神戶屋日韓放題

營業中

休息中

今次去咗兆萬中心食，真係好少搭𨋢上去食野🤣，因為呢棟野其他餐廳都出哂名架啦🤭而且樓下又多人派傳單，不過有朋友介紹呢間放題都唔錯，所以就去試吓佢😳呢度$229一位，食兩個鐘，價錢都合理，而啲座位都係四人卡位為主，所以我哋兩個人坐得都舒服😌，而呢度有三款鍋物俾我地揀，仲有可以揀食海膽同生蠔，每人有一份quota😆和牛壽喜燒啲牛肉望落都係ok，食落唔韌，有驚喜😀個湯夠味，啲食材唔駛豉油都好食，而且呢度有啲火鍋配料，肥牛，雞件都有嗌，咁就唔會嘥咗個鍋啦刺身拼盤份量絕對跟足你order，樣樣都合乎標準，望落都光澤，而且啲海膽都好濃郁，冇臭😝生蠔好正👍🏻👍🏻食完冇唔舒服鐵板一口牛好香口，啲牛肉嫰，唔韌，都值得一食😀串燒牛舌夠厚身，蝦夠彈牙唔霉👍🏻，羊扒大大夠，有羊味但啲肉比較散啲芝麻雞翼&韓式雞軟骨雞翼表面香脆，內裏juicy🤤，雞軟骨個味道有，不過啲粉厚咗啲龍蝦濃湯烏冬份量都係有三 四啖度，但龍蝦肉有驚喜，都幾多同爽口😆😆啲食物嚟得齊，嚟得快，味道唔錯，服務非常好，收紙仔同執走啲碟都好自動波，呢個真係值得一讚👍🏻👍🏻

好明顯呢間野係買好評刺生係完全唔新鮮以為熟食都唔會難食得去邊 點知都係好難食😑落單出野好慢最後埋單更加無端端每人加左20蚊 唔主動問佢嘅話應該俾昆咗未食過咁鬼難食既放題 佢真係第一間😑唔會有下一次

朋友心血來潮想食放題。揀呢間位於兆萬中心嘅日韓放題，貪佢有埋任食打邊爐(雖然我哋最後都係冇叫到)地方唔大但好骨緻，坐得好舒服。一坐低就奉上各三款前菜同醬料。每人送嘅一客海膽或者生蠔，因為我哋都唔太好，居然冇要到。剔咗一輪想食嘅嘢，冇幾耐就陸續上枱。首先登場嘅係刺身拼盤，全部食材都好新鮮，三文魚入口即溶，蝦好鮮甜，帶子夠嫩滑。壽司我哋嗌咗好多款。三文魚壽司肥而不膩，牛油果軟殼蟹夠fresh，辣味螺肉軍艦唔係好辣，蒲燒鰻魚好香口…輪到至愛嘅炸物。榴蓮炸彈咬開真係好香榴蓮味，鍾意食榴蓮又鍾意食炸嘢嘅實唔停得口。日本香芋丸軟綿綿嘅口感似食緊香芋味雪糕。芝士年糕一咬開啲芝士流晒出嚟…芝麻雞翼同明太子雞翼表皮好香脆，肉質好嫩好入味。明太子雞翼一咬開滿滿嘅明太子…當然唔少得啤酒汽水任飲，甜品雪糕任食。除咗有見慣見熟嘅牌子之外，仲有啲喺超市未見過馬拉牌子橙汁呢。價錢合理，質素不俗，最後我哋都係捧住個肚落樓，下次想食放題不妨試下呢間。

早排喺Youtube睇咗「乜page」嘅新晉youtuber「活著suffer」介紹去咗呢間喺旺角嘅神戶屋食放題！推薦大家都睇下佢哋，真係好搞笑呢！其實我平時都好少食放題，因為覺得啲嘢食質素都應該麻麻哋，但食完呢間，我對放題改觀咗，原來嘢食質素都OK架喎！ 呢到嘢食嘅種類好齊，有勁多款式！原來而家有個期間限定，每枱會送一個鍋物先，我哋揀咗日本和牛壽喜燒！等咗十五分鐘左右就上到！老實講牛肉唔係入口即化嗰啲，但都食得落口！湯底如果再甜啲會更好！一開頭先食一個刺身拼盤，店員有問使唔使整個雜錦俾我哋先，我哋見有啲嘢唔食就決定自己tick返！刺身大部分都好新鮮！冇乜腥味，海膽亦算甜！食完刺身就開始食熟食喇，火炙壽司都好食！表面燒一燒，啲魚嘅油份出晒嚟，好香口！帶有韓式味道嘅牛柳粒，唔同之前食開嗰啲淨係落少少鹽去炒嗰種，呢到係偏向帶點甜味，同埋有蘿蔔一齊炒！燒蝦嘅蝦殼有點痴身，牛舌ok！芝士焗嘅帶子都very good牛油粟米夠晒甜，食唔停口！炸雞軟骨好鬆脆，調味剛剛好，唔會死鹹！Häagen-Dazs杯裝雪糕任食！正呀！唔鐘意大大桶要自己「不」嗰啲！總括嚟講，呢間放題普遍食物水準都唔錯，都值得嚟

好耐無食過放題啦！所以今晚我同朋友決定去大食一餐😆😆😆位於兆萬中心8樓既神戶屋日式放題，呢度地方唔算好大，但好骨致，全部卡位，坐得好舒服😌即叫即整，淨係order紙都有10大類👍真係任君選擇，總有一款啱你口味🤣最特別既係呢度仲可以打邊爐架！係打邊爐！有個迷你鍋俾你，可以撰湯底，配料，不過由於我地兩個戰鬥力有限，所以就無嗌啦🙈因為我同我朋友唔太好生野，所以叫咗唔多款魚生，只係叫咗三文魚，甜蝦，帶子，象拔蚌，鮑魚片， 蟹柳。樣樣都好新鮮同鮮甜，而且三文魚切得好厚身，食落去好有質感😋另外呢度既火炙壽司真心好推介🥰火炙岩鹽燒三文魚腩壽司，火炙沙律燒三文魚腩壽司，火炙芝士燒三文魚腩，三文魚腩燒到好香，一咬落去，入口即溶，一啲都唔油膩，因為係不飽和脂肪，健康又好食🥰真係不能一一盡錄，有機會就黎試下啦！以一個價錢任飲任食，抵！

同朋友星期六去旺角行街，經過兆萬，有人派傳單介紹依間放題，行到攰想坐下又肚餓，就決定嘗試下。餐廳裝修正常，光猛乾淨，窗邊既卡位好闊，夠曬位。果日唔多人，所以都被安排左坐係卡位。侍應一坐低就提我地可以快d落左魚生船同壽喜燒先，仲即刻上左配菜同醬汁，服務唔錯。配菜有幾種唔同款，味道一般，食左少少中華沙律，留番個胃食其他野～飲品選擇幾多，我仲簡左荔枝烏龍茶，甜甜地但又唔怕太膩。食日式放題就一定有魚生船，送到過來既件數比我地叫既仲有多左。全部魚生都色澤鮮豔，夠凍夠新鮮。d甜蝦特別鮮甜，肉質算彈牙，唔會好水咁。壽喜燒賣相好靚，好多牛。食落湯底幾香，仲有麻油味。炸物新鮮出爐，熱辣辣，特別好食既係炸榴連。裡面有一絲絲榴連肉，又脆內軟，好香好好味仲叫清酒煮蜆，好多蜆，多汁，鮮甜。火灸壽司既飯同魚生既比例岩岩好，可以一啖一舊，表面燒到焦香。仲叫左一口牛柳粒，牛既質地夠稔，而且唔痴牙，調味好夠，另外既配菜都好味，特別係薯仔係焗薯，正。叫多個通菜，賣相靚，食落稍咸但唔辣。食左個焗蝦，好多沙律醬，外面燒到焦香，好味。牛油焗菇，好香牛油味。最後因爲太飽，所以無食到，但見到冰櫃都有幾多簡擇。整體既質素好，侍應服務

真係好耐冇食過放題，因為放題真係唔係間間好食，好容易中伏！但我朋友就極力推介呢間放題叫我要試一試，咁我就信佢去試一次啦！依間放題以日韓菜式做賣點，一坐低已經問我地要日式壽喜燒定韓式部隊鍋，仲叫我地可以揀定刺身，觀輪落單師博會優先處理，等我地唔洗等咁多，非常細心！另外一個細心位就係枱面一早預備左三款前菜，仲有三種醬料分別係雞醬、沙律醬同豉油，放題仲每人送一客海膽或者生蠔，我就揀左海膽，味道濃郁鮮甜，整體刺身水準唔錯，魚同蝦都好好，係蟹鉗無咩味，可以忽略。日式壽喜燒湯底夠濃，唔似其他放題限制一鍋鍋咁嗌，火鍋嘅配料可以隨意追加，根本就係任食打邊爐，正！壽司好有驚喜，平時放題啲壽司飯一係好硬一係就好重醋味，依度就岩岩相反，咬落啲飯唔會好實，件軍艦塊紫菜仲要係脆既，抵讚！熟食普遍都幾好味，炒銀芽同鐵板馬拉盞通菜都好惹味，炸物串燒亦都交足功課，燒菠蘿香甜多汁，嗌左幾轉！飲品選擇好多，但就無無糖茶，好在仲有自助既熱水熱茶，幫助消化，甜品仲有我最愛既豆腐花，正！最後埋單，每人$250都唔洗，性價比好高，我朋友真係無介紹錯，呢間放題真係唔講得笑，無論食物服務價錢各方面都做得好好，下次想食放題都會翻兜依間

有驚喜的一次放題！早幾日同朋友去撐枱腳，第一盤魚生已隨人數送上生蠔，生蠔味道當然唔可以同五星級酒店相比，但放題之中算係質素好好，好有生蠔嗰種鮮甜味。可惜唔記得影相放題不得不提的是魚生，所有刺身都新鮮而且味道不錯，最難忘係巨型帶子壽司，真係同逐碟叫的壽司店有得比。呢間放題仲好多好有特色的熟食，例如避風塘一口豆腐、韓式雞軟骨、泰式鳳爪、韓式炒粉絲等，重點！重點！重點係呢間放題，連韓式炸雞同打邊爐都有！啱晒一家大小、鍾意食唔同菜式、不同口味的GATHERING！

今日個朋友話想試試放題，於是就隨便揀咗呢間神户屋。一入到去，侍應已經熱情咁幫我地安排位置，而且場內左邊全部都係卡位，望落好整齊好舒服。坐低咗之後，已經會自動安排一份特選刺身拼盤，當中包括有三文魚、生蝦、希靈魚、天使蝦、八瓜魚等。三文魚一入口就有種肥美鮮甜嘅口感，當刻忍唔住鯨吞咗幾舊，口感好豐富，三文魚好似係口腔溶化咗咁，而且細心一睇，脂肪比例都好完美，只有三文魚腩先會有呢個特點，亦難怪會令人食指大動。 值得一提嘅，係個希靈魚夠爽口。有時出去食，總係有一兩種刺身會有種冰得太耐或者霉咗嘅感覺。呢度恰恰相反，個希靈魚除咗爽口新鮮外，不妨留意埋個魚身，每塊色澤都成色均勻，實屬上等貨。老實講，日式料理有時候唔會烹調，就係因為食材上乘新鮮。我地仲叫咗鹽燒牛舌、温泉蛋，呢啲都比出面其他放題店好食，唔會太咸，所以口感同味道都啱啱好。神户屋不論食材同埋服務態度上都份外用心，係值得一試嘅。

今日同朋友食生日飯，諗住去食燒肉無位，咁我們改食放題，決定食呢間，因為之前同朋友食過，記得都幾好食，我攞住蛋糕上去先，朋友未到，服務員都好有禮貌幫我攞蛋糕雪住先，安排我入座，坐低左，我當然即時叫魚生先，同埋出去攞野飲，有水蜜桃🍑野飲，我既最愛朋友黎到岩岩好魚生到，我們叫左炸物，壽司，食到咁上下，我就叫服務員上蛋糕，佢地知我想比驚喜朋友，佢哋好配合，當他們送上蛋糕，又放生日歌。服務員好好，佢地好主動幫我們影相合照，又請我們食雪糕 haagen dazs👍🏻👍🏻

今日難得齊人又有時間 就同呀爸呀媽一齊黎食放題入到去第一時間緊係叫番大大碟嘅魚生拼盤 趁夠肚餓同佢擦餐勁嘅😁😁 由於3個人嘅關係 放左上碟嘅刺身數量都比較多 比起上次我同friend 2個人去食多好多 望落好靚好震撼😍😍 而且全部都係非常新鮮 好甜 又雪得夠冰凍 正！！然後就叫左一大堆炸物同熟食 基本上全部都好滿意 一樣都冇失手 其中我嘅最愛就絕對係燒羊架啦 比得好闊綽 大大舊 仲要有好多肉 而且肉質嫩滑 冇羶味 好欣賞其他我就吾一一細數啦 總之一個字 全部讚！😍食飽飽之後當然就係我另一個胃大派用場嘅時候 要食甜品！ 我瘋狂叫佢個心太軟蛋糕 由於佢係mini size 食多多都得🤣🤣 佢入面就冇朱古力流心嘅 不過係好濃好濃嘅朱古力蛋糕 但仍然好好味 我中意 最後再食左多枝melona雪條 好完美嘅一餐🤪

坊間咁多間放題，神戶屋係其中一間我最常食既放題，因為地點就腳，價錢合理，食物質素不錯，訂座仲有海膽同生蠔兆萬中心有好多放題選擇，個人認為呢間放題水準較平均食放題重點一定係刺身，餐廳有首輪點餐既刺身紙，梗係每樣刺身都要試下刺身非常新鮮，而且大大件，最喜愛帆立貝，真係隻隻都大大粒！蟹腳同赤海蝦都好正！最鐘意呢間放題有海膽同生蠔送，少食多滋味好新鮮好滿足壽司選擇亦有好多，用料仲好珍貴，黑松露、海膽都有，但食唔到咁多飯，叫一兩舊就夠熟食方面都唔輸蝕，呢間放題熟食都有好多選擇，中日韓泰都有個人好鐘意食炒蜆，呢間店淨係炒蜆都有幾種選擇，避風塘、韓式、清酒，真係總有一款啱心水炸物都係我既最愛！除左有炸榴連之外，佢呢度仲有炸鮮奶同炸香蕉！！！全部新鮮炸起外脆內軟，好好味韓式炒粉絲呢度甜品係自取形式，有好多款細細杯比你慢慢揀，旁邊仲有雪糕同雪米糍，仲可以點心太軟，果晚食左好多甜品整體覺得神戶屋食物味道價錢的水準較高，所以約朋友食放題都會推薦神戶屋，不錯

神戶屋跟極上帝王水產兩間店舖原來是在同一地點上下。但進店時會同時見到兩家點的餐牌，似是同一個集團的。這放題店似是小店家運作，壽司魚生部門細小。這店的食物質素卻比一般的放題為差。淡而無味，魚生亦不新鮮。飲品主要只有罐裝的。梅酒清酒需另外加錢。熟食大碟卻無味。女友吃完後，不知為何胃有不適。但兩間店在OpenRice 的食評也出奇地高我深信絕對比這家點店好食的大有所在兩家店絕對有理由相信有買好評之嫌。 唯一可取的是店員服務態度很好

今日同朋友想少少哋食下日本野。但係你知道依家啲正經日本嘅價錢都唔係平，有時候與其坐低佢點一啲日本嘢食，不如去食一啲放題價錢，可能仲抵食到嘅嘢眾多質素仲要唔差添！環境的話其實位置比較窄小，每個人比較坐得親密🤣當然這個也不是什麼問題的，因為我們其實已經在這個價錢預料到會有這個情況。 一上到嚟咩都唔使講佢就上咗個海膽同埋生蠔俾我哋食。個生蠔鮮味都幾足嘅。當然係呢啲地方就唔好旨意食到啲超級高品質嘅生蠔，但是我吃了之後也沒有肚痛我覺得其實還不錯👌安格斯一口牛。沒有想到可以有這麼大的份量牛肉！很入味我覺得還不錯吃，特別要說一下那個土豆非常的好吃、非常之林，還有他的土豆香可以在嘴中蔓延非常的好！特別要盛讚這個牛舌，牛舌超級超級超級好吃！我自己非常喜歡還點了兩三回覺得很好。刺身拼盤當然不用說！我覺得刺身還挺新鮮的而且三文魚也看出肥脂非常之分明，很好吃其他還有各種各樣的東西可以吃不只是西式的還有些中式的炒餸我覺得都很不錯！只可以說這個是很適合平民百姓吃的放題，價錢好，味道不錯，環境雖然一般但是滿足到口腹之欲。最後還可以吃很好吃的韓式芝士蛋糕雪糕好好吃呢！

今日比朋友夾黎呢度食好西！本身對放題麻麻地，結果果日真係超級驚喜！首先入到去，店員好好咁比左個卡位我地。點餐紙係張枱嘅側邊，每一樣食品分好左類，方便我哋拎起點，完全唔適合我哋呢啲一點就點好多嘢食嘅人。食物都有超多款選擇，我呢啲選擇困難症嘅人，拎起張餐紙諗勁耐！因為真係樣樣都想食，刺身火鍋炸物卷物熟食都有！因為朋友仔佢哋都鍾意食刺身，所以一黎就叫個大刺身食，有諗過可能叫完個刺身，份量係得少少，點知足料，又真係可以每個人都可以食好多，十分滿意。之後都仲有個火鍋超級足料，有好多肉起入面肉食獸嘅人一定超級滿足。飲品方面，飲料都幾齊全，果汁，茶，氣水甚至湯水都有！點左個人參雞湯，美味一分，對唔中意飲氣水果汁既朋友強推！飲品附近仲有好多好多甜點選擇，多款唔同味既慕絲，雪糕，仲有豆腐花！識食既朋友，仲可以食門口更高級既雪糕雪條選擇！總結，如果一大班朋友去食野，呢度真係一個好選擇。