。雖然我唔係好食得辣，但佢既韓國蜂蜜芥末炸雞真係唔錯，熱辣辣嘅炸雞配埋蜂蜜醬辣中有點甜。不得不提既仲有芝麻雞翼，香口嫩滑，超級好味。仲有個網紙蝦卷好似春卷咁既，皮脆多料，值得一試。之後仲叫左瑞士汁雞翼，但有少少似滷水雞翼，不過都好入味，但略兼整得太淋。仲叫左鰻魚壽司同花之戀，鰻魚黎講鰻魚丼既鰻魚比較好食，而花之戀都正常發揮。

今日難得放假，約埋三五知己去左旺角呢間叫神戶屋日韓放題食晚飯。入到去地方5算大，但店內氣氛不錯，店員都好有禮貌地招待我地入座。人均百幾二百一位，兩小時任食，價錢正常，但提供既食物種類就令我大有驚喜。呢度5單止有正常日式放題既菜式種類，仲有得打邊爐！張細既點餐紙上面仲有期間限定既兩款火鍋，分別係日本和牛壽喜燒同韓式芝士部隊鍋，壽喜燒我係其他放題都有見過，但部隊鍋就未啦！好特別！上黎當然叫左刺身先！擺盤成隻船咁，好靚！我食左三文魚同玉子，正常水準，玉子偏厚身，好食！韓式醬燒豬頸肉，個汁好食！豬頸肉切得偏幼身，成個餸好開胃。吉列廣島蠔，呢個認真值得一試！炸到出面脆卜卜，入面熱辣辣仲有d汁流出黎，真係好好食，第二輪又忍唔住叫多幾隻。韓國一囗炸芝士，外層既炸皮超薄，一咬就係滿滿既芝士，芝味濃郁，但食多幾粒都唔會濟。迷你炸雪糕，呢個又係依間入面我覺得幾特別既菜式，細細一粒但擺盤上面有埋朱古力醬點。意外地好食！日本香芋丸，咬開超香芋頭味！松葉蟹棒天婦羅，正常水準，不過不失。朱古力心太軟，好迷你粒，如果入面有流心會再好食d。可惜已經食到飽哂，如果5係想試埋果兩個期間限定火鍋。臨走前店員仲會同我地講，走

今日夜晚去咗食真心覺得完全唔抵食而且唔成正比啲嘢食好耐先到同埋漏左好多單第一輪叫啲甜蝦一隻都冇 反而叫啲鮑片寫左一兩塊就比一大堆 比少咗唔緊要但完全比啲唔啱嘅就好無奈 而且啲赤蝦都唔新鮮 最尾啲侍應問有冇啲咩嘢食味道可以幫我地跟之後叫咗啲嘢食先開始又有一大上翻？唔知係咪特登keep住咗啲嘢食俾我揀寧願食貴20幾蚊啲放題質素好好多一個人250 我覺得佢值200左右下次一定唔會再食 好少食放題食到咁勁多嘢食都勁遲先上我覺得真係好伏下😑如果大家想食放題真係可以考慮下其他先再諗呢間其他價錢貴少少但質素選擇都多好多純粹個人意見

卡位坐得好舒服，店內播住情歌，食得特別輕鬆開心又自在。松葉蟹鉗甜蝦鮑片蟹棒希靈魚帶子等全部都無漏單🦐有光澤，其他刺身都徹底解得切雪，吃時不會重冰感，比市面放題一般的水平高。火炙三文魚腩和芝士鰻魚卷壽司看賣相食慾大提升，尤其鰻魚卷靚到5捨得食，好有心機呢燒得。🍣飯比較大，所以唔敢點太多，雖然各都係入口即溶好食但要控制住。燒有機菠蘿爆汁色靚又夠甜，感覺好清新。甜品方面我最愛這一口心太軟，真的不過甜，還有些許流入，有巧克力的小苦澀☺️朱古力牛奶樂雪條又係另一最愛，有得不停食，真係好奢侈😱事關便利店無得單賣多年了。食後感：質素唔錯，店員工作又爽手，環境夠開揚唔會逼，午餐全頓飯都不急趕，比晚上多人時更少了一份嘈吵tim正!!!

好耐無走出旺角食放題，難得同中學同學聚下,一於簡係以前成日去嘅兆萬！ 上黎睇到D 食評都5錯,野食都5差,一於試下！😋😋一去到坐底就梗係喪叫刺身先啦~拿拿臨寫完即落唸住有排等...點知落單唔洗好耐仲叫緊其他野食,就已經送到面前😍海膽刺身同生蠔都出乎意料之外地鮮甜👍又點少得三文魚,都幾厚切仲要靚條紋,有魚油香,正！仲有其他北寄貝, 帶子, 海膽,鮑片八爪魚, 蟹鉗都5錯😋仲有我最鐘意嘅蝦,哈哈哈😂分別有天使蝦刺身,甜蝦刺身同埋有頭甜蝦刺身,仲好細心有泰式汁點,酸酸甜甜👍👍🤤(原先差D想加錢轉任食，但俾友人阻止左，事關其他野食已經陸陸續續咁黎...🙈)燒物,小吃惹味嘅羊架👍,鹽燒厚切牛舌,燒鲭魚, 芝麻雞翼, 炒牛柳粒etc...燒物火喉啱啱好肉質嫩滑😋燒菠蘿！！！十級juicy 😋叫多左2轉🙈😂炸物有炸鮮奶, 榴槤波波(重榴槤味), 芋頭丸, 芝士年糕乜都齊,熱辣辣餡,好足料😍 不得不提個炸鮮奶真係整得幾出色👅仲有芝士焗扇貝, 黃金芝士燒廣島蠔...香濃嘅芝士加埋火腿稱得上為水準之作。壽司食得5算多,留肚,但一定要食黑松露珍寶帶子壽司，有濃濃嘅黑松露香味🤤🤤如果d飯少d就好🙈仲有酸酸味味

我地一行7人,明明有訂枱,去到話留左間房比我地,所謂既房係等位隔離果間房入到去,間房有陣味,門山唔埋,一直比出面人既望住,亦都好嘈(因為不停叫號碼入座,而等位既人就一直望入黎)個位置亦好似比人隔離左,好多單漏晒無黎…45分先食到一輪都幾失望…咁多放題選擇,雖然味道ok但應該無下次

經過兆萬門口，有d姐姐派傳單見到覺得幾吸引，就上來試一試門口放左個雪條櫃，又幾多款揀wor企係門口個陣，店員已經先俾紙我地點食物，真係太好喇，唔洗入到去再慢慢填睇d食物紙見到呢度d選擇種類都幾多wor，等左5-10分鐘，店員已經安排我地入去，好幸運地我地2個人有張卡位坐，見到餐廳入面唔算大，但已經full晒唔洗講，刺身一定係必點架喇，我喜歡呢度既三文魚可以一口一塊，適合咀細既我，刺身蝦有好多款真係要好好品嚐習慣左食放題要叫d壽司落肚想講牛舌同吉列蠔都係必點既尤其吉列蠔，來到熱辣辣，炸粉又唔多同埋夠薄，食落去都有蠔味食得多凍嘢要食反d熱嘢平衡下，呢個鍋有肉有菜，岩晒如果仲想加嘢食，呢度仲有火鍋紙俾你點來加嘢落去煮第二round既刺身係度食食下聽到播生日歌，原來預早book位，餐廳有得送蛋糕，好貼心丫，呢個服務好耐無見過喇呢度服務真係唔錯，有位哥哥仔會特登行埋來問我地仲有無嘢未齊又細心真係值得讚賞

今日約左好友放題「神戶屋」係兆萬8樓，要先上三樓轉電梯就可以直上，終於唔洗係樓下～排長龍迫埋一堆人。卜左8:30 上到去已經人山人海，清緊枱，好細心俾我地㨂定野食，一入去就可以入單等左陣就入得喇！第一輪就緊係刺身喇！返本丫麻刺食都有十幾款，甜蝦、角螺、北寄貝、赤蝦、象拔蚌等等....甘多選擇～正丫喂赤蝦刺身，冇頭冇尾，勁方便食，啖啖肉蟹鉗刺身，好靚仔，我第一次食放題見到咋牛舌好味，唔太薄，微微辣吉列炸廣島蠔，上枱熱辣辣應該係即炸，同沙律醬係絕配！芝士焗帶子，好食，但係唔敢食得多～要留返個肚食其他野😆焗蠔～有點縮水，配搭芝士沙律醬，唔錯第二輪刺身黎喇！帶子大大粒，絕對唔孤寒，唔似某啲鋪頭係細細粒嘅帶子仔飲品選擇不少，連最近大熱既青檸梳打水都有，平時最平一罐都5～6蚊，讚讚鋪頭好貼心，有得租充電器～～～當日好幾枱有壽司蛋糕，爆花蠟燭，仲播埋生日歌，原來4位以上就送...慶祝生日又係一個唔錯既選擇

琴日同朋友行街行到兆萬，咁岩想食放題。我個FD就話去食神戶屋，話果到既放題別樹一格，除左提供日韓放題外，仲有埋邊爐或部隊鍋添！重點係咁多野食都只不過係$263每位，認真抵到爛。上到去，我地等緊位果陣服務員就比左份menu比我地睇，等我地諗定食咩，呢個小小舉動真係方便同埋令到成件事快捷左好多，認真欣賞！我地頭輪叫左D刺身食，三文魚刺身真係好好味佢仲有樣特別服務，就係可以叫一次海膽食，水準一流！熱完身之後我地開始加把勁，叫左黃金芝士燒廣蠔，呢個簡直係極品，食落口好有口感，好似會上癮咁，我地兩個人就叫左八隻慢慢食。我地又叫左日式燒牛舌，牛舌食落口真係好有彈性，配上佢既配菜又調節得好恰當，味道十分好！我地又點左份羊架，份羊架大塊得黎又燒得好，沾D檸檬汁落去，食落有種少少酸甜既味道，口感一流！我地食到飽飽地，就叫左份朱古力心太軟，呢樣好難得嫁！因為無幾間放題有咁多款既甜品供客人選擇，心太軟細細粒咁好方便入口，一放落口果陣朱古力慢慢滲出黎，滋味令人難忘。食完咁多野我地都只係付出左二百幾蚊，認真抵食！下次我一定會再黎！

係香港要搵放題其實唔難，隨手Google下就有林林總總唔同嘅放題選擇。我同個朋友好耐無食過放題，而且基於交通既便利，於是前幾日就約左去旺角神戶屋，一間位於兆萬中心8樓既日韓式放題。咁我地就book閒日去食嘅，不過一上到見到好多人既關係，諗住一定有排等啦，不過好彩店員知道我地有booking，一上去就有位安排好，我地隨即放低袋就睇下佢有咩食物揀，咁基本都係大類野，例如係魚生刺身，壽司，燒物同埋炸物為主。我地選擇了套餐A, 包括有生蠔半打同埋海膽一板, 連同其他刺身一併order。另外，值得一題係，因為神戶屋係一間日韓式放題，所以會比平常日本放題多了韓國食物嘅選擇，咁我地都揀左人參雞湯。食刺身最緊要就係新鮮，果然佢地無令到我地失望，刺身新鮮，海膽入口即溶，而我最喜歡既甜蝦，既新鮮，肉汁又鮮嫩,不錯。重點來了, 蠔蠔食,好好食, 極肥美又新鮮。搭配埋個source, 一絕。入口十分juicy, 如果可以下次黎,一定會加$85任食生蠔。芝士蝦, 芝士帆立貝, 芝士蠔, 如果你是芝士控的話, 必試。好味又唔膩燒菠蘿, 牛舌, 岩岩好, 唔會太熟太油。黑松露搭配刺身壽司, 口感味道十分搭配, 而且

朋友 book 咗神戶屋請我食放題！請食飯原因全因為一鋪賭氣，朋友話，如果占卜到佢家夫做邊行，就請我食飯！結果我一吓就講中，願賭服輸啦！好野！有人請食飯！\(^0^)/刺身併盤一上枱，嚇一跳，吓？竟然有海膽！不單只有海膽，重有生蠔！嘩！放題好少有生蠔同海膽喎...當食完想話再點，餐單上係無哩兩款點選，問問朋友點解嘅，原來佢話要打電話訂枱先有哩d優惠架，詳情我無問清楚，朋友已經請食飯，費事問長問短啦。海膽同魚生，蝦刺身都好新鮮，第一次食放題有四款不同嘅蝦刺身，我最中意泰式生蝦刺身，可能中意佢形狀，琵琶形好吸引，另外生蠔亦十分出色，滑，有蠔味，份量夠大，滿意。羊架望上去以為燒得過火，但原來食落有肉汁好 juicy 唔乾身喎.朋友唔想食羊，想食牛，於是乎點咗個牛肉火鍋，食底清甜，牛肉煮耐少少，口感都唔會太老。壽司唔係太大件，啱哂啦，留肚食其他食物嘛.....差d唔記得講一件重要事，餐廳冷氣夠！PS : 唔係我自誇，我占卜最勁係睇工作，十次有九次中！(哩d唔係自誇咁係咩啫，低能仔！)

Decided to try another all you can eat restaurant today since we cannot decide what to have for dinner tonight...we came back to the same building with a lot of these type of restaurant and picked the one below it. This time, the restaurant focuses more on the Korean food type...once we sat down, we had the option between two for a hot pot and since I saw better comment on the Japanese one, we picked the Japanese style. The pick was great, as the soup base was delicious and the veggie melted wit

環境好嘈，卡位要同人share，食物一般，連最普通的三文魚生都唔鮮，蟹鉗肉係梅的，炸物唔熱，炸芝士年榚外面凍，裡頭仲凍，炸鮮奶ok好味，炸芝麻雞亦都夠熱，還算ok，wasabi 太哽，用即棄膠杯仔裝豉油，茶餐廳feel，只送2份的海膽都可以，算鮮味，茶水自己係暖水壺斟，唔熱，膠杯又係茶餐廳，入單甩漏多，張落單紙明明係寫燒雞軟骨串，來到係炸雞軟骨，waiters 都算有禮貌。我所點的食物有一半都係麻麻，成件事係茶餐廳放題，老實說唔會再去